<p><strong>ಕಲಬುರ್ಗಿ:</strong> 85ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಒಂದೇ ಗ್ಯಾಲರಿಯಲ್ಲಿ ಎಲ್ಲ 85 ಸಮ್ಮೇಳನಗಳ ಸರ್ವಾಧ್ಯಕ್ಷರ ಚಿತ್ರಗಳು ನೋಡಲು ಸಿಗಲಿವೆ!</p>.<p>ಸಮ್ಮೇಳನದ ಚಿತ್ರಕಲಾ ಸಮಿತಿಯು 100X60 ಅಳತೆಯ ಕಲಾ ಗ್ಯಾಲರಿ ನಿರ್ಮಿಸುತ್ತಿದೆ. ಇದರಲ್ಲಿ ಎಲ್ಲ ಸಮ್ಮೇಳನಗಳ ಅಧ್ಯಕ್ಷರು, ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಸಾಹಿತಿಗಳು, ಅನಾದಿ ಕಾಲದ ಶಿಲಾಶಾಸನಗಳ ಕುರಿತ ಚಿತ್ರಗಳನ್ನು ಪ್ರದರ್ಶಿಸಲಾಗುವುದು. ಪ್ರತಿಯೊಂದಕ್ಕೂ ಪುಟ್ಟ ಟಿಪ್ಪಣೆ ಇರುವ ಕಿರುಹೊತ್ತಿಗೆಗಳನ್ನೂ ಮಾಡಿದ್ದು, ಉಚಿತವಾಗಿ ನೀಡಲಾಗುವುದು.</p>.<p>₹ 13.75 ಲಕ್ಷ ವೆಚ್ಚದಲ್ಲಿ ಇದೇ ಮೊದಲ ಬಾರಿಗೆ ಬೃಹತ್ ಪ್ರಮಾಣದ ಕಲಾ ಶಿಬಿರ ನಡೆಸಲು ತಯಾರಿ ನಡೆದಿದೆ. ಇದರಲ್ಲಿ ಚಿತ್ರಕಲೆ, ಛಾಯಾಚಿತ್ರ ಹಾಗೂ ಶಿಲ್ಪಕಲೆ ಎಂದು ಮೂರು ಭಾಗ ಮಾಡಲಾಗಿದೆ. ಕಲಾ ಗ್ಯಾಲರಿ ಹೊರತಾಗಿ ಒಟ್ಟು 100 ಮಳಿಗೆಗಳನ್ನೂ ಇದಕ್ಕೆ ಮೀಸಲಿಡಲಾಗಿದೆ.</p>.<p><strong>ಪ್ರಬುದ್ಧ ಕಲಾಕೃತಿಗಳು:</strong> ರಾಜ್ಯದ ಬೇರೆಬೇರೆ ಭಾಗಗಳಿಂದ ಅಪಾರ ಪ್ರಮಾಣದ ಕಲಾಕೃತಿಗಳು ಹರಿದುಬಂದಿವೆ. ಅವುಗಳಲ್ಲಿ 325 ಕಲಾಕೃತಿಗಳನ್ನು ಪ್ರಬುದ್ಧತೆ ಆಧಾರದಲ್ಲಿ ಆಯ್ಕೆ ಮಾಡಿಕೊಳ್ಳಲಾಗಿದೆ. 125 ಕಲಾಕೃತಿ ಪ್ರದರ್ಶನ ಮಾಡಲು ಉದ್ದೇಶಿಸಲಾಗಿತ್ತು. ಎಲ್ಲರಿಗೂ ಅವಕಾಶ ನೀಡಲು ಯತ್ನಿಸಲಾಗುವುದು ಎಂದು ಸಮಿತಿ ಮುಂಖಂಡರು ತಿಳಿಸಿದ್ದಾರೆ.</p>.<p>ಮಕ್ಕಳಿಗೆ ಚಿತ್ರಕಲಾ ಸ್ಪರ್ಧೆ ನಡೆಸಲಾಗಿದ್ದು, ಅವುಗಳಲ್ಲಿ 730 ಕಲಾಕೃತಿಗಳು ಸಿದ್ಧವಾಗಿವೆ. ಈ ಪೈಕಿ 23 ಕಲಾಕೃತಿಗಳನ್ನು ಆಯ್ಕೆ ಮಾಡಲಾಗಿದೆ. ಅವುಗಳನ್ನೂ ಪ್ರದರ್ಶನ ಮಾಡಲಾಗುವುದು. ಇದರೊಂದಿಗೆ ಕಲ್ಯಾಣ ಕರ್ನಾಟಕದ ಸಂಕ್ಷಿಪ್ತ ಮಾಹಿತಿಯುಳ್ಳ ಕಿರು ಪುಸ್ತಕವನ್ನೂ ನೀಡಲಾಗುವುದು.</p>.<p><strong>ವಿಶೇಷ ಕಲಾಶಿಬಿರ:</strong>ಲಲಿತ ಕಲಾ ಅಕಾಡೆಮಿಯಿಂದ ಗೌರವ ಸಂಭಾವಣೆ ಸಮೇತ, ಕಲಾ ಶಿಬಿರ ನಡೆಯಲಿದೆ. 20 ಹಿರಿಯ ಕಲಾವಿದರನ್ನು ಆಯ್ಕೆ ಮಾಡಲಾಗಿದೆ. ಕಲ್ಯಾಣ ಕರ್ನಾಟಕ ಭಾಗದ ನಾಡು, ನುಡಿ, ಸಂಸ್ಕೃತಿ ಹಾಗೂ ಪರಂಪರೆ ಕುರಿತು ಇವರು ಕುಂಚಕಾವ್ಯಗಳನ್ನು ಸಿದ್ಧಪಡಿಸಲಿದ್ದಾರೆ. ಈ ಎಲ್ಲ ಕಲಾವಿದರಿಗೂ ಅಕಾಡೆಮಿಯಿಂದ ಗೌರವ ಸಂಭಾವಣೆ ನೀಡಲಾಗುತ್ತಿದೆ. ಜತೆಗೆ, ಅವರ ಕಲಾಕೃತಿಗಳನ್ನು ಸಮ್ಮೇಳನದಲ್ಲಿ ಪ್ರದರ್ಶನಕ್ಕೆ ಇಡಲಾಗುತ್ತಿದೆ. 20 ವಿಶಿಷ್ಟ ರೀತಿಯ ಕಲಾಕುಂಚಗಳು ಈ ಭಾಗದ ವೈಶಿಷ್ಟ್ಯವನ್ನು ಹೊರ ಜಗತ್ತಿಗೆ ತೋರಿಸಲಿವೆ.</p>.<p>ಈ ಭಾಗದಲ್ಲಿ ಹುಟ್ಟಿ ಬೆಳದು, ಲೋಕ ಪ್ರಸಿದ್ಧರಾದ ವಿಜ್ಞಾನೇಶ್ವರರಂಥ ನಾಯಕರ ಚಿತ್ರಗಳನ್ನೂ ಸಂಗ್ರಹಿಸಲಾಗಿದೆ. ಐತಿಹಾಸಿಕ ಸ್ಥಳಗಳಾದ ಸ್ಲೀಪಿಂಗ್ ಬುದ್ಧ, ಮಳಕೇಡ, ಶರಣಬಸವೇಶ್ವರ ದೇವಸ್ಥಾನ, ದರ್ಗಾ, ಸನ್ನತಿ ಮುಂತಾದ ಸ್ಥಳಗಳನ್ನು ಒಂದೇ ವೇದಿಕೆಯಲ್ಲಿ ತೋರಿಸಲಾಗುತ್ತಿದೆ.</p>.<p>ಶಿಲ್ಪಕಲಾ ಶಿಬಿರದಲ್ಲಿ ಈಗಾಗಲೇ ಕೆತ್ತನೆ ಮಾಡಲಾದ ಆಧುನಿಕ ಸ್ಪರ್ಶ ಹೊಂದಿದ ಶಿಲ್ಪಗಳ ಜತೆಗೆ, ಕೆಲವು ಐತಿಹಾಸಿಕ ಶಿಲ್ಪಕಲಾಕೃತಿಗಳನ್ನೂ ಪ್ರದರ್ಶಿಸಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಲಬುರ್ಗಿ:</strong> 85ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಒಂದೇ ಗ್ಯಾಲರಿಯಲ್ಲಿ ಎಲ್ಲ 85 ಸಮ್ಮೇಳನಗಳ ಸರ್ವಾಧ್ಯಕ್ಷರ ಚಿತ್ರಗಳು ನೋಡಲು ಸಿಗಲಿವೆ!</p>.<p>ಸಮ್ಮೇಳನದ ಚಿತ್ರಕಲಾ ಸಮಿತಿಯು 100X60 ಅಳತೆಯ ಕಲಾ ಗ್ಯಾಲರಿ ನಿರ್ಮಿಸುತ್ತಿದೆ. ಇದರಲ್ಲಿ ಎಲ್ಲ ಸಮ್ಮೇಳನಗಳ ಅಧ್ಯಕ್ಷರು, ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಸಾಹಿತಿಗಳು, ಅನಾದಿ ಕಾಲದ ಶಿಲಾಶಾಸನಗಳ ಕುರಿತ ಚಿತ್ರಗಳನ್ನು ಪ್ರದರ್ಶಿಸಲಾಗುವುದು. ಪ್ರತಿಯೊಂದಕ್ಕೂ ಪುಟ್ಟ ಟಿಪ್ಪಣೆ ಇರುವ ಕಿರುಹೊತ್ತಿಗೆಗಳನ್ನೂ ಮಾಡಿದ್ದು, ಉಚಿತವಾಗಿ ನೀಡಲಾಗುವುದು.</p>.<p>₹ 13.75 ಲಕ್ಷ ವೆಚ್ಚದಲ್ಲಿ ಇದೇ ಮೊದಲ ಬಾರಿಗೆ ಬೃಹತ್ ಪ್ರಮಾಣದ ಕಲಾ ಶಿಬಿರ ನಡೆಸಲು ತಯಾರಿ ನಡೆದಿದೆ. ಇದರಲ್ಲಿ ಚಿತ್ರಕಲೆ, ಛಾಯಾಚಿತ್ರ ಹಾಗೂ ಶಿಲ್ಪಕಲೆ ಎಂದು ಮೂರು ಭಾಗ ಮಾಡಲಾಗಿದೆ. ಕಲಾ ಗ್ಯಾಲರಿ ಹೊರತಾಗಿ ಒಟ್ಟು 100 ಮಳಿಗೆಗಳನ್ನೂ ಇದಕ್ಕೆ ಮೀಸಲಿಡಲಾಗಿದೆ.</p>.<p><strong>ಪ್ರಬುದ್ಧ ಕಲಾಕೃತಿಗಳು:</strong> ರಾಜ್ಯದ ಬೇರೆಬೇರೆ ಭಾಗಗಳಿಂದ ಅಪಾರ ಪ್ರಮಾಣದ ಕಲಾಕೃತಿಗಳು ಹರಿದುಬಂದಿವೆ. ಅವುಗಳಲ್ಲಿ 325 ಕಲಾಕೃತಿಗಳನ್ನು ಪ್ರಬುದ್ಧತೆ ಆಧಾರದಲ್ಲಿ ಆಯ್ಕೆ ಮಾಡಿಕೊಳ್ಳಲಾಗಿದೆ. 125 ಕಲಾಕೃತಿ ಪ್ರದರ್ಶನ ಮಾಡಲು ಉದ್ದೇಶಿಸಲಾಗಿತ್ತು. ಎಲ್ಲರಿಗೂ ಅವಕಾಶ ನೀಡಲು ಯತ್ನಿಸಲಾಗುವುದು ಎಂದು ಸಮಿತಿ ಮುಂಖಂಡರು ತಿಳಿಸಿದ್ದಾರೆ.</p>.<p>ಮಕ್ಕಳಿಗೆ ಚಿತ್ರಕಲಾ ಸ್ಪರ್ಧೆ ನಡೆಸಲಾಗಿದ್ದು, ಅವುಗಳಲ್ಲಿ 730 ಕಲಾಕೃತಿಗಳು ಸಿದ್ಧವಾಗಿವೆ. ಈ ಪೈಕಿ 23 ಕಲಾಕೃತಿಗಳನ್ನು ಆಯ್ಕೆ ಮಾಡಲಾಗಿದೆ. ಅವುಗಳನ್ನೂ ಪ್ರದರ್ಶನ ಮಾಡಲಾಗುವುದು. ಇದರೊಂದಿಗೆ ಕಲ್ಯಾಣ ಕರ್ನಾಟಕದ ಸಂಕ್ಷಿಪ್ತ ಮಾಹಿತಿಯುಳ್ಳ ಕಿರು ಪುಸ್ತಕವನ್ನೂ ನೀಡಲಾಗುವುದು.</p>.<p><strong>ವಿಶೇಷ ಕಲಾಶಿಬಿರ:</strong>ಲಲಿತ ಕಲಾ ಅಕಾಡೆಮಿಯಿಂದ ಗೌರವ ಸಂಭಾವಣೆ ಸಮೇತ, ಕಲಾ ಶಿಬಿರ ನಡೆಯಲಿದೆ. 20 ಹಿರಿಯ ಕಲಾವಿದರನ್ನು ಆಯ್ಕೆ ಮಾಡಲಾಗಿದೆ. ಕಲ್ಯಾಣ ಕರ್ನಾಟಕ ಭಾಗದ ನಾಡು, ನುಡಿ, ಸಂಸ್ಕೃತಿ ಹಾಗೂ ಪರಂಪರೆ ಕುರಿತು ಇವರು ಕುಂಚಕಾವ್ಯಗಳನ್ನು ಸಿದ್ಧಪಡಿಸಲಿದ್ದಾರೆ. ಈ ಎಲ್ಲ ಕಲಾವಿದರಿಗೂ ಅಕಾಡೆಮಿಯಿಂದ ಗೌರವ ಸಂಭಾವಣೆ ನೀಡಲಾಗುತ್ತಿದೆ. ಜತೆಗೆ, ಅವರ ಕಲಾಕೃತಿಗಳನ್ನು ಸಮ್ಮೇಳನದಲ್ಲಿ ಪ್ರದರ್ಶನಕ್ಕೆ ಇಡಲಾಗುತ್ತಿದೆ. 20 ವಿಶಿಷ್ಟ ರೀತಿಯ ಕಲಾಕುಂಚಗಳು ಈ ಭಾಗದ ವೈಶಿಷ್ಟ್ಯವನ್ನು ಹೊರ ಜಗತ್ತಿಗೆ ತೋರಿಸಲಿವೆ.</p>.<p>ಈ ಭಾಗದಲ್ಲಿ ಹುಟ್ಟಿ ಬೆಳದು, ಲೋಕ ಪ್ರಸಿದ್ಧರಾದ ವಿಜ್ಞಾನೇಶ್ವರರಂಥ ನಾಯಕರ ಚಿತ್ರಗಳನ್ನೂ ಸಂಗ್ರಹಿಸಲಾಗಿದೆ. ಐತಿಹಾಸಿಕ ಸ್ಥಳಗಳಾದ ಸ್ಲೀಪಿಂಗ್ ಬುದ್ಧ, ಮಳಕೇಡ, ಶರಣಬಸವೇಶ್ವರ ದೇವಸ್ಥಾನ, ದರ್ಗಾ, ಸನ್ನತಿ ಮುಂತಾದ ಸ್ಥಳಗಳನ್ನು ಒಂದೇ ವೇದಿಕೆಯಲ್ಲಿ ತೋರಿಸಲಾಗುತ್ತಿದೆ.</p>.<p>ಶಿಲ್ಪಕಲಾ ಶಿಬಿರದಲ್ಲಿ ಈಗಾಗಲೇ ಕೆತ್ತನೆ ಮಾಡಲಾದ ಆಧುನಿಕ ಸ್ಪರ್ಶ ಹೊಂದಿದ ಶಿಲ್ಪಗಳ ಜತೆಗೆ, ಕೆಲವು ಐತಿಹಾಸಿಕ ಶಿಲ್ಪಕಲಾಕೃತಿಗಳನ್ನೂ ಪ್ರದರ್ಶಿಸಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
