<p><strong>ವಾಷಿಂಗ್ಟನ್:</strong> ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಬೆಂಗಾವಲು ಪಡೆಯತ್ತ ಒಂದೇ ಬೆರಳು ಮೇಲಕ್ಕೆತ್ತಿ ತೋರಿಸಿ, ಉದ್ಯೋಗ ಕಳೆದುಕೊಂಡಿದ್ದ ಮಹಿಳೆಯೊಬ್ಬರು ಸ್ಥಳೀಯ ಆಡಳಿತಕ್ಕೆ ನಡೆದ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ್ದಾರೆ.</p>.<p>ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ, 52 ವರ್ಷದ ಜೂಲಿ ಬ್ರಿಸ್ಕ್ಮನ್ ಈ ಸಾಧನೆ ಮೂಲಕ ಗಮನ ಸೆಳೆದಿದ್ದಾರೆ. ಅವರು ವರ್ಜಿನಿಯಾ ರಾಜ್ಯದ ಅಲ್ಗೊಂಕಿಯಾನ್ ಜಿಲ್ಲೆಯ ‘ಲಾಡನ್ ಕೌಂಟಿ ಬೋರ್ಡ್ ಆಫ್ ಸುಪರ್ವೈಜರ್ಸ್’ಗೆ ನಡೆದ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಸುಜಾನ್ ವೋಲ್ಪ್ ಅವರನ್ನು ಸೋಲಿಸಿದ್ದಾರೆ.</p>.<p>2017ರಲ್ಲಿ, ಬೈಕ್ಗಳಿದ್ದ ಬೆಂಗಾವಲು ಪಡೆ ಟ್ರಂಪ್ ಅವರನ್ನು ಹಿಂಬಾಲಿಸುತ್ತಿದ್ದ ವೇಳೆ ಜೂಲಿ ಅವರು ಪಡೆಯತ್ತ ಬೆರಳು ತೋರುವುದನ್ನು ಎಎಫ್ಪಿ ಸುದ್ದಿಸಂಸ್ಥೆ ಸೆರೆ ಹಿಡಿದಿತ್ತು. ಕೆಲವೇ ದಿನಗಳಲ್ಲಿ ಈ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.</p>.<p>ಟ್ರಂಪ್ ಆಡಳಿತದ ಕೋಪಕ್ಕೆ ಗುರಿಯಾಗಿದ್ದ ಜೂಲಿ, ಅಮೆರಿಕದ ಮಿಲಿಟರಿ ಸಬ್ ಕಾಂಟ್ರ್ಯಾಕ್ಟರ್ ಕಚೇರಿಯಲ್ಲಿ ಮಾರ್ಕೆಟಿಂಗ್ ಅನಲಿಸ್ಟ್ ಹುದ್ದೆಯನ್ನೇ ಕಳೆದುಕೊಳ್ಳುತ್ತಾರೆ.</p>.<p>ನಂತರ ಅವರು, ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿಯಾಗಿ ಚುನಾವಣಾ ಕಣಕ್ಕಿಳಿಯುತ್ತಾರೆ. ‘ಕೆಲಸ ಕಳೆದುಕೊಂಡ ನಂತರ ನನಗೆ ಸಾಕಷ್ಟು ಅವಕಾಶಗಳು ಲಭಿಸಿದವು’ ಎಂದು ಪ್ರಚಾರ ಮಾಡಿದರು.</p>.<p>‘ಚುನಾವಣೆಯಲ್ಲಿ ಸ್ಪರ್ಧಿಸಬೇಕು ಎಂಬ ನಿರ್ಧಾರಕ್ಕೆ ಮಂಗಳವಾರ ನನಗೆ ಪ್ರತಿಫಲ ದೊರೆತಿದೆ’ ಎಂದು ಟ್ವೀಟ್ ಮಾಡಿರುವ ಜೂಲಿ, ವಿವಾದ ಸೃಷ್ಟಿಸಿ, ಕೆಲಸ ಕಳೆಯಲು ಕಾರಣವಾಗಿದ್ದ ಚಿತ್ರವನ್ನು ಸಹ ಪೋಸ್ಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಬೆಂಗಾವಲು ಪಡೆಯತ್ತ ಒಂದೇ ಬೆರಳು ಮೇಲಕ್ಕೆತ್ತಿ ತೋರಿಸಿ, ಉದ್ಯೋಗ ಕಳೆದುಕೊಂಡಿದ್ದ ಮಹಿಳೆಯೊಬ್ಬರು ಸ್ಥಳೀಯ ಆಡಳಿತಕ್ಕೆ ನಡೆದ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ್ದಾರೆ.</p>.<p>ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ, 52 ವರ್ಷದ ಜೂಲಿ ಬ್ರಿಸ್ಕ್ಮನ್ ಈ ಸಾಧನೆ ಮೂಲಕ ಗಮನ ಸೆಳೆದಿದ್ದಾರೆ. ಅವರು ವರ್ಜಿನಿಯಾ ರಾಜ್ಯದ ಅಲ್ಗೊಂಕಿಯಾನ್ ಜಿಲ್ಲೆಯ ‘ಲಾಡನ್ ಕೌಂಟಿ ಬೋರ್ಡ್ ಆಫ್ ಸುಪರ್ವೈಜರ್ಸ್’ಗೆ ನಡೆದ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಸುಜಾನ್ ವೋಲ್ಪ್ ಅವರನ್ನು ಸೋಲಿಸಿದ್ದಾರೆ.</p>.<p>2017ರಲ್ಲಿ, ಬೈಕ್ಗಳಿದ್ದ ಬೆಂಗಾವಲು ಪಡೆ ಟ್ರಂಪ್ ಅವರನ್ನು ಹಿಂಬಾಲಿಸುತ್ತಿದ್ದ ವೇಳೆ ಜೂಲಿ ಅವರು ಪಡೆಯತ್ತ ಬೆರಳು ತೋರುವುದನ್ನು ಎಎಫ್ಪಿ ಸುದ್ದಿಸಂಸ್ಥೆ ಸೆರೆ ಹಿಡಿದಿತ್ತು. ಕೆಲವೇ ದಿನಗಳಲ್ಲಿ ಈ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.</p>.<p>ಟ್ರಂಪ್ ಆಡಳಿತದ ಕೋಪಕ್ಕೆ ಗುರಿಯಾಗಿದ್ದ ಜೂಲಿ, ಅಮೆರಿಕದ ಮಿಲಿಟರಿ ಸಬ್ ಕಾಂಟ್ರ್ಯಾಕ್ಟರ್ ಕಚೇರಿಯಲ್ಲಿ ಮಾರ್ಕೆಟಿಂಗ್ ಅನಲಿಸ್ಟ್ ಹುದ್ದೆಯನ್ನೇ ಕಳೆದುಕೊಳ್ಳುತ್ತಾರೆ.</p>.<p>ನಂತರ ಅವರು, ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿಯಾಗಿ ಚುನಾವಣಾ ಕಣಕ್ಕಿಳಿಯುತ್ತಾರೆ. ‘ಕೆಲಸ ಕಳೆದುಕೊಂಡ ನಂತರ ನನಗೆ ಸಾಕಷ್ಟು ಅವಕಾಶಗಳು ಲಭಿಸಿದವು’ ಎಂದು ಪ್ರಚಾರ ಮಾಡಿದರು.</p>.<p>‘ಚುನಾವಣೆಯಲ್ಲಿ ಸ್ಪರ್ಧಿಸಬೇಕು ಎಂಬ ನಿರ್ಧಾರಕ್ಕೆ ಮಂಗಳವಾರ ನನಗೆ ಪ್ರತಿಫಲ ದೊರೆತಿದೆ’ ಎಂದು ಟ್ವೀಟ್ ಮಾಡಿರುವ ಜೂಲಿ, ವಿವಾದ ಸೃಷ್ಟಿಸಿ, ಕೆಲಸ ಕಳೆಯಲು ಕಾರಣವಾಗಿದ್ದ ಚಿತ್ರವನ್ನು ಸಹ ಪೋಸ್ಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
