<p><strong>ಬೆಂಗಳೂರು:</strong> ‘ರಫೇಲ್ ಖರೀದಿ ಒಪ್ಪಂದದ ಹಗರಣವನ್ನು ಮುಚ್ಚಿ ಹಾಕಲು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫ್ರಾನ್ಸ್ಗೆ ತರಾತುರಿಯಲ್ಲಿ ಭೇಟಿ ನೀಡಿದ್ದಾರೆ’ ಎಂದು ಗಂಭೀರ ಆರೋಪ ಮಾಡಿರುವ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ, ಮೋದಿ ಸರ್ಕಾರದ ವಿರುದ್ಧ ಹೋರಾಟಕ್ಕೆ ಮತ್ತೊಂದು ಆಯಾಮವನ್ನು ನೀಡಿದರು.</p>.<p>‘ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್’ನ (ಎಚ್ಎಎಲ್) ಕಾರ್ಪೊರೇಟ್ ಕಚೇರಿ ಎದುರೇ ಸಂಸ್ಥೆಯ ಕೊಡುಗೆಗಳ ಬಗ್ಗೆ ನೌಕರರು ಹಾಗೂ ನಿವೃತ್ತ ನೌಕರರ ಜತೆಗೆ ರಾಹುಲ್ ಶನಿವಾರ ಸಂವಾದ ನಡೆಸಿದರು. ಎಚ್ಎಎಲ್ ಆಡಳಿತ ಮಂಡಳಿಯ ನಿರ್ಬಂಧದ ಮಧ್ಯೆಯೂ ನೌಕರರು ಸಮವಸ್ತ್ರದಲ್ಲೇ ಭಾಗವಹಿಸಿದರು.</p>.<p>‘ಎಚ್ಎಎಲ್, ಭಾರತೀಯ ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆಯಂತಹ ಸಾರ್ವಜನಿಕಉದ್ಯಮಗಳನ್ನು ನಾಶಪಡಿಸಲು ಸರ್ಕಾರ ಯತ್ನಿಸುತ್ತಿದೆ. ಇವುಗಳ ಉಳಿವಿಗಾಗಿ 24x7 ಹೋರಾಟ ನಡೆಸುತ್ತೇನೆ. ರಫೇಲ್ ಖರೀದಿ ಹಗರಣದ ವಿರುದ್ಧ ಹೋರಾಟವನ್ನು ಇನ್ನಷ್ಟು ತೀವ್ರಗೊಳಿಸುತ್ತೇನೆ’ ಎಂದೂ ರಾಹುಲ್ ಘೋಷಿಸಿದರು.</p>.<p>ಸಂವಾದದ ನಂತರ ಸುದ್ದಿ ಗಾರರೊಂದಿಗೆ ಮಾತನಾಡಿದ ಅವರು, ‘ರಕ್ಷಣಾ ಸಚಿವರು ಫ್ರಾನ್ಸ್ಗೆ ತೆರಳಿ ಹಗರಣ ಮುಚ್ಚಿ ಹಾಕಲು ಪ್ರಯತ್ನಿಸುತ್ತಿದ್ದಾರೆ. ಇದಕ್ಕೆ ನಾವು ಅವಕಾಶ ಮಾಡಿಕೊಡುವುದಿಲ್ಲ. ಭಾರತದ ಬೀದಿಗಳಲ್ಲಿ ಹೋರಾಟ ನಡೆಸಲಿದ್ದೇವೆ’ ಎಂದರು.</p>.<p>‘ಭ್ರಷ್ಟಾಚಾರಕ್ಕೆ ಮಣೆ ಹಾಕುವ ಉದ್ದೇಶದಿಂದಲೇ ಪ್ರಧಾನಿ ನರೇಂದ್ರ ಮೋದಿ ಅವರು ಅನಿಲ್ ಅಂಬಾನಿ ಅವರನ್ನು ಆಯ್ಕೆ ಮಾಡಿಕೊಂಡರು. ಈಗ ಡಾಸೊಗೆ ಸಂಬಂಧಿಸಿದ ದಾಖಲೆಗಳು ಹೊರಬಂದಿವೆ. ಹಗರಣ ಹೇಗೆ ನಡೆಯಿತು ಎಂಬ ಬಗ್ಗೆ ಇವು ಬೆಳಕು ಚೆಲ್ಲಿವೆ’ ಎಂದು ಅವರು ಹೇಳಿದರು.</p>.<p>ಸಂವಾದದಲ್ಲಿ ಮಾತನಾಡಿದ ರಾಹುಲ್, ‘ಸಾರ್ವಜನಿಕ ಕ್ಷೇತ್ರದ ಉದ್ಯಮಗಳು ಆಧುನಿಕ ಭಾರತದ ದೇವಸ್ಥಾನಗಳು ಇದ್ದಂತೆ. ಇವುಗಳ ಮೇಲೆ ದಾಳಿ ನಡೆಸಿ ನಾಶ ಮಾಡಲಾಗುತ್ತಿದೆ. ಭ್ರಷ್ಟಾಚಾರ ನಡೆಸುವ ಕಾರಣಕ್ಕೇ ಎಚ್ಎಎಲ್ ಸಂಸ್ಥೆ<br />ಯನ್ನು ಸರ್ವನಾಶ ಮಾಡಲಾಗುತ್ತಿದೆ’ ಎಂದು ಕಿಡಿಕಾರಿದರು. ‘ಅಧಿಕಾರಕ್ಕೆ ಬಂದ ಬಳಿಕಕಾಂಗ್ರೆಸ್ ಈ ಸಂಸ್ಥೆಗಳಿಗೆ ಇನ್ನಷ್ಟು ಬಲ ತುಂಬಲಿದೆ’ ಎಂದು ಅವರು ವಾಗ್ದಾನ ನೀಡಿದರು.</p>.<p>ವಿಮಾನ ನಿರ್ಮಾಣದಲ್ಲಿ ಅನಿಲ್ ಅಂಬಾನಿ ಅವರಿಗೆ ಯಾವುದೇ ಅನುಭವ ಇಲ್ಲ. ಅವರದ್ದು 12 ದಿನಗಳಷ್ಟು ಹಳೆಯ ಕಂಪನಿ. ಆದರೆ, ಎಚ್ಎಎಲ್ಗೆ 78 ವರ್ಷಗಳ ಅನುಭವ ಇದೆ. ಈ ಸಂಸ್ಥೆ ನಮ್ಮ ಇತಿಹಾಸದ ಭಾಗ’ ಎಂದೂ ಅವರುವ್ಯಾಖ್ಯಾನಿಸಿದರು.</p>.<p><strong>ಮಾಧ್ಯಮಗಳು ನನ್ನ ಮಾತು ಕೇಳುತ್ತಿಲ್ಲ’</strong></p>.<p>‘ರಾಹುಲ್ ಗಾಂಧಿ ಜತೆಗೆ ನೀವೇಕೆ ಸಂವಾದ ಇಟ್ಟುಕೊಂಡಿದ್ದೀರಿ’ ಎಂದು ಹಲವರು ನನ್ನಲ್ಲಿ ಪ್ರಶ್ನಿಸಿದರು. ನಾವು ಪ್ರತಿಭಟನೆ ನಡೆಸಿದರೆ ಮಾಧ್ಯಮಗಳಲ್ಲಿ ವರದಿಯಾಗುವುದಿಲ್ಲ. ಹಾಗಾಗಿ, ರಾಹುಲ್ ಅವರನ್ನು ಕರೆದಿದ್ದೇವೆ’ ಎಂದು ಎಚ್ಎಎಲ್ನ ನಿವೃತ್ತ ನೌಕರ ಅನಂತಪದ್ಮನಾಭ ಹೇಳಿದರು.</p>.<p>ಇದನ್ನು ಭಾಷಣದಲ್ಲಿ ಉಲ್ಲೇಖಿಸಿದ ರಾಹುಲ್, ‘ಇತ್ತೀಚಿನ ದಿನಗಳಲ್ಲಿ ಮಾಧ್ಯಮಗಳು ನಮ್ಮ ಮಾತನ್ನು ಕೇಳುತ್ತಿಲ್ಲ. ಇಲ್ಲಿರುವವರು ನನ್ನ ಮಾತು ಕೇಳುತ್ತಾರೆ. ಆದರೆ, ಅವರ ಬಾಸ್ಗಳ ನಿಲುವು ಬೇರೆ ಇದೆ’ ಎಂದರು.</p>.<p><strong>ರಾಹುಲ್ಗೆ ಬಿಜೆಪಿ ನಾಲ್ಕು ಪ್ರಶ್ನೆ</strong></p>.<p>ಎಚ್ಎಎಲ್ ನೌಕರರ ಜತೆ ಸಂವಾದ ನಡೆಸಿದ ರಾಹುಲ್ ಗಾಂಧಿ ಅವರಿಗೆ ಬಿಜೆಪಿ ರಾಜ್ಯ ಘಟಕ ನಾಲ್ಕು ಪ್ರಶ್ನೆಗಳನ್ನು ಕೇಳಿದೆ.</p>.<p>* ಭಾರತೀಯ ವಾಯುಸೇನೆಗಾಗಿ 126 ಎಂಎಂಆರ್ಸಿಎ ವಿಮಾನಗಳನ್ನು ಖರೀದಿಸುವುದಕ್ಕಾಗಿ ಡಸಾಲ್ಟ್ ಏವಿಯೇಷನನ್ನು ಯುಪಿಎ ಸರ್ಕಾರ L1 ಎಂದು 2012ರಲ್ಲಿ ಘೋಷಿಸಿತ್ತು. ಆದರೆ, 2014ರವರೆಗೂ ಯಾವುದೇ ಕ್ರಮಗಳನ್ನು ಕೈಗೊಂಡಿರಲಿಲ್ಲ. ರಾಷ್ಟ್ರದ ಸುರಕ್ಷತೆಯೊಂದಿಗೆ ನೀವು ಮಾಡಿಕೊಂಡ ರಾಜಿಯಲ್ಲವೇ ಅದು?</p>.<p>* 2012ರಿಂದ 2014ರ ವರೆಗೆ ಡಸಾಲ್ಟ್ ಹಾಗೂ ಎಚ್ಎಎಲ್ ನಡುವಿನ ಭಿನ್ನಾಭಿಪ್ರಾಯ ಬಗೆಹರಿಸಲು ಕಾಂಗ್ರೆಸ್ ಪ್ರಯತ್ನಿಸಲಿಲ್ಲ. ಇದು ನೀವು ಎಚ್ಎಎಲ್ಗೆ ಮಾಡಿದ ದ್ರೋಹವಲ್ಲವೇ?</p>.<p>*126 ಎಂಎಂಆರ್ಸಿಎಗಳ ಖರೀದಿಗೆ 2007ರಲ್ಲಿ ಯುಪಿಎ ಸರ್ಕಾರ ಸಿದ್ಧತೆ ನಡೆಸಿತ್ತು. ಆದರೆ, 2014ರ ವರೆಗೆ ರಫೇಲ್ ಒಪ್ಪಂದವನ್ನು ಅಂತಿಮಗೊಳಿಸಲಿಲ್ಲ. ಭಾರತದೊಂದಿಗೆ ವ್ಯವಹಾರ ಕಷ್ಟ ಎಂಬ ಭಾವನೆಯನ್ನು ಕಾಂಗ್ರೆಸ್ ಮೂಡಿಸಿತು. ಈ ದುರಭಿಪ್ರಾಯವನ್ನು ಮೂಡಿಸಿದ್ದು ಯಾಕೆ?</p>.<p>* 2007ರ ಒಪ್ಪಂದದ ಪ್ರಕಾರ ವಿಮಾನ ದರ ₹737 ಕೋಟಿ ಇತ್ತು. ಅದೇ ವಿಮಾನವನ್ನು 2015ರಲ್ಲಿ ₹670 ಕೋಟಿಗೆ ಖರೀದಿ ಮಾಡಲು ಒಪ್ಪಂದ ಮಾಡಿಕೊಳ್ಳಲಾಗಿದೆ. ಈ ಎಲ್ಲ ಸತ್ಯಗಳನ್ನು ಮುಚ್ಚಿಟ್ಟು ದೇಶದ ಜನರನ್ನು ದಾರಿ ತಪ್ಪಿಸುತ್ತಿರುವುದು ಏಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ರಫೇಲ್ ಖರೀದಿ ಒಪ್ಪಂದದ ಹಗರಣವನ್ನು ಮುಚ್ಚಿ ಹಾಕಲು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫ್ರಾನ್ಸ್ಗೆ ತರಾತುರಿಯಲ್ಲಿ ಭೇಟಿ ನೀಡಿದ್ದಾರೆ’ ಎಂದು ಗಂಭೀರ ಆರೋಪ ಮಾಡಿರುವ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ, ಮೋದಿ ಸರ್ಕಾರದ ವಿರುದ್ಧ ಹೋರಾಟಕ್ಕೆ ಮತ್ತೊಂದು ಆಯಾಮವನ್ನು ನೀಡಿದರು.</p>.<p>‘ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್’ನ (ಎಚ್ಎಎಲ್) ಕಾರ್ಪೊರೇಟ್ ಕಚೇರಿ ಎದುರೇ ಸಂಸ್ಥೆಯ ಕೊಡುಗೆಗಳ ಬಗ್ಗೆ ನೌಕರರು ಹಾಗೂ ನಿವೃತ್ತ ನೌಕರರ ಜತೆಗೆ ರಾಹುಲ್ ಶನಿವಾರ ಸಂವಾದ ನಡೆಸಿದರು. ಎಚ್ಎಎಲ್ ಆಡಳಿತ ಮಂಡಳಿಯ ನಿರ್ಬಂಧದ ಮಧ್ಯೆಯೂ ನೌಕರರು ಸಮವಸ್ತ್ರದಲ್ಲೇ ಭಾಗವಹಿಸಿದರು.</p>.<p>‘ಎಚ್ಎಎಲ್, ಭಾರತೀಯ ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆಯಂತಹ ಸಾರ್ವಜನಿಕಉದ್ಯಮಗಳನ್ನು ನಾಶಪಡಿಸಲು ಸರ್ಕಾರ ಯತ್ನಿಸುತ್ತಿದೆ. ಇವುಗಳ ಉಳಿವಿಗಾಗಿ 24x7 ಹೋರಾಟ ನಡೆಸುತ್ತೇನೆ. ರಫೇಲ್ ಖರೀದಿ ಹಗರಣದ ವಿರುದ್ಧ ಹೋರಾಟವನ್ನು ಇನ್ನಷ್ಟು ತೀವ್ರಗೊಳಿಸುತ್ತೇನೆ’ ಎಂದೂ ರಾಹುಲ್ ಘೋಷಿಸಿದರು.</p>.<p>ಸಂವಾದದ ನಂತರ ಸುದ್ದಿ ಗಾರರೊಂದಿಗೆ ಮಾತನಾಡಿದ ಅವರು, ‘ರಕ್ಷಣಾ ಸಚಿವರು ಫ್ರಾನ್ಸ್ಗೆ ತೆರಳಿ ಹಗರಣ ಮುಚ್ಚಿ ಹಾಕಲು ಪ್ರಯತ್ನಿಸುತ್ತಿದ್ದಾರೆ. ಇದಕ್ಕೆ ನಾವು ಅವಕಾಶ ಮಾಡಿಕೊಡುವುದಿಲ್ಲ. ಭಾರತದ ಬೀದಿಗಳಲ್ಲಿ ಹೋರಾಟ ನಡೆಸಲಿದ್ದೇವೆ’ ಎಂದರು.</p>.<p>‘ಭ್ರಷ್ಟಾಚಾರಕ್ಕೆ ಮಣೆ ಹಾಕುವ ಉದ್ದೇಶದಿಂದಲೇ ಪ್ರಧಾನಿ ನರೇಂದ್ರ ಮೋದಿ ಅವರು ಅನಿಲ್ ಅಂಬಾನಿ ಅವರನ್ನು ಆಯ್ಕೆ ಮಾಡಿಕೊಂಡರು. ಈಗ ಡಾಸೊಗೆ ಸಂಬಂಧಿಸಿದ ದಾಖಲೆಗಳು ಹೊರಬಂದಿವೆ. ಹಗರಣ ಹೇಗೆ ನಡೆಯಿತು ಎಂಬ ಬಗ್ಗೆ ಇವು ಬೆಳಕು ಚೆಲ್ಲಿವೆ’ ಎಂದು ಅವರು ಹೇಳಿದರು.</p>.<p>ಸಂವಾದದಲ್ಲಿ ಮಾತನಾಡಿದ ರಾಹುಲ್, ‘ಸಾರ್ವಜನಿಕ ಕ್ಷೇತ್ರದ ಉದ್ಯಮಗಳು ಆಧುನಿಕ ಭಾರತದ ದೇವಸ್ಥಾನಗಳು ಇದ್ದಂತೆ. ಇವುಗಳ ಮೇಲೆ ದಾಳಿ ನಡೆಸಿ ನಾಶ ಮಾಡಲಾಗುತ್ತಿದೆ. ಭ್ರಷ್ಟಾಚಾರ ನಡೆಸುವ ಕಾರಣಕ್ಕೇ ಎಚ್ಎಎಲ್ ಸಂಸ್ಥೆ<br />ಯನ್ನು ಸರ್ವನಾಶ ಮಾಡಲಾಗುತ್ತಿದೆ’ ಎಂದು ಕಿಡಿಕಾರಿದರು. ‘ಅಧಿಕಾರಕ್ಕೆ ಬಂದ ಬಳಿಕಕಾಂಗ್ರೆಸ್ ಈ ಸಂಸ್ಥೆಗಳಿಗೆ ಇನ್ನಷ್ಟು ಬಲ ತುಂಬಲಿದೆ’ ಎಂದು ಅವರು ವಾಗ್ದಾನ ನೀಡಿದರು.</p>.<p>ವಿಮಾನ ನಿರ್ಮಾಣದಲ್ಲಿ ಅನಿಲ್ ಅಂಬಾನಿ ಅವರಿಗೆ ಯಾವುದೇ ಅನುಭವ ಇಲ್ಲ. ಅವರದ್ದು 12 ದಿನಗಳಷ್ಟು ಹಳೆಯ ಕಂಪನಿ. ಆದರೆ, ಎಚ್ಎಎಲ್ಗೆ 78 ವರ್ಷಗಳ ಅನುಭವ ಇದೆ. ಈ ಸಂಸ್ಥೆ ನಮ್ಮ ಇತಿಹಾಸದ ಭಾಗ’ ಎಂದೂ ಅವರುವ್ಯಾಖ್ಯಾನಿಸಿದರು.</p>.<p><strong>ಮಾಧ್ಯಮಗಳು ನನ್ನ ಮಾತು ಕೇಳುತ್ತಿಲ್ಲ’</strong></p>.<p>‘ರಾಹುಲ್ ಗಾಂಧಿ ಜತೆಗೆ ನೀವೇಕೆ ಸಂವಾದ ಇಟ್ಟುಕೊಂಡಿದ್ದೀರಿ’ ಎಂದು ಹಲವರು ನನ್ನಲ್ಲಿ ಪ್ರಶ್ನಿಸಿದರು. ನಾವು ಪ್ರತಿಭಟನೆ ನಡೆಸಿದರೆ ಮಾಧ್ಯಮಗಳಲ್ಲಿ ವರದಿಯಾಗುವುದಿಲ್ಲ. ಹಾಗಾಗಿ, ರಾಹುಲ್ ಅವರನ್ನು ಕರೆದಿದ್ದೇವೆ’ ಎಂದು ಎಚ್ಎಎಲ್ನ ನಿವೃತ್ತ ನೌಕರ ಅನಂತಪದ್ಮನಾಭ ಹೇಳಿದರು.</p>.<p>ಇದನ್ನು ಭಾಷಣದಲ್ಲಿ ಉಲ್ಲೇಖಿಸಿದ ರಾಹುಲ್, ‘ಇತ್ತೀಚಿನ ದಿನಗಳಲ್ಲಿ ಮಾಧ್ಯಮಗಳು ನಮ್ಮ ಮಾತನ್ನು ಕೇಳುತ್ತಿಲ್ಲ. ಇಲ್ಲಿರುವವರು ನನ್ನ ಮಾತು ಕೇಳುತ್ತಾರೆ. ಆದರೆ, ಅವರ ಬಾಸ್ಗಳ ನಿಲುವು ಬೇರೆ ಇದೆ’ ಎಂದರು.</p>.<p><strong>ರಾಹುಲ್ಗೆ ಬಿಜೆಪಿ ನಾಲ್ಕು ಪ್ರಶ್ನೆ</strong></p>.<p>ಎಚ್ಎಎಲ್ ನೌಕರರ ಜತೆ ಸಂವಾದ ನಡೆಸಿದ ರಾಹುಲ್ ಗಾಂಧಿ ಅವರಿಗೆ ಬಿಜೆಪಿ ರಾಜ್ಯ ಘಟಕ ನಾಲ್ಕು ಪ್ರಶ್ನೆಗಳನ್ನು ಕೇಳಿದೆ.</p>.<p>* ಭಾರತೀಯ ವಾಯುಸೇನೆಗಾಗಿ 126 ಎಂಎಂಆರ್ಸಿಎ ವಿಮಾನಗಳನ್ನು ಖರೀದಿಸುವುದಕ್ಕಾಗಿ ಡಸಾಲ್ಟ್ ಏವಿಯೇಷನನ್ನು ಯುಪಿಎ ಸರ್ಕಾರ L1 ಎಂದು 2012ರಲ್ಲಿ ಘೋಷಿಸಿತ್ತು. ಆದರೆ, 2014ರವರೆಗೂ ಯಾವುದೇ ಕ್ರಮಗಳನ್ನು ಕೈಗೊಂಡಿರಲಿಲ್ಲ. ರಾಷ್ಟ್ರದ ಸುರಕ್ಷತೆಯೊಂದಿಗೆ ನೀವು ಮಾಡಿಕೊಂಡ ರಾಜಿಯಲ್ಲವೇ ಅದು?</p>.<p>* 2012ರಿಂದ 2014ರ ವರೆಗೆ ಡಸಾಲ್ಟ್ ಹಾಗೂ ಎಚ್ಎಎಲ್ ನಡುವಿನ ಭಿನ್ನಾಭಿಪ್ರಾಯ ಬಗೆಹರಿಸಲು ಕಾಂಗ್ರೆಸ್ ಪ್ರಯತ್ನಿಸಲಿಲ್ಲ. ಇದು ನೀವು ಎಚ್ಎಎಲ್ಗೆ ಮಾಡಿದ ದ್ರೋಹವಲ್ಲವೇ?</p>.<p>*126 ಎಂಎಂಆರ್ಸಿಎಗಳ ಖರೀದಿಗೆ 2007ರಲ್ಲಿ ಯುಪಿಎ ಸರ್ಕಾರ ಸಿದ್ಧತೆ ನಡೆಸಿತ್ತು. ಆದರೆ, 2014ರ ವರೆಗೆ ರಫೇಲ್ ಒಪ್ಪಂದವನ್ನು ಅಂತಿಮಗೊಳಿಸಲಿಲ್ಲ. ಭಾರತದೊಂದಿಗೆ ವ್ಯವಹಾರ ಕಷ್ಟ ಎಂಬ ಭಾವನೆಯನ್ನು ಕಾಂಗ್ರೆಸ್ ಮೂಡಿಸಿತು. ಈ ದುರಭಿಪ್ರಾಯವನ್ನು ಮೂಡಿಸಿದ್ದು ಯಾಕೆ?</p>.<p>* 2007ರ ಒಪ್ಪಂದದ ಪ್ರಕಾರ ವಿಮಾನ ದರ ₹737 ಕೋಟಿ ಇತ್ತು. ಅದೇ ವಿಮಾನವನ್ನು 2015ರಲ್ಲಿ ₹670 ಕೋಟಿಗೆ ಖರೀದಿ ಮಾಡಲು ಒಪ್ಪಂದ ಮಾಡಿಕೊಳ್ಳಲಾಗಿದೆ. ಈ ಎಲ್ಲ ಸತ್ಯಗಳನ್ನು ಮುಚ್ಚಿಟ್ಟು ದೇಶದ ಜನರನ್ನು ದಾರಿ ತಪ್ಪಿಸುತ್ತಿರುವುದು ಏಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
