ಸಂಸದರ ಅಮಾನತು: ಖರ್ಗೆ– ಧನಕರ್‌ ‘ಪತ್ರ ಸಮರ’ ತೀವ್ರ

ಸಂಸದರ ಅಮಾನತು ಕುರಿತು ಚರ್ಚಿಸಲು ಡಿಸೆಂಬರ್‌ 25ರಂದು ತಮ್ಮನ್ನು ಭೇಟಿಯಾಗುವಂತೆ ಜಗದೀಪ್‌ ಧನಕರ್‌ ಅವರು ಖರ್ಗೆ ಅವರನ್ನು ಕೇಳಿಕೊಂಡಿದ್ದರು. ಆದರೆ ಖರ್ಗೆ ಅವರಿಗೆ ಸೋಮವಾರ ಸಭಾಪತಿ ಅವರನ್ನು ಭೇಟಿಯಾಗಲು ಆಗಲಿಲ್ಲ. ‘ದೆಹಲಿಯಿಂದ ಹೊರಗೆ ಇರುವ ಕಾರಣ ಭೇಟಿಯಾಗಲು ಆಗಲಿಲ್ಲ. ದೆಹಲಿಗೆ ವಾಪಸಾದ ಕೂಡಲೇ ಭೇಟಿಯಾಗುವೆ’ ಎಂದಿದ್ದಾರೆ. ‘ಆದರೆ ಸಂಸತ್ತನ್ನು ನಡೆಸಲು ಸರ್ಕಾರ ಉತ್ಸುಕವಾಗಿಲ್ಲದಿದ್ದರೆ ಚರ್ಚೆ ನಡೆಸುವುದರಲ್ಲಿ ಯಾವುದೇ ಅರ್ಥವಿಲ್ಲ’ ಎಂದೂ ಹೇಳಿದ್ದಾರೆ.