<p><strong>ಭಟ್ಕಳ</strong>: ತಾಲ್ಲೂಕಿನ ಮುರುಡೇಶ್ವರದಲ್ಲಿ ಮೂರು ದಿನಗಳ ಕಾಲ ನಡೆದ ಅದ್ದೂರಿ ಮತ್ಸ್ಯ ಮೇಳಕ್ಕೆ ಶನಿವಾರ ತೆರೆಬಿದಿದ್ದೆ.</p>.<p>ಗುರುವಾರ ಹಾಗೂ ಶುಕ್ರವಾರ ಜನರು ಸಾಗರೋಪಾದಿಯಲ್ಲಿ ಆಗಮಿಸಿ ಮೇಳ ಹಾಗೂ ಅಲ್ಲಿ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ವೀಕ್ಷಿಸಿದರು.</p>.<p>ಭಟ್ಕಳ ತಾಲ್ಲೂಕು ಮಾತ್ರವಲ್ಲದೇ ನೆರೆಯ ಕುಂದಾಪುರ, ಬೈಂದೂರು, ಹೊನ್ನಾವರ, ಕುಮಟಾ ತಾಲ್ಲೂಕುಗಳಿಂದ ಲಕ್ಷಕ್ಕೂ ಅಧಿಕ ಜನ ಆಗಮಿಸಿ ಮೇಳದ ಮೆರಗು ಹೆಚ್ಚಿಸಿದರು.</p>.<p>ಗುರುವಾರ ರಾತ್ರಿ ನಡೆದ ಕನ್ನಡ ಚಿತ್ರರಂಗದ ಸಂಗೀತ ನಿರ್ದೇಶಕ ಅರ್ಜುನ ಜನ್ಯ ಅವರ ಸಂಗೀತ ರಸಸಂಜೆ, ಶುಕ್ರವಾರ ನಡೆದ ಝೇಂಕಾರ ಮೆಲೋಡಿಸ್ ಅವರ ರಸಸಂಜೆ ಹಾಗೂ ಶನಿವಾರ ಚಿತ್ರನಟ ಡಾಲಿ ಧನಂಜಯ ಆಗಮನ ಪ್ರೇಕ್ಷರನ್ನು ರಂಜಿಸಿತು.</p>.<p>ತಾಲ್ಲೂಕಿನಲ್ಲಿ ಕಳೆದ ಹತ್ತಾರು ವರ್ಷಗಳಿಂದ ದೊಡ್ಡಮಟ್ಟದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯದ ಕಾರಣ ಜನರು ದೂರದ ಹೊನ್ನಾವರ, ಕುಮಟಾ ಉತ್ಸವಗಳಿಗೆ ತೆರಳಿ ಕಾರ್ಯಕ್ರಮ ವೀಕ್ಷಿಸಿ ಬರುತ್ತಿದ್ದರು.</p>.<p>ಕಳೆದ ದೀಪಾವಳಿಯಂದು ನಡೆದ ಅದ್ದೂರಿ ಬೈಂದೂರು ಉತ್ಸವವನ್ನು ತಾಲ್ಲೂಕಿನ ಸಾವಿರಾರು ಜನರು ವೀಕ್ಷಿಸಿ ನಿಬ್ಬೆರಗಾಗಿ, ಇಂತಹ ಕಾರ್ಯಕ್ರಮ ಭಟ್ಕಳದಲ್ಲಿ ನಡೆಸದ ಬಗ್ಗೆ ಜನಪ್ರತಿನಿಧಿಗಳಿಗೆ ಹಿಡಿಶಾಪ ಹಾಕಿದ್ದರು. ಮುರುಡೇಶ್ವರದಲ್ಲಿ ಬೈಂದೂರು ಉತ್ಸವಕ್ಕಿಂತ ಅದ್ದೂರಿಯಾದ ವೇದಿಕೆಯಲ್ಲಿ ನಡೆದ ಕಾರ್ಯಕ್ರಮ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆಗೆ ಪಾತ್ರವಾಯಿತು.</p>.<p>ವಿರೋಧಿಗಳ ಟೀಕೆಯ ನಡುವೆಯೂ ಸಚಿವ ಮಂಕಾಳ ವೈದ್ಯ ಮೀನುಗಾರಿಕೆ ದಿನಾಚರಣೆಯನ್ನು ಭಟ್ಕಳದಲ್ಲಿ ಅದ್ದೂರಿಯಾಗಿ ಆಚರಿಸಿ, ಮೀನುಗಾರರಿಗೆ ಅನುಕೂಲ ಮಾಡಿಕೊಡುವುದರ ಜೊತೆಗೆ ಭಟ್ಕಳದ ಜನತೆಗೆ ಕಲೆ, ಖಾದ್ಯ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳ ಸವಿರುಚಿ ಉಣಬಡಿಸಿರುವುದು ಪ್ರಶಂಸನೀಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭಟ್ಕಳ</strong>: ತಾಲ್ಲೂಕಿನ ಮುರುಡೇಶ್ವರದಲ್ಲಿ ಮೂರು ದಿನಗಳ ಕಾಲ ನಡೆದ ಅದ್ದೂರಿ ಮತ್ಸ್ಯ ಮೇಳಕ್ಕೆ ಶನಿವಾರ ತೆರೆಬಿದಿದ್ದೆ.</p>.<p>ಗುರುವಾರ ಹಾಗೂ ಶುಕ್ರವಾರ ಜನರು ಸಾಗರೋಪಾದಿಯಲ್ಲಿ ಆಗಮಿಸಿ ಮೇಳ ಹಾಗೂ ಅಲ್ಲಿ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ವೀಕ್ಷಿಸಿದರು.</p>.<p>ಭಟ್ಕಳ ತಾಲ್ಲೂಕು ಮಾತ್ರವಲ್ಲದೇ ನೆರೆಯ ಕುಂದಾಪುರ, ಬೈಂದೂರು, ಹೊನ್ನಾವರ, ಕುಮಟಾ ತಾಲ್ಲೂಕುಗಳಿಂದ ಲಕ್ಷಕ್ಕೂ ಅಧಿಕ ಜನ ಆಗಮಿಸಿ ಮೇಳದ ಮೆರಗು ಹೆಚ್ಚಿಸಿದರು.</p>.<p>ಗುರುವಾರ ರಾತ್ರಿ ನಡೆದ ಕನ್ನಡ ಚಿತ್ರರಂಗದ ಸಂಗೀತ ನಿರ್ದೇಶಕ ಅರ್ಜುನ ಜನ್ಯ ಅವರ ಸಂಗೀತ ರಸಸಂಜೆ, ಶುಕ್ರವಾರ ನಡೆದ ಝೇಂಕಾರ ಮೆಲೋಡಿಸ್ ಅವರ ರಸಸಂಜೆ ಹಾಗೂ ಶನಿವಾರ ಚಿತ್ರನಟ ಡಾಲಿ ಧನಂಜಯ ಆಗಮನ ಪ್ರೇಕ್ಷರನ್ನು ರಂಜಿಸಿತು.</p>.<p>ತಾಲ್ಲೂಕಿನಲ್ಲಿ ಕಳೆದ ಹತ್ತಾರು ವರ್ಷಗಳಿಂದ ದೊಡ್ಡಮಟ್ಟದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯದ ಕಾರಣ ಜನರು ದೂರದ ಹೊನ್ನಾವರ, ಕುಮಟಾ ಉತ್ಸವಗಳಿಗೆ ತೆರಳಿ ಕಾರ್ಯಕ್ರಮ ವೀಕ್ಷಿಸಿ ಬರುತ್ತಿದ್ದರು.</p>.<p>ಕಳೆದ ದೀಪಾವಳಿಯಂದು ನಡೆದ ಅದ್ದೂರಿ ಬೈಂದೂರು ಉತ್ಸವವನ್ನು ತಾಲ್ಲೂಕಿನ ಸಾವಿರಾರು ಜನರು ವೀಕ್ಷಿಸಿ ನಿಬ್ಬೆರಗಾಗಿ, ಇಂತಹ ಕಾರ್ಯಕ್ರಮ ಭಟ್ಕಳದಲ್ಲಿ ನಡೆಸದ ಬಗ್ಗೆ ಜನಪ್ರತಿನಿಧಿಗಳಿಗೆ ಹಿಡಿಶಾಪ ಹಾಕಿದ್ದರು. ಮುರುಡೇಶ್ವರದಲ್ಲಿ ಬೈಂದೂರು ಉತ್ಸವಕ್ಕಿಂತ ಅದ್ದೂರಿಯಾದ ವೇದಿಕೆಯಲ್ಲಿ ನಡೆದ ಕಾರ್ಯಕ್ರಮ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆಗೆ ಪಾತ್ರವಾಯಿತು.</p>.<p>ವಿರೋಧಿಗಳ ಟೀಕೆಯ ನಡುವೆಯೂ ಸಚಿವ ಮಂಕಾಳ ವೈದ್ಯ ಮೀನುಗಾರಿಕೆ ದಿನಾಚರಣೆಯನ್ನು ಭಟ್ಕಳದಲ್ಲಿ ಅದ್ದೂರಿಯಾಗಿ ಆಚರಿಸಿ, ಮೀನುಗಾರರಿಗೆ ಅನುಕೂಲ ಮಾಡಿಕೊಡುವುದರ ಜೊತೆಗೆ ಭಟ್ಕಳದ ಜನತೆಗೆ ಕಲೆ, ಖಾದ್ಯ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳ ಸವಿರುಚಿ ಉಣಬಡಿಸಿರುವುದು ಪ್ರಶಂಸನೀಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
