ಕೊಂಕಣ ರೈಲ್ವೆ:ಶೇ.99 ವಿದ್ಯುತ್ ಚಾಲಿತ ರೈಲು

ಕಾರವಾರ : ಮೂರು ರಾಜ್ಯಗಳಲ್ಲಿ ಹಾದುಹೋಗುವ ಕೊಂಕಣ ರೈಲು ಮಾರ್ಗ ಸಂಪೂರ್ಣ ವಿದ್ಯುದ್ದೀಕರಣಗೊಂಡ ಏಳೆಂಟು ತಿಂಗಳ ಬಳಿಕ ಶೇ.99ರಷ್ಟು ರೈಲುಗಳು ವಿದ್ಯುತ್ ಚಾಲಿತವಾಗಿ ಓಡಾಟ ನಡೆಸಲು ಸಿದ್ಧತೆ ನಡೆದಿದೆ.

. ಫೆ.12 ರಂದು ಕೊಂಕಣ ರೈಲ್ವೆ ವ್ಯಾಪ್ತಿಯ 12 ರೈಲುಗಳಿಗೆ ವಿದ್ಯುತ್ ಚಾಲಿತ ಲೋಕೊಮೊಟಿವ್ ಅಳವಡಿಕೆ ಆಗುತ್ತಿದೆ. ಇದರೊಂದಿಗೆ ಈ ಮಾರ್ಗದಲ್ಲಿ ಓಡಾಟ ನಡೆಸುವ 60ಕ್ಕೂ ಹೆಚ್ಚು ರೈಲುಗಳು ಸಂಪೂರ್ಣ ವಿದ್ಯುತ್ ಚಾಲಿತವಾಗಿ ಸಂಚರಿಸಲು ಅನುಕೂಲ ಆಗಲಿದೆ. ಸದ್ಯ 45 ರಿಂದ 48 ರಷ್ಟು ರೈಲುಗಳಿಗೆ ಮಾತ್ರ ಎಲೆಕ್ಟ್ರಿಕ್ ಲೋಕೊಮೊಟಿವ್ ಅಳವಡಿಕೆ ಮಾಡಲಾಗಿತ್ತು.

. ಲೋಕಮಾನ್ಯ ತಿಲಕ್-ಎರ್ನಾಕುಲಂ-ಲೋಕಮಾನ್ಯತಿಲಕ್ ಎಕ್ಸಪ್ರೆಸ್ (12223/12224), ಪುಣೆ-ಎರ್ನಾಕುಲಂ ಜಂಕ್ಷನ್- ಪುಣೆ ಎಕ್ಸಪ್ರೆಸ್ (22150/22149), ಮುಂಬೈ-ಮಂಗಳೂರು-ಮುಂಬೈ ಎಕ್ಸಪ್ರೆಸ್ (12133/12134), ಸಾವಂತವಾಡಿ ರೋಡ್-ಮಡಗಾಂವ-ಸಾವಂತವಾಡಿ ರೋಡ್ (50107/50108), ಮಡಗಾಂವ-ಮುಂಬೈ-ಮಡಗಾಂವ (11099 /11100), ದೀವಾ-ಸಾವಂತವಾಡಿ ರೋಡ್-ದೀವಾ (10106/10105) ರೈಲುಗಳು ವಿದ್ಯುತ್ ಚಾಲಿತವಾಗಲಿವೆ.

. ‘ವಿದ್ಯುತ್ ಚಾಲಿತ ಎಂಜಿನ್ ಲಭ್ಯತೆ ಇಲ್ಲದ ಕಾರಣ ಈವರೆಗೆ ದೂರಗಾಮಿ ರೈಲುಗಳನ್ನು ಡೀಸೆಲ್ ಎಂಜಿನ್ ಮೂಲಕ ಓಡಿಸಲಾಗುತ್ತಿತ್ತು. ಸರಕು ಸಾಗಣೆಯ ರೈಲುಗಳನ್ನು ಮಾತ್ರ ವಿದ್ಯುತ್ ಚಾಲಿತವಾಗಿದ್ದವು. ಎಲೆಕ್ಟ್ರಿಕ್ ಲೋಕೊಮೊಟಿವ್ ಸಂಪರ್ಕಿಸುವ ವ್ಯವಸ್ಥೆಯನ್ನು ಪೂರ್ಣಗೊಳಿಸಲಾಗಿದ್ದು, ಶೇ.99ರಷ್ಟು ರೈಲುಗಳು ಇದನ್ನೇ ಆಧರಿಸಿ ಸಂಚರಿಸಲಿವೆ’ ಎಂದು ಕೊಂಕಣ ರೈಲ್ವೆ ಪ್ರಾದೇಶಿಕ ವ್ಯವಸ್ಥಾಪಕ ಬಾಳಾಸಾಹೇಬ್ ಬಿ.ನಿಕಂ ಪ್ರತಿಕ್ರಿಯಿಸಿದರು.

. ‘ಕೊಂಕಣ ರೈಲ್ವೆ ವ್ಯಾಪ್ತಿಯಲ್ಲಿ ಬೆಂಗಳೂರು–ಕಾರವಾರ ನಡುವೆ ಓಡಾಡುವ ಐದು ರೈಲುಗಳಿಗೆ ಮಾತ್ರ ಡೀಸೆಲ್ ಎಂಜಿನ್ ಮೂಲಕ ಸಾಗಲಿದೆ. ಪಡೀಲ್ ಬಳಿಕ ಘಟ್ಟ ವ್ಯಾಪ್ತಿಯಲ್ಲಿ ವಿದ್ಯುದ್ದೀಕರಣ ನಡೆಯದ ಕಾರಣ ಈ ರೈಲಿಗೆ ಎಲೆಕ್ಟ್ರಿಕ್ ಲೋಕೊಮೊಟಿವ್ ಅಳವಡಿಸುತ್ತಿಲ್ಲ’ ಎಂದು ತಿಳಿಸಿದರು.

. ಕೊಂಕಣ ರೈಲ್ವೆ ವ್ಯಾಪ್ತಿಯ 741 ಕಿ.ಮೀ. ಮಾರ್ಗವನ್ನು ₹1287 ಕೋಟಿ ವೆಚ್ಚದಲ್ಲಿ ಕಳೆದ ಮಾರ್ಚ್ನಲ್ಲಿಯೇ ಸಂಪೂರ್ಣ ವಿದ್ಯುದ್ದೀಕರಣ ಮಾಡಲಾಗಿತ್ತು. ಡೀಸೆಲ್ ಎಂಜಿನ್ ಚಾಲಿತ ರೈಲುಗಳನ್ನು ಹಂತ, ಹಂತವಾಗಿ ವಿದ್ಯುತ್ ಚಾಲಿತವಾಗಿ ಮಾರ್ಪಡಿಸುವ ಪ್ರಯತ್ನ ನಡೆದಿತ್ತು.

. ***

. ವಿದ್ಯುತ್ ಚಾಲಿತವಾಗಿ ರೈಲುಗಳು ಸಂಚರಿಸಲಿರುವ ಕಾರಣ ಪರಿಸರ ಹಾನಿ ಕಡಿಮೆಯಾಗಲಿದೆ. ಜತೆಗೆ ರೈಲ್ವೆ ಮಂಡಳಿಯ ವೆಚ್ಚವೂ ತಗ್ಗಲಿದೆ. - ಬಾಳಾಸಾಹೇಬ್ ಬಿ.ನಿಕಂ, ಕೊಂಕಣ ರೈಲ್ವೆ ಪ್ರಾದೇಶಿಕ ವ್ಯವಸ್ಥಾಪಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಂಕಣ ರೈಲ್ವೆ:ಶೇ.99 ವಿದ್ಯುತ್ ಚಾಲಿತ ರೈಲು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!