<p><strong>ಜೈಪುರ:</strong> ಪ್ರಕರಣವೊಂದರ ಕುರಿತ ರಾಜಸ್ಥಾನ ಹೈಕೋರ್ಟ್ನ ವರ್ಚುವಲ್‌ ವಿಚಾರಣೆ ವೇಳೆ ಹಿರಿಯ ವಕೀಲ ರಾಜೀವ್ ಧವನ್‌ ಅವರು ಹುಕ್ಕಾ ಸೇದಿರುವ ವಿಡಿಯೊ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಹಿನ್ನೆಲೆಯಲ್ಲಿ, ಧೂಮಪಾನದ ಅಪಾಯಗಳ ಕುರಿತು ಹೈಕೋರ್ಟ್ನ ನ್ಯಾಯಮೂರ್ತಿಗಳು ರಾಜೀವ್ ಧವನ್‌ ಅವರಿಗೆ ಕೆಲ ಸಲಹೆಗಳನ್ನೂ ನೀಡಿದ್ದಾರೆ.</p>.<p>ಮುಖಕ್ಕೆ ಅಡ್ಡಲಾಗಿ ಕಾಗದ ಪತ್ರಗಳನ್ನು ಹಿಡಿದ ಧವನ್‌, ಅದರ ಮರೆಯಲ್ಲೇ ಹುಕ್ಕಾಸೇದಿದ್ದಾರೆ. ನಂತರ ಹೊಗೆಯು ಕಾಗದದ ಮರೆಯನ್ನೂ ಮೀರಿ ಹರಡಿಕೊಳ್ಳುತ್ತದೆ. ಕಾಗದವನ್ನು ಪಕಕ್ಕೆ ಇಟ್ಟಾಗ ಹುಕ್ಕಾದ ನಳಿಕೆ ವಿಡಿಯೊದಲ್ಲಿ ಗೋಚರವಾಗುತ್ತದೆ.</p>.<p>ಹೈಕೋರ್ಟ್‌ ನ್ಯಾಯಮೂರ್ತಿ ಅರುಣ್ ಮಿಶ್ರಾ ಅವರ ಪೀಠಮಂಗಳವಾರ ನಡೆಸಿದ ವಿಚಾರಣೆ ವೇಳೆ ಈ ಘಟನೆ ನಡೆದಿದೆ.</p>.<p>2018ರಲ್ಲಿ ರಾಜಸ್ಥಾನ ವಿಧಾನಸಭೆ ಚುನಾವಣೆಯಲ್ಲಿ ಬಿಎಸ್ಪಿಯಿಂದ ಆಯ್ಕೆಯಾಗಿದ್ದ ಆರು ಶಾಸಕರು ಇಡೀ ಪಕ್ಷವನ್ನು ರಾಜಸ್ಥಾನ ಕಾಂಗ್ರೆಸ್ನಲ್ಲಿ ವಿಲೀನಗೊಳಿಸಿದ್ದಾರೆ. ಇದನ್ನು ಪ್ರಶ್ನಿಸಿ ಬಿಎಸ್ಪಿ ಮತ್ತು ಬಿಜೆಪಿ ಪಕ್ಷಗಳು ರಾಜಸ್ಥಾನ ಹೈಕೋರ್ಟ್‌ ಮೆಟ್ಟಿಲೇರಿವೆ. ಈ ಪ್ರಕರಣದಲ್ಲಿ ರಾಜೀವ್ ಧವನ್‌ ಅವರು ಆರು ಮಂದಿ ಬಿಎಸ್ಪಿ ಶಾಸಕರನ್ನು ಪ್ರತಿನಿಧಿಸುತ್ತಿದ್ದಾರೆ.</p>.<p>ಮಂಗಳವಾರ ವಿಚಾರಣೆ ವೇಳೆ ರಾಜೀವ್ ಧವನ್‌ ಅವರ ಈ ನಡೆ ಗಮನಿಸಿರುವ ನ್ಯಾಯಮೂರ್ತಿ ಮಿಶ್ರಾ ಅವರು, ಗುರುವಾರದ ವಿಚಾರಣೆ ವೇಳೆ ವಿಷಯ ಪ್ರಸ್ತಾಪಿಸಿದರು. ‘ನೀವು ಏನು ಮಾಡುತ್ತಿದ್ದಿರಿ? ನಾನು ನೋಡಿದೆ. ಈ ಇಳಿ ವಯಸ್ಸಿನಲ್ಲಿರುವ ಧವನ್‌ ಅವರು ಧೂಮಪಾನ ಕೈಬಿಡುವುದು ಲೇಸು,’ ಎಂದು ಹೇಳಿದರು. ಅದಕ್ಕೆ ಧವನ್‌ ಕೂಡ ಸಮ್ಮತಿಸಿದರು. ಅಲ್ಲದೆ, ‘ವಿಡಿಯೊ ಕಾನ್ಫರೆನ್ಸ್ಗೆ ತಾವು ಒಗ್ಗಿಕೊಂಡಿಲ್ಲ. ಹೀಗಾಗಿ ಪರಿಸ್ಥಿತಿಯನ್ನು ನಿಭಾಯಿಸಲು ಸಾಧ್ಯವಾಗಲಿಲ್ಲ,’ ಎಂದು ಅವರು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೈಪುರ:</strong> ಪ್ರಕರಣವೊಂದರ ಕುರಿತ ರಾಜಸ್ಥಾನ ಹೈಕೋರ್ಟ್ನ ವರ್ಚುವಲ್‌ ವಿಚಾರಣೆ ವೇಳೆ ಹಿರಿಯ ವಕೀಲ ರಾಜೀವ್ ಧವನ್‌ ಅವರು ಹುಕ್ಕಾ ಸೇದಿರುವ ವಿಡಿಯೊ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಹಿನ್ನೆಲೆಯಲ್ಲಿ, ಧೂಮಪಾನದ ಅಪಾಯಗಳ ಕುರಿತು ಹೈಕೋರ್ಟ್ನ ನ್ಯಾಯಮೂರ್ತಿಗಳು ರಾಜೀವ್ ಧವನ್‌ ಅವರಿಗೆ ಕೆಲ ಸಲಹೆಗಳನ್ನೂ ನೀಡಿದ್ದಾರೆ.</p>.<p>ಮುಖಕ್ಕೆ ಅಡ್ಡಲಾಗಿ ಕಾಗದ ಪತ್ರಗಳನ್ನು ಹಿಡಿದ ಧವನ್‌, ಅದರ ಮರೆಯಲ್ಲೇ ಹುಕ್ಕಾಸೇದಿದ್ದಾರೆ. ನಂತರ ಹೊಗೆಯು ಕಾಗದದ ಮರೆಯನ್ನೂ ಮೀರಿ ಹರಡಿಕೊಳ್ಳುತ್ತದೆ. ಕಾಗದವನ್ನು ಪಕಕ್ಕೆ ಇಟ್ಟಾಗ ಹುಕ್ಕಾದ ನಳಿಕೆ ವಿಡಿಯೊದಲ್ಲಿ ಗೋಚರವಾಗುತ್ತದೆ.</p>.<p>ಹೈಕೋರ್ಟ್‌ ನ್ಯಾಯಮೂರ್ತಿ ಅರುಣ್ ಮಿಶ್ರಾ ಅವರ ಪೀಠಮಂಗಳವಾರ ನಡೆಸಿದ ವಿಚಾರಣೆ ವೇಳೆ ಈ ಘಟನೆ ನಡೆದಿದೆ.</p>.<p>2018ರಲ್ಲಿ ರಾಜಸ್ಥಾನ ವಿಧಾನಸಭೆ ಚುನಾವಣೆಯಲ್ಲಿ ಬಿಎಸ್ಪಿಯಿಂದ ಆಯ್ಕೆಯಾಗಿದ್ದ ಆರು ಶಾಸಕರು ಇಡೀ ಪಕ್ಷವನ್ನು ರಾಜಸ್ಥಾನ ಕಾಂಗ್ರೆಸ್ನಲ್ಲಿ ವಿಲೀನಗೊಳಿಸಿದ್ದಾರೆ. ಇದನ್ನು ಪ್ರಶ್ನಿಸಿ ಬಿಎಸ್ಪಿ ಮತ್ತು ಬಿಜೆಪಿ ಪಕ್ಷಗಳು ರಾಜಸ್ಥಾನ ಹೈಕೋರ್ಟ್‌ ಮೆಟ್ಟಿಲೇರಿವೆ. ಈ ಪ್ರಕರಣದಲ್ಲಿ ರಾಜೀವ್ ಧವನ್‌ ಅವರು ಆರು ಮಂದಿ ಬಿಎಸ್ಪಿ ಶಾಸಕರನ್ನು ಪ್ರತಿನಿಧಿಸುತ್ತಿದ್ದಾರೆ.</p>.<p>ಮಂಗಳವಾರ ವಿಚಾರಣೆ ವೇಳೆ ರಾಜೀವ್ ಧವನ್‌ ಅವರ ಈ ನಡೆ ಗಮನಿಸಿರುವ ನ್ಯಾಯಮೂರ್ತಿ ಮಿಶ್ರಾ ಅವರು, ಗುರುವಾರದ ವಿಚಾರಣೆ ವೇಳೆ ವಿಷಯ ಪ್ರಸ್ತಾಪಿಸಿದರು. ‘ನೀವು ಏನು ಮಾಡುತ್ತಿದ್ದಿರಿ? ನಾನು ನೋಡಿದೆ. ಈ ಇಳಿ ವಯಸ್ಸಿನಲ್ಲಿರುವ ಧವನ್‌ ಅವರು ಧೂಮಪಾನ ಕೈಬಿಡುವುದು ಲೇಸು,’ ಎಂದು ಹೇಳಿದರು. ಅದಕ್ಕೆ ಧವನ್‌ ಕೂಡ ಸಮ್ಮತಿಸಿದರು. ಅಲ್ಲದೆ, ‘ವಿಡಿಯೊ ಕಾನ್ಫರೆನ್ಸ್ಗೆ ತಾವು ಒಗ್ಗಿಕೊಂಡಿಲ್ಲ. ಹೀಗಾಗಿ ಪರಿಸ್ಥಿತಿಯನ್ನು ನಿಭಾಯಿಸಲು ಸಾಧ್ಯವಾಗಲಿಲ್ಲ,’ ಎಂದು ಅವರು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
