ಹಾಸನ– ಚಿಕ್ಕಮಗಳೂರು ಸಂಪರ್ಕ ರಸ್ತೆ: ಜಮೀನು ಮಾಲೀಕರಿಂದ ರಸ್ತೆ ಒತ್ತುವರಿ

ಪ್ರವಾಸಿ ತಾಣವನ್ನಾಗಿ ಮಾಡಿ ಬೆಳವಾಡಿ ಹಾಗೂ ಹಳೇಬೀಡು ಹೊಯ್ಸಳರ ಕಾಲದ ಐತಿಹಾಸಿಕ ಸ್ಮಾರಕ ಹೊಂದಿದ್ದು ಎರಡೂ ಊರುಗಳು ಪ್ರವಾಸಿ ತಾಣಗಳಾಗಿವೆ. ಪ್ರವಾಸಿಗರು ದೂರದ ರಸ್ತೆಯಲ್ಲಿ ಬೆಳವಾಡಿ ಹಾಗೂ ಹಳೇಬೀಡಿನ ಪ್ರಯಾಣ ಮಾಡುತ್ತಿದ್ದಾರೆ. ಕರೀಕಟ್ಟೆಹಳ್ಳಿ ಮಾರ್ಗದ ರಸ್ತೆ ಅಭಿವೃದ್ಧಿಯಾದರೆ ಪ್ರವಾಸಿ ರಸ್ತೆಯಾಗಿ ಮಾರ್ಪಡಿಸಬಹುದು. ಗ್ರಾಮಗಳಲ್ಲಿ ವ್ಯಾಪಾರ ವ್ಯವಹಾರ ಬೆಳೆಸಬಹುದು. ಹಳ್ಳಿಗಳಲ್ಲಿ ಹೋಂ ಸ್ಟೇ ಆರಂಭಿಸಬಹುದು. ನಗರದ ಪ್ರವಾಸಿಗರು ಜಮೀನಿನಲ್ಲಿಯೇ ಕೃಷಿ ಉತ್ಪನ್ನ ಖರೀದಿಸುವಂತಹ ವ್ಯವಸ್ಥೆ ಮಾಡಬಹುದು ಎಂಬುದು ಸ್ಥಳೀಯರ ಒತ್ತಾಸೆ.