<p><strong>ದಾವಣಗೆರೆ: </strong>ಕಳೆದ ವರ್ಷಾಂತ್ಯದಲ್ಲಿ ಒಂದು ಕೆ.ಜಿ. ದೊಡ್ಡ ಗಡ್ಡೆಯ (ಫಸ್ಟ್ ಗ್ರೇಡ್) ಈರುಳ್ಳಿ ಬೆಲೆ ಸಗಟು ಮಾರುಕಟ್ಟೆಯಲ್ಲೇ ₹ 160ರ ಗಡಿ ದಾಟುವ ಮೂಲಕ ಗ್ರಾಹಕರಿಗೆ ಕಣ್ಣೀರು ತರಿಸಿದ್ದರೆ, ಈ ವರ್ಷವಾದರೂ ಲಾಭ ಸಿಕ್ಕೀತು ಎಂಬ ‘ಹೊಂಬೆಳಕು’ ರೈತರ ಕಣ್ಣಲ್ಲಿ ಪ್ರತಿಫಲಿಸಿತ್ತು.</p>.<p>ಒಂದು ತಿಂಗಳಲ್ಲೇ ಚಿತ್ರಣ ಬದಲಾಗುತ್ತಿದೆ. ದಿನೇ ದಿನೇ ಕುಸಿಯುತ್ತಿರುವ ಈರುಳ್ಳಿಯ ಬೆಲೆ ಗ್ರಾಹಕರಲ್ಲಿ ಹರ್ಷವನ್ನು ಮೂಡಿಸಿದೆ. ಜೊತೆಗೆ ಲಾಭದ ಕನಸು ಹೊತ್ತು ಹಿಂಗಾರು ಹಂಗಾಮಿಗೆ ಈರುಳ್ಳಿ ಬಿತ್ತಿದ ರೈತರ ಮನದಲ್ಲಿ ಆತಂಕದ ಬೀಜ ಮೊಳಕೆಯೊಡೆಯುತ್ತಿದೆ!</p>.<p>ಅಕ್ಟೋಬರ್–ನವೆಂಬರ್ನಲ್ಲಿ ಮಳೆಗೆ ಸಿಲುಕಿ ಈರುಳ್ಳಿ ಬೆಳೆ ಭಾರಿ ಪ್ರಮಾಣದಲ್ಲಿ ಹಾನಿಯಾಗಿ ರೈತರು ಕೈಸುಟ್ಟಿಕೊಂಡಿದ್ದರು. ಹೀಗಾಗಿ ಕಡಿಮೆ ಪ್ರಮಾಣದಲ್ಲಿ ಆವಕ ಆಗಿದ್ದರಿಂದ ದಾವಣಗೆರೆ ಸಗಟು ಮಾರುಕಟ್ಟೆಯಲ್ಲಿ ಮೊದಲ ಬಾರಿಗೆ ಒಂದು ಕೆ.ಜಿ. ಬೆಲೆ ₹ 160ರ ಗಡಿ ದಾಟುವ ಮೂಲಕ ದಾಖಲೆ ನಿರ್ಮಿಸಿತ್ತು. ನಾಲ್ಕೈದು ದಿನಗಳಲ್ಲೇ ಕೊಳೆತು ಹೋಗುತ್ತಿದ್ದ ಮಧ್ಯಮ ಗಾತ್ರದ ಈರುಳ್ಳಿಗೂ ₹ 100 ಕೊಟ್ಟು ಗ್ರಾಹಕರು ಖರೀದಿಸಬೇಕಾದ ಅನಿವಾರ್ಯತೆ ನಿರ್ಮಾಣಗೊಂಡಿತ್ತು.</p>.<p>ಇದೀಗ ಮಹಾರಾಷ್ಟ್ರ, ಮಧ್ಯಪ್ರದೇಶ, ಗುಜರಾತ್ನಿಂದ ಗುಣಮಟ್ಟದ ಈರುಳ್ಳಿ ದಾವಣಗೆರೆ ಮಾರುಕಟ್ಟೆಗೆ ಬರುತ್ತಿರುವುದರಿಂದ ದಿನೇ ದಿನೆಬೆಲೆ ಇಳಿಕೆಯಾಗುತ್ತಿದೆ. ಒಂದು ವಾರದ ಅವಧಿಯಲ್ಲಿ ಒಂದು ಕೆ.ಜಿ.ಗೆ ₹ 20ರಷ್ಟು ಬೆಲೆ ಕಡಿಮೆಯಾಗಿದೆ ಎಂದು ವರ್ತಕರು ಹೇಳುತ್ತಾರೆ.</p>.<p>‘ನಾಸಿಕ್, ಸತಾರ, ಸೊಲ್ಲಾಪುರ, ಮಧ್ಯಪ್ರದೇಶ, ಇಂಧೋರ್, ಗುಜರಾತ್ನಿಂದ ರಾಜ್ಯಕ್ಕೆ ಈರುಳ್ಳಿ ಬರಲು ಆರಂಭಿಸಿದೆ. ದಾವಣಗೆರೆ ಈರುಳ್ಳಿ ಮಾರುಕಟ್ಟೆಗೆ ದಿನಾಲೂ 10ರಿಂದ 12 ಲಾರಿ ಈರುಳ್ಳಿ ಬರುತ್ತಿದೆ. ಭಾನುವಾರ ಪುಣೆಯಿಂದ ತರಿಸಿದ ಒಂದು ಕೆ.ಜಿ. ಈರುಳ್ಳಿಗೆ ₹ 30 ಬಿದ್ದಿತ್ತು. ಸೋಮವಾರ ₹ 25ರಿಂದ ₹ 28ಕ್ಕೆ ಸಿಕ್ಕಿದೆ. ಸಾರಿಗೆ ವೆಚ್ಚ ಸೇರಿಸಿ ದೊಡ್ಡ ಗಾತ್ರದ ಈರುಳ್ಳಿಯನ್ನು ₹ 36ಕ್ಕೆ ಸಗಟು ದರದಲ್ಲಿ ಮಾರಾಟ ಮಾಡಿದ್ದೇನೆ’ ಎಂದು ಈರುಳ್ಳಿ ಮಾರುಕಟ್ಟೆಯ ‘ಅಮೀರ್ ಜಾನ್ ಆ್ಯಂಡ್ ಕೊ’ ಅಂಗಡಿಯ ಮಹಮ್ಮದ್ ಸಲೀಂ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಈಜಿಫ್ಟ್ನಿಂದ ಬಂದಿದ್ದ ಈರುಳ್ಳಿ ₹ 60ಕ್ಕೆ ಮಾರಾಟವಾಗುತ್ತಿತ್ತು. ಸೋಮವಾರ ₹ 25ಕ್ಕೆ ಮಾರಾಟವಾಗಿದೆ. ಹುಲವಾಗಲುನಿಂದಲೂ ಈರುಳ್ಳಿ ಬರಲು ಆರಂಭವಾಗಿದೆ. ಇನ್ನೊಂದು ತಿಂಗಳಿಗೆ ರಾಜ್ಯದಲ್ಲಿ ಬೆಳೆದ ಈರುಳ್ಳಿಯೂ ಮಾರುಕಟ್ಟೆಗೆ ಬಂದರೆ ದೊಡ್ಡ ಗಡ್ಡೆಯ ಬೆಲೆ ಒಂದು ಕೆ.ಜಿ.ಗೆ ₹ 20ಕ್ಕೆ ಬಂದರೂ ಆಶ್ಚರ್ಯವಿಲ್ಲ’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ದೊಡ್ಡ ಗಾತ್ರದ ಈರುಳ್ಳಿ ₹ 150ರಿಂದ ₹ 160ರವರೆಗೂ ಹೋಗಿತ್ತು. ಬೆಲೆ ಏರಿಕೆಯನ್ನು ನೋಡಿ ಹೆಚ್ಚಿನ ರೈತರು ಈರುಳ್ಳಿ ಬಿತ್ತನೆ ಮಾಡಿದ್ದಾರೆ. ಮಹಾರಾಷ್ಟ್ರದಲ್ಲೂ ಉತ್ತಮ ಇಳುವರಿ ಬಂದಿರುವುದರಿಂದ ಆವಕ ಹೆಚ್ಚಾಗಿದೆ. ಪುಣೆಯ ಈರುಳ್ಳಿ ಬೆಲೆಯೂ ₹ 30ಕ್ಕೆ ಬರುವ ಸಾಧ್ಯತೆ ಇದೆ. ಹೀಗಾಗಿ ಹಿಂಗಾರಿಗೆ ಈರುಳ್ಳಿ ಬಿತ್ತನೆ ಮಾಡಿದ ರೈತರಿಗೆ ಹೆಚ್ಚಿನ ಲಾಭ ಸಿಗುವ ಸಾಧ್ಯತೆ ಕಡಿಮೆ’ ಎಂದು ಅವರು ಹೇಳಿದರು.</p>.<p>‘ಮಹಾರಾಷ್ಟ್ರದ ಈರುಳ್ಳಿ ಬರುತ್ತಿರುವುದರಿಂದ ಸಗಟು ಮಾರುಕಟ್ಟೆಯಲ್ಲಿ ದೊಡ್ಡ ಗಡ್ಡೆ ₹ 40ರಿಂದ ₹ 50ರವರೆಗೆ ಮಾರಾಟವಾಗುತ್ತಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಸದ್ಯ ₹ 70ರವರೆಗೆ ಮಾರಾಟವಾಗುತ್ತಿದೆ. ನಾಸಿಕ್ ಈರುಳ್ಳಿ ನಗರದ ಮಾರುಕಟ್ಟೆಗೆ ಬರುವಾಗ ಒಂದು ಕೆ.ಜಿ.ಗೆ ₹ 10ರಿಂದ ₹ 15ರವರೆಗೆ ಸಾರಿಗೆ ವೆಚ್ಚ ತಗುಲುತ್ತದೆ. ಹೀಗಾಗಿ ಪುಣೆಯ ಈರುಳ್ಳಿ ₹ 30ಕ್ಕಿಂತ ಕಡಿಮೆ ಬೆಲೆಗೆ ಹೋಗುವ ಸಾಧ್ಯತೆ ಬಹಳ ಕಡಿಮೆ. ಹೀಗಾಗಿ ಬೆಲೆ ಕುಸಿದರೂ ಸ್ಥಳೀಯ ಈರುಳ್ಳಿಗೆ ಇಷ್ಟು ಪ್ರಮಾಣದ ಬೆಲೆ ಸಿಗಬಹುದು’ ಎಂದು ಎಪಿಎಂಸಿ ಕಾರ್ಯದರ್ಶಿ ಜೆ. ಪ್ರಭು ಅಭಿಪ್ರಾಯಪಟ್ಟರು.</p>.<p>ನಾಸಿಕ್ ಈರುಳ್ಳಿ ಸಗಟು ಮಾರುಕಟ್ಟೆಯಲ್ಲಿ ₹ 40– ₹ 50ಕ್ಕೆ ಸಿಗುತ್ತಿದ್ದು, ತರಕಾರಿ ಮಾರುಕಟ್ಟೆಯಲ್ಲಿ ನಾವು ₹ 60–₹ 70ಕ್ಕೆಮಾರುತ್ತಿದ್ದೇವೆ. ಕೆಲ ದಿನಗಳಲ್ಲೇ ಇನ್ನೂ ಬೆಲೆ ಇಳಿಯಲಿದೆ ಎನ್ನುತ್ತಾರೆ ತರಕಾರಿ ವ್ಯಾಪಾರಿ ಚಂದ್ರಪ್ಪ.</p>.<p>ಈರುಳ್ಳಿಗೆ ಒಳ್ಳೆಯ ಬೆಲೆ ಬಂದಾಗ ಬಹುತೇಕ ರೈತರ ಕೈಯಲ್ಲಿ ಬೆಳೆ ಇರಲಿಲ್ಲ. ಇನ್ನೊಂದು ತಿಂಗಳಲ್ಲಿ ಬೆಳೆ ಕೈಗೆ ಬರಲಿದೆ. ಈಗಾಗಲೇ ಬೆಲೆ ಕುಸಿಯುತ್ತಿರುವುದು ಆತಂಕ ಮೂಡಿಸಿದೆ ಎನ್ನುವುದು ನ್ಯಾಮತಿ ತಾಲ್ಲೂಕಿನ ಆರಂಡಿ ಗ್ರಾಮದ ರೈತ ಶಿವರಾಜ್ ಅವರ ಅಳಲು.</p>.<p>1,358 ಹೆಕ್ಟೇರ್ನಲ್ಲಿಜಿಲ್ಲೆಯಲ್ಲಿ ಹಿಂಗಾರಿಗೆ ಈರುಳ್ಳಿ ಬಿತ್ತನೆ ಗುರಿ ಹೊಂದಲಾಗಿದ್ದು,1,313 ಹೆಕ್ಟೇರ್ ಪ್ರದೇಶದಲ್ಲಿಹಿಂಗಾರಿಗೆ ಈರುಳ್ಳಿ ಬಿತ್ತನೆ ಮಾಡಲಾಗಿದೆ.</p>.<p><strong>ಈರುಳ್ಳಿ ಮಾರುಕಟ್ಟೆಯಲ್ಲಿನ ಆವಕದ ವಿವರ</strong></p>.<p>ದಿನಾಂಕ – ಆವಕ – ಕನಿಷ್ಠ – ಗರಿಷ್ಠ – ಮಾದರಿ</p>.<p>ಜನವರಿ 13 – 700 – 500 – 5,500 – 3,000</p>.<p>ಜನವರಿ 10 – 175 – 1,000 – 6,500 – 3,750</p>.<p>ಜನವರಿ 09 – 150 – 1,000 – 6,500 – 3,750</p>.<p>ಜನವರಿ 08 – 125 – 1,000 – 6,700 – 3,850</p>.<p>ಜನವರಿ 07 – 350 – 1,000 – 7,000 –4,000</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ: </strong>ಕಳೆದ ವರ್ಷಾಂತ್ಯದಲ್ಲಿ ಒಂದು ಕೆ.ಜಿ. ದೊಡ್ಡ ಗಡ್ಡೆಯ (ಫಸ್ಟ್ ಗ್ರೇಡ್) ಈರುಳ್ಳಿ ಬೆಲೆ ಸಗಟು ಮಾರುಕಟ್ಟೆಯಲ್ಲೇ ₹ 160ರ ಗಡಿ ದಾಟುವ ಮೂಲಕ ಗ್ರಾಹಕರಿಗೆ ಕಣ್ಣೀರು ತರಿಸಿದ್ದರೆ, ಈ ವರ್ಷವಾದರೂ ಲಾಭ ಸಿಕ್ಕೀತು ಎಂಬ ‘ಹೊಂಬೆಳಕು’ ರೈತರ ಕಣ್ಣಲ್ಲಿ ಪ್ರತಿಫಲಿಸಿತ್ತು.</p>.<p>ಒಂದು ತಿಂಗಳಲ್ಲೇ ಚಿತ್ರಣ ಬದಲಾಗುತ್ತಿದೆ. ದಿನೇ ದಿನೇ ಕುಸಿಯುತ್ತಿರುವ ಈರುಳ್ಳಿಯ ಬೆಲೆ ಗ್ರಾಹಕರಲ್ಲಿ ಹರ್ಷವನ್ನು ಮೂಡಿಸಿದೆ. ಜೊತೆಗೆ ಲಾಭದ ಕನಸು ಹೊತ್ತು ಹಿಂಗಾರು ಹಂಗಾಮಿಗೆ ಈರುಳ್ಳಿ ಬಿತ್ತಿದ ರೈತರ ಮನದಲ್ಲಿ ಆತಂಕದ ಬೀಜ ಮೊಳಕೆಯೊಡೆಯುತ್ತಿದೆ!</p>.<p>ಅಕ್ಟೋಬರ್–ನವೆಂಬರ್ನಲ್ಲಿ ಮಳೆಗೆ ಸಿಲುಕಿ ಈರುಳ್ಳಿ ಬೆಳೆ ಭಾರಿ ಪ್ರಮಾಣದಲ್ಲಿ ಹಾನಿಯಾಗಿ ರೈತರು ಕೈಸುಟ್ಟಿಕೊಂಡಿದ್ದರು. ಹೀಗಾಗಿ ಕಡಿಮೆ ಪ್ರಮಾಣದಲ್ಲಿ ಆವಕ ಆಗಿದ್ದರಿಂದ ದಾವಣಗೆರೆ ಸಗಟು ಮಾರುಕಟ್ಟೆಯಲ್ಲಿ ಮೊದಲ ಬಾರಿಗೆ ಒಂದು ಕೆ.ಜಿ. ಬೆಲೆ ₹ 160ರ ಗಡಿ ದಾಟುವ ಮೂಲಕ ದಾಖಲೆ ನಿರ್ಮಿಸಿತ್ತು. ನಾಲ್ಕೈದು ದಿನಗಳಲ್ಲೇ ಕೊಳೆತು ಹೋಗುತ್ತಿದ್ದ ಮಧ್ಯಮ ಗಾತ್ರದ ಈರುಳ್ಳಿಗೂ ₹ 100 ಕೊಟ್ಟು ಗ್ರಾಹಕರು ಖರೀದಿಸಬೇಕಾದ ಅನಿವಾರ್ಯತೆ ನಿರ್ಮಾಣಗೊಂಡಿತ್ತು.</p>.<p>ಇದೀಗ ಮಹಾರಾಷ್ಟ್ರ, ಮಧ್ಯಪ್ರದೇಶ, ಗುಜರಾತ್ನಿಂದ ಗುಣಮಟ್ಟದ ಈರುಳ್ಳಿ ದಾವಣಗೆರೆ ಮಾರುಕಟ್ಟೆಗೆ ಬರುತ್ತಿರುವುದರಿಂದ ದಿನೇ ದಿನೆಬೆಲೆ ಇಳಿಕೆಯಾಗುತ್ತಿದೆ. ಒಂದು ವಾರದ ಅವಧಿಯಲ್ಲಿ ಒಂದು ಕೆ.ಜಿ.ಗೆ ₹ 20ರಷ್ಟು ಬೆಲೆ ಕಡಿಮೆಯಾಗಿದೆ ಎಂದು ವರ್ತಕರು ಹೇಳುತ್ತಾರೆ.</p>.<p>‘ನಾಸಿಕ್, ಸತಾರ, ಸೊಲ್ಲಾಪುರ, ಮಧ್ಯಪ್ರದೇಶ, ಇಂಧೋರ್, ಗುಜರಾತ್ನಿಂದ ರಾಜ್ಯಕ್ಕೆ ಈರುಳ್ಳಿ ಬರಲು ಆರಂಭಿಸಿದೆ. ದಾವಣಗೆರೆ ಈರುಳ್ಳಿ ಮಾರುಕಟ್ಟೆಗೆ ದಿನಾಲೂ 10ರಿಂದ 12 ಲಾರಿ ಈರುಳ್ಳಿ ಬರುತ್ತಿದೆ. ಭಾನುವಾರ ಪುಣೆಯಿಂದ ತರಿಸಿದ ಒಂದು ಕೆ.ಜಿ. ಈರುಳ್ಳಿಗೆ ₹ 30 ಬಿದ್ದಿತ್ತು. ಸೋಮವಾರ ₹ 25ರಿಂದ ₹ 28ಕ್ಕೆ ಸಿಕ್ಕಿದೆ. ಸಾರಿಗೆ ವೆಚ್ಚ ಸೇರಿಸಿ ದೊಡ್ಡ ಗಾತ್ರದ ಈರುಳ್ಳಿಯನ್ನು ₹ 36ಕ್ಕೆ ಸಗಟು ದರದಲ್ಲಿ ಮಾರಾಟ ಮಾಡಿದ್ದೇನೆ’ ಎಂದು ಈರುಳ್ಳಿ ಮಾರುಕಟ್ಟೆಯ ‘ಅಮೀರ್ ಜಾನ್ ಆ್ಯಂಡ್ ಕೊ’ ಅಂಗಡಿಯ ಮಹಮ್ಮದ್ ಸಲೀಂ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಈಜಿಫ್ಟ್ನಿಂದ ಬಂದಿದ್ದ ಈರುಳ್ಳಿ ₹ 60ಕ್ಕೆ ಮಾರಾಟವಾಗುತ್ತಿತ್ತು. ಸೋಮವಾರ ₹ 25ಕ್ಕೆ ಮಾರಾಟವಾಗಿದೆ. ಹುಲವಾಗಲುನಿಂದಲೂ ಈರುಳ್ಳಿ ಬರಲು ಆರಂಭವಾಗಿದೆ. ಇನ್ನೊಂದು ತಿಂಗಳಿಗೆ ರಾಜ್ಯದಲ್ಲಿ ಬೆಳೆದ ಈರುಳ್ಳಿಯೂ ಮಾರುಕಟ್ಟೆಗೆ ಬಂದರೆ ದೊಡ್ಡ ಗಡ್ಡೆಯ ಬೆಲೆ ಒಂದು ಕೆ.ಜಿ.ಗೆ ₹ 20ಕ್ಕೆ ಬಂದರೂ ಆಶ್ಚರ್ಯವಿಲ್ಲ’ ಎಂದು ಅವರು ಅಭಿಪ್ರಾಯಪಟ್ಟರು.</p>.<p>‘ದೊಡ್ಡ ಗಾತ್ರದ ಈರುಳ್ಳಿ ₹ 150ರಿಂದ ₹ 160ರವರೆಗೂ ಹೋಗಿತ್ತು. ಬೆಲೆ ಏರಿಕೆಯನ್ನು ನೋಡಿ ಹೆಚ್ಚಿನ ರೈತರು ಈರುಳ್ಳಿ ಬಿತ್ತನೆ ಮಾಡಿದ್ದಾರೆ. ಮಹಾರಾಷ್ಟ್ರದಲ್ಲೂ ಉತ್ತಮ ಇಳುವರಿ ಬಂದಿರುವುದರಿಂದ ಆವಕ ಹೆಚ್ಚಾಗಿದೆ. ಪುಣೆಯ ಈರುಳ್ಳಿ ಬೆಲೆಯೂ ₹ 30ಕ್ಕೆ ಬರುವ ಸಾಧ್ಯತೆ ಇದೆ. ಹೀಗಾಗಿ ಹಿಂಗಾರಿಗೆ ಈರುಳ್ಳಿ ಬಿತ್ತನೆ ಮಾಡಿದ ರೈತರಿಗೆ ಹೆಚ್ಚಿನ ಲಾಭ ಸಿಗುವ ಸಾಧ್ಯತೆ ಕಡಿಮೆ’ ಎಂದು ಅವರು ಹೇಳಿದರು.</p>.<p>‘ಮಹಾರಾಷ್ಟ್ರದ ಈರುಳ್ಳಿ ಬರುತ್ತಿರುವುದರಿಂದ ಸಗಟು ಮಾರುಕಟ್ಟೆಯಲ್ಲಿ ದೊಡ್ಡ ಗಡ್ಡೆ ₹ 40ರಿಂದ ₹ 50ರವರೆಗೆ ಮಾರಾಟವಾಗುತ್ತಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಸದ್ಯ ₹ 70ರವರೆಗೆ ಮಾರಾಟವಾಗುತ್ತಿದೆ. ನಾಸಿಕ್ ಈರುಳ್ಳಿ ನಗರದ ಮಾರುಕಟ್ಟೆಗೆ ಬರುವಾಗ ಒಂದು ಕೆ.ಜಿ.ಗೆ ₹ 10ರಿಂದ ₹ 15ರವರೆಗೆ ಸಾರಿಗೆ ವೆಚ್ಚ ತಗುಲುತ್ತದೆ. ಹೀಗಾಗಿ ಪುಣೆಯ ಈರುಳ್ಳಿ ₹ 30ಕ್ಕಿಂತ ಕಡಿಮೆ ಬೆಲೆಗೆ ಹೋಗುವ ಸಾಧ್ಯತೆ ಬಹಳ ಕಡಿಮೆ. ಹೀಗಾಗಿ ಬೆಲೆ ಕುಸಿದರೂ ಸ್ಥಳೀಯ ಈರುಳ್ಳಿಗೆ ಇಷ್ಟು ಪ್ರಮಾಣದ ಬೆಲೆ ಸಿಗಬಹುದು’ ಎಂದು ಎಪಿಎಂಸಿ ಕಾರ್ಯದರ್ಶಿ ಜೆ. ಪ್ರಭು ಅಭಿಪ್ರಾಯಪಟ್ಟರು.</p>.<p>ನಾಸಿಕ್ ಈರುಳ್ಳಿ ಸಗಟು ಮಾರುಕಟ್ಟೆಯಲ್ಲಿ ₹ 40– ₹ 50ಕ್ಕೆ ಸಿಗುತ್ತಿದ್ದು, ತರಕಾರಿ ಮಾರುಕಟ್ಟೆಯಲ್ಲಿ ನಾವು ₹ 60–₹ 70ಕ್ಕೆಮಾರುತ್ತಿದ್ದೇವೆ. ಕೆಲ ದಿನಗಳಲ್ಲೇ ಇನ್ನೂ ಬೆಲೆ ಇಳಿಯಲಿದೆ ಎನ್ನುತ್ತಾರೆ ತರಕಾರಿ ವ್ಯಾಪಾರಿ ಚಂದ್ರಪ್ಪ.</p>.<p>ಈರುಳ್ಳಿಗೆ ಒಳ್ಳೆಯ ಬೆಲೆ ಬಂದಾಗ ಬಹುತೇಕ ರೈತರ ಕೈಯಲ್ಲಿ ಬೆಳೆ ಇರಲಿಲ್ಲ. ಇನ್ನೊಂದು ತಿಂಗಳಲ್ಲಿ ಬೆಳೆ ಕೈಗೆ ಬರಲಿದೆ. ಈಗಾಗಲೇ ಬೆಲೆ ಕುಸಿಯುತ್ತಿರುವುದು ಆತಂಕ ಮೂಡಿಸಿದೆ ಎನ್ನುವುದು ನ್ಯಾಮತಿ ತಾಲ್ಲೂಕಿನ ಆರಂಡಿ ಗ್ರಾಮದ ರೈತ ಶಿವರಾಜ್ ಅವರ ಅಳಲು.</p>.<p>1,358 ಹೆಕ್ಟೇರ್ನಲ್ಲಿಜಿಲ್ಲೆಯಲ್ಲಿ ಹಿಂಗಾರಿಗೆ ಈರುಳ್ಳಿ ಬಿತ್ತನೆ ಗುರಿ ಹೊಂದಲಾಗಿದ್ದು,1,313 ಹೆಕ್ಟೇರ್ ಪ್ರದೇಶದಲ್ಲಿಹಿಂಗಾರಿಗೆ ಈರುಳ್ಳಿ ಬಿತ್ತನೆ ಮಾಡಲಾಗಿದೆ.</p>.<p><strong>ಈರುಳ್ಳಿ ಮಾರುಕಟ್ಟೆಯಲ್ಲಿನ ಆವಕದ ವಿವರ</strong></p>.<p>ದಿನಾಂಕ – ಆವಕ – ಕನಿಷ್ಠ – ಗರಿಷ್ಠ – ಮಾದರಿ</p>.<p>ಜನವರಿ 13 – 700 – 500 – 5,500 – 3,000</p>.<p>ಜನವರಿ 10 – 175 – 1,000 – 6,500 – 3,750</p>.<p>ಜನವರಿ 09 – 150 – 1,000 – 6,500 – 3,750</p>.<p>ಜನವರಿ 08 – 125 – 1,000 – 6,700 – 3,850</p>.<p>ಜನವರಿ 07 – 350 – 1,000 – 7,000 –4,000</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
