ದೇಶ ವಿಭಜನೆಯ ಏಳೂವರೆ ದಶಕಗಳ ಬಳಿಕ ಒಡಹುಟ್ಟಿದವರ ಭೇಟಿ!

ನವದೆಹಲಿ: 1947ರಲ್ಲಿ ಭಾರತ ವಿಭಜನೆ ಮತ್ತು ಹೊಸ ಪಾಕಿಸ್ತಾನ ರಾಷ್ಟ್ರ ಹುಟ್ಟಿದ ಏಳೂವರೆ ದಶಕಗಳ ಬಳಿಕ ಸಹೋದರರಿಬ್ಬರು ಮತ್ತೆ ಭೇಟಿಯಾಗಲು ತಯಾರಾಗಿದ್ದಾರೆ.

. ಭಾರತ-ಪಾಕಿಸ್ತಾನ ವಿಭಜನೆಯು ಒಡಹುಟ್ಟಿದ ಸಿಕಾ ಖಾನ್ ಹಾಗೂ ಮೊಹಮ್ಮದ್ ಸಿದ್ಧಿಕಿ ಅವರನ್ನು ಇನ್ನೆಂದೂ ಭೇಟಿಯಾಗಲು ಸಾಧ್ಯವಾಗದ ರೀತಿಯಲ್ಲಿ ಬೇರ್ಪಡಿಸಿತ್ತು.

. ಇದನ್ನೂ ಓದಿ: ಪಬ್ಜಿ ಪ್ರಭಾವ: ಇಡೀ ಕುಟುಂಬದವರನ್ನು ಹತ್ಯೆ ಮಾಡಿದ ಪಾಕಿಸ್ತಾನದ 14ರ ಬಾಲಕ

. ಈಗ ಪಾಕಿಸ್ತಾನದಲ್ಲಿರುವ ತಮ್ಮ ಸೋದರ 84 ವರ್ಷದ ಮೊಹಮ್ಮದ್ ಸಿದ್ಧಿಕಿ ಅವರನ್ನು ಭೇಟಿ ಮಾಡಲು 76 ವರ್ಷದ ಸಿಕಾ ಖಾನ್ ಅವರಿಗೆ ಭಾರತದಲ್ಲಿರುವ ಪಾಕಿಸ್ತಾನದ ರಾಯಭಾರ ಕಚೇರಿಯು ವೀಸಾ ಒದಗಿಸಿದೆ.

. 'ವೀಸಾ ಸಿಕ್ಕಿರುವುದು ತುಂಬಾನೇ ಸಂತಸವಾಗಿದೆ. ನಾನೀಗ ಪಾಕಿಸ್ತಾನಕ್ಕೆ ಹೋಗಿ ನನ್ನ ಸಹೋದರ ಮತ್ತು ಕುಟುಂಬ ಸದಸ್ಯರನ್ನು ಭೇಟಿಯಾಗಲಿದ್ದೇನೆ' ಎಂದು ಸಿಕಾ ಪ್ರತಿಕ್ರಿಯಿಸಿದ್ದಾರೆ.

. ಭಾರತಕ್ಕೆ ಸ್ವಾತಂತ್ರ್ಯ ದೊರಕಿದ ಕೆಲವೇ ಗಂಟೆಗಳ ಮೊದಲು ಹೊಸ ಪಾಕಿಸ್ತಾನ ದೇಶ ಹುಟ್ಟಿದ ವೇಳೆಯಲ್ಲಿ ಸಿಕಾ ಹಾಗೂ ಸಿದ್ಧಿಕಿ ಬೇರ್ಪಟ್ಟಿದ್ದರು.

. ಸ್ವಾತಂತ್ರ್ಯ ಸಿಗುವ ಕೆಲವೇ ದಿನಗಳ ಮೊದಲು ಇಬ್ಬರು ಮಕ್ಕಳು ಪಂಜಾಬ್ನ ತಾಯಿ ಗ್ರಾಮ ಫುಲೆವಾಲಾದಲ್ಲಿದ್ದರು. ಆದರೆ ದೇಶದ ವಿಭಜನೆಯ ಸ್ವಲ್ಪ ಮೊದಲು ತಂದೆ, ಸಿದ್ಧಿಕಿರನ್ನು ಪೂರ್ವಜರ ಗ್ರಾಮ ಬೋಗ್ರಾನ್ಗೆ ಕೊಂಡೊಯ್ದರು. ಆ ಸ್ಥಳ ಶೀಘ್ರದಲ್ಲೇ ಪಾಕಿಸ್ತಾನ ಪಂಜಾಬ್ನ ಭಾಗವಾಯಿತು.

. ಅತ್ತ ಎರಡು ವರ್ಷದ ಸಿಕಾ ತಾಯಿಯೊಂದಿಗೆ ಭಾರತದಲ್ಲೇ ಇದ್ದರು. ವಿಭಜನೆಯ ಬಳಿಕ ಸಾಮೂಹಿಕ ವಲಸೆ ಹಾಗೂ ಕೋಮು ಗಲಭೆಯಿಂದಾಗಿ ಪುನರ್ಮಿಲನ ಯೋಗ ಕೂಡಿ ಬಂದಿರಲಿಲ್ಲ.

. ಬಳಿಕ ತಂದೆ ಪಾಕಿಸ್ತಾನದಲ್ಲಿ ನಿಧನರಾದರು. ಗಂಡನ ಸಾವಿನ ಸುದ್ದಿ ತಿಳಿದ ಪತ್ನಿ ಕೆಲವು ದಿನಗಳ ಬಳಿಕ ಆತ್ಮಹತ್ಯೆ ಮಾಡಿಕೊಂಡರು. ಪರಿಣಾಮ ಇಬ್ಬರು ಗಡಿಯ ಎರಡು ಬದಿಗಳಲ್ಲಿ ಜೀವನ ಸಾಗಿಸಬೇಕಾಯಿತು.

. 2019ರಲ್ಲಿ ಪಾಕಿಸ್ತಾನದ ಯೂಟ್ಯೂಬರ್ ನಾಸಿರ್ ದಿಲ್ಲಾನ್, ಸಿದ್ದಿಕಿ ವಾಸಿಸುತ್ತಿದ್ದ ಗ್ರಾಮಕ್ಕೆ ಭೇಟಿ ನೀಡಿ ಈ ಕುರಿತು ವಿಡಿಯೊ ಪೋಸ್ಟ್ ಮಾಡಿದ್ದರು. ಬಳಿಕ ಭಾರತದ ಫುಲೇವಾಲಾದ ಗ್ರಾಮೀಣ ವೈದ್ಯಾಧಿಕಾರಿ ಜಗಸಿರ್ ಸಿಂಗ್ ಅವರು ದಿಲ್ಲಾನ್ ಅವರನ್ನು ಸಂಪರ್ಕಿಸಿ ಇಬ್ಬರು ಸಹೋದರರ ನಡುವೆ ವಿಡಿಯೊ ಕರೆ ನಡೆಸಲು ನೆರವಾದರು.

. ಕೆಲವು ದಿನಗಳ ಹಿಂದೆ ಸಿಕಾ ಹಾಗೂ ಸಿದ್ಧಿಕಿ ಕರ್ತಾರಪುರ ಕಾರಿಡಾರ್ನಲ್ಲಿ ಭೇಟಿಯಾಗಿದ್ದರು. 2019ರಲ್ಲಿ ಭಾರತದಿಂದ ಯಾತ್ರಿಕರು ಪಾಕಿಸ್ತಾನದ ಗಡಿ ದಾಟಿ ಗುರುದ್ವಾರ ದರ್ಬಾರ್ ಸಾಹಿಬ್ಗೆ ಭೇಟಿ ನೀಡಲು ಅನುಕೂಲವಾಗುವಂತೆ ಕರ್ತಾರ್ಪುರ ಕಾರಿಡಾರ್ ಅನ್ನು ತೆರೆಯಲಾಗಿತ್ತು.

. ಈಗ ವೀಸಾ ದೊರಕಿರುವ ಸಿಕಾ, ಪಾಕಿಸ್ತಾನಕ್ಕೆ ತೆರಳಿ ತಮ್ಮ ಸೋದರನನ್ನು ಭೇಟಿಯಾಗಲು ಸಜ್ಜಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶ ವಿಭಜನೆಯ ಏಳೂವರೆ ದಶಕಗಳ ಬಳಿಕ ಒಡಹುಟ್ಟಿದವರ ಭೇಟಿ!

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಸೈಯ್ಯದ್ ಮುಷ್ತಾಕ್ ಅಲಿ ಕ್ರಿಕೆಟ್‌: ಯುವರಾಜ್ ಆಟಕ್ಕೆ ಕರ್ನಾಟಕ ಸುಸ್ತು

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ