ಒಂದೆರಡು ಕಚೇರಿ ಬಂದದ್ದು ಬಿಟ್ಟರೆ ಹೊಸ ತಾಲ್ಲೂಕುಗಳಲ್ಲಿ ಬದಲಾವಣೆಯಾಗಿಲ್ಲ. ಜನ ಹಳೇ ತಾಲ್ಲೂಕು ಕೇಂದ್ರಕ್ಕೆ ಅಲೆಯುತ್ತಿದ್ದಾರೆ.

ಈಗ ಮಾಡಿರುವ ತಾಲ್ಲೂಕುಗಳಿಗೆ ಮೂಲ ಸೌಕರ್ಯಗಳು ಇಲ್ಲ. ಜನ ಬೇಡಿಕೆ ಇಡುತ್ತಾರೆ ಎಂದು ತಾಲ್ಲೂಕು ಘೋಷಣೆ ಮಾಡುತ್ತಾ ಬಂದಿದ್ದೇವೆ.  ಆದರೆ ಯಾವುದೇ ಹೊಸ ತಾಲ್ಲೂಕುಗಳಿಗೂ ಮೂಲಸೌಕರ್ಯ ನೀಡಲು ಸಾಧ್ಯವಾಗಿಲ್ಲ. ಹೋಬಳಿಗಳನ್ನೂ ತಾಲ್ಲೂಕು ಮಾಡಿ ಎಂಬ ಬೇಡಿಕೆ ಬಂದರೆ ಏನು ಮಾಡಲು ಸಾಧ್ಯ? ಜನರ ಒತ್ತಡಕ್ಕೆ ಮಣಿಯದೇ ವೈಜ್ಞಾನಿಕವಾಗಿ ಮಾಡಿದರೆ ಪರವಾಗಿಲ್ಲ. ಭಾವನಾತ್ಮಕ ಕಾರಣಗಳಿಗೆ ಮಾಡಿರುವುದರಿಂದಲೇ ಸಮಸ್ಯೆ ಆಗಿದೆ. ಮುಂದೆ ಅಗತ್ಯತೆ ಆಧಾರದ ಮೇಲೆ ರಚಿಸುವುದು ಸೂಕ್ತ.

ವಿದ್ಯಾರ್ಥಿಗಳು ಬಿಇಒ ಕಚೇರಿಗೆ ಹೋಗಲು ಸುಮಾರು 50ರಿಂದ 70 ಕಿಮೀ ಪ್ರಯಾಣಿಸಬೇಕು. ಜಿಲ್ಲೆಯಲ್ಲಿ ಮೂರು ಹೊಸ ತಾಲ್ಲೂಕು ಮಾಡಿದ್ದಾದರೂ ಏಕೆ?

ಹೊಸ ತಾಲ್ಲೂಕು ರಚನೆಗೆ ದಶಕಗಳ ಕಾಲ ಹೋರಾಡಬೇಕಾಯಿತು. ಸೌಲಭ್ಯಗಳನ್ನು ಪಡೆಯಲು ಮತ್ತೆ ಹೋರಾಡಬೇಕು.