ಕೊಂಕಣ ರೈಲ್ವೆ ವಿದ್ಯುದೀಕರಣ ಪೂರ್ಣ

ಕಾರವಾರ: ದೇಶದ ಪಶ್ಚಿಮ ಕರಾವಳಿಯ ಪ್ರಮುಖ ರೈಲ್ವೆ ಯೋಜನೆಯಾಗಿರುವ ಕೊಂಕಣ ರೈಲು ಮಾರ್ಗವು ಈಗ ಸಂಪೂರ್ಣವಾಗಿ ವಿದ್ಯುದೀಕರಣವಾಗಿರುವ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇನ್ನು ಕೆಲವೇ ದಿನಗಳಲ್ಲಿ ಮುಂಬೈನ ರೋಹಾದಿಂದ ಮಂಗಳೂರಿನ ತೋಕೂರುವರೆಗೆ ನಿಗಮದ ರೈಲುಗಳು ವಿದ್ಯುಚ್ಛಕ್ತಿಯಿಂದಲೇ ಸಂಚರಿಸಲಿವೆ.

. ಕೊಂಕಣ ರೈಲ್ವೆಯು, 2017ರ ಆಗಸ್ಟ್ನಲ್ಲಿ ವಿದ್ಯುದೀಕರಣ ಕಾಮಗಾರಿಯನ್ನು ಆರಂಭಿಸಿತ್ತು. 2021ರ ಡಿಸೆಂಬರ್ನಲ್ಲಿ ಪೂರ್ಣಗೊಳ್ಳುವ ಗುರಿ ಹೊಂದಲಾಗಿತ್ತು. ಆದರೆ, ಕೋವಿಡ್, ಪ್ರವಾಹದಂಥ ಕಾರಣಗಳಿಂದ ಕಾಮಗಾರಿ ವಿಳಂಬವಾಯಿತು. ಹಂತ ಹಂತವಾಗಿ ಯೋಜನೆಯನ್ನು ಜಾರಿ ಮಾಡುತ್ತ ಬಂದು, ಮಾರ್ಚ್ 24ರಂದು ಕೊನೆಯ ಹಂತದ ಕೆಲಸ ಪೂರ್ಣಗೊಂಡಿತು.

. ಮಹಾರಾಷ್ಟ್ರದ ರತ್ನಗಿರಿಯಿಂದ ಗೋವಾದ ಥಿವಿಮ್ ನಡುವಿನ 194 ಕಿಲೋಮೀಟರ್ನಲ್ಲಿ ವಿದ್ಯುದೀಕರಣ ಮಾಡಿದ್ದು, ರೈಲುಗಳ ಪರೀಕ್ಷಾರ್ಥ ಸಂಚಾರ ಯಶಸ್ವಿಯಾಗಿದೆ. ಇದರೊಂದಿಗೆ ಸಂಪೂರ್ಣ ಮಾರ್ಗವನ್ನು ಮೇಲ್ದರ್ಜೆಗೇರಿಸುವ ಕಾಮಗಾರಿಯು ಪೂರ್ಣಗೊಂಡಿದೆ.

. ಮಾರ್ಚ್ 2021ರಲ್ಲಿ ತೋಕೂರಿನಿಂದ ಉಡುಪಿ ಜಿಲ್ಲೆಯ ಬಿಜೂರುವರೆಗೆ ಸುಮಾರು 105 ಕಿಲೋಮೀಟರ್ ಮಾರ್ಗದ ವಿದ್ಯುದೀಕರಣ ಕಾಮಗಾರಿ ಪೂರ್ಣಗೊಂಡಿತ್ತು. ಆ ಮಾರ್ಗದಲ್ಲಿ ಮೊದಲ ಬಾರಿಗೆ ವಿದ್ಯುತ್ ಲೋಕೊ ಸಂಚಾರವನ್ನು ಯಶಸ್ವಿಯಾಗಿ ಕೈಗೊಳ್ಳಲಾಗಿತ್ತು.

. ಹಳಿ ಹಾದು ಹೋಗುವ ಉತ್ತರ ಕನ್ನಡದ ಐದು ತಾಲ್ಲೂಕುಗಳಲ್ಲೂ ವಿದ್ಯುದೀಕರಣ ಕಾಮಗಾರಿಯು ಬಹುತೇಕ ಅದೇ ಸಮಯಕ್ಕೆ ಸಂಪೂರ್ಣವಾಗಿತ್ತು. ಹಾಗಾಗಿ, ಮಾರ್ಚ್ 7ರಂದು ತೋಕೂರಿನಿಂದ ಕಾರವಾರದವರೆಗೆ ಹಮ್ಮಿಕೊಳ್ಳಲಾಗಿದ್ದ ಪರೀಕ್ಷಾರ್ಥ ಸಂಚಾರವೂ ಯಶಸ್ವಿಯಾಗಿತ್ತು. ಈ ವರ್ಷ ಜನವರಿಯಲ್ಲಿ ಕಾರವಾರದಿಂದ ಗೋವಾದ ವೆರ್ನಾವರೆಗೆ 116 ಕಿಲೋಮೀಟರ್ ಮಾರ್ಗದ ವಿದ್ಯುದೀಕರಣ ಪೂರ್ಣಗೊಂಡಿತ್ತು.

. ಇದೇರೀತಿ, ಮಂಗಳೂರಿನಿಂದ ನಂತರ ದಕ್ಷಿಣ ರೈಲ್ವೆಯ ವಿದ್ಯುದೀಕರಣವೂ ಪೂರ್ಣಗೊಂಡ ಬಳಿಕ ದೇಶದ ಪಶ್ಚಿಮ ಕರಾವಳಿಯಲ್ಲಿ ರೈಲುಗಳ ‘ಚುಕುಬುಕು’ ಸದ್ದು ಸಂಪೂರ್ಣವಾಗಿ ಅಡಗಲಿದೆ.

. ಉಳಿತಾಯಕ್ಕೆ ಅನುಕೂಲ:

. ‘ಕೊಂಕಣ ರೈಲು ಮಾರ್ಗದ ವಿದ್ಯುದೀಕರಣದಿಂದ ಡೀಸೆಲ್ ಖರೀದಿ ಮತ್ತು ಕಾರ್ಯಾಚರಣೆಯ ವೆಚ್ಚದಲ್ಲಿ ಭಾರಿ ಉಳಿತಾಯವಾಗಲಿದೆ’ ಎನ್ನುತ್ತಾರೆ ನಿಗಮದ ಪ್ರಾದೇಶಿಕ ವ್ಯಸ್ಥಾಪಕ ಬಿ.ಬಿ.ನಿಕ್ಕಂ.

. ‘ಪ್ರಜಾವಾಣಿ’ ಜೊತೆ ಮಾತನಾಡಿದ ಅವರು, ‘2017ರಲ್ಲಿ ಸಿದ್ಧಪಡಿಸಿದ ವಿಸ್ತೃತ ಯೋಜನಾ ವರದಿಯ ಪ್ರಕಾರ, ಸಂಪೂರ್ಣ ವಿದ್ಯುದೀಕರಣದಿಂದಾಗಿ ಇಂಧನದ ವೆಚ್ಚದಲ್ಲಿಯೇ ವರ್ಷಕ್ಕೆ ₹ 180 ಕೋಟಿ ಹಾಗೂ ನಿರ್ವಹಣೆಯಲ್ಲಿ ₹ 100 ಕೋಟಿಯಿಂದ ₹ 120 ಕೋಟಿಗಳಷ್ಟು ಉಳಿತಾಯವಾಗಬಹುದು ಎಂದು ಅಂದಾಜಿಸಲಾಗಿದೆ’ ಎಂದು ತಿಳಿಸಿದರು.

. -------

. * ವಿದ್ಯುದೀಕರಣದಿಂದ ರೈಲುಗಳ ವೇಗದಲ್ಲಿ ಬದಲಾವಣೆಯಾಗುವುದಿಲ್ಲ. ಆದರೆ, ವಾತಾವರಣಕ್ಕೆ ಇಂಗಾಲ ಸೇರಿ ವಾಯುಮಾಲಿನ್ಯ ಆಗುವ ಪ್ರಮೇಯವಿರುವುದಿಲ್ಲ.

. - ಬಿ.ಬಿ.ನಿಕ್ಕಂ, ಪ್ರಾದೇಶಿಕ ವ್ಯಸ್ಥಾಪಕ, ಕೊಂಕಣ ರೈಲ್ವೆ

. ------

. ಕೊಂಕಣ ರೈಲ್ವೆ: ಅಂಕಿ ಅಂಶ

. * ವಿದ್ಯುದೀಕರಣಕ್ಕೆ ತಗುಲಿದ ವೆಚ್ಚ: ₹ 1,287 ಕೋಟಿ

. * ವಿದ್ಯುದೀಕರಣ ಕಾಮಗಾರಿ ಆರಂಭ: 2017ನೇ ಇಸವಿ

. * ರೈಲು ಮಾರ್ಗದ ಒಟ್ಟು ಉದ್ದ: 756 ಕಿಲೋಮೀಟರ್

. * ರೈಲಿನ ಗರಿಷ್ಠ ವೇಗ ಸಾಮರ್ಥ್ಯ: 120 ಕಿ.ಮೀ/ ಗಂಟೆ

. * ಒಟ್ಟು ನಿಲ್ದಾಣಗಳು: 69

. Koo App Konkan Railway accomplishes 100% Electrification! Konkan Railway, one of the biggest stretch on Indian Railways network has been completely electrified, this milestone is a significant leap towards achieving Mission 100% Electrification. View attached media content - Ministry of Railways (@RailMinIndia) 31 Mar 2022 . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಂಕಣ ರೈಲ್ವೆ ವಿದ್ಯುದೀಕರಣ ಪೂರ್ಣ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!