ಚುರುಮುರಿ: ಚುನಾವಣಾ ಸೇವೆಗಳು

‘ನೋಡಿಲ್ಲಿ... ನಮ್ಮ ಕುಮಾರಣ್ಣ 9 ದಿನದ್ದು ದಿಗ್ವಿಜಯ ಯಾಗ ಮಾಡಾಕ ಹತ್ಯಾನ... ಕೆಸಿಆರ್ ಮಾಮಾ ಇದೇ ಯಾಗ ಮಾಡಿದ್ದಕ್ಕೇ ತೆಲಂಗಾಣ ಮುಖ್ಯಮಂತ್ರಿ ಆದರಂತ. ಈ ಸಲ ಕುಮಾರಣ್ಣನೇ ಮುಖ್ಯಮಂತ್ರಿ ಆಗತಾನ’ ಎಂದು ಬೆಕ್ಕಣ್ಣ ಭಯಂಕರ ಸಂಭ್ರಮದಿಂದ ವದರಿತು.

. ‘ದಿಗ್ವಿಜಯ ಯಾಗ ಮಾಡಿದವ್ರೆಲ್ಲ ಮುಖ್ಯಮಂತ್ರಿಯಾಗತಾರ ಅಂದ್ರ ನೀನೂ ಒಂದ್ ಯಾಗ ಮಾಡಿ, ಮಂತ್ರಿಯಾಗಲೇ’ ನಾನು ಕಿಚಾಯಿಸಿದೆ.

. ‘ನನಗ ಅಧಿಕಾರ, ಕುರ್ಚಿ ಹಿಂತಾ ಆಸೆಯಿಲ್ಲ, ಸೇವೆಯೇ ಧ್ಯೇಯ’ ಎಂದು ಪರಮವಿರಾಗಿಯಂತೆ ನುಡಿದ ಬೆಕ್ಕಣ್ಣ ಲ್ಯಾಪ್ಟಾಪಿನಲ್ಲಿ ತಲೆ ತೂರಿಸಿತು.

. ತುಸು ಹೊತ್ತು ಬಿಟ್ಟು, ‘ನಾ ಎರಡು ಮೂರು ಥರಾ ಆನ್ಲೈನ್ ಪೋರ್ಟಲ್ ಶುರುಮಾಡತೀನಿ. ಇನ್ವೆಸ್ಟ್ಮೆಂಟ್ ಮಾಡಾಕೆ ರೊಕ್ಕ ಕೊಡು’ ಎಂದು ಬೆಣ್ಣೆ ಹಚ್ಚತೊಡಗಿತು.

. ‘ನನ್ ಹತ್ರ ನಯಾಪೈಸೆ ಇಲ್ಲ. ನೀಯೇನ್ ಆನ್ಲೈನ್ ಕಾರುಬಾರು ಮಾಡಾಂವಾ?’ ಎಂದು ಗದರಿದೆ.

. ‘ಚುನಾವಣೆ ಹತ್ರ ಬರ್ತಿದ್ದಂಗೆ ಹೆಂಗಿದ್ದರೂ ಎಲ್ಲ ಪಕ್ಷದವ್ರು ಒಂದಲ್ಲ ಒಂದು ಯಾಗ, ಪೂಜೆ ಮಾಡತಾರ. ಹಿಂತಾ ಯಾಗ, ಪೂಜೆ ಪುನಸ್ಕಾರಕ್ಕೆ ಪುರೋಹಿತರು, ಪೂಜಾ ಸಾಮಗ್ರಿ, ದೇವರಿಗೆ ಬೇಡಿಕೆಗಳ ಪಟ್ಟಿ, ಇವನ್ನೆಲ್ಲ ಆನ್ಲೈನಿನಾಗೆ ಬುಕ್ ಮಾಡಾಕೆ ಯಾಗ ಪೋರ್ಟಲ್. ರಾಜಕೀಯದವರಿಗೆ ಹೋಮಹವನ ಮಾಡಿಸೋ ರಾಜ ಪುರೋಹಿತರು ಯಾಗ ಪೋರ್ಟಲ್ಲಿನಾಗೆ ಸಿಗತಾರ. ಚುನಾವಣೆ ಪ್ರಚಾರಸಭೆಗಳಿಗೆ ಎಷ್ಟು ಜನರು, ಎಷ್ಟು ಹೊತ್ತು ಬೇಕು ಅಂತ ಬುಕ್ ಮಾಡಾಕೆ ಬಾಡಿಗೆಜನ ಪೋರ್ಟಲ್. ಇಲ್ಲಿ ಬಾಡಿಗೆಜನ ಕಳಿಸೋ ಏಜೆಂಟ್ಗಳು ಸಿಗತಾರ. ಪಕ್ಷಗಳಿಗೆ ಬೇಕಾದ ಸ್ಲೋಗನ್ನು, ಬ್ಯಾನರ್ರು, ಪೋಸ್ಟರ್ರು, ಎದುರು ಪಕ್ಷದವರಿಗೆ ಬೈಗುಳದಂಥವೆಲ್ಲ ಬರೆದುಕೊಡೋವ್ರಿನ್ನ ಬುಕ್ ಮಾಡಾಕೆ ಪ್ರಚಾರ ಪೋರ್ಟಲ್. ಪೋರ್ಟಲ್ ಸೇವೆ ಪಡೆದಿದ್ದಕ್ಕೆ ಎರಡೂ ಕಡೆಯವರು ನನಗ ಚಾರ್ಜ್ ಕೊಡಬೇಕು...’

. ಬೆಕ್ಕಣ್ಣ ಚುನಾವಣಾ ಸೇವಾ ಪೋರ್ಟಲ್ಗಳಿಂದ ದುಡ್ಡು ಗಳಿಸುವ ದೊಡ್ಡ ಕನಸು ಕಾಣಹತ್ತಿತು!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಚುನಾವಣಾ ಸೇವೆಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!