<p>ಬಿ.ಎಲ್. ವೇಣು ಅವರ ಕಾದಂಬರಿ ‘ಬಿಚ್ಚುಗತ್ತಿ ಭರಮಣ್ಣ ನಾಯಕ’ ಆಧರಿಸಿದ ಸಿನಿಮಾ ‘ಬಿಚ್ಚುಗತ್ತಿ’. ಇದರ ನಾಯಕ ರಾಜವರ್ಧನ್ (ಭರಮಣ್ಣ ನಾಯಕನ ಪಾತ್ರ). ರಾಜ್ಕುಮಾರ್ ಅವರ ಹೆಸರಿನ ಒಂಚೂರು, ವಿಷ್ಣುವರ್ಧನ್ ಅವರ ಹೆಸರಿನ ಇನ್ನೊಂಚೂರು ಭಾಗವನ್ನು ಜೋಡಿಸಿ ‘ರಾಜವರ್ಧನ್’ ಎಂಬ ಹೆಸರು ಸೃಷ್ಟಿಸಿದಂತಿದೆ.</p>.<p>‘ಬಿಚ್ಚುಗತ್ತಿ’ ಚಿತ್ರವು ಶೀಘ್ರದಲ್ಲೇ ತೆರೆಯ ಮೇಲೆ ಕಾಣಿಸಿಕೊಳ್ಳುವ ಹವಣಿಕೆಯಲ್ಲಿ ಇದೆ. ಈ ಚಿತ್ರದ ನಾಯಕನಾಗಿ ಅಭಿನಯಿಸಬೇಕು ಎಂಬ ಕರೆ ಬಂದಾಗ ರಾಜವರ್ಧನ್ ಅವರು ಇದೊಂದು ‘ಫೇಕ್ ಕರೆ’ ಎಂದು ಭಾವಿಸಿದ್ದರು. ಏಕೆಂದರೆ, ಅಂತಹ ಫೇಕ್ ಕರೆಗಳನ್ನು ಸ್ವೀಕರಿಸಿದ್ದ ಅನುಭವ ಅವರಿಗೆ ಅದಾಗಲೇ ಇತ್ತು.</p>.<p>‘ನಂತರ ಒಂದು ದಿನ ಹಂಸಲೇಖ ಅವರೇ ಕರೆ ಮಾಡಿ, ಈ ಚಿತ್ರಕ್ಕೆ ನೀನೇ ಹೀರೊ ಅಂದರು. ಆಗ ಖುಷಿಯಾಯಿತು. ನಂತರ ಹಂಸಲೇಖ ಅವರು ನನ್ನನ್ನು ಕರೆಸಿ, ಕಳರಿಪಯಟ್ಟು ಸೇರಿದಂತೆ ಒಂದಿಷ್ಟು ದೇಸಿ ಕಲೆಗಳನ್ನು ಕಲಿಯಲು ಹೇಳಿದರು. ಈ ಚಿತ್ರಕ್ಕಾಗಿ ನಾನು ಒಂದು ವರ್ಷ ತರಬೇತಿ ಪಡೆದಿದ್ದೇನೆ’ ಎಂದರು ರಾಜವರ್ಧನ್. ಇವರು ಖ್ಯಾತ ಹಾಸ್ಯ ಕಲಾವಿದ ಡಿಂಗ್ರಿ ನಾಗರಾಜ್ ಅವರ ಮಗ.</p>.<p>‘ಬಿಚ್ಚುಗತ್ತಿ’ಯ ಖಳನಾಯಕನಿಗೆ ಎದುರಾಗಿ ನಿಲ್ಲಬೇಕು ಎಂಬ ಉದ್ದೇಶದಿಂದ ರಾಜವರ್ಧನ್ ಅವರು ತಮ್ಮ ದೇಹದ ತೂಕವನ್ನು 80 ಕೆ.ಜಿ.ಯಿಂದ 108 ಕೆ.ಜಿ.ಗೆ ಹೆಚ್ಚಿಸಿಕೊಂಡರು. ಈ ಚಿತ್ರದಲ್ಲಿ ಅಭಿನಯಿಸುವ ವಿಚಾರವಾಗಿ ದರ್ಶನ್ ಅವರು ರಾಜವರ್ಧನ್ ಅವರಿಗೆ ಒಂದೆರಡು ಸಲಹೆಗಳನ್ನು ನೀಡಿದ್ದರು.</p>.<p>‘ಇದೇ ಮೊದಲ ಸಿನಿಮಾ, ಇದೇ ಕೊನೆಯ ಸಿನಿಮಾ ಎಂಬ ಭಾವನೆಯಲ್ಲಿ ಕೆಲಸ ಮಾಡು. ಆಗ ಸಿನಿಮಾ ಕೆಲಸ ಚೆನ್ನಾಗಿ ಆಗುತ್ತದೆ ಎಂದಿದ್ದರು ದರ್ಶನ್’ ಎಂದು ನೆನಪಿಸಿಕೊಳ್ಳುತ್ತಾರೆ ರಾಜವರ್ಧನ್. ‘ನಾನು ಈ ಚಿತ್ರಕ್ಕಾಗಿ ನೂರಕ್ಕೆ ನೂರರಷ್ಟು ಶ್ರಮ ಹಾಕಿದ್ದೇನೆ. ಇದಕ್ಕಿಂತ ಹೆಚ್ಚು ಮಾಡಲು ನನ್ನಿಂದ ಆಗದು ಎಂಬಷ್ಟು ಕೆಲಸ ಮಾಡಿದ್ದೇನೆ’ ಎಂದರು ಬಿಚ್ಚುಗತ್ತಿಯ ಭರಮಣ್ಣ ನಾಯಕ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಿ.ಎಲ್. ವೇಣು ಅವರ ಕಾದಂಬರಿ ‘ಬಿಚ್ಚುಗತ್ತಿ ಭರಮಣ್ಣ ನಾಯಕ’ ಆಧರಿಸಿದ ಸಿನಿಮಾ ‘ಬಿಚ್ಚುಗತ್ತಿ’. ಇದರ ನಾಯಕ ರಾಜವರ್ಧನ್ (ಭರಮಣ್ಣ ನಾಯಕನ ಪಾತ್ರ). ರಾಜ್ಕುಮಾರ್ ಅವರ ಹೆಸರಿನ ಒಂಚೂರು, ವಿಷ್ಣುವರ್ಧನ್ ಅವರ ಹೆಸರಿನ ಇನ್ನೊಂಚೂರು ಭಾಗವನ್ನು ಜೋಡಿಸಿ ‘ರಾಜವರ್ಧನ್’ ಎಂಬ ಹೆಸರು ಸೃಷ್ಟಿಸಿದಂತಿದೆ.</p>.<p>‘ಬಿಚ್ಚುಗತ್ತಿ’ ಚಿತ್ರವು ಶೀಘ್ರದಲ್ಲೇ ತೆರೆಯ ಮೇಲೆ ಕಾಣಿಸಿಕೊಳ್ಳುವ ಹವಣಿಕೆಯಲ್ಲಿ ಇದೆ. ಈ ಚಿತ್ರದ ನಾಯಕನಾಗಿ ಅಭಿನಯಿಸಬೇಕು ಎಂಬ ಕರೆ ಬಂದಾಗ ರಾಜವರ್ಧನ್ ಅವರು ಇದೊಂದು ‘ಫೇಕ್ ಕರೆ’ ಎಂದು ಭಾವಿಸಿದ್ದರು. ಏಕೆಂದರೆ, ಅಂತಹ ಫೇಕ್ ಕರೆಗಳನ್ನು ಸ್ವೀಕರಿಸಿದ್ದ ಅನುಭವ ಅವರಿಗೆ ಅದಾಗಲೇ ಇತ್ತು.</p>.<p>‘ನಂತರ ಒಂದು ದಿನ ಹಂಸಲೇಖ ಅವರೇ ಕರೆ ಮಾಡಿ, ಈ ಚಿತ್ರಕ್ಕೆ ನೀನೇ ಹೀರೊ ಅಂದರು. ಆಗ ಖುಷಿಯಾಯಿತು. ನಂತರ ಹಂಸಲೇಖ ಅವರು ನನ್ನನ್ನು ಕರೆಸಿ, ಕಳರಿಪಯಟ್ಟು ಸೇರಿದಂತೆ ಒಂದಿಷ್ಟು ದೇಸಿ ಕಲೆಗಳನ್ನು ಕಲಿಯಲು ಹೇಳಿದರು. ಈ ಚಿತ್ರಕ್ಕಾಗಿ ನಾನು ಒಂದು ವರ್ಷ ತರಬೇತಿ ಪಡೆದಿದ್ದೇನೆ’ ಎಂದರು ರಾಜವರ್ಧನ್. ಇವರು ಖ್ಯಾತ ಹಾಸ್ಯ ಕಲಾವಿದ ಡಿಂಗ್ರಿ ನಾಗರಾಜ್ ಅವರ ಮಗ.</p>.<p>‘ಬಿಚ್ಚುಗತ್ತಿ’ಯ ಖಳನಾಯಕನಿಗೆ ಎದುರಾಗಿ ನಿಲ್ಲಬೇಕು ಎಂಬ ಉದ್ದೇಶದಿಂದ ರಾಜವರ್ಧನ್ ಅವರು ತಮ್ಮ ದೇಹದ ತೂಕವನ್ನು 80 ಕೆ.ಜಿ.ಯಿಂದ 108 ಕೆ.ಜಿ.ಗೆ ಹೆಚ್ಚಿಸಿಕೊಂಡರು. ಈ ಚಿತ್ರದಲ್ಲಿ ಅಭಿನಯಿಸುವ ವಿಚಾರವಾಗಿ ದರ್ಶನ್ ಅವರು ರಾಜವರ್ಧನ್ ಅವರಿಗೆ ಒಂದೆರಡು ಸಲಹೆಗಳನ್ನು ನೀಡಿದ್ದರು.</p>.<p>‘ಇದೇ ಮೊದಲ ಸಿನಿಮಾ, ಇದೇ ಕೊನೆಯ ಸಿನಿಮಾ ಎಂಬ ಭಾವನೆಯಲ್ಲಿ ಕೆಲಸ ಮಾಡು. ಆಗ ಸಿನಿಮಾ ಕೆಲಸ ಚೆನ್ನಾಗಿ ಆಗುತ್ತದೆ ಎಂದಿದ್ದರು ದರ್ಶನ್’ ಎಂದು ನೆನಪಿಸಿಕೊಳ್ಳುತ್ತಾರೆ ರಾಜವರ್ಧನ್. ‘ನಾನು ಈ ಚಿತ್ರಕ್ಕಾಗಿ ನೂರಕ್ಕೆ ನೂರರಷ್ಟು ಶ್ರಮ ಹಾಕಿದ್ದೇನೆ. ಇದಕ್ಕಿಂತ ಹೆಚ್ಚು ಮಾಡಲು ನನ್ನಿಂದ ಆಗದು ಎಂಬಷ್ಟು ಕೆಲಸ ಮಾಡಿದ್ದೇನೆ’ ಎಂದರು ಬಿಚ್ಚುಗತ್ತಿಯ ಭರಮಣ್ಣ ನಾಯಕ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
