ದುಬಾರಿ ದಂಡದ ಭೀತಿ ಉಲ್ಲಂಘನೆಗೆ ಅಂಕುಶ

ಸಂಚಾರ ನಿಯಮ ಉಲ್ಲಂಘನೆಗೆ ಪರಿಷ್ಕೃತ ದಂಡ ಜಾರಿಯಾದಕೆಲವು ದಿನಗಳಲ್ಲಿಯೇ ನಗರದ ಟ್ರಾಫಿಕ್ ವ್ಯವಸ್ಥೆಯಲ್ಲಿ ಹಲವು ಬದಲಾವಣೆಗಳು ಗೋಚರಿಸುತ್ತಿವೆ. ಹೊಸ ನಿಯಮ ಜಾರಿಯಾದ ಕೆಲವೇ ದಿನಗಳಲ್ಲಿ ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳಿಗೆ ಕಡಿವಾಣ ಬಿದ್ದಿದ್ದು, ಸಂಚಾರ ವ್ಯವಸ್ಥೆ ನಿಧಾನವಾಗಿ ಸುಧಾರಿಸುತ್ತಿದೆ.

. ಇದನ್ನೂ ಓದಿ: ಅಪಘಾತಕ್ಕೆ ಕಡಿವಾಣ: ದುಬಾರಿ ದಂಡ

. ದುಬಾರಿ ದಂಡದಿಂದ ತಪ್ಪಿಸಿಕೊಳ್ಳಲು ಸವಾರರು ಕಟ್ಟುನಿಟ್ಟಾಗಿ ಸಂಚಾರ ನಿಯಮ ಪಾಲಿಸುತ್ತಿರುವ ಅಂಶ ಟ್ರಾಫಿಕ್ ಪೊಲೀಸರ ಗಮನಕ್ಕೆ ಬಂದಿದೆ.ನೋ ಪಾರ್ಕಿಂಗ್ ಸ್ಥಳದಲ್ಲಿ ವಾಹನ ನಿಲುಗಡೆ, ಸೇಫ್ಟಿ ಬೆಲ್ಟ್ ಧರಿಸದಿರುವುದು, ಹೆಲ್ಮೆಟ್ ರಹಿತ ಚಾಲನೆ ಹತೋಟಿಗೆ ಬಂದಿವೆ.ಸಿಗ್ನಲ್ ಜಂಪ್, ಫುಟ್ಪಾತ್ ಮೇಲೆ ಚಾಲನೆ, ಒನ್ ವೇಯಲ್ಲಿ ನುಗ್ಗುವ ಪ್ರವೃತ್ತಿ ಕಡಿಮೆಯಾಗುತ್ತಿದೆಎನ್ನುತ್ತಾರೆ ಶಿವಾಜಿನಗರ ಟ್ರಾಫಿಕ್ ಪೊಲೀಸ್ ಅಧಿಕಾರಿ ಸಲೀಮ್ ನದಾಫ್.

. 2019ರ ಮೋಟಾರು ವಾಹನ ತಿದ್ದುಪಡಿ ಕಾಯ್ದೆ ಯ ಅನ್ವಯ ಹೊಸ ನಿಯಮ ಜಾರಿಯಾದ ನಂತರ ಉಲ್ಲಂಘನೆ ಪ್ರಕರಣ ಇಳಿಮುಖವಾಗುತ್ತಿದ್ದರೂ ವಸೂಲಿ ಮಾಡಿದದಂಡದ ಮೊತ್ತ ಹೆಚ್ಚಾಗಿದೆ. 15–20 ದಿನದಲ್ಲಿ ದಂಡದ ರೂಪದಲ್ಲಿ ವಸೂಲಿ ಮಾಡಿದ ಮೊತ್ತ ಕೋಟಿ ರೂಪಾಯಿ ಗಡಿ ಸಮೀಪಿಸಿದರೆ, ದಾಖಲಿಸಿಕೊಂಡ ಪ್ರಕರಣಗಳ ಸಂಖ್ಯೆ 13 ಸಾವಿರ ಗಡಿ ತಲುಪಿದೆಯಂತೆ.

. ಪೊಲೀಸರ ಕೈಗೆ ಸಿಕ್ಕಿ ಹಾಕಿಕೊಂಡ ಸವಾರರು ದುಬಾರಿ ದಂಡ ತೆರಲು ಸಾಧ್ಯವಾಗದೇ ಪರದಾಡುವ ದೃಶ್ಯಗಳು ಸಾಮಾನ್ಯವಾಗಿವೆ. ಮೊದಲಾದರೆ ನೂರು ಅಥವಾ ಎರಡು ನೂರು ರೂಪಾಯಿ ದಂಡ ತೆರುತ್ತಿದ್ದ ಸವಾರರು ದುಬಾರಿ ದಂಡದ ಸಹವಾಸ ಬೇಡ ಎಂದು ರಸ್ತೆಯಲ್ಲಿ ಸಂಯಮದಿಂದ ವರ್ತಿಸುತ್ತಿದ್ದಾರೆ ಎನ್ನುವುದು ಪೊಲೀಸರ ಅನುಭವದ ಮಾತು.

. ‘ಗೊತ್ತಿಲ್ಲದೆ ಒನ್ವೇನಲ್ಲಿ ಹೋಗಿ ಸಿಕ್ಕಿ ಹಾಕಿಕೊಂಡರೆ ಸಾವಿರ ರೂಪಾಯಿ ದಂಡ ತೆರಬೇಕು. ಜೇಬಿನಲ್ಲಿ ಅಷ್ಟೊಂದು ಹಣ ಇರುವುದಿಲ್ಲ. ಸ್ಥಳದಲ್ಲಿಯೇ ಹಣ ಪಾವತಿಸುವಂತೆ ಪೊಲೀಸರು ಹೇಳುತ್ತಾರೆ.ಅಲ್ಲಿ ಒನ್ವೇ ಬೋರ್ಡ್ ಇಲ್ಲ ಎಂದು ವಾದಕ್ಕಿಳಿದರೆ ಹಳೆಯ ಪ್ರಕರಣಗಳ ಪಟ್ಟಿಯನ್ನು ಕಣ್ಮುಂದೆ ಹಿಡಿಯುತ್ತಾರೆ' ಎನ್ನುವುದು ದ್ವಿಚಕ್ರ ವಾಹನ ಸವಾರರ ಅಳಲು.

. ಇದನ್ನೂ ಓದಿ: ಮೋಟಾರು ವಾಹನ ಕಾಯ್ದೆ ತಿದ್ದುಪಡಿ ಮಸೂದೆ ಮಂಡನೆ

. ‘ಪೊಲೀಸರ ಕಣ್ತಪ್ಪಿಸುವುದು ಸಾಧ್ಯವಿಲ್ಲ’

. ಹೊಸ ದಂಡದ ನಿಯಮ ಜಾರಿಯಾದ ನಂತರ ಪ್ರಮುಖ ರಸ್ತೆಗಳಲ್ಲಿ ಮಾತ್ರವಲ್ಲ, ಸಣ್ಣಪುಟ್ಟ ಗಲ್ಲಿ, ಕಿರಿದಾದ ರಸ್ತೆಗಳಲ್ಲಿಯೂ ಪೊಲೀಸರು ನಿಂತಿರುತ್ತಾರೆ. ಅವರ ಕಣ್ತಪ್ಪಿಸುವುದು ಸಾಧ್ಯವೇ ಇಲ್ಲ.

. ಒನ್ ವೇಗಳಲ್ಲಿ ನುಗ್ಗುವುದು, ಹೆಲ್ಮೆಟ್ ಮತ್ತು ಲೈಸನ್ಸ್ ಇಲ್ಲದವರು ಇಂಥ ಅಡ್ಡಮಾರ್ಗ ಬಳಸುವುದು ಸಾಮಾನ್ಯ. ಅದಕ್ಕೂ ಅಂಕುಶ ಹಾಕಲಾಗಿದೆ. ಪೊಲೀಸರ ಕಣ್ತಪ್ಪಿಸುವುದು ಸಾಧ್ಯವೇ ಇಲ್ಲ ಎನ್ನುತ್ತಾರೆ ಮಲ್ಲೇಶ್ವರ ಸಂಚಾರ ವಿಭಾಗದ ಇನ್ಸ್ಪೆಕ್ಟರ್ ಚನ್ನಕೃಷ್ಣಪ್ಪ.

. ಇದನ್ನೂ ಓದಿ: ಮೋಟಾರು ವಾಹನ ಕಾಯ್ದೆಗೆ ತಿದ್ದುಪಡಿ; ಉಲ್ಲಂಘಿಸಿದರೆ ದ್ವಿಗುಣ ಚಡಿ

. ‘ಮೊದಲಾದರೆ ಸಂಚಾರ ದಟ್ಟನೆ ರಸ್ತೆ, ನೋ ಪಾರ್ಕಿಂಗ್ ಸೇರಿದಂತೆ ಎಲ್ಲೆಂದರಲ್ಲಿ ಬೇಕಾಬಿಟ್ಟಿಯಾಗಿ ವಾಹನ ನಿಲ್ಲಿಸಲಾಗುತ್ತಿತ್ತು. ಈಗ ಆ ಪ್ರವೃತ್ತಿ ಕಡಿಮೆಯಾಗುತ್ತಿದೆ. ಬಹುಶಃ ಇದು ದೊಡ್ಡ ಮೊತ್ತದ ದಂಡದ ಮಹಿಮೆ’ ಎನ್ನುವುದು ಅವರ ಅಭಿಪ್ರಾಯ.

. ಪರಿಷ್ಕರಣೆಯಾಗದ ಸಾಧನ

. ಪರಿಷ್ಕೃತ ದಂಡ ಜುಲೈ ಮಧ್ಯ ಭಾಗದಿಂದಲೇ ಜಾರಿಗೆ ಬಂದಿದೆ. ದಂಡ ಪಾವತಿಸಿದ ನಂತರ ಸವಾರರಿಗೆ ರಶೀದಿ ನೀಡಲುಪಿಡಿಎ ಯಂತ್ರಗಳು ಪರಿಷ್ಕರಣೆಯಾಗಿರಲಿಲ್ಲ. ಹೀಗಾಗಿ ಪೊಲೀಸರು ಹಳೆಯ ದಂಡದ ಮೊತ್ತ ವಸೂಲು ಮಾಡುತ್ತಿದ್ದರು.

. ಇದನ್ನೂ ಓದಿ: ಸೆಪ್ಟೆಂಬರ್ 1ರಿಂದ ಸಂಚಾರ ನಿಯಮ ಕಠಿಣ

. ಸಂಚಾರ ಪೊಲೀಸರಿಗೆ ನೀಡಲಾದ 625 ಪಿಡಿಎ ಯಂತ್ರಗಳಲ್ಲಿ ಹೊಸ ದಂಡದ ಮೊತ್ತ ಅಳವಡಿಸಲಾಗಿದೆ. ಯಶವಂತಪುರ ಮತ್ತು ಮಲ್ಲೇಶ್ವರ ವಿಭಾಗದ ಸಂಚಾರ ಪೊಲೀಸರಿಗೆ ನೀಡಿದ ಪಿಡಿಎ ಯಂತ್ರಗಳು ಇನ್ನೂ ಅಪ್ಡೇಟ್ ಆಗಿಲ್ಲ. ಹೀಗಾಗಿ ಹಳೆಯ ದಂಡ ವಸೂಲಿ ಮಾಡುತ್ತಿದ್ದೇವೆ ಎಂದು ಹೆಸರು ಹೇಳಲು ಇಚ್ಛಿಸದ ಪೊಲೀಸ್ ಅಧಿಕಾರಿಯೊಬ್ಬರು ‘ ಮೆಟ್ರೊ ’ಗೆ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದುಬಾರಿ ದಂಡದ ಭೀತಿ ಉಲ್ಲಂಘನೆಗೆ ಅಂಕುಶ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ