ಚಾಮರಾಜನಗರ | ಹೆಚ್ಚಿದ ಪ್ರವಾಸಿಗರು; ಚೇತರಿಸಿದ ಪ್ರವಾಸೋದ್ಯಮ

ಪ್ರತಿ ವರ್ಷ ಮಳೆಗಾಲದಲ್ಲಿ ಜಿಲ್ಲೆಯ ಪ್ರಸಿದ್ಧ ಜಲಪಾತಗಳಾದ ಭರಚುಕ್ಕಿ ಮತ್ತು ಹೊಗೆನಕಲ್‌ಗಳಿಗೆ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಭೇಟಿ ನೀಡುತ್ತಾರೆ. ಆದರೆ ಕಳೆದ ವರ್ಷ ಮಳೆ ಕೊರತೆ ಇದ್ದುದರಿಂದ ಕಾವೇರಿ ನದಿ ಮೈತುಂಬಿ ಹರಿಯಲಿಲ್ಲ. ಹೀಗಾಗಿ ಜಲಪಾತಗಳಿಗೂ ಜೀವ ಕಳೆ ಬಂದಿರಲಿಲ್ಲ.  2022ರಲ್ಲಿ ಹೊಗೆನಕಲ್‌ ಜಲಪಾತದಕ್ಕೆ 57813 ಮಂದಿ ಭೇಟಿ ನೀಡಿದ್ದರು. ಕಳೆದ ವರ್ಷ ಈ ಸಂಖ್ಯೆ 51482ಕ್ಕೆ ಇಳಿದಿತ್ತು. ಶೇಕಡವಾರು ಲೆಕ್ಕಚಾರದಲ್ಲಿ ಪ್ರವಾಸಿಗರ ಸಂಖ್ಯೆಯಲ್ಲಿ 10.95 ರಷ್ಟು ಇಳಿಕೆಯಾಗಿದೆ.  2022ರಲ್ಲಿ ಭರಚುಕ್ಕಿ ಜಲಪಾತದ ಜಲವೈಭವವನ್ನು 4.80 ಲಕ್ಷ ಮಂದಿ ಕಣ್ತುಂಬಿಕೊಂಡಿದ್ದರು. 2023ರಲ್ಲಿ ಪ್ರವಾಸಿಗರ ಸಂಖ್ಯೆ 4.47ಲಕ್ಷಕ್ಕೆ ಕುಸಿದಿದೆ. ಅಂದರೆ ಶೇ 6.95ರಷ್ಟು ಇಳಿಕೆಯಾಗಿದೆ.