<p><strong>ಲಂಡನ್:</strong> ಒಂದು ಕಾಲದಲ್ಲಿ ಲಂಡನ್ನ ಅತಿ ದುಬಾರಿ ಮತ್ತು ವಿಲಾಸಿ ಮನೆ ಎಂದೇ ಹೆಸರುವಾಸಿಯಾಗಿದ್ದ ‘ಲಂಡನ್ ಮ್ಯಾನ್ಶನ್‘ ಅನ್ನು ಭಾರತೀಯ ಮೂಲದ ಉದ್ಯಮಿ ₹1200 ಕೋಟಿ ಕೊಟ್ಟು ಖರೀದಿಸಿದ್ದಾರೆ. </p><p>ಲಂಡನ್ನ ಪ್ರತಿಷ್ಠಿತ ರಿಜೆಂಟ್ ಪಾರ್ಕ್ ಬಳಿಯ 150 ಪಾರ್ಕ್ ರಸ್ತೆಯಲ್ಲಿರುವ 7800 ಚದರಡಿಯ ಈ ಮನೆ 1827ರಲ್ಲಿ ನಿರ್ಮಾಣಗೊಂಡಿದ್ದು. ಬಕ್ಕಿಂಗ್ಹ್ಯಾಮ್ ಪ್ಯಾಲೇಸ್ ವಿನ್ಯಾಸ ಮಾಡಿದ ಜಾನ್ ನ್ಯಾಶ್ ಅವರೇ ಈ ಮನೆಯನ್ನೂ ವಿನ್ಯಾಸ ಮಾಡಿದ್ದರು. ಅಂದಿನಿಂದಲೂ ಈ ಮನೆ ಸುದ್ದಿಯಲ್ಲಿದೆ.</p><p>ಕಾಲ ಸರಿದಂತೆ ಒಮ್ಮೆ ಇದು ಹ್ಯಾನೋವರ್ ಲಾಡ್ಜ್ ಆಗಿ ಬದಲಾಯಿತು. ನಂತರ ಫ್ರಾನ್ಸ್ನ ರಾಯಭಾರಿ ಅವರ ಮನೆಯಾಯಿತು. ನಂತರ ರಾಜ್ಕುಮನ್ ಬಾಗ್ರಿ ಎಂಬುವವರು ಇದನ್ನು ಖರೀದಿಸಿದರು. ನಂತರ ಸೌದಿ ದೊರೆ ಈ ಮ್ಯಾನ್ಶನ್ ಮಾಲೀಕರಾದರು.</p><p>2012ರಲ್ಲಿ ರಷ್ಯಾದ ಉದ್ಯಮಿ ಆಂಡ್ರೇ ಗೋಂಚಾರೇಂಕೊ ಇದನ್ನು ₹1265 ಕೋಟಿಗೆ ಖರೀದಿಸಿದರು. ಆಗ ಇದು ಬ್ರಿಟನ್ನಲ್ಲೇ ಅತ್ಯಂತ ದುಬಾರಿ ಬೆಲೆಯ ಆಸ್ತಿ ಮಾರಾಟ ಎಂದೇ ಖ್ಯಾತಿ ಪಡೆದಿತ್ತು.</p><p>ತೈಲ ಉದ್ಯಮಿಯಾಗಿದ್ದ ಗೋಂಚಾರೇಂಕೊ ಈ ಕಟ್ಟಡದೊಂದಿಗೆ ಹ್ಯಾಂಸ್ಟೆಡ್ ಮತ್ತು ಬೆಲ್ಗ್ರೇವಿಯಾದಲ್ಲೂ ಎರಡು ವಿಲಾಸಿ ಮನೆಗಳನ್ನು ಖರೀದಿಸಿದ್ದರು. ಆದರೆ ಉಕ್ರೇನ್ ಜತೆಗಿನ ರಷ್ಯಾದ ಯುದ್ಧದಿಂದಾಗಿ ಇವರು ಮಾರಲು ನಿರ್ಧರಿಸಿದರು.</p><p>ಇಂಧನ, ಲೋಹ, ತಂತ್ರಜ್ಞಾನ ಹಾಗೂ ರಿಟೇಲ್ ಮಾರಾಟ ಕ್ಷೇತ್ರದಲ್ಲಿರುವ ಭಾರತದ ಮೂಲದ ಎಸ್ಸಾರ್ ಸಮೂಹದ ಸಂಸ್ಥಾಪಕರಾದ ರವಿ ರೂಯಿಯಾ ಸದ್ಯ ಈ ಲಂಡನ್ ಮ್ಯಾನ್ಶನ್ನ ಮಾಲೀಕ. ₹1200 ಕೋಟಿಗೆ ರವಿ ಈ ಮನೆಯನ್ನು ಖರೀದಿಸಿದ್ದಾರೆ ಎಂದು ವರದಿಯಾಗಿದೆ.</p><p>ವರ್ಷದ ಆರಂಭದಲ್ಲಿ ಈ ಮನೆಯನ್ನು ₹3100ಕೋಟಿಗೆ ಮಾರಾಟಕ್ಕೆ ಇಡಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್:</strong> ಒಂದು ಕಾಲದಲ್ಲಿ ಲಂಡನ್ನ ಅತಿ ದುಬಾರಿ ಮತ್ತು ವಿಲಾಸಿ ಮನೆ ಎಂದೇ ಹೆಸರುವಾಸಿಯಾಗಿದ್ದ ‘ಲಂಡನ್ ಮ್ಯಾನ್ಶನ್‘ ಅನ್ನು ಭಾರತೀಯ ಮೂಲದ ಉದ್ಯಮಿ ₹1200 ಕೋಟಿ ಕೊಟ್ಟು ಖರೀದಿಸಿದ್ದಾರೆ. </p><p>ಲಂಡನ್ನ ಪ್ರತಿಷ್ಠಿತ ರಿಜೆಂಟ್ ಪಾರ್ಕ್ ಬಳಿಯ 150 ಪಾರ್ಕ್ ರಸ್ತೆಯಲ್ಲಿರುವ 7800 ಚದರಡಿಯ ಈ ಮನೆ 1827ರಲ್ಲಿ ನಿರ್ಮಾಣಗೊಂಡಿದ್ದು. ಬಕ್ಕಿಂಗ್ಹ್ಯಾಮ್ ಪ್ಯಾಲೇಸ್ ವಿನ್ಯಾಸ ಮಾಡಿದ ಜಾನ್ ನ್ಯಾಶ್ ಅವರೇ ಈ ಮನೆಯನ್ನೂ ವಿನ್ಯಾಸ ಮಾಡಿದ್ದರು. ಅಂದಿನಿಂದಲೂ ಈ ಮನೆ ಸುದ್ದಿಯಲ್ಲಿದೆ.</p><p>ಕಾಲ ಸರಿದಂತೆ ಒಮ್ಮೆ ಇದು ಹ್ಯಾನೋವರ್ ಲಾಡ್ಜ್ ಆಗಿ ಬದಲಾಯಿತು. ನಂತರ ಫ್ರಾನ್ಸ್ನ ರಾಯಭಾರಿ ಅವರ ಮನೆಯಾಯಿತು. ನಂತರ ರಾಜ್ಕುಮನ್ ಬಾಗ್ರಿ ಎಂಬುವವರು ಇದನ್ನು ಖರೀದಿಸಿದರು. ನಂತರ ಸೌದಿ ದೊರೆ ಈ ಮ್ಯಾನ್ಶನ್ ಮಾಲೀಕರಾದರು.</p><p>2012ರಲ್ಲಿ ರಷ್ಯಾದ ಉದ್ಯಮಿ ಆಂಡ್ರೇ ಗೋಂಚಾರೇಂಕೊ ಇದನ್ನು ₹1265 ಕೋಟಿಗೆ ಖರೀದಿಸಿದರು. ಆಗ ಇದು ಬ್ರಿಟನ್ನಲ್ಲೇ ಅತ್ಯಂತ ದುಬಾರಿ ಬೆಲೆಯ ಆಸ್ತಿ ಮಾರಾಟ ಎಂದೇ ಖ್ಯಾತಿ ಪಡೆದಿತ್ತು.</p><p>ತೈಲ ಉದ್ಯಮಿಯಾಗಿದ್ದ ಗೋಂಚಾರೇಂಕೊ ಈ ಕಟ್ಟಡದೊಂದಿಗೆ ಹ್ಯಾಂಸ್ಟೆಡ್ ಮತ್ತು ಬೆಲ್ಗ್ರೇವಿಯಾದಲ್ಲೂ ಎರಡು ವಿಲಾಸಿ ಮನೆಗಳನ್ನು ಖರೀದಿಸಿದ್ದರು. ಆದರೆ ಉಕ್ರೇನ್ ಜತೆಗಿನ ರಷ್ಯಾದ ಯುದ್ಧದಿಂದಾಗಿ ಇವರು ಮಾರಲು ನಿರ್ಧರಿಸಿದರು.</p><p>ಇಂಧನ, ಲೋಹ, ತಂತ್ರಜ್ಞಾನ ಹಾಗೂ ರಿಟೇಲ್ ಮಾರಾಟ ಕ್ಷೇತ್ರದಲ್ಲಿರುವ ಭಾರತದ ಮೂಲದ ಎಸ್ಸಾರ್ ಸಮೂಹದ ಸಂಸ್ಥಾಪಕರಾದ ರವಿ ರೂಯಿಯಾ ಸದ್ಯ ಈ ಲಂಡನ್ ಮ್ಯಾನ್ಶನ್ನ ಮಾಲೀಕ. ₹1200 ಕೋಟಿಗೆ ರವಿ ಈ ಮನೆಯನ್ನು ಖರೀದಿಸಿದ್ದಾರೆ ಎಂದು ವರದಿಯಾಗಿದೆ.</p><p>ವರ್ಷದ ಆರಂಭದಲ್ಲಿ ಈ ಮನೆಯನ್ನು ₹3100ಕೋಟಿಗೆ ಮಾರಾಟಕ್ಕೆ ಇಡಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
