‘ತಾಂಡಾ ಕಲೆ, ಸಂಸ್ಕೃತಿ ಉಳಿಸಿ’

ಕಾಳಗಿ: ಬಂಜಾರ ಸಮಾಜವು ಕಲೆ, ಸಂಸ್ಕೃತಿಯನ್ನು ಹೊಂದಿದ್ದು, ಅದರ ಉಳಿವಿಗಾಗಿ ಎಲ್ಲರೂ ಶ್ರಮಿಸಬೇಕು ಎಂದು ಸಂಸದ ಡಾ.ಉಮೇಶ ಜಾಧವ ಹೇಳಿದರು.

. ಕಾಳಗಿ ತಾಲ್ಲೂಕಿನ ಬೇಡಸೂರ ಎಂ.ತಾಂಡಾದಲ್ಲಿ ಏರ್ಪಡಿಸಿದ್ದ ದೀಪಾವಳಿ ಸಂಭ್ರಮ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

. ಬಂಜಾರ ಸಮುದಾಯದ ಅತ್ಯಂತ ದೊಡ್ಡ ಹಬ್ಬ ದೀಪಾವಳಿ. ದೇಶದಾದ್ಯಂತ ಸಮುದಾಯದ ಜನರು ಇದ್ದಾರೆ ಎಂದರು.

. ಹಬ್ಬದ ನಿಮಿತ್ತ ತಾಂಡಾದ ಯುವತಿಯರು ರಂಗು-ರಂಗಿನ ಹೊಸಬಟ್ಟೆಗಳನ್ನು ಧರಿಸಿ ಮನೆಯಿಂದ ಜ್ಯೋತಿ ಹೊತ್ತಿಸಿಕೊಂಡು ಸೇವಾಲಾಲ್ ಮರಿಯಮ್ಮ ದೇವಾಲಯಕ್ಕೆ ಬಂದು ದೇವರಿಗೆ ದೀಪ ಬೆಳಗಿದರು.

. ನಂತರ ತಾಂಡಾದ ಎಲ್ಲ ಮನೆಗಳಿಗೆ ತೆರಳಿ ದೀಪ ಬೆಳಗಿ ಕಾಣಿಕೆ ಸ್ವಿಕರಿಸಿದರು. ಈ ಪ್ರಕ್ರಿಯೆ ಬೆಳಗಿನ ಜಾವದವರೆಗೂ ನಡೆಯಿತು.

. ಬೇಡಸೂರ ಎಂ. ತಾಂಡಾ, ಕೊಡದೂರ ತಾಂಡಾ, ಕಾಳಗಿ ಕರಿಕಲ್ ತಾಂಡಾ, ರುಮ್ಮನಗೂಡ ತಾಂಡಾ, ಸುಗೂರ (ಕೆ) ಹಾಗೂ ಕಾಳಗಿ ತಾಲ್ಲೂಕಿನ ತಾಂಡಾದಲ್ಲಿ ಜನರು ಸಂಭ್ರಮದಿಂದ ಹಬ್ಬ ಆಚರಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.