ಹೆಬ್ಬೇವು ಕೃಷಿ: ಆದಾಯದ ದಾರಿ

ಮಂಜು ಆರ್.ಗಿರಿಯಾಲ

. ಧಾರವಾಡ: ತಾಲ್ಲೂಕಿನ ಹೆಬ್ಬಳ್ಳಿಯ ಕೃಷಿಕ ಕಲ್ಲೇಶ ಯಲಪ್ಪ ಸಾಲಿ ಅವರು ಹೆಬ್ಬೇವು, ಶ್ರೀಗಂಧ, ಮಹಾಗನಿ ಗಿಡಗಳನ್ನು ಬೆಳೆದು ಉತ್ತಮ ಆದಾಯ ಗಳಿಸಿದ್ದಾರೆ. ಅವರ 12 ಎಕರೆ ಜಮೀನಿನಲ್ಲಿ ಅರಣ್ಯ ಕೃಷಿ, ತೋಟಗಾರಿಕೆ ಗಿಡಗಳನ್ನು ಸಮೃದ್ಧವಾಗಿ ಬೆಳೆಸಿದ್ದಾರೆ.

. ಅತಿವೃಷ್ಟಿ ಮತ್ತು ಅನಾವೃಷ್ಟಿಯಿಂದ ಹೆಸರು, ಹತ್ತಿ, ಉದ್ದು ಬೆಳೆಗಳು ಕೈಕೊಟ್ಟು ಬೇಸತ್ತಿದ್ದ ಈ ರೈತಗೆ ಹೊಸ ಪ್ರಯೋಗ ಕೈಹಿಡಿದಿದೆ. ಕೃಷಿ ಇಲಾಖೆ ಆಯೋಜಿಸಿದ್ದ ಪ್ರವಾಸದಲ್ಲಿ ಅರಣ್ಯ ಕೃಷಿ ಹಾಗೂ ಸಮಗ್ರ ಕೃಷಿ ಮಾಹಿತಿ ಪಡೆದು, ಜಮೀನಿನಲ್ಲಿ ಪ್ರಯೋಗ ಮಾಡಿದ್ಧಾರೆ.

. ಧಾರವಾಡದ ಕೋಗಿಲೆಗೇರಿ ನರ್ಸರಿಯಲ್ಲಿ ಹೆಬ್ಬೇವು ಗಿಡಗಳನ್ನು (ದರ ಒಂದಕ್ಕೆ ₹3) ಖರೀದಿಸಿದ್ದಾರೆ. 20 ಅಡಿ ಅಂತರದಲ್ಲಿ ಜಮೀನಿನಲ್ಲಿ ಗಿಡಗಳನ್ನು ನೆಟಿದ್ದಾರೆ.

. ಆರು ಎಕರೆಯಲ್ಲಿ 2700 ಹೆಬ್ಬೇವು ಗಿಡಗಳು ನಳನಳಿಸುತ್ತಿವೆ. ಈ ಗಿಡಗಳ ಮಧ್ಯೆ ಮಹಾಗನಿ 1500 ಮತ್ತು ಶ್ರೀಗಂಧ 500 ಗಿಡಗಳನ್ನು ಬೆಳೆದಿದ್ದಾರೆ.

. ಸಾವಯವ ಕೃಷಿಗೆ ಒತ್ತು ನೀಡಿದ್ದೇನೆ. ಗೊಬ್ಬರವನ್ನು ಎರೆಹುಳು ಘಟಕದಲ್ಲಿ ತಯಾರಿಸುತ್ತೇನೆ. ಹೆಬ್ಬೇವು ಮರವನ್ನು ಪ್ಲೈವುಡ್ ತಯಾರಿಕೆಗೆ ಬಳಸುತ್ತಾರೆ, ಹೆಬ್ಬೇವಿಗೆ ಬೇಡಿಕೆ ಇದೆ. ಈಗ ಕ್ವಿಂಟಲ್ಗೆ ₹800 ದರ ಇದೆ. 1200 ಮರ ಮಾರಾಟ ಮಾಡಿದ್ದೇನೆ. ₹9 ಲಕ್ಷ ಆದಾಯ ಗಳಿಸಿದ್ದೆನೆ. ಹೆಬ್ಬೇವು, ಶ್ರೀಗಂಧ, ಮಹಾಗನಿ ಕೃಷಿಗೆ ₹1.50ಲಕ್ಷ ಖರ್ಚಾಗಿದೆ. ಅರಣ್ಯ ಇಲಾಖೆಯಿಂದ ಅರಣ್ಯ ಕೃಷಿ ಪ್ರೊತ್ಸಾಹ ಯೋಜನೆಯಡಿ ₹90 ಸಾವಿರ ನೆರವು ನೀಡಿದ್ಧಾರೆ’ ಎಂದು ಬೆಳೆಗಾರ ಕಲ್ಮೇಶ್ ಸಾಲಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಅಲಹಾಬಾದ್ನ ಫ್ಲೈವುಡ್ ಕಂಪನಿಯವರು ಇಲ್ಲಿಗೆ ಬಂದು ಮರಗಳನ್ನು ಕಟಾವು ಮಾಡಿಕೊಂಡು ಒಯ್ಯುತ್ತಾರೆ. ಶ್ರೀಗಂಧ ಮತ್ತು ಮಹಾಗನಿ ಗಿಡಗಳು 12 ವರ್ಷದ ನಂತರ ಕಟಾವಿಗೆ ಬರುತ್ತವೆ. ಮೈಸೂರು ಸ್ಯಾಂಡಲ್ ಸೋಪ್ ಕಂಪನಿಯವರು ಶ್ರೀಗಂಧಕ್ಕೆ ಗಿಡ ಖರೀದಿ ಒಪ್ಪಂದ ಮಾಡಿಕೊಂಡಿದ್ದಾರೆ’ ಎಂದು ತಿಳಿಸಿದರು.

. ಕೃಷಿ ಹೊಂಡ, ಕೊಳಬಾವಿಯಿಂದ ಹನಿ ನೀರಾವರಿ ಮತ್ತು ಕಾಲುವೆ ಮೂಲಕ ಗಿಡಗಳಿಗೆ ನೀರುಣಿಸುತ್ತಾರೆ. ಎರಡು ಎಕರೆಯಲ್ಲಿ ಬಾಳೆ, ಮೆಣಸಿನಕಾಯಿ, ಸೌತೆಕಾಯಿ, ಕೊತ್ತಂಬರಿ ಮೊದಲಾದವನ್ನು ಬೆಳೆದಿದ್ದಾರೆ. ಕೃಷಿ ಸಚಿವ ಚಲುವರಾಯಸ್ವಾಮಿ ಹಾಗೂ ಕೃಷಿ ಅಧಿಕಾರಿಗಳು ಕಳೆದ ತಿಂಗಳು ಜಮೀನಿಗೆ ಭೇಟಿ ಬೆಳೆ ವೀಕ್ಷಿಸಿದ್ಧಾರೆ.

. ಕಡಿಮೆ ಖರ್ಚಿನಲ್ಲಿ ಹೆಬ್ಬೇವು ಗಿಡಗಳನ್ನು ಬೆಳೆಯಬಹುದು. ನೀರು ಗೊಬ್ಬರ ಸರಿಯಾಗಿ ಪೂರೈಸಿದರೆ ಮೂರರಿಂದ ನಾಲ್ಕು ವರ್ಷದಲ್ಲಿ ಆದಾಯ ಗಳಿಸಬಹುದು

. ಕಲ್ಲೇಶ ಸಾಲಿ ರೈತ ಹೆಬ್ಬಳ್ಳಿ

. ರೈತ ಕಲ್ಮೇಶ ಅವರಿಗೆ ಸಮಗ್ರ ಕೃಷಿ ಪದ್ದತಿ ಯೋಜನೆಯಡಿ ಎರೆಹುಳು ಘಟಕ ಕೃಷಿಹೊಂಡ ಹಸು ಖರೀದಿಸಲು ಹಾಗೂ ಬದು ನಿರ್ಮಾಣಕ್ಕೆ ಸಹಾಯಧನ ನೀಡಲಾಗಿತ್ತು. ಯೋಜನೆ ಬಳಸಿಕೊಂಡು ಸಮಗ್ರ ಕೃಷಿಯೊಂದಿಗೆ ಹೆಬ್ಬೇವು ಶ್ರೀಗಂಧ ಮಹಾಗನಿ ಗಿಡಗಳನ್ನು ಚೆನ್ನಾಗಿ ಬೆಳೆದಿದ್ದಾರೆ -ರೇಖಾ ಬೆಳ್ಳಟ್ಟಿ ಕೃಷಿ ಅಧಿಕಾರಿ ರೈತ ಸಂಪರ್ಕ ಕೇಂದ್ರ ಅಮ್ಮಿಬಾವಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೆಬ್ಬೇವು ಕೃಷಿ: ಆದಾಯದ ದಾರಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ