ಇಂಡೋನೇಷ್ಯಾ: ಮತಎಣಿಕೆ ವೇಳೆ ಸುಸ್ತಾಗಿ 270ಕ್ಕಿಂತಲೂ ಹೆಚ್ಚು ಸಿಬ್ಬಂದಿ ಸಾವು

ಜಕಾರ್ತ : ಇಂಡೋನೇಷ್ಯಾದಲ್ಲಿ ನಡೆದ ಚುನಾವಣೆ ನಂತರಮತಪತ್ರವನ್ನು ಎಣಿಸುವ ಕಾರ್ಯದಲ್ಲಿ ನಿರತರಾಗಿದ್ದ 270 ಸಿಬ್ಬಂದಿವಿಪರೀತ ಕೆಲಸದೊತ್ತಡದಿಂದ ಮೃತಪಟ್ಟಿರುವ ಬಗ್ಗೆ ವರದಿಯಾಗಿದೆ.

. ಹತ್ತು ದಿನಗಳ ಹಿಂದೆ ಇಲ್ಲಿಮತದಾನ ಪ್ರಕ್ರಿಯೆ ನಡೆದಿತ್ತು. ಒಂದು ದಿನದಲ್ಲಿ ನಡೆದ ಜಗತ್ತಿನ ಅತಿದೊಡ್ಡ ಮತದಾನ ಪ್ರಕ್ರಿಯೆ ಇದಾಗಿತ್ತು. 260 ದಶಲಕ್ಷ ಜನರಿರುವ ಈ ರಾಷ್ಟ್ರದಲ್ಲಿ ಏಪ್ರಿಲ್ 17ರಂದು ಅಧ್ಯಕ್ಷೀಯ ಚುನಾವಣೆ, ರಾಷ್ಟ್ರೀಯ ಮತ್ತು ಸಂಸದೀಯ ಚುನಾವಣೆಗಳು ನಡೆದಿತ್ತು.

. ಖರ್ಚು ಉಳಿಸುವುದಕ್ಕಾಗಿ ಎಲ್ಲ ಚುನಾವಣೆಗಳನ್ನುಒಂದೇ ದಿನ ನಡೆಸಲಾಗಿತ್ತು.ಇಲ್ಲಿ 193 ದಶಲಕ್ಷ ಮತದಾರುಇದ್ದು 800,000 ಮತಗಟ್ಟೆಗಳಲ್ಲಿ ಪ್ರತಿಯೊಬ್ಬ ಮತದಾರನೂ 5 ಮತಪತ್ರ ಬಳಸಿ ಮತದಾನ ಮಾಡಿದ್ದಾರೆ.

. ಮತದಾನ ಶಾಂತಿಯುವಾಗಿ ನೆರವೇರಿದ್ದು, ಶೇ.80ರಷ್ಟು ಮತದಾನವಾಗಿದೆ.

. ಆದರೆ ಎಂಟು ಗಂಟೆಗಳ ಕಾಲ ನಡೆದ ಮತದಾನ ಪ್ರಕ್ರಿಯೆ ಬಳಿಕ ಪಶ್ಚಿಮ ಭಾಗದಿಂದ ಪೂರ್ವಭಾಗಕ್ಕೆ ಸುಮಾರು 5000 ಕಿಮೀ ಪ್ರಯಾಣ ಮಾಡಿದ್ದು ಚುನಾವಣಾ ಸಿಬ್ಬಂದಿಹೈರಾಣಾಗುವಂತೆ ಮಾಡಿತ್ತು. ಬಹುದೂರ ನಡೆದಿದ್ದರಿಂದ ಹಲವರು ಹರ್ಕ್ಯುಲೇನವ್ ಲಾಜಿಸ್ಟಿಕ್ ಫೀಟ್ನಿಂದ ಬಳಲಿದರೆ ಇನ್ನು ಕೆಲವರು ಸುಸ್ತಾಗಿ ಕಂಗಾಲಾಗಿದ್ದರು.

. ಈ ಸಿಬ್ಬಂದಿಮತಪತ್ರವನ್ನು ಕೈಯಲ್ಲೇ ಎಣಿಸುತ್ತಿದ್ದು ಅಧಿಕ ಕೆಲಸದೊತ್ತಡದಿಂದಾಗಿ ಶನಿವಾರ ರಾತ್ರಿ 272 ಮಂದಿ ಸಾವಿಗೀಡಾಗಿದ್ದಾರೆ. ಏತನ್ಮಧ್ಯೆ 1,878 ಮಂದಿ ಅಸ್ವಸ್ಥರಾಗಿದ್ದಾರೆ ಎಂದು ಸಾರ್ವತ್ರಿಕ ಚುನಾವಣಾ ಆಯೋಗದ (ಕೆಪಿಯು) ವಕ್ತಾರ ಅರೀಫ್ ಪ್ರಿಯೊ ಸುಸಾಂಟೊ ಹೇಳಿದ್ದಾರೆ.

. ಅನಾರೋಗ್ಯ ಪೀಡಿತ ಸಿಬ್ಬಂದಿಗಳಿಗೆ ವೈದ್ಯಕೀಯ ಸೌಲಭ್ಯ ನೀಡಬೇಕು ಎಂದು ಆರೋಗ್ಯ ಸಚಿವಾಲಯ ಏಪ್ರಿಲ್ 23ರಂದು ಸುತ್ತೋಲೆ ಹೊರಡಿಸಿತ್ತು.ಏತನ್ಮಧ್ಯೆ, ಸಾವಿಗೀಡಾದ ವ್ಯಕ್ತಿಗಳ ಕುಟುಂಬಕ್ಕೆ ಪರಿಹಾರ ಧನ ನೀಡುವ ಕಾರ್ಯವನ್ನು ವಿತ್ತ ಸಚಿವಾಲಯ ಮಾಡುತ್ತಿದೆ ಎಂದಿದ್ದಾರೆ ಸುಸಾಂಟೊ.

. ಸಿಬ್ಬಂದಿಸಾವಿನ ಸಂಖ್ಯೆ ಏರುತ್ತಿದ್ದಂತೆ ಕೆಪಿಯು ವಿರುದ್ದ ತೀವ್ರ ಟೀಕೆ ಕೇಳಿಬರುತ್ತಿದೆ.

. ಸಿಬ್ಬಂದಿಗೆಕೆಲಸವನ್ನು ವಹಿಸಿಕೊಡಲು ಕೆಪಿಯುಗೆ ತಿಳಿದಿಲ್ಲ ಎಂದು ಅಧ್ಯಕ್ಷೀಯ ಚುನಾವಣೆಯಲ್ಲಿ ಪ್ರತಿಸ್ಪರ್ಧಿ ನಾಯಕ ಪ್ರಬೊವೊ ಸುಬಿಯಂಟೊ ಅವರ ಪ್ರಚಾರ ಕಾರ್ಯದ ಉಪ ಅಧ್ಯಕ್ಷ ಅಹ್ಮದ್ ಮುಜಾನಿ ಹೇಳಿರುವುದಾಗಿ ಕುಂಪಾರನ್ ಡಾಟ್ ಕಾಮ್ ವರದಿ ಮಾಡಿದೆ.

. ಇಲ್ಲಿವರೆಗೆ ನಡೆದ ಮತ ಎಣಿಕೆಯಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿರುವ ಪ್ರಬೊವೊಗೆ ಹಿನ್ನಡೆಯಾಗಿದೆ.ಅಧ್ಯಕ್ಷ ಜೊಕೊ ವಿಡೊಡೊ ಅವರು ಈ ಚುನಾವಣೆಯಲ್ಲಿ ಮೋಸ ಮಾಡಿದ್ದು ಕೆಲವು ಚುನಾವಣಾ ಸಿಬ್ಬಂದಿವಿಡೊಡೊ ಪರ ಮತದಾನ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಆರೋಪಗಳೆಲ್ಲಾ ಸತ್ಯಕ್ಕೆ ದೂರವಾದುದು ಎಂದು ವಿಡೊಡೊ ಅವರ ರಕ್ಷಣಾ ಸಚಿವ ಹೇಳಿದ್ದಾರೆ.

. ಇಬ್ಬರು ಅಭ್ಯರ್ಥಿಗಳು ತಾವೇ ವಿಜಯಿ ಎಂದು ಘೋಷಿಸಿಕೊಂಡಿದ್ದರೂ, ತ್ವರಿತ ಎಣಿಕೆಯ ಫಲಿತಾಂಶ ಬಂದಾಗ ವಿಡೊಡೊ ಮುನ್ನಡೆ ಸಾಧಿಸಿದ್ದಾರೆ. ಮೇ 22ರಂದು ಅಧ್ಯಕ್ಷ ಮತ್ತು ಸಂಸದೀಯ ಚುನಾವಣೆಗಳ ಫಲಿತಾಂಶ ಹೊರಬೀಳಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇಂಡೋನೇಷ್ಯಾ: ಮತಎಣಿಕೆ ವೇಳೆ ಸುಸ್ತಾಗಿ 270ಕ್ಕಿಂತಲೂ ಹೆಚ್ಚು ಸಿಬ್ಬಂದಿ ಸಾವು

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ