ಯಾದಗಿರಿ ಜಿಲ್ಲೆಯಲ್ಲಿ ಪುನರುತ್ಥಾನ ಹಬ್ಬದ ಸಂಭ್ರಮ

ಯಾದಗಿರಿ: ಪುನರುತ್ಥಾನ (ಈಸ್ಟರ್) ಹಬ್ಬದ ಅಂಗವಾಗಿ ಭಾನುವಾರ ವಿವಿಧ ಚರ್ಚ್ಗಳಲ್ಲಿ ವಿಶೇಷ ಆರಾಧನಾ ಕೂಟ ನಡೆಯಿತು.

. ಭಾನುವಾರ ಬೆಳಿಗ್ಗೆ 5 ಗಂಟೆಗೆ ಚರ್ಚ್ಗಳಲ್ಲಿ ಸುರ್ಯೋದಯ ಆರಾಧನೆ ಕೂಟ ನಡೆಯಿತು. ಯೇಸು ಎದ್ದಿದ್ದಾನೆ. ಹೌದು ಯೇಸು ಎದ್ದಿದ್ದಾನೆ. ಎಲ್ಲಿಂದ ಎದ್ದಿದ್ದಾನೆ? ಸಮಾಧಿಯೊಳಗಿಂದ ಎದ್ದಿದ್ದಾನೆ ಎಂದು ಜಯಘೋಷ ಮಾಡಿದರು.

. ಗುಡ್ ಫ್ರೈಡೇ ನಂತರ ಭಾನುವಾರ ಯೇಸು ಕ್ರಿಸ್ತನು ಸಮಾಧಿಯಿಂದ ಎದ್ದಿರುವ ದ್ಯೋತಕವಾಗಿ ಸಣ್ಣ ಗವಿಯನ್ನು ಸೃಷ್ಟಿಸಲಾಗಿತ್ತು. ಗವಿಯೊಳಗಿಂದ ಯೇಸು ಎದ್ದು ಬಂದಂತೆ ಪ್ರತಿಕೃತಿ ರಚನೆ ಮಾಡಲಾಗಿತ್ತು. ಸಮಾಧಿ ಖಾಲಿ ಇರುವಂತೆ ಸೃಷ್ಟಿಸಲಾಗಿತ್ತು. ಈ ಮೂಲಕ ಕ್ರೈಸ್ತರು ಕ್ರಿಸ್ತನು ಎದ್ದು ಬಂದಿದ್ದಾನೆಂದು ಸಂಭ್ರಮಿಸಿದರು. ನಂತರ ಕೆಲವೆಡೆ ಪಟಾಕಿ ಸಿಡಿಸಿ ಸಂಭ್ರಮ ವ್ಯಕ್ತಪಡಿಸಿದರು.

. ಕೇಂದ್ರ ಮೆಥೋಡಿಸ್ಟ್ ಚರ್ಚ್, ತಾತಾ ಸಿಮೆಂಡ್ಸ್ ಸ್ಮಾರಕ ಮೆಥೋಡಿಸ್ಟ್, ಅಂಬೇಡ್ಕರ್ ನಗರ ಮೆಥೋಡಿಸ್ಟ್ ಚರ್ಚ್ ಸೇರಿದಂತೆ ನಗರದ ವಿವಿಧ ಚರ್ಚ್ಗಳಲ್ಲಿ ಈಸ್ಟರ್ ಹಬ್ಬದ ಸಂಭ್ರಮ ಎಲ್ಲೆಡೆ ಕಂಡು ಬಂತು.

. ಬೆಳಿಗ್ಗೆ 9.30ಕ್ಕೆ ಆರಾಧನಾ ಕೂಟ ನಿಗದಿಯಾಗಿತ್ತು. ಚಿಣ್ಣರು ಹೊಸ ಬಟ್ಟೆಗಳನ್ನು ತೊಟ್ಟು ಸಂಭ್ರಮಿಸಿದರು. ಚರ್ಚ್ಗಳಲ್ಲಿ ಸೇರಿದ ಕ್ರೈಸ್ತರು ಪರಸ್ಪರ ಶುಭಾಶಯ ವಿನಿಮಯ ಮಾಡಿಕೊಂಡರು.

. ಕ್ರೈಸ್ತರ ಮನೆಗಳಲ್ಲಿ ಸಿಹಿಯೂಟ, ವಿಶೇಷ ಖಾದ್ಯಗಳನ್ನು ತಯಾರು ಮಾಡಲಾಗಿತ್ತು. ಬಂಧು ಬಾಂಧವರನ್ನು ಆಹ್ವಾನಿಸಿ ಉಣಬಡಿಸಿದರು.

. ಕ್ರಿಸ್ತನಂತೆ ಬಾಳಲು ಕರೆ: ವಿವಿಧ ಚರ್ಚ್ಗಳಲ್ಲಿ ವಿಶೇಷ ಬೋಧನೆ ನೀಡಿದ ಸಭಾಪಾಲಕರು, ಯೇಸು ಕ್ರಿಸ್ತನು ಪಾಪಿಗಳಿಗಾಗಿ ಸತ್ತು ಮೂರನೇ ದಿನದಲ್ಲಿ ಎದ್ದು ಬಂದನು. ಹೀಗಾಗಿ ಈ ದಿನವನ್ನು ಪುನರುತ್ಥಾನ (ಈಸ್ಟರ್) ಹಬ್ಬವನ್ನಾಗಿ ಆಚರಣೆ ಮಾಡಲಾಗುತ್ತಿದೆ. ಕ್ರಿಸ್ತನು ಭೂಲೋಕದಲ್ಲಿ ಬಾಳಿದಂತೆ ಪಾಪ ರಹಿತವಾಗಿ ನೀವೂ ಬಾಳಬೇಕು ಎಂದು ಕರೆ ನೀಡಿದರು.

. ಕೇಂದ್ರ ಮೆಥೋಡಿಸ್ಟ್ ಜಿಲ್ಲಾ ಮೇಲ್ವಿಚಾರಕ ರೆವೆರೆಂಡ್ ಸತ್ಯಮಿತ್ರ ಮಾತನಾಡಿ, ‘ಯೇಸು ಕ್ರಿಸ್ತನು ಸಮಾಧಿಯೊಳಗಿಂದ ಮೂರನೇ ದಿನದಲ್ಲಿ ಎದ್ದು ಬಂದನು. ಆದರಂತೆ ಎಲ್ಲ ವಿಶ್ವಾಸಿಗಳು ಪಾಪಗಳಿಂದ ದೂರವಿದ್ದು, ಪಾಪಕ್ಕೆ ದೂರವಾಗಿ ಎದ್ದು ಹೋಗಬೇಕು’ ಎಂದು ಹೇಳಿದರು.

. ಕೇಂದ್ರ ಮೆಥೋಡಿಸ್ಟ್ ಚರ್ಚ್ನಲ್ಲಿ ಬೆಂಗಳೂರಿನ ರೆವೆರೆಂಡ್ ಎಲಿಯಾಸ್ ವಿಜಯ, ತಾತಾ ಸಿಮಂಡ್ಸ್ ಮೆಮೊರಿಯಲ್ ಮೆಥೋಡಿಸ್ಟ್ ಚರ್ಚ್ನಲ್ಲಿ ಪ್ಯಾಸನ್ ವೀಕ್ ಪ್ರಸಂಗಿ ಮೋಹನ್ ಹೋನಿಕೇರಿ ವಿಶೇಷ ಬೋಧನೆ ನೀಡಿದರು.

. ಕೇಂದ್ರ ಮೆಥೋಡಿಸ್ಟ್ ಚರ್ಚ್ನ ಸಹಾಯಕ ಸಭಾಪಾಲಕ ರೆವೆರೆಂಡ್ ಯೇಸುನಾಥ ನಂಬಿ, ವೈ.ಎಸ್.ಸಾಮ್ಯು ವೇಲ್, ಬಿ.ಟಿ.ಸೈಮನ್, ಡಾ.ರೆಡ್ಸನ್, ಸುನೀಲ್ ರೆಡ್ಸನ್, ಬಿ.ಸಾಮ್ಯುವೇಲ್, ರಾಜು ದೊಡ್ಡಮನಿ, ಉದಯಕುಮಾರ ದೊಡ್ಡ ಮನಿ, ದೇವದಾಸ್, ಸುಮಿತ್ರಾ, ಎಸ್.ಕೆ.ವಿಜಯಕುಮಾರ್, ಪ್ರಸಾದ ಮಿತ್ರಾ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಾದಗಿರಿ ಜಿಲ್ಲೆಯಲ್ಲಿ ಪುನರುತ್ಥಾನ ಹಬ್ಬದ ಸಂಭ್ರಮ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ