<p><strong>ಹೊಸಪೇಟೆ: </strong>ವಿಜಯನಗರ ಕ್ಷೇತ್ರದ ಉಪಚುನಾವಣೆಗೆ ಸ್ಪರ್ಧಿಸಿರುವ ಕಾಂಗ್ರೆಸ್, ಬಿಜೆಪಿ, ಜೆ.ಡಿ.ಎಸ್. ಹಾಗೂ ಪಕ್ಷೇತರ (ಬಿಜೆಪಿ ಬಂಡಾಯ) ಅಭ್ಯರ್ಥಿಗಳು ನಾಮಪತ್ರದ ಜತೆಗೆ ಸಲ್ಲಿಸಿರುವ ಆಸ್ತಿ ವಿವರದಲ್ಲಿ ದಾಖಲಿಸಿದ ಮಹತ್ವದ ಅಂಶಗಳು ಅಭ್ಯರ್ಥಿವಾರು ಕೆಳಗಿನಂತಿದೆ.</p>.<p>ಸಂಡೂರು ರಾಜಮನೆತನದ ಎಂ.ವೈ. ಘೋರ್ಪಡೆ ಅವರ ಸೋದರ ವೆಂಕಟರಾವ ಘೋರ್ಪಡೆ ಅವರು ₹1.96 ಕೋಟಿ ಕೈ ಸಾಲ ಮಾಡಿಕೊಂಡಿದ್ದಾರೆ.</p>.<p>ಕಾಂಗ್ರೆಸ್ನಿಂದ ಕಣಕ್ಕಿಳಿದಿರುವ ಅವರ ವಿರುದ್ಧ ಚುನಾವಣೆಗೆ ಸಂಬಂಧಿಸಿದಂತೆ ಇಲ್ಲಿನ ಗ್ರಾಮೀಣ ಠಾಣೆಯಲ್ಲಿ 2018ರಲ್ಲಿ ಪ್ರಕರಣ ದಾಖಲಾಗಿದೆ. ಬಿ.ಎಸ್ಸಿ, ಡಿ.ಎಂ.ಐ.ಟಿ., ವಿದ್ಯಾರ್ಹತೆ ಜತೆಗೆ ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಮಾಸ್ಟರ್ಸ್ ಆಫ್ ಸೈನ್ಸ್ ಇನ್ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ (ಎಂ.ಎಸ್.ಇ.ಇ.) ಮುಗಿಸಿದ್ದಾರೆ.</p>.<p>₹1.57 ಕೋಟಿ ಚರಾಸ್ತಿ ಹಾಗೂ ₹5.87 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 600 ಗ್ರಾಮ ಒಡವೆ, ಹತ್ತು ಕಿಲೋ ಬೆಳ್ಳಿ ಹೊಂದಿದ್ದಾರೆ. ಇವರ ಪತ್ನಿ ವಿಧ್ಯುಲ್ಲತಾ ಬಳಿ ಚಿನ್ನಾಭರಣಗಳಿಲ್ಲ. ₹2.28 ಲಕ್ಷ ಸಾಲ ಇದೆ.</p>.<p class="Briefhead"><strong>ಆನಂದ್ ಸಿಂಗ್ ವಿರುದ್ಧ 18 ಕ್ರಿಮಿನಲ್ ಪ್ರಕರಣ</strong></p>.<p>ಬಿಜೆಪಿಯಿಂದ ಸ್ಪರ್ಧಿಸುತ್ತಿರುವ ಆನಂದ್ ಸಿಂಗ್ ವಿರುದ್ಧ ವಂಚನೆ ಸೇರಿದಂತೆ ಒಟ್ಟು 18 ಕ್ರಿಮಿನಲ್ ಪ್ರಕರಣಗಳಿವೆ. ಲೋಕಾಯುಕ್ತದಲ್ಲಿ 11, ಸಿ.ಬಿ.ಐ., ಎ.ಸಿ.ಬಿ.ಯಲ್ಲಿ ತಲಾ ಮೂರು, ಅರಣ್ಯ ಇಲಾಖೆಯಲ್ಲಿ ಒಂದು ಪ್ರಕರಣ ಇದೆ.</p>.<p>ಬಿ.ಎಂ.ಡಬ್ಲ್ಯೂ, ರೇಂಜ್ ರೋವರ್ ಸೇರಿದಂತೆ ಒಟ್ಟು 19 ಐಷಾರಾಮಿ ವಾಹನಗಳಿವೆ. ಸಿಂಗ್ ಒಟ್ಟು ಆಸ್ತಿ ₹104.42 ಕೋಟಿ ಇದೆ. ಜತೆಗೆ ₹30.84 ಕೋಟಿ ಸಾಲ ಇದೆ. ಪತ್ನಿ ಲಕ್ಷ್ಮಿ ಸಿಂಗ್ ₹72.29 ಕೋಟಿಯ ಒಡತಿಯಾಗಿದ್ದು, ₹42.64 ಕೋಟಿ ಸಾಲ ಹೊಂದಿದ್ದಾರೆ. 2018ರಲ್ಲಿ ಅವರು ಯಾವುದೇ ಸಾಲ ಪಡೆದಿರಲಿಲ್ಲ.</p>.<p class="Briefhead"><strong>ಮಾಜಿ ಸಚಿವರ ಬಳಿ ಕಾರೇ ಇಲ್ಲ!</strong></p>.<p>ಜೆ.ಡಿ.ಎಸ್. ಅಭ್ಯರ್ಥಿ, ಮಾಜಿ ಸಚಿವ ಎನ್.ಎಂ. ನಬಿ ಅವರ ಬಳಿ ಕಾರೇ ಇಲ್ಲ. ಬ್ಯಾಂಕ್ನಲ್ಲಿ ಠೇವಣಿಯೂ ಇಲ್ಲ!</p>.<p>ಬಿ.ಎಸ್ಸಿ. ಪದವಿ ಪೂರೈಸಿರುವ ಅವರ ಆದಾಯದ ಮೂಲ ಕೃಷಿಯಾಗಿದೆ. ಯಾವುದೇ ಕ್ರಿಮಿನಲ್ ಪ್ರಕರಣ ಅವರ ವಿರುದ್ಧ ಇಲ್ಲ. ₹12.74 ಲಕ್ಷ ಚರಾಸ್ತಿ, ₹1.48 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 300 ಗ್ರಾಂ ಚಿನ್ನ, 400 ಗ್ರಾಂ ಬೆಳ್ಳಿ ಆಭರಣಗಳಿವೆ. ಈ ಹಿಂದೆ ಕೂಡ್ಲಿಗಿಯಿಂದ ಗೆದ್ದು ಸಚಿವರಾಗಿ ಕೆಲಸ ನಿರ್ವಹಿಸಿದ ಅನುಭವ ಅವರಿಗಿದೆ.</p>.<p class="Briefhead"><strong>ಕೋಟ್ಯಧಿಪತಿ ಕವಿರಾಜ</strong></p>.<p>ವಿಜಯನಗರ ಕ್ಷೇತ್ರದ ಉಪಚುನಾವಣೆಗೆ ಬಿಜೆಪಿ ಬಂಡಾಯ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿರುವ ಕವಿರಾಜ ಅರಸ್ ಕೋಟ್ಯಂತರ ರೂಪಾಯಿ ಆಸ್ತಿಯ ಒಡೆಯರಾಗಿದ್ದಾರೆ.</p>.<p>₹6.99 ಕೋಟಿ ಚರಾಸ್ತಿ, ₹29.23 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 10.42 ಕೆ.ಜಿ. ಚಿನ್ನಾಭರಣ ಇದ್ದರೆ, ಪತ್ನಿ ಬಳಿ 30 ಗ್ರಾಮ ಬಂಗಾರ ಇದೆ. 16 ಟಿಪ್ಪರ್ ಸೇರಿದಂತೆ 70 ವಾಹನಗಳನ್ನು ಹೊಂದಿರುವ ಅವರು ಬೆಂಗಳೂರಿನಲ್ಲಿ 14 ಬ್ಯಾಂಕ್ ಖಾತೆಗಳನ್ನು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೊಸಪೇಟೆ: </strong>ವಿಜಯನಗರ ಕ್ಷೇತ್ರದ ಉಪಚುನಾವಣೆಗೆ ಸ್ಪರ್ಧಿಸಿರುವ ಕಾಂಗ್ರೆಸ್, ಬಿಜೆಪಿ, ಜೆ.ಡಿ.ಎಸ್. ಹಾಗೂ ಪಕ್ಷೇತರ (ಬಿಜೆಪಿ ಬಂಡಾಯ) ಅಭ್ಯರ್ಥಿಗಳು ನಾಮಪತ್ರದ ಜತೆಗೆ ಸಲ್ಲಿಸಿರುವ ಆಸ್ತಿ ವಿವರದಲ್ಲಿ ದಾಖಲಿಸಿದ ಮಹತ್ವದ ಅಂಶಗಳು ಅಭ್ಯರ್ಥಿವಾರು ಕೆಳಗಿನಂತಿದೆ.</p>.<p>ಸಂಡೂರು ರಾಜಮನೆತನದ ಎಂ.ವೈ. ಘೋರ್ಪಡೆ ಅವರ ಸೋದರ ವೆಂಕಟರಾವ ಘೋರ್ಪಡೆ ಅವರು ₹1.96 ಕೋಟಿ ಕೈ ಸಾಲ ಮಾಡಿಕೊಂಡಿದ್ದಾರೆ.</p>.<p>ಕಾಂಗ್ರೆಸ್ನಿಂದ ಕಣಕ್ಕಿಳಿದಿರುವ ಅವರ ವಿರುದ್ಧ ಚುನಾವಣೆಗೆ ಸಂಬಂಧಿಸಿದಂತೆ ಇಲ್ಲಿನ ಗ್ರಾಮೀಣ ಠಾಣೆಯಲ್ಲಿ 2018ರಲ್ಲಿ ಪ್ರಕರಣ ದಾಖಲಾಗಿದೆ. ಬಿ.ಎಸ್ಸಿ, ಡಿ.ಎಂ.ಐ.ಟಿ., ವಿದ್ಯಾರ್ಹತೆ ಜತೆಗೆ ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಮಾಸ್ಟರ್ಸ್ ಆಫ್ ಸೈನ್ಸ್ ಇನ್ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ (ಎಂ.ಎಸ್.ಇ.ಇ.) ಮುಗಿಸಿದ್ದಾರೆ.</p>.<p>₹1.57 ಕೋಟಿ ಚರಾಸ್ತಿ ಹಾಗೂ ₹5.87 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 600 ಗ್ರಾಮ ಒಡವೆ, ಹತ್ತು ಕಿಲೋ ಬೆಳ್ಳಿ ಹೊಂದಿದ್ದಾರೆ. ಇವರ ಪತ್ನಿ ವಿಧ್ಯುಲ್ಲತಾ ಬಳಿ ಚಿನ್ನಾಭರಣಗಳಿಲ್ಲ. ₹2.28 ಲಕ್ಷ ಸಾಲ ಇದೆ.</p>.<p class="Briefhead"><strong>ಆನಂದ್ ಸಿಂಗ್ ವಿರುದ್ಧ 18 ಕ್ರಿಮಿನಲ್ ಪ್ರಕರಣ</strong></p>.<p>ಬಿಜೆಪಿಯಿಂದ ಸ್ಪರ್ಧಿಸುತ್ತಿರುವ ಆನಂದ್ ಸಿಂಗ್ ವಿರುದ್ಧ ವಂಚನೆ ಸೇರಿದಂತೆ ಒಟ್ಟು 18 ಕ್ರಿಮಿನಲ್ ಪ್ರಕರಣಗಳಿವೆ. ಲೋಕಾಯುಕ್ತದಲ್ಲಿ 11, ಸಿ.ಬಿ.ಐ., ಎ.ಸಿ.ಬಿ.ಯಲ್ಲಿ ತಲಾ ಮೂರು, ಅರಣ್ಯ ಇಲಾಖೆಯಲ್ಲಿ ಒಂದು ಪ್ರಕರಣ ಇದೆ.</p>.<p>ಬಿ.ಎಂ.ಡಬ್ಲ್ಯೂ, ರೇಂಜ್ ರೋವರ್ ಸೇರಿದಂತೆ ಒಟ್ಟು 19 ಐಷಾರಾಮಿ ವಾಹನಗಳಿವೆ. ಸಿಂಗ್ ಒಟ್ಟು ಆಸ್ತಿ ₹104.42 ಕೋಟಿ ಇದೆ. ಜತೆಗೆ ₹30.84 ಕೋಟಿ ಸಾಲ ಇದೆ. ಪತ್ನಿ ಲಕ್ಷ್ಮಿ ಸಿಂಗ್ ₹72.29 ಕೋಟಿಯ ಒಡತಿಯಾಗಿದ್ದು, ₹42.64 ಕೋಟಿ ಸಾಲ ಹೊಂದಿದ್ದಾರೆ. 2018ರಲ್ಲಿ ಅವರು ಯಾವುದೇ ಸಾಲ ಪಡೆದಿರಲಿಲ್ಲ.</p>.<p class="Briefhead"><strong>ಮಾಜಿ ಸಚಿವರ ಬಳಿ ಕಾರೇ ಇಲ್ಲ!</strong></p>.<p>ಜೆ.ಡಿ.ಎಸ್. ಅಭ್ಯರ್ಥಿ, ಮಾಜಿ ಸಚಿವ ಎನ್.ಎಂ. ನಬಿ ಅವರ ಬಳಿ ಕಾರೇ ಇಲ್ಲ. ಬ್ಯಾಂಕ್ನಲ್ಲಿ ಠೇವಣಿಯೂ ಇಲ್ಲ!</p>.<p>ಬಿ.ಎಸ್ಸಿ. ಪದವಿ ಪೂರೈಸಿರುವ ಅವರ ಆದಾಯದ ಮೂಲ ಕೃಷಿಯಾಗಿದೆ. ಯಾವುದೇ ಕ್ರಿಮಿನಲ್ ಪ್ರಕರಣ ಅವರ ವಿರುದ್ಧ ಇಲ್ಲ. ₹12.74 ಲಕ್ಷ ಚರಾಸ್ತಿ, ₹1.48 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 300 ಗ್ರಾಂ ಚಿನ್ನ, 400 ಗ್ರಾಂ ಬೆಳ್ಳಿ ಆಭರಣಗಳಿವೆ. ಈ ಹಿಂದೆ ಕೂಡ್ಲಿಗಿಯಿಂದ ಗೆದ್ದು ಸಚಿವರಾಗಿ ಕೆಲಸ ನಿರ್ವಹಿಸಿದ ಅನುಭವ ಅವರಿಗಿದೆ.</p>.<p class="Briefhead"><strong>ಕೋಟ್ಯಧಿಪತಿ ಕವಿರಾಜ</strong></p>.<p>ವಿಜಯನಗರ ಕ್ಷೇತ್ರದ ಉಪಚುನಾವಣೆಗೆ ಬಿಜೆಪಿ ಬಂಡಾಯ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿರುವ ಕವಿರಾಜ ಅರಸ್ ಕೋಟ್ಯಂತರ ರೂಪಾಯಿ ಆಸ್ತಿಯ ಒಡೆಯರಾಗಿದ್ದಾರೆ.</p>.<p>₹6.99 ಕೋಟಿ ಚರಾಸ್ತಿ, ₹29.23 ಕೋಟಿ ಸ್ಥಿರಾಸ್ತಿ ಹೊಂದಿದ್ದಾರೆ. 10.42 ಕೆ.ಜಿ. ಚಿನ್ನಾಭರಣ ಇದ್ದರೆ, ಪತ್ನಿ ಬಳಿ 30 ಗ್ರಾಮ ಬಂಗಾರ ಇದೆ. 16 ಟಿಪ್ಪರ್ ಸೇರಿದಂತೆ 70 ವಾಹನಗಳನ್ನು ಹೊಂದಿರುವ ಅವರು ಬೆಂಗಳೂರಿನಲ್ಲಿ 14 ಬ್ಯಾಂಕ್ ಖಾತೆಗಳನ್ನು ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
