<p><strong>ಹುಬ್ಬಳ್ಳಿ: </strong>ಬೆಂಗಳೂರು ಮೂಲದ ‘ಗ್ರೀನ್ ರಿಸೈಕ್ಲೊ ಪ್ಲಾಸ್ಟ್’ ಕಂಪನಿ ಅಭಿವೃದ್ಧಿಪಡಿಸಿರುವ ಕಾಂಪೋಸ್ಟ್ ಯಂತ್ರದ ಪ್ರಾತ್ಯಕ್ಷಿಕೆ ನಗರದ ಮುನವಳ್ಳಿ ಪಾಲಿಟೆಕ್ನಿಕ್ನಲ್ಲಿ ಬುಧವಾರ ಜರುಗಿತು.</p>.<p>ಕಂಪನಿಯ ಪಾಲುದಾರ ಎಂ.ಡಿ. ರವಿ ಮಾತನಾಡಿ, ‘ಪ್ಲಾಸ್ಟಿಕ್, ಕಬ್ಬಿಣ, ರಬ್ಬರ್ನಂತಹ ವಸ್ತುಗಳನ್ನು ಹೊರತುಪಡಿಸಿ ಹೋಟೆಲ್, ಹಾಸ್ಟೆಲ್, ಕಲ್ಯಾಣ ಮಂಟಪ, ಮಾರುಕಟ್ಟೆಗಳ ತ್ಯಾಜ್ಯವನ್ನು ಈ ಯಂತ್ರದಿಂದ ಕಾಂಪೋಸ್ಟ್ ಗೊಬ್ಬರವಾಗಿ ಪರಿವರ್ತಿಸಬಹುದಾಗಿದೆ’ ಎಂದರು.</p>.<p>‘100 ಕೆ.ಜಿ.ಯಿಂದ ಒಂದು ಟನ್ ಕಸವನ್ನು ಗೊಬ್ಬರವಾಗಿ ಪರಿವರ್ತಿಸುವ ಯಂತ್ರಗಳನ್ನು ಅಭಿವೃದ್ಧಿಪಡಿಸಲಾಗಿದೆ. 100 ಕೆ.ಜಿ. ಸಾಮರ್ಥ್ಯದ ಯಂತ್ರಕ್ಕೆ ತ್ಯಾಜ್ಯ ಹಾಕಿದರೆ, 14ರಿಂದ 24 ತಾಸಿನಲ್ಲಿ 25ರಿಂದ 30 ಕೆ.ಜಿ ಗೊಬ್ಬರ ತಯಾರಾಗಲಿದೆ. ತ್ಯಾಜ್ಯಕ್ಕೆ ಪೂರಕವಾಗಿ ಕಟ್ಟಿಗೆ ಪುಡಿಯನ್ನು ಹಾಕಬೇಕು’ ಎಂದು ಹೇಳಿದರು.</p>.<p>‘ಶಬ್ದ ಮಾಡದ, ದುರ್ವಾಸನೆ ಬೀರದ ಈ ಯಂತ್ರ ಪರಿಸರ ಸ್ನೇಹಿಯಾಗಿದೆ. 100 ಕೆ.ಜಿ ಸಾಮರ್ಥ್ಯದ ಯಂತ್ರಕ್ಕೆ ₹7.5 ಲಕ್ಷ ಬೆಲೆ ನಿಗದಿಪಡಿಸಲಾಗಿದೆ. ಯಂತ್ರಗಳ ಸಾಮರ್ಥ್ಯಕ್ಕೆ ತಕ್ಕಂತೆ ಬೆಲೆ ಇದೆ. ಸದ್ಯ ಬೆಂಗಳೂರಿನ ಕೆಲ ಕಲ್ಯಾಣ ಮಂಟಪಗಳಿಗೆ ಯಂತ್ರಗಳನ್ನು ಮಾರಾಟ ಮಾಡಲಾಗಿದೆ’ ಎಂದು ಮಾಹಿತಿ ನೀಡಿದರು.</p>.<p>ಕೆಎಲ್ಇ ಸಂಸ್ಥೆಯ ನಿರ್ದೇಶಕ ಶಂಕರಣ್ಣ ಮುನವಳ್ಳಿ, ‘ಸಂಸ್ಥೆ ವತಿಯಿಂದ ಯಂತ್ರ ಖರೀದಿಸಲು ಚಿಂತನೆ ನಡೆಸಲಾಗಿದೆ. ಗೊಬ್ಬರವನ್ನು ಕ್ಯಾಂಪಸ್ನ ಉದ್ಯಾನಗಳಿಗೆ ಬಳಸಿಕೊಳ್ಳಲಾಗುವುದು’ ಎಂದರು.</p>.<p>ಪ್ರಾಚಾರ್ಯರಾದ ಡಾ. ಪ್ರಕಾಶ ತೇವರಿ, ವೀರೇಶ ಅಂಗಡಿ, ಡಾ. ಎಂ.ಐ. ಪಟ್ಟಣಶೆಟ್ಟಿ, ವಿ.ಆರ್. ವಾಘಮೋಡೆ, ಪ್ರೊ. ವೆಂಕಟೇಶ ಸಣಗೌಡರ, ಎಂ.ಆರ್. ಪಾಟೀಲ ಹಾಗೂ ಬಿಜೆಪಿ ಮುಖಂಡ ವಿಜಯಾನಂದ ಹೊಸಕೋಟಿ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ: </strong>ಬೆಂಗಳೂರು ಮೂಲದ ‘ಗ್ರೀನ್ ರಿಸೈಕ್ಲೊ ಪ್ಲಾಸ್ಟ್’ ಕಂಪನಿ ಅಭಿವೃದ್ಧಿಪಡಿಸಿರುವ ಕಾಂಪೋಸ್ಟ್ ಯಂತ್ರದ ಪ್ರಾತ್ಯಕ್ಷಿಕೆ ನಗರದ ಮುನವಳ್ಳಿ ಪಾಲಿಟೆಕ್ನಿಕ್ನಲ್ಲಿ ಬುಧವಾರ ಜರುಗಿತು.</p>.<p>ಕಂಪನಿಯ ಪಾಲುದಾರ ಎಂ.ಡಿ. ರವಿ ಮಾತನಾಡಿ, ‘ಪ್ಲಾಸ್ಟಿಕ್, ಕಬ್ಬಿಣ, ರಬ್ಬರ್ನಂತಹ ವಸ್ತುಗಳನ್ನು ಹೊರತುಪಡಿಸಿ ಹೋಟೆಲ್, ಹಾಸ್ಟೆಲ್, ಕಲ್ಯಾಣ ಮಂಟಪ, ಮಾರುಕಟ್ಟೆಗಳ ತ್ಯಾಜ್ಯವನ್ನು ಈ ಯಂತ್ರದಿಂದ ಕಾಂಪೋಸ್ಟ್ ಗೊಬ್ಬರವಾಗಿ ಪರಿವರ್ತಿಸಬಹುದಾಗಿದೆ’ ಎಂದರು.</p>.<p>‘100 ಕೆ.ಜಿ.ಯಿಂದ ಒಂದು ಟನ್ ಕಸವನ್ನು ಗೊಬ್ಬರವಾಗಿ ಪರಿವರ್ತಿಸುವ ಯಂತ್ರಗಳನ್ನು ಅಭಿವೃದ್ಧಿಪಡಿಸಲಾಗಿದೆ. 100 ಕೆ.ಜಿ. ಸಾಮರ್ಥ್ಯದ ಯಂತ್ರಕ್ಕೆ ತ್ಯಾಜ್ಯ ಹಾಕಿದರೆ, 14ರಿಂದ 24 ತಾಸಿನಲ್ಲಿ 25ರಿಂದ 30 ಕೆ.ಜಿ ಗೊಬ್ಬರ ತಯಾರಾಗಲಿದೆ. ತ್ಯಾಜ್ಯಕ್ಕೆ ಪೂರಕವಾಗಿ ಕಟ್ಟಿಗೆ ಪುಡಿಯನ್ನು ಹಾಕಬೇಕು’ ಎಂದು ಹೇಳಿದರು.</p>.<p>‘ಶಬ್ದ ಮಾಡದ, ದುರ್ವಾಸನೆ ಬೀರದ ಈ ಯಂತ್ರ ಪರಿಸರ ಸ್ನೇಹಿಯಾಗಿದೆ. 100 ಕೆ.ಜಿ ಸಾಮರ್ಥ್ಯದ ಯಂತ್ರಕ್ಕೆ ₹7.5 ಲಕ್ಷ ಬೆಲೆ ನಿಗದಿಪಡಿಸಲಾಗಿದೆ. ಯಂತ್ರಗಳ ಸಾಮರ್ಥ್ಯಕ್ಕೆ ತಕ್ಕಂತೆ ಬೆಲೆ ಇದೆ. ಸದ್ಯ ಬೆಂಗಳೂರಿನ ಕೆಲ ಕಲ್ಯಾಣ ಮಂಟಪಗಳಿಗೆ ಯಂತ್ರಗಳನ್ನು ಮಾರಾಟ ಮಾಡಲಾಗಿದೆ’ ಎಂದು ಮಾಹಿತಿ ನೀಡಿದರು.</p>.<p>ಕೆಎಲ್ಇ ಸಂಸ್ಥೆಯ ನಿರ್ದೇಶಕ ಶಂಕರಣ್ಣ ಮುನವಳ್ಳಿ, ‘ಸಂಸ್ಥೆ ವತಿಯಿಂದ ಯಂತ್ರ ಖರೀದಿಸಲು ಚಿಂತನೆ ನಡೆಸಲಾಗಿದೆ. ಗೊಬ್ಬರವನ್ನು ಕ್ಯಾಂಪಸ್ನ ಉದ್ಯಾನಗಳಿಗೆ ಬಳಸಿಕೊಳ್ಳಲಾಗುವುದು’ ಎಂದರು.</p>.<p>ಪ್ರಾಚಾರ್ಯರಾದ ಡಾ. ಪ್ರಕಾಶ ತೇವರಿ, ವೀರೇಶ ಅಂಗಡಿ, ಡಾ. ಎಂ.ಐ. ಪಟ್ಟಣಶೆಟ್ಟಿ, ವಿ.ಆರ್. ವಾಘಮೋಡೆ, ಪ್ರೊ. ವೆಂಕಟೇಶ ಸಣಗೌಡರ, ಎಂ.ಆರ್. ಪಾಟೀಲ ಹಾಗೂ ಬಿಜೆಪಿ ಮುಖಂಡ ವಿಜಯಾನಂದ ಹೊಸಕೋಟಿ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
