<p><strong>ಲಂಡನ್ (ಐಎಎನ್ಎಸ್):</strong> ಸಂವಹನ ಕ್ಷೇತ್ರದಲ್ಲಿ ಕ್ರಾಂತಿ ಮಾಡಿದ, ನಿತ್ಯ ಕೋಟ್ಯಂತರ ವ್ಯಕ್ತಿಗಳು ಬಳಕೆ ಮಾಡುತ್ತಿರುವ ಅಂತರ್ಜಾಲ ಸೇವೆಗೆ (ಇಂಟರ್ನೆಟ್) ಮೂವತ್ತು ವರ್ಷ ತುಂಬಿದೆ.<br /> <br /> ಜನವರಿ 1, 1983ರಂದು ಹಿಂದಿದ್ದ ಕಂಪ್ಯೂಟರ್ ನೆಟ್ವರ್ಕ್ ವ್ಯವಸ್ಥೆಯನ್ನು ಬದಲಿಸುವ ಮೂಲಕ ಅಂತರ್ಜಾಲ ಸೇವೆ ಆರಂಭವಾಗಿತ್ತು ಎಂದು ಟೆಲಿಗ್ರಾಫ್ ಪತ್ರಿಕೆ ವರದಿ ಮಾಡಿದೆ.<br /> <br /> ಆರಂಭದ ಆ ದಿನ ಅಮೆರಿಕದ ರಕ್ಷಣಾ ಸಚಿವಾಲಯ 60ರ ದಶಕದಿಂದ ಚಾಲ್ತಿಯಲ್ಲಿ ಇದ್ದ ಅರ್ಪಾನೆಟ್ ನೆಟ್ವರ್ಕ್ ಎಂಬ ವ್ಯವಸ್ಥೆಯನ್ನು ಇಂಟರ್ನೆಟ್ ಪ್ರೋಟೊಕಾಲ್ ಸೂಟ್ ಕಮ್ಯೂನಿಕೇಷನ್ ವ್ಯವಸ್ಥೆಗೆ (ಐಪಿಎಸ್) ಬದಲಾಯಿಸಿತು.<br /> <br /> ಕಂಪ್ಯೂಟರ್ಗಳ ನಡುವೆ ಸಂಪರ್ಕ ಕಲ್ಪಿಸುವ ಈ ಹೊಸ ವಿಧಾನದಿಂದ ವರ್ಲ್ಡ್ ವೈಡ್ ವೆಬ್(ಡಬ್ಲು ಡಬ್ಲು ಡಬ್ಲು)ಗೆ `ದಾರಿ' ತೆರೆದುಕೊಂಡಿತು.<br /> <br /> 1960ರಲ್ಲಿ ಸೇನಾ ಯೋಜನೆಯ ಭಾಗವಾಗಿ ಅರ್ಪಾನೆಟ್ ನೆಟ್ವರ್ಕ್ ಆರಂಭವಾಯಿತು. ವೆಲ್ಸ್ನ ವಿಜ್ಞಾನಿ ಡೊನಾಲ್ಡ್ ಡವೈಸ್ ಅವರು ತಯಾರಿಸಿದ ತಾಂತ್ರಿಕ ವಿನ್ಯಾಸದ ಆಧಾರದ ಮೇಲೆ ಈ ಯೋಜನೆ ಕಾರ್ಯಾರಂಭ ಮಾಡಿತು.<br /> <br /> ಈ ಮೂಲ ಮಾದರಿಯನ್ನು ಅಮೆರಿಕದ ವಿವಿಧ ವಿಶ್ವವಿದ್ಯಾಲಯಗಳು ನಂತರದ ವರ್ಷಗಳಲ್ಲಿ ಅಭಿವೃದ್ಧಿಪಡಿಸಿದರು.<br /> <br /> 1973ರಲ್ಲಿ ಐಪಿಎಸ್ ಮತ್ತು ಟ್ರಾನ್ಸ್ಮಿಷನ್ ಪ್ರೊಟೊಕಾಲ್ (ಟಿಸಿಪಿ) ತಂತ್ರಜ್ಞಾನ ಬಳಕೆ ಆರಂಭವಾಯಿತು. ಈ ಹೊಸ ವ್ಯವಸ್ಥೆಯನ್ನು ಆಗಲೇ ಬಳಕೆಯಲ್ಲಿದ್ದ ನೆಟ್ವರ್ಕ್ ಕಂಟ್ರೋಲ್ ಪ್ರೋಗ್ರಾಮ್ಗೆ (ಎನ್ಸಿಪಿ) ಪರ್ಯಾಯವಾಗಿ ರೂಪಿಸಲಾಯಿತು.<br /> <br /> ಜನವರಿ 1, 1983ರ ಹೊತ್ತಿಗೆ ಇಂಟರ್ನೆಟ್ ಪ್ರೋಟೊಕಾಲ್ ಬಳಕೆ ಸಂಪೂರ್ಣವಾಗಿ ಯಶಸ್ವಿಯಾಯಿತು. ಈ ಮೂಲಕ ಅಧಿಕೃತವಾಗಿ ಅಂತರ್ಜಾಲ ಸೇವೆ ಜನ್ಮತಾಳಿತು.<br /> <br /> 1989ರಲ್ಲಿ ಬ್ರಿಟನ್ನ ಕಂಪ್ಯೂಟರ್ ವಿಜ್ಞಾನಿ ಟಿಮ್ ಬನರ್ಸ್ ಲೀ ಅವರು ವರ್ಲ್ಡ್ ವೈಡ್ ವೆಬ್ ಉಗಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಐಎಎನ್ಎಸ್):</strong> ಸಂವಹನ ಕ್ಷೇತ್ರದಲ್ಲಿ ಕ್ರಾಂತಿ ಮಾಡಿದ, ನಿತ್ಯ ಕೋಟ್ಯಂತರ ವ್ಯಕ್ತಿಗಳು ಬಳಕೆ ಮಾಡುತ್ತಿರುವ ಅಂತರ್ಜಾಲ ಸೇವೆಗೆ (ಇಂಟರ್ನೆಟ್) ಮೂವತ್ತು ವರ್ಷ ತುಂಬಿದೆ.<br /> <br /> ಜನವರಿ 1, 1983ರಂದು ಹಿಂದಿದ್ದ ಕಂಪ್ಯೂಟರ್ ನೆಟ್ವರ್ಕ್ ವ್ಯವಸ್ಥೆಯನ್ನು ಬದಲಿಸುವ ಮೂಲಕ ಅಂತರ್ಜಾಲ ಸೇವೆ ಆರಂಭವಾಗಿತ್ತು ಎಂದು ಟೆಲಿಗ್ರಾಫ್ ಪತ್ರಿಕೆ ವರದಿ ಮಾಡಿದೆ.<br /> <br /> ಆರಂಭದ ಆ ದಿನ ಅಮೆರಿಕದ ರಕ್ಷಣಾ ಸಚಿವಾಲಯ 60ರ ದಶಕದಿಂದ ಚಾಲ್ತಿಯಲ್ಲಿ ಇದ್ದ ಅರ್ಪಾನೆಟ್ ನೆಟ್ವರ್ಕ್ ಎಂಬ ವ್ಯವಸ್ಥೆಯನ್ನು ಇಂಟರ್ನೆಟ್ ಪ್ರೋಟೊಕಾಲ್ ಸೂಟ್ ಕಮ್ಯೂನಿಕೇಷನ್ ವ್ಯವಸ್ಥೆಗೆ (ಐಪಿಎಸ್) ಬದಲಾಯಿಸಿತು.<br /> <br /> ಕಂಪ್ಯೂಟರ್ಗಳ ನಡುವೆ ಸಂಪರ್ಕ ಕಲ್ಪಿಸುವ ಈ ಹೊಸ ವಿಧಾನದಿಂದ ವರ್ಲ್ಡ್ ವೈಡ್ ವೆಬ್(ಡಬ್ಲು ಡಬ್ಲು ಡಬ್ಲು)ಗೆ `ದಾರಿ' ತೆರೆದುಕೊಂಡಿತು.<br /> <br /> 1960ರಲ್ಲಿ ಸೇನಾ ಯೋಜನೆಯ ಭಾಗವಾಗಿ ಅರ್ಪಾನೆಟ್ ನೆಟ್ವರ್ಕ್ ಆರಂಭವಾಯಿತು. ವೆಲ್ಸ್ನ ವಿಜ್ಞಾನಿ ಡೊನಾಲ್ಡ್ ಡವೈಸ್ ಅವರು ತಯಾರಿಸಿದ ತಾಂತ್ರಿಕ ವಿನ್ಯಾಸದ ಆಧಾರದ ಮೇಲೆ ಈ ಯೋಜನೆ ಕಾರ್ಯಾರಂಭ ಮಾಡಿತು.<br /> <br /> ಈ ಮೂಲ ಮಾದರಿಯನ್ನು ಅಮೆರಿಕದ ವಿವಿಧ ವಿಶ್ವವಿದ್ಯಾಲಯಗಳು ನಂತರದ ವರ್ಷಗಳಲ್ಲಿ ಅಭಿವೃದ್ಧಿಪಡಿಸಿದರು.<br /> <br /> 1973ರಲ್ಲಿ ಐಪಿಎಸ್ ಮತ್ತು ಟ್ರಾನ್ಸ್ಮಿಷನ್ ಪ್ರೊಟೊಕಾಲ್ (ಟಿಸಿಪಿ) ತಂತ್ರಜ್ಞಾನ ಬಳಕೆ ಆರಂಭವಾಯಿತು. ಈ ಹೊಸ ವ್ಯವಸ್ಥೆಯನ್ನು ಆಗಲೇ ಬಳಕೆಯಲ್ಲಿದ್ದ ನೆಟ್ವರ್ಕ್ ಕಂಟ್ರೋಲ್ ಪ್ರೋಗ್ರಾಮ್ಗೆ (ಎನ್ಸಿಪಿ) ಪರ್ಯಾಯವಾಗಿ ರೂಪಿಸಲಾಯಿತು.<br /> <br /> ಜನವರಿ 1, 1983ರ ಹೊತ್ತಿಗೆ ಇಂಟರ್ನೆಟ್ ಪ್ರೋಟೊಕಾಲ್ ಬಳಕೆ ಸಂಪೂರ್ಣವಾಗಿ ಯಶಸ್ವಿಯಾಯಿತು. ಈ ಮೂಲಕ ಅಧಿಕೃತವಾಗಿ ಅಂತರ್ಜಾಲ ಸೇವೆ ಜನ್ಮತಾಳಿತು.<br /> <br /> 1989ರಲ್ಲಿ ಬ್ರಿಟನ್ನ ಕಂಪ್ಯೂಟರ್ ವಿಜ್ಞಾನಿ ಟಿಮ್ ಬನರ್ಸ್ ಲೀ ಅವರು ವರ್ಲ್ಡ್ ವೈಡ್ ವೆಬ್ ಉಗಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
