<p><strong>ನವದೆಹಲಿ:</strong> ಚುನಾವಣಾ ಫಲಿತಾಂಶ ಅಂದಾಜಿಸುವಲ್ಲಿ ಒಂದೆರಡು ಮತಗಟ್ಟೆ ಸಮೀಕ್ಷೆಗಳು ಮಹಾರಾಷ್ಟ್ರ ವಿಷಯದಲ್ಲಿ ತುಸು ಸಮೀಪವಿದ್ದರೆ, ಜಾರ್ಖಂಡ್ ವಿಷಯದಲ್ಲಿ ವಿಫಲವಾಗಿವೆ. ಯಾವುದೇ ಸಮೀಕ್ಷೆ ‘ಮಹಾಯುತಿ’ಯ ಭಾರಿ ಗೆಲುವನ್ನು ಅಂದಾಜಿಸಿರಲಿಲ್ಲ.</p>.<p>‘ಆ್ಯಕ್ಸಿಸ್ ಮೈಇಂಡಿಯಾ’ ಸಮೀಕ್ಷೆಯು ಮಹಾಯುತಿ 178–200 ಕ್ಷೇತ್ರಗಳಲ್ಲಿ ಹಾಗೂ ಎಂವಿಎ ಮೈತ್ರಿಯು 82–102 ಹಾಗೂ ಇತರರು 6–12 ಕ್ಷೇತ್ರಗಳಲ್ಲಿ ಗೆಲ್ಲುವ ಅಂದಾಜು ಮಾಡಿತ್ತು. ಫಲಿತಾಂಶಕ್ಕೆ ಹತ್ತಿರದ ಅಂದಾಜು ಮಾಡಿದ್ದ ಸಮೀಕ್ಷೆ ಇದು. </p>.<p>ಜಾರ್ಖಂಡ್ನಲ್ಲಿ ಇತರೆ ಎಲ್ಲ ಮತಗಟ್ಟೆ ಸಮೀಕ್ಷೆಗಳು ಎನ್ಡಿಎ ಜಯಗಳಿಸಲಿದೆ ಎಂದು ಅಂದಾಜು ಮಾಡಿದ್ದರೆ, ‘ಆ್ಯಕ್ಸಿಸ್ ಮೈಇಂಡಿಯಾ’ ಸಮೀಕ್ಷೆಯು ಕಾಂಗ್ರೆಸ್–ಜೆಎಂಎಂ ಮೈತ್ರಿಕೂಟವು 49ರಿಂದ 59 ಕ್ಷೇತ್ರವನ್ನು ಗೆಲ್ಲಬಹುದು ಎಂದು ಅಂದಾಜು ಮಾಡಿತ್ತು. ಆದರೆ, ಈ ಸಂಸ್ಥೆಯ ಸಮೀಕ್ಷೆಯು ಲೋಕಸಭೆ ಚುನಾವಣೆ ಮತ್ತು ಹರಿಯಾಣ ವಿಧಾನಸಭೆಯ ಚುನಾವಣೆಯಲ್ಲಿ ಮಾಡಿದ್ದ ಅಂದಾಜು ಕೂಡ ಫಲಿತಾಂಶಕ್ಕಿಂತ ಬಹಳ ಭಿನ್ನವಾಗಿತ್ತು. ಇತ್ತೀಚೆಗೆ ಅಮೆರಿಕ ಚುನಾವಣೆಯ ಫಲಿತಾಂಶವನ್ನು ಈ ಸಂಸ್ಥೆ ಸರಿಯಾಗಿ ಅಂದಾಜು ಮಾಡಿತ್ತು.</p>.<p>288 ಸದಸ್ಯ ಬಲದ ಮಹಾರಾಷ್ಟ್ರದಲ್ಲಿ ಸರಳ ಬಹುಮತಕ್ಕೆ ಬೇಕಾದ ಸಂಖ್ಯೆ 145 ಆಗಿದ್ದರೆ, 81 ಸದಸ್ಯ ಬಲದ ಜಾರ್ಖಂಡ್ ವಿಧಾನಸಭೆಯಲ್ಲಿ ಸರಳ ಬಹುಮತಕ್ಕೆ 41 ಸ್ಥಾನ ಬೇಕಿತ್ತು.</p>.<p>ಕೆಲ ಮತಗಟ್ಟೆ ಸಮೀಕ್ಷೆಗಳು ಉತ್ತರ ಪ್ರದೇಶದಲ್ಲಿ ಉಪ ಚುನಾವಣೆ ನಡೆದ 9 ಕ್ಷೇತ್ರಗಳ ಪೈಕಿ 5–7 ಕ್ಷೇತ್ರಗಳಲ್ಲಿ ಬಿಜೆಪಿ ಗೆಲ್ಲಬಹುದು ಎಂದು ಅಂದಾಜು ಮಾಡಿತ್ತು. </p>.<p>ಈ ಹಿಂದೆ ಹಲವು ಬಾರಿ ಮತಗಟ್ಟೆ ಸಮೀಕ್ಷೆಗಳನ್ನು ನಡೆಸುವುದರ ಕಾರ್ಯಶೈಲಿಯನ್ನು ಚುನಾವಣಾ ಆಯೋಗವು ಆಕ್ಷೇಪಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಚುನಾವಣಾ ಫಲಿತಾಂಶ ಅಂದಾಜಿಸುವಲ್ಲಿ ಒಂದೆರಡು ಮತಗಟ್ಟೆ ಸಮೀಕ್ಷೆಗಳು ಮಹಾರಾಷ್ಟ್ರ ವಿಷಯದಲ್ಲಿ ತುಸು ಸಮೀಪವಿದ್ದರೆ, ಜಾರ್ಖಂಡ್ ವಿಷಯದಲ್ಲಿ ವಿಫಲವಾಗಿವೆ. ಯಾವುದೇ ಸಮೀಕ್ಷೆ ‘ಮಹಾಯುತಿ’ಯ ಭಾರಿ ಗೆಲುವನ್ನು ಅಂದಾಜಿಸಿರಲಿಲ್ಲ.</p>.<p>‘ಆ್ಯಕ್ಸಿಸ್ ಮೈಇಂಡಿಯಾ’ ಸಮೀಕ್ಷೆಯು ಮಹಾಯುತಿ 178–200 ಕ್ಷೇತ್ರಗಳಲ್ಲಿ ಹಾಗೂ ಎಂವಿಎ ಮೈತ್ರಿಯು 82–102 ಹಾಗೂ ಇತರರು 6–12 ಕ್ಷೇತ್ರಗಳಲ್ಲಿ ಗೆಲ್ಲುವ ಅಂದಾಜು ಮಾಡಿತ್ತು. ಫಲಿತಾಂಶಕ್ಕೆ ಹತ್ತಿರದ ಅಂದಾಜು ಮಾಡಿದ್ದ ಸಮೀಕ್ಷೆ ಇದು. </p>.<p>ಜಾರ್ಖಂಡ್ನಲ್ಲಿ ಇತರೆ ಎಲ್ಲ ಮತಗಟ್ಟೆ ಸಮೀಕ್ಷೆಗಳು ಎನ್ಡಿಎ ಜಯಗಳಿಸಲಿದೆ ಎಂದು ಅಂದಾಜು ಮಾಡಿದ್ದರೆ, ‘ಆ್ಯಕ್ಸಿಸ್ ಮೈಇಂಡಿಯಾ’ ಸಮೀಕ್ಷೆಯು ಕಾಂಗ್ರೆಸ್–ಜೆಎಂಎಂ ಮೈತ್ರಿಕೂಟವು 49ರಿಂದ 59 ಕ್ಷೇತ್ರವನ್ನು ಗೆಲ್ಲಬಹುದು ಎಂದು ಅಂದಾಜು ಮಾಡಿತ್ತು. ಆದರೆ, ಈ ಸಂಸ್ಥೆಯ ಸಮೀಕ್ಷೆಯು ಲೋಕಸಭೆ ಚುನಾವಣೆ ಮತ್ತು ಹರಿಯಾಣ ವಿಧಾನಸಭೆಯ ಚುನಾವಣೆಯಲ್ಲಿ ಮಾಡಿದ್ದ ಅಂದಾಜು ಕೂಡ ಫಲಿತಾಂಶಕ್ಕಿಂತ ಬಹಳ ಭಿನ್ನವಾಗಿತ್ತು. ಇತ್ತೀಚೆಗೆ ಅಮೆರಿಕ ಚುನಾವಣೆಯ ಫಲಿತಾಂಶವನ್ನು ಈ ಸಂಸ್ಥೆ ಸರಿಯಾಗಿ ಅಂದಾಜು ಮಾಡಿತ್ತು.</p>.<p>288 ಸದಸ್ಯ ಬಲದ ಮಹಾರಾಷ್ಟ್ರದಲ್ಲಿ ಸರಳ ಬಹುಮತಕ್ಕೆ ಬೇಕಾದ ಸಂಖ್ಯೆ 145 ಆಗಿದ್ದರೆ, 81 ಸದಸ್ಯ ಬಲದ ಜಾರ್ಖಂಡ್ ವಿಧಾನಸಭೆಯಲ್ಲಿ ಸರಳ ಬಹುಮತಕ್ಕೆ 41 ಸ್ಥಾನ ಬೇಕಿತ್ತು.</p>.<p>ಕೆಲ ಮತಗಟ್ಟೆ ಸಮೀಕ್ಷೆಗಳು ಉತ್ತರ ಪ್ರದೇಶದಲ್ಲಿ ಉಪ ಚುನಾವಣೆ ನಡೆದ 9 ಕ್ಷೇತ್ರಗಳ ಪೈಕಿ 5–7 ಕ್ಷೇತ್ರಗಳಲ್ಲಿ ಬಿಜೆಪಿ ಗೆಲ್ಲಬಹುದು ಎಂದು ಅಂದಾಜು ಮಾಡಿತ್ತು. </p>.<p>ಈ ಹಿಂದೆ ಹಲವು ಬಾರಿ ಮತಗಟ್ಟೆ ಸಮೀಕ್ಷೆಗಳನ್ನು ನಡೆಸುವುದರ ಕಾರ್ಯಶೈಲಿಯನ್ನು ಚುನಾವಣಾ ಆಯೋಗವು ಆಕ್ಷೇಪಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
