<p><strong>ವಿಜಯಪುರ:</strong>ಸೋಮವಾರ ಬಾನಂಗಳದಲ್ಲಿ ಚಂದ್ರ ದರ್ಶನವಾಗುತ್ತಿದ್ದಂತೆ, ವಿಜಯಪುರ ನಗರವೂ ಸೇರಿದಂತೆ ಪಟ್ಟಣ, ಗ್ರಾಮೀಣ ಪ್ರದೇಶದ ಮುಸ್ಲಿಮರ ಮನೆಗಳು, ಮಸೀದಿಗಳಲ್ಲಿ ರಮ್ಜಾನ್ ಮಾಸಾಚರಣೆ ಅಧಿಕೃತವಾಗಿ ಚಾಲನೆ ಪಡೆಯಿತು.</p>.<p>ರಾತ್ರಿ 8ರಿಂದ 10ಗಂಟೆವರೆಗೂ ಮಾಸಾಚರಣೆಯ ಮೊದಲ ವಿಶೇಷ ತರಾವಿ ಪ್ರಾರ್ಥನೆ ಜರುಗಿತು. ಮಂಗಳವಾರ ನಸುಕಿನ 4.32ಕ್ಕೆ ಜಿಲ್ಲೆಯಾದ್ಯಂಥಹ ಮೊದಲ ಸಹರಿ ಆರಂಭಗೊಂಡಿತು. ಮುಸ್ಸಂಜೆ 6.48ರ ಬಳಿಕ ಇಫ್ತಾರ್ ಆಯೋಜನೆಗೊಳ್ಳಲಿದೆ.</p>.<p>ಈ ಬಾರಿ ರಮ್ಜಾನ್ ಕಡು ಬೇಸಿಗೆಯಲ್ಲೇ ಬಂದಿದ್ದು, ವ್ರತಾಚರಣೆಗೆ ತಿಂಗಳಿನಿಂದ ನಡೆಸಿದ್ದ ಸಕಲ ಸಿದ್ಧತೆಗಳು ಪೂರ್ಣಗೊಂಡಿವೆ. ತಲೆ ತಲಾಂತರದಿಂದಲೂ ನಡೆದು ಬಂದಿರುವ ಪರಂಪರೆಯನ್ನು ಚಾಚೂ ತಪ್ಪದೆ, ಧಾರ್ಮಿಕ ವಿಧಿಗಳಿಗೆ ಕಿಂಚಿತ್ ಲೋಪವಾಗದಂತೆ ಆಚರಿಸಲು ಮುಸ್ಲಿಮರು ಮಾನಸಿಕವಾಗಿ ಸಿದ್ಧರಾಗಿದ್ದಾರೆ.</p>.<p>ವಿಜಯಪುರ ಜಿಲ್ಲೆಯಲ್ಲಿ ಒಟ್ಟು 950ಕ್ಕೂ ಹೆಚ್ಚು ಮಸೀದಿಗಳಿದ್ದು, ರಮ್ಜಾನ್ ಮಾಸಾಚರಣೆಗಾಗಿ ಸಜ್ಜುಗೊಂಡಿವೆ. ಸುಣ್ಣ–ಬಣ್ಣದಿಂದ ಅಲಂಕೃತಗೊಂಡಿವೆ. ಪ್ರಾರ್ಥನೆಗಾಗಿ ವಿವಿಧೆಡೆಯಿಂದ ಬರುವವರ ಅನುಕೂಲಕ್ಕಾಗಿ ಭೀಕರ ಬರದಲ್ಲೂ ನೀರಿನ ವ್ಯವಸ್ಥೆಯನ್ನು ಸಮರ್ಪಕವಾಗಿ ಮಾಡಿವೆ.</p>.<p>ಹೊಸ ಜಮಾಖಾನಗಳ ಖರೀದಿ, ಹಳೆಯ ಜಮಾಖಾನಗಳನ್ನು ಒಗೆದು ಸ್ವಚ್ಛಗೊಳಿಸುವ ಕಾರ್ಯ ಪೂರ್ಣಗೊಂಡಿದೆ. ಇಫ್ತಾರ್ ಆಯೋಜನೆಯ ಸಿದ್ಧತೆಗಳು ಬಿರುಸಿನಿಂದ ನಡೆದಿವೆ. ಕ್ಯಾಲೆಂಡರ್ ಪ್ರಕಟಗೊಂಡಿದೆ.</p>.<p>ಮಸೀದಿಗಳು, ಮನೆಗಳು ಸೇರಿದಂತೆ ಪ್ರತಿಯೊಬ್ಬ ಮುಸ್ಲಿಂರ ಮನ ಮನವೂ ಪವಿತ್ರ ಕ್ಷಣಕ್ಕಾಗಿ ಕಾತರದಿಂದ ಕಾದಿದ್ದು, ‘ರೋಜಾ’ ಆಚರಣೆಗೆ ಚಾಲನೆ ನೀಡಿದ್ದಾರೆ. ಈ ಪವಿತ್ರ ಮಾಸದಲ್ಲಿ 30 ದಿನವೂ ರಾತ್ರಿ ವೇಳೆ ಮಸೀದಿಗಳಲ್ಲಿ ನಡೆಯುವ ವಿಶೇಷ ಪ್ರಾರ್ಥನೆ ಸಂದರ್ಭ ಕುರಾನ್ ಪಠಣ ನಡೆಯಲಿದೆ. ಈ ಬಾರಿ ಉತ್ತರ ಭಾರತದ ಹಾಫೀಜ್ಗಳಿಗಿಂತ, ಸ್ಥಳೀಯ ಹಾಫೀಜ್ಗಳ ಸಂಖ್ಯೆಯೇ ಹೆಚ್ಚಿದೆ ಎನ್ನುತ್ತಾರೆ ಮುಸ್ಲಿಂ ಮುಖಂಡ ಶಂಶುದ್ಧೀನ್ ಪಾಟೀಲ.</p>.<p>ಈ ಹಾಫೀಜ್ಗಳು ದೇಶದ ವಿವಿಧೆಡೆಯ ಮದರಸಾಗಳಲ್ಲಿ ಕುರಾನ್ ಧರ್ಮಗ್ರಂಥದ ಕುರಿತು ಆಳ ಅಧ್ಯಯನ ನಡೆಸಿದವರು. ಅಲ್ಲಾಹುನ ಸಂದೇಶಗಳನ್ನು ಬಾಯಿ ಪಾಠ ಮಾಡಿದವರು. ಈಗಾಗಲೇ ಯಾವ್ಯಾವ ಮಸೀದಿ ಎಂಬುದನ್ನು ನಿಗದಿಪಡಿಸಿಕೊಂಡು ಬೀಡು ಬಿಟ್ಟಿದ್ದಾರೆ.</p>.<p>ಸೋಮವಾರ ರಾತ್ರಿಯಿಂದಲೇ ಇವರ ಧಾರ್ಮಿಕ ಕಾರ್ಯ ಚಾಲನೆಗೊಂಡಿದೆ. ಧರ್ಮಗ್ರಂಥದಲ್ಲಿರುವ ಅಲ್ಲಾಹುನ ಸಂದೇಶವನ್ನು ಸಂಪೂರ್ಣವಾಗಿ ಪ್ರತಿಯೊಬ್ಬ ಮುಸ್ಲಿಮನಿಗೂ ತಲುಪಿಸುವ ಪವಿತ್ರ ಕಾರ್ಯವನ್ನು ಇವರು ನಿರ್ವಹಿಸುತ್ತಾರೆ ಎಂದು ಸಮಾಜದ ಮುಖಂಡ ಪಾಟೀಲ ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ರೋಜಾ ವ್ರತಾಚರಣೆಗೆ ಸಕಲ ಸಿದ್ಧತೆ ಪೂರ್ಣಗೊಂಡಿವೆ. ಒಂದೂವರೆ ದಶಕದ ಅವಧಿಯಲ್ಲಿ ಈ ಬಾರಿ ಕಡು ಬೇಸಿಗೆಯಲ್ಲೇ ರಮ್ಜಾನ್ ಆರಂಭಗೊಂಡಿದೆ. ನೆತ್ತಿ ಸುಡುವ ಕೆಂಡದಂಥಹ ಬಿಸಿಲ ಬೇಗೆಯಲ್ಲೂ 14 ತಾಸಿಗೂ ಹೆಚ್ಚಿನ ಅವಧಿ ಗುಟುಕು ನೀರು ಕುಡಿಯದೆ, ಅಲ್ಲಾಹುನ ಆಜ್ಞೆ ಪಾಲನೆಗೆ ಮುಸ್ಲಿಂ ಸಮಾಜ ಸಿದ್ಧವಾಗಿದೆ. ಅಕ್ಷರಶಃ ಈ ಬಾರಿಯ ರಮ್ಜಾನ್ ಕಠೋರ, ಕಠಿಣವಾದದು’ ಎಂದು ಹೇಳಿದರು.</p>.<p><strong>ಅಂಕಿ–ಅಂಶ</strong></p>.<p>800 ಮಸೀದಿ ಜಿಲ್ಲೆಯಲ್ಲಿ</p>.<p>150 ಮಸೀದಿ ನಗರದಲ್ಲಿ</p>.<p>ಸೋಮವಾರ ಬಾನಂಗಳದಲ್ಲಿ ಚಂದ್ರದರ್ಶನ</p>.<p>ಮಂಗಳವಾರ ಮೊದಲ ರೋಜಾ</p>.<p>ಮುಸ್ಲಿಮರ ಮನದಲ್ಲಿ ಸಂಭ್ರಮ</p>.<p><strong>ಮಸೀದಿಗಳ ಸುತ್ತಲೂ ಹಣ್ಣಿನ ಅಂಗಡಿ..!</strong></p>.<p>ರಮ್ಜಾನ್ ಮಾಸಾಚರಣೆಗೆ ಚಾಲನೆ ದೊರಕುತ್ತಿದ್ದಂತೆ, ವ್ಯಾಪಾರಿಗಳು ಸಹ ಭರ್ಜರಿ ವ್ಯಾಪಾರ ನಡೆಸಲು ಮಸೀದಿಗಳ ಸುತ್ತಲೂ ಆಯಕಟ್ಟಿನ ಜಾಗ ಹಿಡಿದಿದ್ದಾರೆ.</p>.<p>‘ರೋಜಾ’ ಮುಗಿದ ನಂತರ ಮಸೀದಿಗಳಲ್ಲಿ ನಡೆಯುವ ಸಾಮೂಹಿಕ ಇಫ್ತಾರ್ನಲ್ಲಿ ಹಣ್ಣು, ಕರ್ಜೂರ ಸೇರಿದಂತೆ ಒಣ ಹಣ್ಣುಗಳನ್ನು ತಿನ್ನುವ ಮೂಲಕ ಉಪವಾಸ ಬಿಡುವವರೇ ಹೆಚ್ಚು. ಈ ಸಂದರ್ಭ ಮಸೀದಿ ಹೊರಭಾಗದಲ್ಲೇ ಸಿಗುವ ಅಲ್ಪೋಪಹಾರ ಖರೀದಿಸುವವರು ಅಧಿಕ. ಇದನ್ನರಿತಿರುವ ಬಾಳೆಹಣ್ಣು, ಕಲ್ಲಂಗಡಿ ಸೇರಿದಂತೆ ಇನ್ನಿತರೆ ಮಾರಾಟಗಾರರು ಮಸೀದಿ ಸುತ್ತ ಆಯಕಟ್ಟಿನ ಜಾಗ ನಿರ್ಮಿಸಿಕೊಂಡಿದ್ದಾರೆ.</p>.<p>‘30 ದಿನ ಭರ್ಜರಿ ವಹಿವಾಟು ನಡೆಯಲಿದೆ. ಇಡೀ ದಿನ ನಡೆಯುವ ವಹಿವಾಟು ಒಂದು ತಾಸಿನಲ್ಲಿ ನಡೆಯುತ್ತದೆ. ನಮ್ಮ ಪಾಲಿಗೆ ರಮ್ಜಾನ್ ಅಧಿಕ ಲಾಭ ನೀಡುವ ಮಾಸ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಆಸೀಫ್ ಬಾಗವಾನ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಜಯಪುರ:</strong>ಸೋಮವಾರ ಬಾನಂಗಳದಲ್ಲಿ ಚಂದ್ರ ದರ್ಶನವಾಗುತ್ತಿದ್ದಂತೆ, ವಿಜಯಪುರ ನಗರವೂ ಸೇರಿದಂತೆ ಪಟ್ಟಣ, ಗ್ರಾಮೀಣ ಪ್ರದೇಶದ ಮುಸ್ಲಿಮರ ಮನೆಗಳು, ಮಸೀದಿಗಳಲ್ಲಿ ರಮ್ಜಾನ್ ಮಾಸಾಚರಣೆ ಅಧಿಕೃತವಾಗಿ ಚಾಲನೆ ಪಡೆಯಿತು.</p>.<p>ರಾತ್ರಿ 8ರಿಂದ 10ಗಂಟೆವರೆಗೂ ಮಾಸಾಚರಣೆಯ ಮೊದಲ ವಿಶೇಷ ತರಾವಿ ಪ್ರಾರ್ಥನೆ ಜರುಗಿತು. ಮಂಗಳವಾರ ನಸುಕಿನ 4.32ಕ್ಕೆ ಜಿಲ್ಲೆಯಾದ್ಯಂಥಹ ಮೊದಲ ಸಹರಿ ಆರಂಭಗೊಂಡಿತು. ಮುಸ್ಸಂಜೆ 6.48ರ ಬಳಿಕ ಇಫ್ತಾರ್ ಆಯೋಜನೆಗೊಳ್ಳಲಿದೆ.</p>.<p>ಈ ಬಾರಿ ರಮ್ಜಾನ್ ಕಡು ಬೇಸಿಗೆಯಲ್ಲೇ ಬಂದಿದ್ದು, ವ್ರತಾಚರಣೆಗೆ ತಿಂಗಳಿನಿಂದ ನಡೆಸಿದ್ದ ಸಕಲ ಸಿದ್ಧತೆಗಳು ಪೂರ್ಣಗೊಂಡಿವೆ. ತಲೆ ತಲಾಂತರದಿಂದಲೂ ನಡೆದು ಬಂದಿರುವ ಪರಂಪರೆಯನ್ನು ಚಾಚೂ ತಪ್ಪದೆ, ಧಾರ್ಮಿಕ ವಿಧಿಗಳಿಗೆ ಕಿಂಚಿತ್ ಲೋಪವಾಗದಂತೆ ಆಚರಿಸಲು ಮುಸ್ಲಿಮರು ಮಾನಸಿಕವಾಗಿ ಸಿದ್ಧರಾಗಿದ್ದಾರೆ.</p>.<p>ವಿಜಯಪುರ ಜಿಲ್ಲೆಯಲ್ಲಿ ಒಟ್ಟು 950ಕ್ಕೂ ಹೆಚ್ಚು ಮಸೀದಿಗಳಿದ್ದು, ರಮ್ಜಾನ್ ಮಾಸಾಚರಣೆಗಾಗಿ ಸಜ್ಜುಗೊಂಡಿವೆ. ಸುಣ್ಣ–ಬಣ್ಣದಿಂದ ಅಲಂಕೃತಗೊಂಡಿವೆ. ಪ್ರಾರ್ಥನೆಗಾಗಿ ವಿವಿಧೆಡೆಯಿಂದ ಬರುವವರ ಅನುಕೂಲಕ್ಕಾಗಿ ಭೀಕರ ಬರದಲ್ಲೂ ನೀರಿನ ವ್ಯವಸ್ಥೆಯನ್ನು ಸಮರ್ಪಕವಾಗಿ ಮಾಡಿವೆ.</p>.<p>ಹೊಸ ಜಮಾಖಾನಗಳ ಖರೀದಿ, ಹಳೆಯ ಜಮಾಖಾನಗಳನ್ನು ಒಗೆದು ಸ್ವಚ್ಛಗೊಳಿಸುವ ಕಾರ್ಯ ಪೂರ್ಣಗೊಂಡಿದೆ. ಇಫ್ತಾರ್ ಆಯೋಜನೆಯ ಸಿದ್ಧತೆಗಳು ಬಿರುಸಿನಿಂದ ನಡೆದಿವೆ. ಕ್ಯಾಲೆಂಡರ್ ಪ್ರಕಟಗೊಂಡಿದೆ.</p>.<p>ಮಸೀದಿಗಳು, ಮನೆಗಳು ಸೇರಿದಂತೆ ಪ್ರತಿಯೊಬ್ಬ ಮುಸ್ಲಿಂರ ಮನ ಮನವೂ ಪವಿತ್ರ ಕ್ಷಣಕ್ಕಾಗಿ ಕಾತರದಿಂದ ಕಾದಿದ್ದು, ‘ರೋಜಾ’ ಆಚರಣೆಗೆ ಚಾಲನೆ ನೀಡಿದ್ದಾರೆ. ಈ ಪವಿತ್ರ ಮಾಸದಲ್ಲಿ 30 ದಿನವೂ ರಾತ್ರಿ ವೇಳೆ ಮಸೀದಿಗಳಲ್ಲಿ ನಡೆಯುವ ವಿಶೇಷ ಪ್ರಾರ್ಥನೆ ಸಂದರ್ಭ ಕುರಾನ್ ಪಠಣ ನಡೆಯಲಿದೆ. ಈ ಬಾರಿ ಉತ್ತರ ಭಾರತದ ಹಾಫೀಜ್ಗಳಿಗಿಂತ, ಸ್ಥಳೀಯ ಹಾಫೀಜ್ಗಳ ಸಂಖ್ಯೆಯೇ ಹೆಚ್ಚಿದೆ ಎನ್ನುತ್ತಾರೆ ಮುಸ್ಲಿಂ ಮುಖಂಡ ಶಂಶುದ್ಧೀನ್ ಪಾಟೀಲ.</p>.<p>ಈ ಹಾಫೀಜ್ಗಳು ದೇಶದ ವಿವಿಧೆಡೆಯ ಮದರಸಾಗಳಲ್ಲಿ ಕುರಾನ್ ಧರ್ಮಗ್ರಂಥದ ಕುರಿತು ಆಳ ಅಧ್ಯಯನ ನಡೆಸಿದವರು. ಅಲ್ಲಾಹುನ ಸಂದೇಶಗಳನ್ನು ಬಾಯಿ ಪಾಠ ಮಾಡಿದವರು. ಈಗಾಗಲೇ ಯಾವ್ಯಾವ ಮಸೀದಿ ಎಂಬುದನ್ನು ನಿಗದಿಪಡಿಸಿಕೊಂಡು ಬೀಡು ಬಿಟ್ಟಿದ್ದಾರೆ.</p>.<p>ಸೋಮವಾರ ರಾತ್ರಿಯಿಂದಲೇ ಇವರ ಧಾರ್ಮಿಕ ಕಾರ್ಯ ಚಾಲನೆಗೊಂಡಿದೆ. ಧರ್ಮಗ್ರಂಥದಲ್ಲಿರುವ ಅಲ್ಲಾಹುನ ಸಂದೇಶವನ್ನು ಸಂಪೂರ್ಣವಾಗಿ ಪ್ರತಿಯೊಬ್ಬ ಮುಸ್ಲಿಮನಿಗೂ ತಲುಪಿಸುವ ಪವಿತ್ರ ಕಾರ್ಯವನ್ನು ಇವರು ನಿರ್ವಹಿಸುತ್ತಾರೆ ಎಂದು ಸಮಾಜದ ಮುಖಂಡ ಪಾಟೀಲ ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ರೋಜಾ ವ್ರತಾಚರಣೆಗೆ ಸಕಲ ಸಿದ್ಧತೆ ಪೂರ್ಣಗೊಂಡಿವೆ. ಒಂದೂವರೆ ದಶಕದ ಅವಧಿಯಲ್ಲಿ ಈ ಬಾರಿ ಕಡು ಬೇಸಿಗೆಯಲ್ಲೇ ರಮ್ಜಾನ್ ಆರಂಭಗೊಂಡಿದೆ. ನೆತ್ತಿ ಸುಡುವ ಕೆಂಡದಂಥಹ ಬಿಸಿಲ ಬೇಗೆಯಲ್ಲೂ 14 ತಾಸಿಗೂ ಹೆಚ್ಚಿನ ಅವಧಿ ಗುಟುಕು ನೀರು ಕುಡಿಯದೆ, ಅಲ್ಲಾಹುನ ಆಜ್ಞೆ ಪಾಲನೆಗೆ ಮುಸ್ಲಿಂ ಸಮಾಜ ಸಿದ್ಧವಾಗಿದೆ. ಅಕ್ಷರಶಃ ಈ ಬಾರಿಯ ರಮ್ಜಾನ್ ಕಠೋರ, ಕಠಿಣವಾದದು’ ಎಂದು ಹೇಳಿದರು.</p>.<p><strong>ಅಂಕಿ–ಅಂಶ</strong></p>.<p>800 ಮಸೀದಿ ಜಿಲ್ಲೆಯಲ್ಲಿ</p>.<p>150 ಮಸೀದಿ ನಗರದಲ್ಲಿ</p>.<p>ಸೋಮವಾರ ಬಾನಂಗಳದಲ್ಲಿ ಚಂದ್ರದರ್ಶನ</p>.<p>ಮಂಗಳವಾರ ಮೊದಲ ರೋಜಾ</p>.<p>ಮುಸ್ಲಿಮರ ಮನದಲ್ಲಿ ಸಂಭ್ರಮ</p>.<p><strong>ಮಸೀದಿಗಳ ಸುತ್ತಲೂ ಹಣ್ಣಿನ ಅಂಗಡಿ..!</strong></p>.<p>ರಮ್ಜಾನ್ ಮಾಸಾಚರಣೆಗೆ ಚಾಲನೆ ದೊರಕುತ್ತಿದ್ದಂತೆ, ವ್ಯಾಪಾರಿಗಳು ಸಹ ಭರ್ಜರಿ ವ್ಯಾಪಾರ ನಡೆಸಲು ಮಸೀದಿಗಳ ಸುತ್ತಲೂ ಆಯಕಟ್ಟಿನ ಜಾಗ ಹಿಡಿದಿದ್ದಾರೆ.</p>.<p>‘ರೋಜಾ’ ಮುಗಿದ ನಂತರ ಮಸೀದಿಗಳಲ್ಲಿ ನಡೆಯುವ ಸಾಮೂಹಿಕ ಇಫ್ತಾರ್ನಲ್ಲಿ ಹಣ್ಣು, ಕರ್ಜೂರ ಸೇರಿದಂತೆ ಒಣ ಹಣ್ಣುಗಳನ್ನು ತಿನ್ನುವ ಮೂಲಕ ಉಪವಾಸ ಬಿಡುವವರೇ ಹೆಚ್ಚು. ಈ ಸಂದರ್ಭ ಮಸೀದಿ ಹೊರಭಾಗದಲ್ಲೇ ಸಿಗುವ ಅಲ್ಪೋಪಹಾರ ಖರೀದಿಸುವವರು ಅಧಿಕ. ಇದನ್ನರಿತಿರುವ ಬಾಳೆಹಣ್ಣು, ಕಲ್ಲಂಗಡಿ ಸೇರಿದಂತೆ ಇನ್ನಿತರೆ ಮಾರಾಟಗಾರರು ಮಸೀದಿ ಸುತ್ತ ಆಯಕಟ್ಟಿನ ಜಾಗ ನಿರ್ಮಿಸಿಕೊಂಡಿದ್ದಾರೆ.</p>.<p>‘30 ದಿನ ಭರ್ಜರಿ ವಹಿವಾಟು ನಡೆಯಲಿದೆ. ಇಡೀ ದಿನ ನಡೆಯುವ ವಹಿವಾಟು ಒಂದು ತಾಸಿನಲ್ಲಿ ನಡೆಯುತ್ತದೆ. ನಮ್ಮ ಪಾಲಿಗೆ ರಮ್ಜಾನ್ ಅಧಿಕ ಲಾಭ ನೀಡುವ ಮಾಸ’ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಆಸೀಫ್ ಬಾಗವಾನ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
