ಹೊಸ ದರ ವ್ಯವಸ್ಥೆಗೆ ವರ್ಗಾವಣೆ ಆಗದಿದ್ದರೆ ಜ.1ರಿಂದ ಟಿ.ವಿಯಲ್ಲಿ ಏನೂ ಬರುವುದಿಲ್ಲ

ಬೆಂಗಳೂರು: ಹೊಸ ವರ್ಷದ ಮೊದಲ ದಿನವೇ ನಿಮ್ಮ ಟಿವಿ ಸೆಟ್ಗಳಲ್ಲಿ ಬಹುತೇಕ ಚಾನೆಲ್ಗಳು ಮಾಯವಾಗಬಹುದು. ಜನವರಿ 1 ರಿಂದ ಕೇಬಲ್ ಮತ್ತು ಡಿಟಿಎಚ್ಗಳಿಗೆ ಹೊಸ ದರ ವ್ಯವಸ್ಥೆ ಜಾರಿ ಆಗಲಿದೆ. ಗ್ರಾಹಕರು ಹೊಸ ದರ ವ್ಯವಸ್ಥೆಗೆ ವರ್ಗಾವಣೆ ಆಗದಿದ್ದರೆ ಟಿ.ವಿಯಲ್ಲಿ ಏನೂ ಬರುವುದಿಲ್ಲ!

. ಹೊಸ ವ್ಯವಸ್ಥೆಯ ಅನ್ವಯ ಕೇಬಲ್ ಮತ್ತು ಡಿಟಿಎಚ್ ಆಪರೇಟರ್ಗಳು ಗ್ರಾಹಕರ ಆಯ್ಕೆಯ ಚಾನೆಲ್ಗಳನ್ನು ಮಾತ್ರ ನೀಡಬೇಕು. ಚಾನೆಲ್ಗಳ ಆಯ್ಕೆಗೆ ತಕ್ಕಂತೆ ದರವನ್ನು ಪಾವತಿಸಬೇಕಾಗುತ್ತದೆ.ಇದರಿಂದ ಆಪರೇಟರ್ಗಳು ಬೇಕಾಬಿಟ್ಟಿ ಚಾನೆಲ್ಗಳನ್ನು ಗ್ರಾಹಕರ ಮೇಲೆ ಹೇರುವುದನ್ನು ತಪ್ಪಿಸಿದಂತಾಗುತ್ತದೆ.

. ಹೊಸ ವ್ಯವಸ್ಥೆಯ ಜಾರಿಗೆ ಆಪರೇಟರ್ಗಳು ಅಗತ್ಯ ಸಾಫ್ಟ್ವೇರ್ ಮತ್ತು ವೆಬ್ ಪೋರ್ಟಲ್ ವ್ಯವಸ್ಥೆಯನ್ನು ಇನ್ನೂ ಮಾಡಿಕೊಂಡಿಲ್ಲ. ಇದರಿಂದ ಸಮಸ್ಯೆ ಆಗುತ್ತದೆ. ಜನವರಿ 1ರ ನಂತರ ದೂರದರ್ಶನದ 26 ಚಾನೆಲ್ಗಳು ಮಾತ್ರ ಸಿಗುತ್ತವೆ. ಖಾಸಗಿ ಚಾನೆಲ್ಗಳು ಬಿತ್ತರ ಆಗುವುದಿಲ್ಲ ಎಂದು ಮೂಲಗಳು ತಿಳಿಸಿವೆ.

. ಆದರೆ, ಗ್ರಾಹಕ ತಿಂಗಳಿಗೆ ನೀಡಬೇಕಾದ ಶುಲ್ಕವೂ ಆತನ ಆಯ್ಕೆಯನ್ನು ಅವಲಂಬಿಸಿ ಕೇಬಲ್ ಮತ್ತು ಡಿಟಿಎಚ್ ದರದಲ್ಲಿ ವ್ಯತ್ಯಯವಾಗುತ್ತದೆ. ಆಪರೇಟರ್ಗಳ ಪ್ರಕಾರ, 400 ಚಾನೆಲ್ಗಳಿಗೆ ₹500 ರಿಂದ ₹1500 ರವರೆಗೂ ದರ ಏರಿಕೆ ಆಗಬಹುದು.

. ಮದ್ರಾಸ್ ಹೈಕೋರ್ಟ್ ಇತ್ತೀಚೆಗೆ ನೀಡಿದ ನಿರ್ದೇಶನದ ಮೇರೆಗೆ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರ(ಟ್ರಾಯ್) ಹೊಸ ದರ ವ್ಯವಸ್ಥೆಯನ್ನು ಪ್ರಕಟಿಸಿದೆ.

. ಕೇಬಲ್ ಮತ್ತು ಡಿಟಿಎಚ್ ಬ್ರಾಡ್ಕಾಸ್ಟ್ ಕಂಪನಿಗಳು ಈ ಕ್ರಮವನ್ನು ವಿರೋಧಿಸಿವೆ. ‘ಟ್ರಾಯ್ ಏಕಾಏಕಿ ಹೊಸ ವ್ಯವಸ್ಥೆ ಜಾರಿ ಮಾಡಿರುವುದರಿಂದ ಗ್ರಾಹಕರ ಮೇಲೆ ಹೊರೆ ಹೆಚ್ಚುತ್ತದೆ. ಹೊಸ ದರ ವ್ಯವಸ್ಥೆ ಜಾರಿಗೊಳಿಸುವುದು ತಕ್ಷಣಕ್ಕೆ ಕಷ್ಟವಾಗುತ್ತದೆ’ ಎಂದು ಕೇಬಲ್ ಆಪರೇಟರ್ಗಳು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

. ‘ಬ್ರಾಡ್ಕಾಸ್ಟ್ ಕಂಪನಿಗಳ ಆಕ್ಷೇಪದಲ್ಲಿ ಹುರುಳಿಲ್ಲ. ಆರು ತಿಂಗಳ ಹಿಂದೆಯೇ ಕಂಪನಿಗಳಿಗೆ ಈ ಕುರಿತು ಮಾಹಿತಿ ನೀಡಿದ್ದೇವೆ. ಅಲ್ಲದೆ ಸ್ಥಳೀಯ ಕೇಬಲ್ ಆಪರೇಟರ್ಗಳು ಮತ್ತು ಮಲ್ಟಿ ಸಿಸ್ಟಮ್ ಆಪರೇಟರ್ಗಳಿಗೆ ತರಬೇತಿಯನ್ನೂ ನೀಡಲಾಗಿದೆ. ಗ್ರಾಹಕರ ಹಿತಾಸಕ್ತಿಯ ಕಾರಣ ಈ ವ್ಯವಸ್ಥೆ ಜಾರಿಗೆ ತರಲಾಗುತ್ತಿದೆ. ದಿನಾಂಕವನ್ನು ಮುಂದೂಡುವ ಪ್ರಶ್ನೆಯೇ ಇಲ್ಲ’ ಎಂದು ಟ್ರಾಯ್ ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದರು.

. ಈಗ ₹300 ರಿಂದ ₹350 ಕ್ಕೆ 400 ಚಾನೆಲ್ ಕೊಡುತ್ತೇವೆ ಎಂದು ಬ್ರಾಡ್ ಕಾಸ್ಟರ್ಗಳು ಹೇಳುತ್ತಾರೆ.

. ಆದರೆ, ಅವುಗಳಲ್ಲಿ ಅನಗತ್ಯ ಮತ್ತು ಕೆಲಸಕ್ಕೆ ಬಾರದ ಚಾನೆಲ್ಗಳೇ ತುಂಬಿ ಹೋಗಿವೆ. ಈ ಬಗ್ಗೆ ಗ್ರಾಹಕರೂ ರೋಸಿ ಹೋಗಿ ದೂರು ನೀಡುತ್ತಿದ್ದಾರೆ. ಇಂತಹ ಚಾನೆಲ್ಗಳ ಜಾಗವನ್ನು ತೆರವು ಮಾಡಿ ಹೊಸ ಮತ್ತು ಆಸಕ್ತಿದಾಯಕ ಚಾನೆಲ್ಗಳಿಗೆ ಅವಕಾಶ ನೀಡಲು ಹೊಸ ವ್ಯವಸ್ಥೆಯಿಂದ ಸಾಧ್ಯ ಎಂದು ಅವರು ವಿವರಿಸಿದರು.

. ಹೊಸ ದರ ವ್ಯವಸ್ಥೆ: ಹೊಸ ದರ ವ್ಯವಸ್ಥೆ ಜಾರಿಗೆ ಬಂದ ಬಳಿಕ ಗ್ರಾಹಕರು 100 ಚಾನೆಲ್ಗಳನ್ನು ಆಯ್ಕೆ ಮಾಡಿ ಕೊಳ್ಳಬಹುದು. ಇದರಲ್ಲಿ ದೂರದರ್ಶನದ 26 ಚಾನೆಲ್ಗಳು ಕಡ್ಡಾಯವಾಗಿರುತ್ತದೆ. ತಿಂಗಳಿಗೆ ₹130 ಮತ್ತು ಶೇ 18 ಜಿಎಸ್ಟಿ ಒಳಗೊಂಡಿರುತ್ತದೆ. ಅಲ್ಲದೆ, ಗ್ರಾಹಕರಿಗೆ ಹೆಚ್ಚುವರಿಯಾಗಿ 25 ಉಚಿತವಾಗಿ ಪ್ರಸಾರ ಮಾಡುವ (ಫ್ರೀ ಟು ಏರ್) ಚಾನೆಲ್ಗಳನ್ನು ನೀಡಲಾಗುತ್ತದೆ. ಇದಕ್ಕೆ ₹20 ಹೆಚ್ಚುವರಿಯಾಗಿ ನೀಡಬೇಕಾಗುತ್ತದೆ. ಈ ರೀತಿ ಒಟ್ಟು 125 ಚಾನೆಲ್ಗಳು ಗ್ರಾಹಕರಿಗೆ ಸಿಗುತ್ತವೆ.

. ಈ 125 ಚಾನೆಲ್ಗಳನ್ನು ಹೊರತುಪಡಿಸಿ ಬೇರೆ ಯಾವುದೇ ಚಾನೆಲ್ ಆಯ್ಕೆ ಮಾಡಿಕೊಳ್ಳಬೇಕಿದ್ದರೆ ಬ್ರಾಡ್ಕಾಸ್ಟರ್ಗಳು ನಿಗದಿ ಮಾಡಿದಷ್ಟು ದರವನ್ನು ನೀಡಬೇಕು. ಇದಕ್ಕೆ ಗ್ರಾಹಕರು ಕೇಬಲ್ ಆಪರೇಟರ್ಗಳನ್ನು ಸಂಪರ್ಕಿಸಿ ತಮ್ಮ ಆಯ್ಕೆಯ ಚಾನೆಲ್ಗಳನ್ನು ಹಾಕಿಸಿಕೊಳ್ಳಬಹುದು.

. ಬ್ರಾಡ್ ಕಾಸ್ಟರ್ಗಳು ಈಗಾಗಲೇ ತಮ್ಮ ಚಾನೆಲ್ಗಳ ದರವನ್ನು ಸ್ಕ್ರೀನ್ ಮೇಲೆ ಬಿತ್ತರಿಸಲಾರಂಭಿಸಿವೆ. ಏಕ (ಇಂಡಿವಿಜ್ಯುವಲ್) ಚಾನೆಲ್ಗಳು ತಿಂಗಳಿಗೆ ₹ 1 ರಿಂದ ₹ 19 ರೊಳಗೆ ದರ ನಿಗದಿ ಮಾಡಿವೆ. ಚಾನೆಲ್ಗಳ ಸಮೂಹವನ್ನು ಹೊಂದಿರುವ ಸ್ಟಾರ್ ಟಿವಿ ನೆಟ್ವರ್ಕ್ ಸ್ಟಾರ್ ಪ್ಲಸ್ಗೆ ₹19 ಮತ್ತು ಸ್ಟಾರ್ ಮೂವೀಸ್ಗೆ ₹ 15 ನಿಗದಿ ಮಾಡಿದೆ.

. ಕನ್ನಡದಲ್ಲಿ ಚಾನೆಲ್ಗಳ ಸಮೂಹಕ್ಕೆ ನಾಲ್ಕು ಹಂತಗಳ ದರ ನಿಗದಿ ಮಾಡಲಾಗಿದೆ. ₹30 (ಬೇಸ್), ₹69 (ಪ್ರೀಮಿಯಂ), ₹75 (ಎಚ್ಡಿ ಬೇಸ್) ಮತ್ತು ₹110 (ಎಚ್ಡಿ– ಪ್ರೀಮಿಯಂ).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಸ ದರ ವ್ಯವಸ್ಥೆಗೆ ವರ್ಗಾವಣೆ ಆಗದಿದ್ದರೆ ಜ.1ರಿಂದ ಟಿ.ವಿಯಲ್ಲಿ ಏನೂ ಬರುವುದಿಲ್ಲ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ