<p><strong>ಕೇಪ್ಟೌನ್: </strong>ಮೂರು ಪಂದ್ಯಗಳ ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಸಮಬಲ ಸಾಧಿಸಿರುವ ಆತಿಥೇಯ ದಕ್ಷಿಣ ಆಫ್ರಿಕಾ ಮತ್ತು ಪ್ರವಾಸಿ ಭಾರತ ತಂಡಗಳು, ಇಂದು ಮೂರನೇ ಪಂದ್ಯದಲ್ಲಿ ಮುಖಾಮುಖಿಯಾಗಿವೆ.ನ್ಯೂಲ್ಯಾಂಡ್ಸ್ನಲ್ಲಿ ಆರಂಭವಾಗಿರುವ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಆಯ್ದುಕೊಂಡಿದ್ದಾರೆ.</p>.<p>ಸೆಂಚುರಿಯನ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 113ರನ್ ಅಂತರದಿಂದ ಗೆದ್ದು ಬೀಗಿದ್ದ ಭಾರತ, ಜೋಹಾನ್ಸ್ಬರ್ಗ್ನಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ ಮುಗ್ಗರಿಸಿತ್ತು.</p>.<p>ಬೆನ್ನು ನೋವಿನ ಸಮಸ್ಯೆಯಿಂದ ಎರಡನೇ ಪಂದ್ಯದಿಂದ ಹೊರಗುಳಿದಿದ್ದನಾಯಕ ಕೊಹ್ಲಿ, ಈ ಪಂದ್ಯದಲ್ಲಿ ತಂಡ ಮುನ್ನಡೆಸುತ್ತಿದ್ದಾರೆ. ಈ ಪಂದ್ಯದಲ್ಲಿ ಗೆದ್ದರೆ ದಕ್ಷಿಣ ಆಫ್ರಿಕಾದಲ್ಲಿ ಭಾರತಕ್ಕೆ ಮೊದಲ ಸರಣಿ ಜಯ ತಂದುಕೊಟ್ಟ ಶ್ರೇಯಸ್ಸು ಕೊಹ್ಲಿ ಪಡೆಗೆ ಸಿಗಲಿದೆ. ಅಂದಹಾಗೆ ಇದುಕೊಹ್ಲಿ ಆಡುತ್ತಿರುವ99ನೇ ಟೆಸ್ಟ್ ಪಂದ್ಯವಾಗಿದೆ.</p>.<p>ಭಾರತ ಪರ ಕನ್ನಡಿಗ ಮಯಂಕ್ ಅಗರವಾಲ್ (7*) ಮತ್ತು ಕೆ.ಎಲ್.ರಾಹುಲ್ (4*) ಇನಿಂಗ್ಸ್ ಆರಂಭಿಸಿದ್ದು, ಐದು ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 15 ರನ್ ಗಳಿಸಿದ್ದಾರೆ.</p>.<p><strong>ಸಿರಾಜ್</strong><strong> ಔಟ್; ಉಮೇಶ್ ಇನ್</strong><br />ಮಂಡಿರಜ್ಜು ನೋವಿನಿಂದ ಬಳಲುತ್ತಿರುವ ಮೊಹಮ್ಮದ್ ಸಿರಾಜ್ಗೆ ವಿಶ್ರಾಂತಿ ನೀಡಲಾಗಿದ್ದು, ಅವರ ಬದಲು ಅನುಭವಿ ವೇಗಿ ಉಮೇಶ್ ಯಾದವ್ ಆಡುವ ಹನ್ನೊಂದರ ಬಳಗದಲ್ಲಿಅವಕಾಶ ಗಿಟ್ಟಿಸಿದ್ದಾರೆ.</p>.<p><strong>ತಂಡಗಳು<br />ಭಾರತ:</strong>ವಿರಾಟ್ ಕೊಹ್ಲಿ (ನಾಯಕ), ಕೆ.ಎಲ್.ರಾಹುಲ್, ಮಯಂಕ್ ಅಗರವಾಲ್, ಚೇತೇಶ್ವರ್ ಪೂಜಾರ, ರಿಷಭ್ ಪಂತ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ಶಾರ್ದೂಲ್ ಠಾಕೂರ್, ಜಸ್ಪ್ರೀತ್ ಬೂಮ್ರಾ, ಮೊಹಮ್ಮದ್ ಶಮಿ, ಅಜಿಂಕ್ಯ ರಹಾನೆ, ಉಮೇಶ್ ಯಾದವ್.</p>.<p><strong>ದಕ್ಷಿಣ ಆಫ್ರಿಕಾ:</strong>ಡೀನ್ ಎಲ್ಗರ್ (ನಾಯಕ),ಏಡನ್ ಮರ್ಕರಮ್,ಕೀಗನ್ ಪೀಟರ್ಸನ್,ರಸಿ ವ್ಯಾನ್ ಡೆರ್ ಡುಸೆನ್,ತೆಂಬಾ ಬವುಮಾ,ಕಗಿಸೊ ರಬಾಡ,ಕೈಲ್ ವೆರೇನಿ (ವಿಕೆಟ್ ಕೀಪರ್),ಮಾರ್ಕೊ ಜ್ಯಾನ್ಸೆನ್,ಕೇಶವ್ ಮಹಾರಾಜ್,ಲುಂಗಿ ಗಿಡಿ,ಡ್ವಾನೆ ಒಲಿವಿಯರ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೇಪ್ಟೌನ್: </strong>ಮೂರು ಪಂದ್ಯಗಳ ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಸಮಬಲ ಸಾಧಿಸಿರುವ ಆತಿಥೇಯ ದಕ್ಷಿಣ ಆಫ್ರಿಕಾ ಮತ್ತು ಪ್ರವಾಸಿ ಭಾರತ ತಂಡಗಳು, ಇಂದು ಮೂರನೇ ಪಂದ್ಯದಲ್ಲಿ ಮುಖಾಮುಖಿಯಾಗಿವೆ.ನ್ಯೂಲ್ಯಾಂಡ್ಸ್ನಲ್ಲಿ ಆರಂಭವಾಗಿರುವ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಆಯ್ದುಕೊಂಡಿದ್ದಾರೆ.</p>.<p>ಸೆಂಚುರಿಯನ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 113ರನ್ ಅಂತರದಿಂದ ಗೆದ್ದು ಬೀಗಿದ್ದ ಭಾರತ, ಜೋಹಾನ್ಸ್ಬರ್ಗ್ನಲ್ಲಿ ನಡೆದ ಎರಡನೇ ಪಂದ್ಯದಲ್ಲಿ ಮುಗ್ಗರಿಸಿತ್ತು.</p>.<p>ಬೆನ್ನು ನೋವಿನ ಸಮಸ್ಯೆಯಿಂದ ಎರಡನೇ ಪಂದ್ಯದಿಂದ ಹೊರಗುಳಿದಿದ್ದನಾಯಕ ಕೊಹ್ಲಿ, ಈ ಪಂದ್ಯದಲ್ಲಿ ತಂಡ ಮುನ್ನಡೆಸುತ್ತಿದ್ದಾರೆ. ಈ ಪಂದ್ಯದಲ್ಲಿ ಗೆದ್ದರೆ ದಕ್ಷಿಣ ಆಫ್ರಿಕಾದಲ್ಲಿ ಭಾರತಕ್ಕೆ ಮೊದಲ ಸರಣಿ ಜಯ ತಂದುಕೊಟ್ಟ ಶ್ರೇಯಸ್ಸು ಕೊಹ್ಲಿ ಪಡೆಗೆ ಸಿಗಲಿದೆ. ಅಂದಹಾಗೆ ಇದುಕೊಹ್ಲಿ ಆಡುತ್ತಿರುವ99ನೇ ಟೆಸ್ಟ್ ಪಂದ್ಯವಾಗಿದೆ.</p>.<p>ಭಾರತ ಪರ ಕನ್ನಡಿಗ ಮಯಂಕ್ ಅಗರವಾಲ್ (7*) ಮತ್ತು ಕೆ.ಎಲ್.ರಾಹುಲ್ (4*) ಇನಿಂಗ್ಸ್ ಆರಂಭಿಸಿದ್ದು, ಐದು ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 15 ರನ್ ಗಳಿಸಿದ್ದಾರೆ.</p>.<p><strong>ಸಿರಾಜ್</strong><strong> ಔಟ್; ಉಮೇಶ್ ಇನ್</strong><br />ಮಂಡಿರಜ್ಜು ನೋವಿನಿಂದ ಬಳಲುತ್ತಿರುವ ಮೊಹಮ್ಮದ್ ಸಿರಾಜ್ಗೆ ವಿಶ್ರಾಂತಿ ನೀಡಲಾಗಿದ್ದು, ಅವರ ಬದಲು ಅನುಭವಿ ವೇಗಿ ಉಮೇಶ್ ಯಾದವ್ ಆಡುವ ಹನ್ನೊಂದರ ಬಳಗದಲ್ಲಿಅವಕಾಶ ಗಿಟ್ಟಿಸಿದ್ದಾರೆ.</p>.<p><strong>ತಂಡಗಳು<br />ಭಾರತ:</strong>ವಿರಾಟ್ ಕೊಹ್ಲಿ (ನಾಯಕ), ಕೆ.ಎಲ್.ರಾಹುಲ್, ಮಯಂಕ್ ಅಗರವಾಲ್, ಚೇತೇಶ್ವರ್ ಪೂಜಾರ, ರಿಷಭ್ ಪಂತ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ಶಾರ್ದೂಲ್ ಠಾಕೂರ್, ಜಸ್ಪ್ರೀತ್ ಬೂಮ್ರಾ, ಮೊಹಮ್ಮದ್ ಶಮಿ, ಅಜಿಂಕ್ಯ ರಹಾನೆ, ಉಮೇಶ್ ಯಾದವ್.</p>.<p><strong>ದಕ್ಷಿಣ ಆಫ್ರಿಕಾ:</strong>ಡೀನ್ ಎಲ್ಗರ್ (ನಾಯಕ),ಏಡನ್ ಮರ್ಕರಮ್,ಕೀಗನ್ ಪೀಟರ್ಸನ್,ರಸಿ ವ್ಯಾನ್ ಡೆರ್ ಡುಸೆನ್,ತೆಂಬಾ ಬವುಮಾ,ಕಗಿಸೊ ರಬಾಡ,ಕೈಲ್ ವೆರೇನಿ (ವಿಕೆಟ್ ಕೀಪರ್),ಮಾರ್ಕೊ ಜ್ಯಾನ್ಸೆನ್,ಕೇಶವ್ ಮಹಾರಾಜ್,ಲುಂಗಿ ಗಿಡಿ,ಡ್ವಾನೆ ಒಲಿವಿಯರ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
