<p><strong>ಮುಂಬೈ: </strong>ಮುಂಬೈಯ ಮಲಾಡ್ ನಿವಾಸಿಯೊಬ್ಬರು ರದ್ದು ಮಾಡಿದ ನೋಟುಗಳನ್ನು ಬದಲಿಸುವುದಕ್ಕಾಗಿ ಗೂಗಲಿಸಿ ಸಿಕ್ಕಿದ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಸಹಾಯವಾಣಿಗೆ ಕರೆ ಮಾಡಿ ₹48,000 ಕಳೆದುಕೊಂಡ ಘಟನೆ ವರದಿಯಾಗಿದೆ.</p>.<p>ಕಳೆದ ತಿಂಗಳು ಮುಂಬೈನಲ್ಲಿ ವಿಜಯ್ ಕುಮಾರ್ ಮರ್ವಾ (74) ಎಂಬ ವ್ಯಕ್ತಿ ಮನೆ ಸ್ವಚ್ಛಗೊಳಿಸುವಾಗ₹7,000 ಮೌಲ್ಯದ ರದ್ದಾದ ನೋಟುಗಳು ಸಿಕ್ಕಿದ್ದವು.ಈ ನೋಟುಗಳನ್ನು ಬದಲಿಸುವುದಕ್ಕಾಗಿ ಮರ್ವಾ ಆರ್ಬಿಐ ಸಹಾಯವಾಣಿಗಾಗಿ ಗೂಗಲಿಸಿ, ಅಲ್ಲಿ ಸಿಕ್ಕಿದ ನಂಬರ್ಗೆ ಕರೆ ಮಾಡಿದ್ದಾರೆ.</p>.<p>ಆ ಕಡೆಯಿಂದ ಕರೆ ಸ್ವೀಕರಿಸಿದ ವ್ಯಕ್ತಿ ರದ್ದಾದ ನೋಟುಗಳನ್ನು ಆರ್ಬಿಐ ಕಚೇರಿಗೆ ತಲುಪಿಸುವುದಾಗಿ ಹೇಳಿ, ಮರ್ವಾ ಅವರ ಬ್ಯಾಂಕ್ ಮಾಹಿತಿ ಕೇಳಿದ್ದಾರೆ.ರದ್ದಾದ ನೋಟುಗಳನ್ನು ಬದಲಿಸಿ ಆ ಹಣವನ್ನು ನಿಮ್ಮ ಖಾತೆಯಲ್ಲಿ ನಿಕ್ಷೇಪ ಮಾಡಲು ಬ್ಯಾಂಕ್ ಮಾಹಿತಿ ನೀಡಿ ಎಂದು ಹೇಳಿ ಕ್ರೆಡಿಟ್ ಕಾರ್ಡ್ ವಿವರಗಳನ್ನು ಕೇಳಿದ್ದಾರೆ.ಅಷ್ಟೇ ಅಲ್ಲದೆ ಕ್ರೆಡಿಟ್ ಕಾರ್ಡ್ ನ OTP ಕೂಡಾ ಕೇಳಿ ಪಡೆದುಕೊಂಡ ಆ ವ್ಯಕ್ತಿ ಕ್ಷಣ ಮಾತ್ರದಲ್ಲಿ ಮರ್ವಾ ಅವರ ಬ್ಯಾಂಕ್ ಖಾತೆಯಿಂದ ₹48,000 ಹಣ ವಿತ್ ಡ್ರಾ ಮಾಡಿದ್ದಾರೆ.</p>.<p>ತಾನು ಮೋಸ ಹೋಗಿದ್ದು ತಿಳಿದ ಕೂಡಲೇ ಮರ್ವಾ ಅವರು ಮಲಾಡ್ ಪೊಲೀಸರನ್ನು ಸಂಪರ್ಕಿಸಿದ್ದಾರೆ. ಜನವರಿ 6 ರಂದು ಈ ಪ್ರಕರಣ ಬಗ್ಗೆ ಎಫ್ಐಆರ್ ದಾಖಲಿಸಲಾಗಿದೆ.</p>.<p>ಕೆಲವು ಮೋಸಗಾರರು ಹಣಕಾಸು ಸಂಸ್ಥೆಯ ಹೆಸರಿನಲ್ಲಿ ತಮ್ಮ ನಂಬರ್ಗಳನ್ನು ನೀಡಿ ಜನರನ್ನು ಮೋಸ ಮಾಡುತ್ತಿದ್ದಾರೆ ಎಂದು ತಜ್ಞರು ಹೇಳಿದ್ದಾರೆ.</p>.<p>ಈ ಪ್ರಕರಣ ಬಗ್ಗೆ ಪ್ರತಿಕ್ರಿಯಿಸಿದ ಮಹರಾಷ್ಟ್ರದ ಪೊಲೀಸ್ ಅಧಿಕಾರಿ (ಸೈಬರ್ ವಿಭಾಗ) ಬಾಲ್ಸಿಂಗ್, ಸೈಬರ್ ವಂಚಕರು ಈ ರೀತಿಯ ಮೋಸ ಮಾಡುತ್ತಿದ್ದಾರೆ. ಸಹಾಯವಾಣಿ ಸಂಖ್ಯೆ ಪ್ರಕಟಿಸುವಾಗ ಅದು ನಿಜವಾದುದು ಹೌದೋ ಅಲ್ಲವೋ ಎಂಬುದನ್ನು ಸರ್ಚ್ ಇಂಜಿನ್ಗಳು ದೃಢೀಕರಿಸಬೇಕು.ಈ ರೀತಿಯ ಫಿಶಿಂಗ್, ವಿಶಿಂಗ್ ಮತ್ತು ಸ್ಪಾಮ್ ಪ್ರಕರಣಗಳನ್ನು ತಡೆಯಲು ಫಿಶಿಂಗ್ ನಿಗ್ರಹ ತಂಡವನ್ನು ರೂಪಿಸಲು ನಾವು ಚಿಂತಿಸಿದ್ದೇವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ: </strong>ಮುಂಬೈಯ ಮಲಾಡ್ ನಿವಾಸಿಯೊಬ್ಬರು ರದ್ದು ಮಾಡಿದ ನೋಟುಗಳನ್ನು ಬದಲಿಸುವುದಕ್ಕಾಗಿ ಗೂಗಲಿಸಿ ಸಿಕ್ಕಿದ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಸಹಾಯವಾಣಿಗೆ ಕರೆ ಮಾಡಿ ₹48,000 ಕಳೆದುಕೊಂಡ ಘಟನೆ ವರದಿಯಾಗಿದೆ.</p>.<p>ಕಳೆದ ತಿಂಗಳು ಮುಂಬೈನಲ್ಲಿ ವಿಜಯ್ ಕುಮಾರ್ ಮರ್ವಾ (74) ಎಂಬ ವ್ಯಕ್ತಿ ಮನೆ ಸ್ವಚ್ಛಗೊಳಿಸುವಾಗ₹7,000 ಮೌಲ್ಯದ ರದ್ದಾದ ನೋಟುಗಳು ಸಿಕ್ಕಿದ್ದವು.ಈ ನೋಟುಗಳನ್ನು ಬದಲಿಸುವುದಕ್ಕಾಗಿ ಮರ್ವಾ ಆರ್ಬಿಐ ಸಹಾಯವಾಣಿಗಾಗಿ ಗೂಗಲಿಸಿ, ಅಲ್ಲಿ ಸಿಕ್ಕಿದ ನಂಬರ್ಗೆ ಕರೆ ಮಾಡಿದ್ದಾರೆ.</p>.<p>ಆ ಕಡೆಯಿಂದ ಕರೆ ಸ್ವೀಕರಿಸಿದ ವ್ಯಕ್ತಿ ರದ್ದಾದ ನೋಟುಗಳನ್ನು ಆರ್ಬಿಐ ಕಚೇರಿಗೆ ತಲುಪಿಸುವುದಾಗಿ ಹೇಳಿ, ಮರ್ವಾ ಅವರ ಬ್ಯಾಂಕ್ ಮಾಹಿತಿ ಕೇಳಿದ್ದಾರೆ.ರದ್ದಾದ ನೋಟುಗಳನ್ನು ಬದಲಿಸಿ ಆ ಹಣವನ್ನು ನಿಮ್ಮ ಖಾತೆಯಲ್ಲಿ ನಿಕ್ಷೇಪ ಮಾಡಲು ಬ್ಯಾಂಕ್ ಮಾಹಿತಿ ನೀಡಿ ಎಂದು ಹೇಳಿ ಕ್ರೆಡಿಟ್ ಕಾರ್ಡ್ ವಿವರಗಳನ್ನು ಕೇಳಿದ್ದಾರೆ.ಅಷ್ಟೇ ಅಲ್ಲದೆ ಕ್ರೆಡಿಟ್ ಕಾರ್ಡ್ ನ OTP ಕೂಡಾ ಕೇಳಿ ಪಡೆದುಕೊಂಡ ಆ ವ್ಯಕ್ತಿ ಕ್ಷಣ ಮಾತ್ರದಲ್ಲಿ ಮರ್ವಾ ಅವರ ಬ್ಯಾಂಕ್ ಖಾತೆಯಿಂದ ₹48,000 ಹಣ ವಿತ್ ಡ್ರಾ ಮಾಡಿದ್ದಾರೆ.</p>.<p>ತಾನು ಮೋಸ ಹೋಗಿದ್ದು ತಿಳಿದ ಕೂಡಲೇ ಮರ್ವಾ ಅವರು ಮಲಾಡ್ ಪೊಲೀಸರನ್ನು ಸಂಪರ್ಕಿಸಿದ್ದಾರೆ. ಜನವರಿ 6 ರಂದು ಈ ಪ್ರಕರಣ ಬಗ್ಗೆ ಎಫ್ಐಆರ್ ದಾಖಲಿಸಲಾಗಿದೆ.</p>.<p>ಕೆಲವು ಮೋಸಗಾರರು ಹಣಕಾಸು ಸಂಸ್ಥೆಯ ಹೆಸರಿನಲ್ಲಿ ತಮ್ಮ ನಂಬರ್ಗಳನ್ನು ನೀಡಿ ಜನರನ್ನು ಮೋಸ ಮಾಡುತ್ತಿದ್ದಾರೆ ಎಂದು ತಜ್ಞರು ಹೇಳಿದ್ದಾರೆ.</p>.<p>ಈ ಪ್ರಕರಣ ಬಗ್ಗೆ ಪ್ರತಿಕ್ರಿಯಿಸಿದ ಮಹರಾಷ್ಟ್ರದ ಪೊಲೀಸ್ ಅಧಿಕಾರಿ (ಸೈಬರ್ ವಿಭಾಗ) ಬಾಲ್ಸಿಂಗ್, ಸೈಬರ್ ವಂಚಕರು ಈ ರೀತಿಯ ಮೋಸ ಮಾಡುತ್ತಿದ್ದಾರೆ. ಸಹಾಯವಾಣಿ ಸಂಖ್ಯೆ ಪ್ರಕಟಿಸುವಾಗ ಅದು ನಿಜವಾದುದು ಹೌದೋ ಅಲ್ಲವೋ ಎಂಬುದನ್ನು ಸರ್ಚ್ ಇಂಜಿನ್ಗಳು ದೃಢೀಕರಿಸಬೇಕು.ಈ ರೀತಿಯ ಫಿಶಿಂಗ್, ವಿಶಿಂಗ್ ಮತ್ತು ಸ್ಪಾಮ್ ಪ್ರಕರಣಗಳನ್ನು ತಡೆಯಲು ಫಿಶಿಂಗ್ ನಿಗ್ರಹ ತಂಡವನ್ನು ರೂಪಿಸಲು ನಾವು ಚಿಂತಿಸಿದ್ದೇವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
