ಮುಖಪುಟದಲ್ಲಿ ಸ್ತನ್ಯಪಾನ ಚಿತ್ರ

ತಿರುವನಂತಪುರ: ಸ್ತನ್ಯಪಾನದ ಕುರಿತ ಮನೋಭಾವ ಬದಲಾಯಿಸುವ ನಿಟ್ಟಿನಲ್ಲಿ ಜನಪ್ರಿಯ ಮಲಯಾಳಿ ಪಾಕ್ಷಿಕ ‘ಗೃಹಲಕ್ಷ್ಮಿ’ ಹೊಸ ಹೆಜ್ಜೆಯನ್ನಿಟ್ಟಿದೆ.

. ನಿಯತಕಾಲಿಕೆಯ ಮುಖಪುಟದಲ್ಲಿ ಮಹಿಳೆಯೊಬ್ಬರು ಮಗುವಿಗೆ ಸ್ತನ್ಯಪಾನ ಮಾಡಿಸುತ್ತಿರುವ ಚಿತ್ರವನ್ನು ಇದೇ ಮೊದಲ ಬಾರಿ ಪ್ರಕಟಿಸಿದೆ.

. ನಟಿ ಮತ್ತು ರೂಪದರ್ಶಿ ಜೀಲು ಜೋಸೆಫ್ (27) ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೀಲು ಅವಿವಾಹಿತರು.

. ‘ದಿಟ್ಟಿಸಿ ನೋಡಬೇಡಿ, ನಾವು ಎದೆ ಹಾಲುಣಿಸುತ್ತಿದ್ದೇವೆ- ಇದು ತಾಯಂದಿರ ಮಾತು’ ಎನ್ನುವ ಶೀರ್ಷಿಕೆಯನ್ನು ಮುಖಪುಟದಲ್ಲಿ ನೀಡಲಾಗಿದೆ. ಈ ವಿಷಯ ಸಾಮಾಜಿಕ ಜಾಲತಾಣಗಳಲ್ಲೂ ವ್ಯಾಪಕವಾಗಿ ವೈರಲ್ ಆಗಿದ್ದು, ಹಲವರು ವಿಭಿನ್ನ ರೀತಿಯ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.

. ‘ಎದೆಯ ಮೇಲೆ ಬಟ್ಟೆ ಇಲ್ಲದೆಯೇ ಸ್ತನ್ಯಪಾನ ಮಾಡಿಸುವ ಕುರಿತು ಪ್ರಚಾರಾಂದೋಲನ ಹಮ್ಮಿಕೊಳ್ಳುವ ಬಗ್ಗೆ ಗೃಹಲಕ್ಷ್ಮಿ ನಿಯತಕಾಲಿಕೆ ಸಂಪರ್ಕಿಸಿದಾಗ ನನಗೆ ಯಾವುದೇ ರೀತಿಯ ಹಿಂಜರಿಕೆಯಾಗಲಿಲ್ಲ’ ಎಂದು ಜೀಲು ಹೇಳಿದ್ದಾರೆ.

. ‘ನಾಚಿಕೆಯಾಗುತ್ತದೆ ಅಥವಾ ಜನರು ಏನಾದರೂ ಟೀಕೆ ಮಾಡಬಹುದು ಎನ್ನುವ ಭಯದಿಂದ ನಾನು ನಂಬಿದಂತಹ ವಿಷಯಗಳಿಂದ ದೂರವಿರಬಾರದು. ಇದು ನನ್ನ ನಿರ್ಧಾರ’ ಎಂದು ಜೀಲು ಹೇಳಿದ್ದಾರೆ.

. ಕವಯತ್ರಿ ಮತ್ತು ಗಗನಸಖಿಯಾಗಿರುವ ಜೀಲು ಇಡುಕ್ಕಿ ಜಿಲ್ಲೆಯ ಕುಮಿಲಿಯವರು. ನಿಯತಕಾಲಿಕೆಯ ಮುಖಪುಟದ ಚಿತ್ರಕ್ಕಾಗಿ ಸಹಿ ಹಾಕುವ ಮುನ್ನ ಜೀಲು ಅವರ ತಾಯಿ, ಇಬ್ಬರು ಸಹೋದರಿಯರು ವಿರೋಧ ವ್ಯಕ್ತಪಡಿಸಿದ್ದರು.

. ಸಾರ್ವಜನಿಕ ಸ್ಥಳಗಳಲ್ಲಿ ಮಗುವಿಗೆ ಎದೆ ಹಾಲುಣಿಸುವುದು ಸೂಕ್ತವಲ್ಲ ಅಥವಾ ಇತರರಿಗೆ ಮುಜುಗರ ತರಿಸುತ್ತದೆ ಎನ್ನುವ ಮನೋಭಾವ ಬದಲಾಯಿಸುವುದು ನಿಯತಕಾಲಿಕೆಯ ಪ್ರಚಾರಾಂದೋಲನದ ಉದ್ದೇಶವಾಗಿದೆ.

. ‘ಲೈಂಗಿಕ ಶಿಕ್ಷಣ ಮತ್ತು ಮುಟ್ಟಿನ ಬಗ್ಗೆಯೂ ಮುಕ್ತ ಚರ್ಚೆ ನಡೆಯುವ ಅಗತ್ಯವಿದೆ. ನನ್ನ ದೇಹದ ಮೇಲೆ ನನಗೆ ಸಂಪೂರ್ಣ ಹಕ್ಕು ಇದೆ. ಈ ಬಗ್ಗೆ ನಾಚಿಕೆ ಇಲ್ಲ. ಪ್ರತಿಯೊಬ್ಬರಿಗೂ ಗೊತ್ತಿರುವ ವಿಷಯದ ಬಗ್ಗೆ ಏನಾದರೂ ಮಾಡಲು ಏಕೆ ಹೆದರಬೇಕು’ ಎಂದು ಜೀಲು ಪ್ರಶ್ನಿಸಿದ್ದಾರೆ.

. ಈ ಚಿತ್ರದ ಬಗ್ಗೆ ಟೀಕೆಗಳು ಸಹ ವ್ಯಕ್ತವಾಗಿವೆ. ರೂಪದರ್ಶಿ ಅವರನ್ನು ಈ ಪ್ರಚಾರಂದೋಲನಕ್ಕೆ ಬಳಸಿರುವುದು ಎಷ್ಟು ಸರಿ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಶ್ನಿಸಲಾಗಿದೆ. ಇನ್ನು ಕೆಲವರು ಹಾಲುಣಿಸುವುದನ್ನು ಯಾರೂ ಕೆಟ್ಟದೃಷ್ಟಿಯಿಂದ ನೋಡುವುದಿಲ್ಲ ಎಂದಿದ್ದಾರೆ.

. * ಸಂಪೂರ್ಣ ಸ್ವಾತಂತ್ರ್ಯದೊಂದಿಗೆ ಮತ್ತು ಹೆಮ್ಮೆಯಿಂದ ಎದೆ ಹಾಲುಣಿಸುವ ಬಯಸುವ ಎಲ್ಲ ತಾಯಂದಿರಿಗೆ ನನ್ನ ಈ ಚಿತ್ರವನ್ನು ಅರ್ಪಣೆ ಮಾಡುತ್ತಿದ್ದೇನೆ. –ಜೀಲು ಜೋಸೆಫ್, ನಟಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮುಖಪುಟದಲ್ಲಿ ಸ್ತನ್ಯಪಾನ ಚಿತ್ರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ