<p><strong>ಮುಂಬೈ:</strong> ಹೆನ್ರಿಚ್ ಕ್ಲಾಸೆನ್ ಅವರ ಸ್ಫೋಟಕ ಶತಕದ ನೆರವಿನಿಂದಾಗಿ ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡದವರು 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 399ರನ್ಗಳ ಬೃಹತ್ ಮೊತ್ತ ಪೇರಿಸಿದರು.</p><p>ಇದು ಏಕದಿನ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ತಂಡದ ವಿರುದ್ಧ ದಾಖಲಾದ ದೊಡ್ಡ ಮೊತ್ತ.</p><p>61 ಎಸೆತಗಳಲ್ಲಿ ಶತಕ ಗಳಿಸಿ ಕ್ಲಾಸೆನ್ ಅವರು, ಒಟ್ಟಾರೆಯಾಗಿ 67 ಎಸೆತಗಳಲ್ಲಿ 109ರನ್ ಗಳಿಸಿದರು. ಅವರ ಇನಿಂಗ್ಸ್ 12 ಫೋರ್ ಹಾಗೂ 4 ಸಿಕ್ಸರ್ಗಳಿಂದ ಕೂಡಿತ್ತು.</p>.<p>ಆರನೇ ವಿಕೆಟ್ಗೆ ಮಾರ್ಕೊ ಜಾನ್ಸೆನ್ ಅವರೊಂದಿಗೆ 76 ಎಸೆತಗಳಲ್ಲಿ 151ರನ್ಗಳ ಜತೆಯಾಟವಾಡಿದರು. ಜನ್ಸೆನ್ 42 ಎಸೆತಗಳಲ್ಲಿ 75 ರನ್ ಬಾರಿಸಿದರು.</p><p>ಟಾಸ್ ಗೆದ್ದ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ತಂಡವನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಪಂದ್ಯದ ಎರಡನೇ ಎಸೆತದಲ್ಲಿಯೇ ಅಪಾಯಕಾರಿ ಕ್ವಿಂಟನ್ ಡಿ ಕಾಕ್ ಅವರನ್ನು ರೀಸ್ ಟಾಪ್ಲಿ ಅವರು ಶೂನ್ಯಕ್ಕೆ ಔಟ್ ಮಾಡಿದರು.</p><p>ಪಂದ್ಯದ ಆರಂಭಿಕ ಓವರ್ಗಳಲ್ಲಿ ಒತ್ತಡದಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡವು, ಟಾಪ್ಲಿ ಅವರು ಗಾಯಗೊಂಡು ಮೈದಾನದಿಂದ ಹೊರನಡೆದ ಬಳಿಕ ಲಯಕ್ಕೆ ಮರಳಿತು.</p><p>ರೀಜಾ ಹೆಂಡ್ರಿಕ್ಸ್ ಹಾಗೂ ರಸ್ಸೀ ವ್ಯಾನ್ ಡರ್ ದುಸಾನ್ ಅವರು ಎರಡನೇ ವಿಕೆಟ್ಗೆ 121ರನ್ಗಳ ಜತೆಯಾಟ ಆಡಿದರು. ಇವರ ಜತೆಯಾಟವನ್ನು ಆದಿಲ್ ರಶೀದ್ ಮುರಿದರು.</p><p>ಕ್ರಮವಾಗಿ 85 ಹಾಗೂ 60 ರನ್ ಗಳಿಸಿದ ಇವರನ್ನು ರಶೀದ್ ಅವರು ಔಟ್ ಮಾಡಿದರು. </p><p>ನಾಯಕ ತೆಂಬಾ ಬವುಮಾ ಅವರು ಅನಾರೋಗ್ಯಕ್ಕೀಡಾಗಿದ್ದರಿಂದ ದಕ್ಷಿಣ ಆಫ್ರಿಕಾ ತಂಡವನ್ನು ಮುನ್ನಡೆಸಿ ಏಡನ್ ಮಾರ್ಕರಮ್ 42 ರನ್ಗಳ ಉಪಯುಕ್ತ ಕಾಣಿಕೆ ನೀಡಿದರು. ಡೇವಿಡ್ ಮಿಲ್ಲರ್ ಆಟ 5ರನ್ಳಿಗೆ ಅಂತ್ಯಗೊಂಡಿತು. ಇವರಿಬ್ಬರನ್ನೂ ಟಾಪ್ಲಿ ಪೆವಿಲಿಯನ್ಗೆ ಕಳುಹಿಸಿದರು.</p><p>ಟಾಪ್ಲಿ 3, ರಶೀದ್ ಹಾಗೂ ಗಸ್ ಅಟ್ಕಿನ್ಸನ್ ತಲಾ ಎರಡು ವಿಕೆಟ್ ಪಡೆದರು.</p><p>ಮೊದಲ ಮೂರು ಪಂದ್ಯಗಳಿಗೆ ಅಲಭ್ಯರಾಗಿದ್ದ ಬೆನ್ ಸ್ಟೋಕ್ಸ್ ಈ ಪಂದ್ಯದಲ್ಲಿ ಕಣಕ್ಕಿಳಿದಿದ್ದಾರೆ.</p><p>ಉಭಯ ತಂಡಗಳು ಕಳೆದ ಪಂದ್ಯದಲ್ಲಿ ಕ್ರಿಕೆಟ್ನ ಉದಯೋನ್ಮುಖ ತಂಡಗಳೊಂದಿಗೆ ಸೋಲು ಕಂಡಿದ್ದವು. ಇಂಗ್ಲೆಂಡ್ ಅಪ್ಗಾನಿಸ್ತಾನದ ವಿರುದ್ಧ ಸೋತರೆ, ದಕ್ಷಿಣ ಆಫ್ರಿಕಾ ನೆದೆರ್ಲೆಂಡ್ಸ್ ವಿರುದ್ಧ ಸೋಲು ಕಂಡಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ಹೆನ್ರಿಚ್ ಕ್ಲಾಸೆನ್ ಅವರ ಸ್ಫೋಟಕ ಶತಕದ ನೆರವಿನಿಂದಾಗಿ ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡದವರು 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 399ರನ್ಗಳ ಬೃಹತ್ ಮೊತ್ತ ಪೇರಿಸಿದರು.</p><p>ಇದು ಏಕದಿನ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ತಂಡದ ವಿರುದ್ಧ ದಾಖಲಾದ ದೊಡ್ಡ ಮೊತ್ತ.</p><p>61 ಎಸೆತಗಳಲ್ಲಿ ಶತಕ ಗಳಿಸಿ ಕ್ಲಾಸೆನ್ ಅವರು, ಒಟ್ಟಾರೆಯಾಗಿ 67 ಎಸೆತಗಳಲ್ಲಿ 109ರನ್ ಗಳಿಸಿದರು. ಅವರ ಇನಿಂಗ್ಸ್ 12 ಫೋರ್ ಹಾಗೂ 4 ಸಿಕ್ಸರ್ಗಳಿಂದ ಕೂಡಿತ್ತು.</p>.<p>ಆರನೇ ವಿಕೆಟ್ಗೆ ಮಾರ್ಕೊ ಜಾನ್ಸೆನ್ ಅವರೊಂದಿಗೆ 76 ಎಸೆತಗಳಲ್ಲಿ 151ರನ್ಗಳ ಜತೆಯಾಟವಾಡಿದರು. ಜನ್ಸೆನ್ 42 ಎಸೆತಗಳಲ್ಲಿ 75 ರನ್ ಬಾರಿಸಿದರು.</p><p>ಟಾಸ್ ಗೆದ್ದ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ತಂಡವನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಪಂದ್ಯದ ಎರಡನೇ ಎಸೆತದಲ್ಲಿಯೇ ಅಪಾಯಕಾರಿ ಕ್ವಿಂಟನ್ ಡಿ ಕಾಕ್ ಅವರನ್ನು ರೀಸ್ ಟಾಪ್ಲಿ ಅವರು ಶೂನ್ಯಕ್ಕೆ ಔಟ್ ಮಾಡಿದರು.</p><p>ಪಂದ್ಯದ ಆರಂಭಿಕ ಓವರ್ಗಳಲ್ಲಿ ಒತ್ತಡದಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡವು, ಟಾಪ್ಲಿ ಅವರು ಗಾಯಗೊಂಡು ಮೈದಾನದಿಂದ ಹೊರನಡೆದ ಬಳಿಕ ಲಯಕ್ಕೆ ಮರಳಿತು.</p><p>ರೀಜಾ ಹೆಂಡ್ರಿಕ್ಸ್ ಹಾಗೂ ರಸ್ಸೀ ವ್ಯಾನ್ ಡರ್ ದುಸಾನ್ ಅವರು ಎರಡನೇ ವಿಕೆಟ್ಗೆ 121ರನ್ಗಳ ಜತೆಯಾಟ ಆಡಿದರು. ಇವರ ಜತೆಯಾಟವನ್ನು ಆದಿಲ್ ರಶೀದ್ ಮುರಿದರು.</p><p>ಕ್ರಮವಾಗಿ 85 ಹಾಗೂ 60 ರನ್ ಗಳಿಸಿದ ಇವರನ್ನು ರಶೀದ್ ಅವರು ಔಟ್ ಮಾಡಿದರು. </p><p>ನಾಯಕ ತೆಂಬಾ ಬವುಮಾ ಅವರು ಅನಾರೋಗ್ಯಕ್ಕೀಡಾಗಿದ್ದರಿಂದ ದಕ್ಷಿಣ ಆಫ್ರಿಕಾ ತಂಡವನ್ನು ಮುನ್ನಡೆಸಿ ಏಡನ್ ಮಾರ್ಕರಮ್ 42 ರನ್ಗಳ ಉಪಯುಕ್ತ ಕಾಣಿಕೆ ನೀಡಿದರು. ಡೇವಿಡ್ ಮಿಲ್ಲರ್ ಆಟ 5ರನ್ಳಿಗೆ ಅಂತ್ಯಗೊಂಡಿತು. ಇವರಿಬ್ಬರನ್ನೂ ಟಾಪ್ಲಿ ಪೆವಿಲಿಯನ್ಗೆ ಕಳುಹಿಸಿದರು.</p><p>ಟಾಪ್ಲಿ 3, ರಶೀದ್ ಹಾಗೂ ಗಸ್ ಅಟ್ಕಿನ್ಸನ್ ತಲಾ ಎರಡು ವಿಕೆಟ್ ಪಡೆದರು.</p><p>ಮೊದಲ ಮೂರು ಪಂದ್ಯಗಳಿಗೆ ಅಲಭ್ಯರಾಗಿದ್ದ ಬೆನ್ ಸ್ಟೋಕ್ಸ್ ಈ ಪಂದ್ಯದಲ್ಲಿ ಕಣಕ್ಕಿಳಿದಿದ್ದಾರೆ.</p><p>ಉಭಯ ತಂಡಗಳು ಕಳೆದ ಪಂದ್ಯದಲ್ಲಿ ಕ್ರಿಕೆಟ್ನ ಉದಯೋನ್ಮುಖ ತಂಡಗಳೊಂದಿಗೆ ಸೋಲು ಕಂಡಿದ್ದವು. ಇಂಗ್ಲೆಂಡ್ ಅಪ್ಗಾನಿಸ್ತಾನದ ವಿರುದ್ಧ ಸೋತರೆ, ದಕ್ಷಿಣ ಆಫ್ರಿಕಾ ನೆದೆರ್ಲೆಂಡ್ಸ್ ವಿರುದ್ಧ ಸೋಲು ಕಂಡಿತ್ತು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
