ಏಂಜಲಿನಾ ಜೋಲಿ ಸಿಂಡ್ರೋಮ್‌ ನಿಮಗೂ ಇದೆಯೇ?

ಚಿಕಿತ್ಸೆಗೆ ಮಾತ್ರ ವೈದ್ಯರು ಎನ್ನುವ ಕಾಲವಿತ್ತು. ಇದೀಗ ಮುಂಜಾಗೃತೆಗಾಗಿ ವೈದ್ಯರು ಎನ್ನುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದರ ಪರಿಣಾಮವೇ ಈ ಏಂಜಲಿನಾ ಜೋಲಿ ಸಿಂಡ್ರೋಮ್.

ಏಂಜಲಿನಾ ಜೋಲಿ ಅಂದೊಡನೆ ನೆನಪಾಗುವುದು ತೀಕ್ಷ್ಣ ಕಣ್ಣು, ಆತ್ಮವಿಶ್ವಾಸ ಸೂಚಿಸುವ ನಿಲುವು, ಅತ್ಯಾಕರ್ಷಕ ಮೈಕಟ್ಟು, ಮಿಂಚಿನಂಥ ಚಲನೆ. ಈ ಸುಂದರಿ ಯಾರಿಗೆ ಪರಿಚಿತಳಿಲ್ಲ? ಆದರೆ ಈ ಹೆಸರಿನ ಸಿಂಡ್ರೋಮ್ ಒಂದಿದೆ ಗೊತ್ತೆ? ನಮಗೇನೋ ಆಗಿದೆ.., ನಮಗೇನೋ ಆಗಲಿದೆ.., ಭಯಾನಕವಾದುದು.., ಏನೋ ಜರುಗಲಿದೆ ಹೀಗೆ ನಿಮಗೆ ಮೇಲಿಂದ ಮೇಲೆ ಎನಿಸುತ್ತಿದ್ದರೆ ಖಂಡಿತವಾಗಿಯೂ ಈ ಚೆಲುವೆ ನಿಮ್ಮನ್ನು ಕಾಡುತ್ತಿದ್ದಾಳೆ ಎಂದರ್ಥ.

. ‘ನ್ಯಾಷನಲ್ ರಿಸರ್ಚ್ ಯುನಿವರ್ಸಿಟಿ ಹೈಯರ್ ಸ್ಕೂಲ್ ಆಫ್ ಎಕನಾಮಿಕ್ಸ್’ನ ಸಂಶೋಧಕರ ತಂಡವೊಂದು ಇಂಥ ವರ್ತನೆಯ ಮೇಲೆ ಹೆಚ್ಚು ಬೆಳಕು ಚೆಲ್ಲಿದೆ. ಅಷ್ಟೇ ಅಲ್ಲ ಇದಕ್ಕೆ ಕಾರಣ ನಮ್ಮಲ್ಲಿ ಆರೋಗ್ಯದ ಬಗ್ಗೆ ಹೆಚ್ಚುತ್ತಿರುವ ಜಾಗೃತಿ ಎಂದೂ ವಿವರಿಸಿದೆ. ಚಿಕಿತ್ಸೆಗಿಂತ ಮುಂಜಾಗೃತೆ ಒಳಿತು ಎನ್ನುವ ಸೂತ್ರ ನಮ್ಮಲ್ಲಿ ನಮಗರಿವಿಲ್ಲದಂತೆಯೇ ಈ ಸಿಂಡ್ರೋಮ್ ಹುಟ್ಟುಹಾಕಿದೆ. ‘ಆರೋಗ್ಯಕರ’ ಅಥವಾ ಸ್ವಾಸ್ಥ್ಯ ಎನ್ನುವ ಸೂತ್ರ ಬದಲಾಗಿದೆ. ಬಳಕುವ ಬಳ್ಳಿಯಂಥ ದೇಹ, ಮಿಂಚುವ ಚರ್ಮ, ಅಂದಚಂದ ಮಾತ್ರ ಆರೋಗ್ಯ ಎನ್ನುವ ಪರಿಕಲ್ಪನೆಯನ್ನು ಬಿತ್ತಲಾಗುತ್ತಿದೆ.

ಕ್ಯಾನ್ಸರ್ ಆದರೆ ಅಂಗವಿಹೀನವಾಗಬೇಕಾಗಬಹುದು, ಕೂದಲು ಉದುರಬಹುದು ಇಂಥ ಆತಂಕಗಳಿಂದ ಹೊರ ಬರಲು ಪ್ರಿವೆಂಟಿವ್ ಹೆಲ್ತ್ ಕೇರ್ಗೆ ಮೊರೆ ಹೋಗುತ್ತೇವೆ. ಅತಿ ಹೆಚ್ಚು ಆತಂಕಕ್ಕೆ ಒಳಗಾದಂತೆಲ್ಲ ಅತಿ ಹೆಚ್ಚು ಜಾಗೃತರಾಗುತ್ತೇವೆ. ಇದೇ ಈ ಏಂಜಲಿನಾ ಜೋಲಿ ಸಿಂಡ್ರೋಮ್. ಚಂದ ಕಾಣಬೇಕೆ? ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಳ್ಳಿ. ಸಪೂರ ಕಾಯದವರಾಗಬೇಕೇ? ಜಿಮ್ಗೆ ಹೋಗಿ. ಕಾಯಿಲೆಗಳಿಂದ ದೂರವಿರಬೇಕೆ? ಲಸಿಕೆ ಹಾಕಿಸಿಕೊಳ್ಳಿ.. ಶಸ್ತ್ರಚಿಕಿತ್ಸೆಯಾಗಬೇಕಿದೆಯೇ? ಪಾಲಿಸಿ ಮಾಡಿಸಿಕೊಳ್ಳಿ. ಹೀಗೆ ಇಡೀ ಆರೋಗ್ಯದ ಸೂತ್ರವನ್ನು ವಾಣಿಜ್ಯೀಕರಿಸಲಾಗುತ್ತಿದೆ.

ಜೊತೆಗೆ ಆರ್ಥಿಕ, ಸಾಮಾಜಿಕ ಮತ್ತು ಸಾಂಸ್ಕೃತಿಕವಾಗಿ ಸಪೂರ, ಸುಂದರ ಕಾಯ, ಪ್ರಮಾಣಬದ್ಧ ರಚನೆ ಮುಂತಾದ ಸಿದ್ಧಮಾದರಿಗಳನ್ನು ಹೆಚ್ಚು ಜನಪ್ರಿಯಗೊಳಿಸಲಾಗುತ್ತಿದೆ. ಚಿಕಿತ್ಸೆಗೆ ಮಾತ್ರ ವೈದ್ಯರು ಎನ್ನುವ ಕಾಲವಿತ್ತು. ಇದೀಗ ಮುಂಜಾಗೃತೆಗಾಗಿ ವೈದ್ಯರು ಎನ್ನುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದರ ಪರಿಣಾಮವೇ ಈ ಏಂಜಲಿನಾ ಜೋಲಿ ಸಿಂಡ್ರೋಮ್ ಹುಟ್ಟಿಕೊಂಡಿರುವುದು ಎನ್ನುತ್ತಾರೆ ಸಂಶೋಧನೆಯ ಮುಖ್ಯಸ್ಥ ಗೋಲ್ಮನ್. ನಿಮಗೂ ಇದೆಯೇ ಈ ಸಿಂಡ್ರೋಮ್?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಏಂಜಲಿನಾ ಜೋಲಿ ಸಿಂಡ್ರೋಮ್‌ ನಿಮಗೂ ಇದೆಯೇ?

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!