<p><strong>ಭುವನೇಶ್ವರ: </strong>ಒಡಿಶಾ ಹಾಗೂ ಸೀಮಾಂಧ್ರ ರಾಜ್ಯಗಳ ಗಡಿಯಲ್ಲಿರುವ 21 ಗ್ರಾಮಗಳ ಸಮೂಹವಾದ ‘ಕೋಟಿಯಾ’ ಪ್ರದೇಶದ ಜನತೆ ಚುನಾವಣೆ ವೇಳೆ ಎರಡೆರೆಡು ಬಾರಿ ಮತ ಚಲಾಯಿಸುವ ವಿಶೇಷ ಅವಕಾಶ ಪಡೆದುಕೊಂಡಿದೆ!<br /> <br /> ಗಡಿಯಲ್ಲಿರುವ ಕಾರಣ ಎರಡೂ ರಾಜ್ಯಗಳ ಜನಪ್ರತಿನಿಧಿಗಳನ್ನು ಆಯ್ಕೆ ಮಾಡುವ ಅವಕಾಶ ಇವರಿಗೆ ಒದಗಿ ಬಂದಿದೆ. ಏಪ್ರಿಲ್ 10ರಂದು ನಡೆದ ಚುನಾವಣೆಯಲ್ಲಿ ಈ ಗ್ರಾಮಗಳಲ್ಲಿ ಕೋರಾಪುಟ್ ಜಿಲ್ಲಾಡಳಿತದಿಂದ ಮತದಾನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಆಗ ಶೇ 60ರಷ್ಟು ಮತದಾನವೂ ಆಗಿತ್ತು. ಕೋರಾಪುಟ್ ಹಾಗೂ ಪೊಟಾಂಗಿ ವಿಧಾನಸಭೆ ಕ್ಷೇತ್ರಗಳಿಗೆ ಆಗ ಮತದಾನ ನಡೆದಿತ್ತು.<br /> <br /> ಈಗ ಬುಧವಾರ ನಡೆದ ಚುನಾವಣೆ ಸಂದರ್ಭದಲ್ಲಿ ಮತ್ತೆ ಸೀಮಾಂಧ್ರದ ವಿಜಯನಗರಂ ಲೋಕಸಭೆ ಹಾಗೂ ಪಾಲೂರ್ ವಿಧಾನಸಭೆ ಕ್ಷೇತ್ರಕ್ಕೆ ಪ್ರತಿನಿಧಿಗಳನ್ನು ಆಯ್ಕೆ ಮಾಡುವ ಭಾಗ್ಯ ಈ ಗ್ರಾಮದವರದಾಗಿತ್ತು. ಈ ವಿವಾದಿತ ಗ್ರಾಮಗಳಲ್ಲಿ ಈ ರೀತಿ ಎರಡೆರಡು ಬಾರಿ ಮತದಾನ ವ್ಯವಸ್ಥೆ ನಡೆದಿರುವುದು ಇದೇ ಮೊದಲೇನಲ್ಲ. 2009ರ ಲೋಕಸಭೆ ಚುನಾವಣೆ, ಎರಡೂ ರಾಜ್ಯಗಳ ವಿಧಾನಸಭೆ ಹಾಗೂ ಪಂಚಾಯಿತಿ ಚುನಾವಣೆಗಳಲ್ಲಿಯೂ ಈ ರಾಜ್ಯಗಳಿಂದ ಮತದಾನ ವ್ಯವಸ್ಥೆ ಕಲ್ಪಿಸಲಾಗಿತ್ತು.<br /> <br /> ವಿಶೇಷವೆಂದರೆ ಪ್ರತಿಬಾರಿಯೂ ಈ ಗ್ರಾಮಗಳ ಮತದಾರರ ಹೆಸರು ಮತದಾರರ ಪಟ್ಟಿಯಲ್ಲಿ ಸೇರಿಕೊಳ್ಳುತ್ತಿದೆ. ಕೆಲವರು ಎರಡೆರಡು ಗುರುತಿನ ಚೀಟಿಗಳನ್ನೂ ಹೊಂದಿದ್ದಾರೆ.<br /> <br /> ಈ ಕುರಿತು ರಾಜ್ಯ ಮುಖ್ಯ ಚುನಾವಣಾ ಆಯುಕ್ತರನ್ನು ಪ್ರಶ್ನಿಸಿದರೆ, ‘ಎರಡೆರಡು ಗುರುತಿನ ಚೀಟಿ ಹೊಂದುವುದು ಕಾನೂನು ಬಾಹಿರ. ಆದರೆ ಇದೇನು ವಿಶೇಷವಲ್ಲ. ಎಲ್ಲ ಕಡೆ ಗಡಿ ಪ್ರದೇಶಗಳಲ್ಲಿನ ಗ್ರಾಮದ ಹಲವರು ಇದೇ ರೀತಿ ಎರಡು ಗುರುತಿನ ಚೀಟಿ ಹೊಂದಿದ್ದಾರೆ’ ಎಂದು ಉತ್ತರಿಸುತ್ತಾರೆ.<br /> <br /> ‘ಚುನಾವಣೆ ಸಂದರ್ಭದಲ್ಲಿ ಈ ಗ್ರಾಮಗಳಲ್ಲಿನ ಚಟುವಟಿಕೆಗಳನ್ನು ಸೂಕ್ಷ್ಮವಾಗಿ ಅವಲೋಕಿಸಲು ವಿಭಾಗೀಯ ಅಭಿವೃದ್ಧಿ ಅಧಿಕಾರಿ ನೇತೃತ್ವದಲ್ಲಿ ತಂಡವೊಂದನ್ನು ನೇಮಿಸಲಾಗಿದೆ’ ಎಂದು ಕೋರಾಪುಟ್ ಜಿಲ್ಲಾಡಳಿತ ತಿಳಿಸಿದೆ. ಈ ಗ್ರಾಮಗಳನ್ನು ತಮ್ಮ ತೆಕ್ಕೆಗೆ ತೆಗೆದುಕೊಳ್ಳಲು ಎರಡೂ ರಾಜ್ಯಗಳು ದಶಕಗಳಿಂದ ಗುದ್ದಾಡುತ್ತಿವೆ. ಈ ಕುರಿತು 1966ರಿಂದಲೂ ಸುಪ್ರೀಂ ಕೋರ್ಟ್ನಲ್ಲಿ ಪ್ರಕರಣದ ವಿಚಾರಣೆ ನಡೆಯುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭುವನೇಶ್ವರ: </strong>ಒಡಿಶಾ ಹಾಗೂ ಸೀಮಾಂಧ್ರ ರಾಜ್ಯಗಳ ಗಡಿಯಲ್ಲಿರುವ 21 ಗ್ರಾಮಗಳ ಸಮೂಹವಾದ ‘ಕೋಟಿಯಾ’ ಪ್ರದೇಶದ ಜನತೆ ಚುನಾವಣೆ ವೇಳೆ ಎರಡೆರೆಡು ಬಾರಿ ಮತ ಚಲಾಯಿಸುವ ವಿಶೇಷ ಅವಕಾಶ ಪಡೆದುಕೊಂಡಿದೆ!<br /> <br /> ಗಡಿಯಲ್ಲಿರುವ ಕಾರಣ ಎರಡೂ ರಾಜ್ಯಗಳ ಜನಪ್ರತಿನಿಧಿಗಳನ್ನು ಆಯ್ಕೆ ಮಾಡುವ ಅವಕಾಶ ಇವರಿಗೆ ಒದಗಿ ಬಂದಿದೆ. ಏಪ್ರಿಲ್ 10ರಂದು ನಡೆದ ಚುನಾವಣೆಯಲ್ಲಿ ಈ ಗ್ರಾಮಗಳಲ್ಲಿ ಕೋರಾಪುಟ್ ಜಿಲ್ಲಾಡಳಿತದಿಂದ ಮತದಾನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಆಗ ಶೇ 60ರಷ್ಟು ಮತದಾನವೂ ಆಗಿತ್ತು. ಕೋರಾಪುಟ್ ಹಾಗೂ ಪೊಟಾಂಗಿ ವಿಧಾನಸಭೆ ಕ್ಷೇತ್ರಗಳಿಗೆ ಆಗ ಮತದಾನ ನಡೆದಿತ್ತು.<br /> <br /> ಈಗ ಬುಧವಾರ ನಡೆದ ಚುನಾವಣೆ ಸಂದರ್ಭದಲ್ಲಿ ಮತ್ತೆ ಸೀಮಾಂಧ್ರದ ವಿಜಯನಗರಂ ಲೋಕಸಭೆ ಹಾಗೂ ಪಾಲೂರ್ ವಿಧಾನಸಭೆ ಕ್ಷೇತ್ರಕ್ಕೆ ಪ್ರತಿನಿಧಿಗಳನ್ನು ಆಯ್ಕೆ ಮಾಡುವ ಭಾಗ್ಯ ಈ ಗ್ರಾಮದವರದಾಗಿತ್ತು. ಈ ವಿವಾದಿತ ಗ್ರಾಮಗಳಲ್ಲಿ ಈ ರೀತಿ ಎರಡೆರಡು ಬಾರಿ ಮತದಾನ ವ್ಯವಸ್ಥೆ ನಡೆದಿರುವುದು ಇದೇ ಮೊದಲೇನಲ್ಲ. 2009ರ ಲೋಕಸಭೆ ಚುನಾವಣೆ, ಎರಡೂ ರಾಜ್ಯಗಳ ವಿಧಾನಸಭೆ ಹಾಗೂ ಪಂಚಾಯಿತಿ ಚುನಾವಣೆಗಳಲ್ಲಿಯೂ ಈ ರಾಜ್ಯಗಳಿಂದ ಮತದಾನ ವ್ಯವಸ್ಥೆ ಕಲ್ಪಿಸಲಾಗಿತ್ತು.<br /> <br /> ವಿಶೇಷವೆಂದರೆ ಪ್ರತಿಬಾರಿಯೂ ಈ ಗ್ರಾಮಗಳ ಮತದಾರರ ಹೆಸರು ಮತದಾರರ ಪಟ್ಟಿಯಲ್ಲಿ ಸೇರಿಕೊಳ್ಳುತ್ತಿದೆ. ಕೆಲವರು ಎರಡೆರಡು ಗುರುತಿನ ಚೀಟಿಗಳನ್ನೂ ಹೊಂದಿದ್ದಾರೆ.<br /> <br /> ಈ ಕುರಿತು ರಾಜ್ಯ ಮುಖ್ಯ ಚುನಾವಣಾ ಆಯುಕ್ತರನ್ನು ಪ್ರಶ್ನಿಸಿದರೆ, ‘ಎರಡೆರಡು ಗುರುತಿನ ಚೀಟಿ ಹೊಂದುವುದು ಕಾನೂನು ಬಾಹಿರ. ಆದರೆ ಇದೇನು ವಿಶೇಷವಲ್ಲ. ಎಲ್ಲ ಕಡೆ ಗಡಿ ಪ್ರದೇಶಗಳಲ್ಲಿನ ಗ್ರಾಮದ ಹಲವರು ಇದೇ ರೀತಿ ಎರಡು ಗುರುತಿನ ಚೀಟಿ ಹೊಂದಿದ್ದಾರೆ’ ಎಂದು ಉತ್ತರಿಸುತ್ತಾರೆ.<br /> <br /> ‘ಚುನಾವಣೆ ಸಂದರ್ಭದಲ್ಲಿ ಈ ಗ್ರಾಮಗಳಲ್ಲಿನ ಚಟುವಟಿಕೆಗಳನ್ನು ಸೂಕ್ಷ್ಮವಾಗಿ ಅವಲೋಕಿಸಲು ವಿಭಾಗೀಯ ಅಭಿವೃದ್ಧಿ ಅಧಿಕಾರಿ ನೇತೃತ್ವದಲ್ಲಿ ತಂಡವೊಂದನ್ನು ನೇಮಿಸಲಾಗಿದೆ’ ಎಂದು ಕೋರಾಪುಟ್ ಜಿಲ್ಲಾಡಳಿತ ತಿಳಿಸಿದೆ. ಈ ಗ್ರಾಮಗಳನ್ನು ತಮ್ಮ ತೆಕ್ಕೆಗೆ ತೆಗೆದುಕೊಳ್ಳಲು ಎರಡೂ ರಾಜ್ಯಗಳು ದಶಕಗಳಿಂದ ಗುದ್ದಾಡುತ್ತಿವೆ. ಈ ಕುರಿತು 1966ರಿಂದಲೂ ಸುಪ್ರೀಂ ಕೋರ್ಟ್ನಲ್ಲಿ ಪ್ರಕರಣದ ವಿಚಾರಣೆ ನಡೆಯುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
