<p><strong>ಪೋರ್ಟ್ ಆಫ್ ಸ್ಪೇನ್ (ಟ್ರಿನಿಡಾಡ್):</strong> ಟ್ರಿನಿಡಾಡ್ನ ಪೋರ್ಟ್ ಆಫ್ ಸ್ಪೇನ್ನಲ್ಲಿ ಅತಿಥೇಯ ವೆಸ್ಟ್ ಇಂಡೀಸ್ ವಿರುದ್ಧ ನಡೆಯುತ್ತಿರುವ ಎರಡನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಮಾಜಿ ನಾಯಕ ವಿರಾಟ್ ಕೊಹ್ಲಿ ಶತಕದ ನೆರವಿನಿಂದ ಟೀಮ್ ಇಂಡಿಯಾ ಮೊದಲ ಇನಿಂಗ್ಸ್ನಲ್ಲಿ 438 ರನ್ ಗಳಿಸಿದೆ. </p><p>ರವೀಂದ್ರ ಜಡೇಜ 61 ಹಾಗೂ ರವಿಚಂದ್ರನ್ ಅಶ್ವಿನ್ 56 ರನ್ ಗಳಿಸಿದರು. ಇದಕ್ಕೆ ಉತ್ತರವಾಗಿ ವಿಂಡೀಸ್ ಎರಡನೇ ದಿನದ ಅಂತ್ಯಕ್ಕೆ ಒಂದು ವಿಕೆಟ್ ನಷ್ಟಕ್ಕೆ 86 ರನ್ ಗಳಿಸಿದೆ. </p><p>ವಿರಾಟ್ ಕೊಹ್ಲಿ ತಮ್ಮ 500ನೇ ಅಂತರರಾಷ್ಟ್ರೀಯ ಪಂದ್ಯದಲ್ಲಿ 121 ರನ್ ಗಳಿಸಿ ಮೆರುಗು ತುಂಬಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ 29ನೇ ಹಾಗೂ ಒಟ್ಟಾರೆ 76ನೇ ಶತಕ ಸಾಧನೆ ಮಾಡಿದರು. </p><p>ವಿದೇಶಿ ಅಂಗಳದಲ್ಲಿ ವಿರಾಟ್ 2018ರ ನಂತರ ಗಳಿಸಿದ ಮೊದಲ ಶತಕ ಇದಾಗಿದೆ. ಭಾರತ ಮತ್ತು ವಿಂಡೀಸ್ ತಂಡಗಳ ನಡುವಣ 100ನೇ ಟೆಸ್ಟ್ ಕೂಡ ಇದಾಗಿದೆ.</p>.<p>ರನೌಟ್ ಆದ ವಿರಾಟ್ 206 ಎಸೆತಗಳಲ್ಲಿ 121 ರನ್ (11 ಬೌಂಡರಿ) ಗಳಿಸಿದರು. ಅಲ್ಲದೆ ಐದನೇ ವಿಕೆಟ್ಗೆ ಜಡೇಜ ಅವರೊಂದಿಗೆ 159 ರನ್ಗಳ ಜೊತೆಯಾಟದಲ್ಲಿ ಭಾಗಿಯಾದರು. ಜಡೇಜ 152 ಎಸೆತಗಳಲ್ಲಿ 61 ರನ್ (5 ಬೌಂಡರಿ) ಗಳಿಸಿದರು. </p><p>ಕೆಳ ಕ್ರಮಾಂಕದಲ್ಲಿ ಆಕರ್ಷಕ ಅರ್ಧಶತಕ ಗಳಿಸಿದ ಅಶ್ವಿನ್ (56 ರನ್, 78 ಎಸೆತ, 8 ಬೌಂಡರಿ) ಗಮನ ಸೆಳೆದರು. ಇನ್ನುಳಿದಂತೆ ಇಶಾನ್ ಕಿಶನ್ 25 ರನ್ ಗಳಿಸಿದರು. ವಿಂಡೀಸ್ ಪರ ಕೆಮರ್ ರೋಚ್ ಹಾಗೂ ಜೋಮೆಲ್ ವಾರಿಕನ್ ತಲಾ ಮೂರು ವಿಕೆಟ್ ಗಳಿಸಿದರು. </p><p>ವಿಂಡೀಸ್ಗೆ ತೇಜನಾರಾಯಣ ಚಂದ್ರಪಾಲ್ (33) ವಿಕೆಟ್ ನಷ್ಟವಾಗಿದೆ. ಈ ವಿಕೆಟ್ ಜಡೇಜ ಪಾಲಾಯಿತು. ನಾಯಕ ಕ್ರೇಗ್ ಬ್ರಾತ್ವೇಟ್ 37* ಹಾಗೂ ಕಿರ್ಕ್ ಮೆಕೆಂಝಿ 14* ಕ್ರೀಸಿನಲ್ಲಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪೋರ್ಟ್ ಆಫ್ ಸ್ಪೇನ್ (ಟ್ರಿನಿಡಾಡ್):</strong> ಟ್ರಿನಿಡಾಡ್ನ ಪೋರ್ಟ್ ಆಫ್ ಸ್ಪೇನ್ನಲ್ಲಿ ಅತಿಥೇಯ ವೆಸ್ಟ್ ಇಂಡೀಸ್ ವಿರುದ್ಧ ನಡೆಯುತ್ತಿರುವ ಎರಡನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಮಾಜಿ ನಾಯಕ ವಿರಾಟ್ ಕೊಹ್ಲಿ ಶತಕದ ನೆರವಿನಿಂದ ಟೀಮ್ ಇಂಡಿಯಾ ಮೊದಲ ಇನಿಂಗ್ಸ್ನಲ್ಲಿ 438 ರನ್ ಗಳಿಸಿದೆ. </p><p>ರವೀಂದ್ರ ಜಡೇಜ 61 ಹಾಗೂ ರವಿಚಂದ್ರನ್ ಅಶ್ವಿನ್ 56 ರನ್ ಗಳಿಸಿದರು. ಇದಕ್ಕೆ ಉತ್ತರವಾಗಿ ವಿಂಡೀಸ್ ಎರಡನೇ ದಿನದ ಅಂತ್ಯಕ್ಕೆ ಒಂದು ವಿಕೆಟ್ ನಷ್ಟಕ್ಕೆ 86 ರನ್ ಗಳಿಸಿದೆ. </p><p>ವಿರಾಟ್ ಕೊಹ್ಲಿ ತಮ್ಮ 500ನೇ ಅಂತರರಾಷ್ಟ್ರೀಯ ಪಂದ್ಯದಲ್ಲಿ 121 ರನ್ ಗಳಿಸಿ ಮೆರುಗು ತುಂಬಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ 29ನೇ ಹಾಗೂ ಒಟ್ಟಾರೆ 76ನೇ ಶತಕ ಸಾಧನೆ ಮಾಡಿದರು. </p><p>ವಿದೇಶಿ ಅಂಗಳದಲ್ಲಿ ವಿರಾಟ್ 2018ರ ನಂತರ ಗಳಿಸಿದ ಮೊದಲ ಶತಕ ಇದಾಗಿದೆ. ಭಾರತ ಮತ್ತು ವಿಂಡೀಸ್ ತಂಡಗಳ ನಡುವಣ 100ನೇ ಟೆಸ್ಟ್ ಕೂಡ ಇದಾಗಿದೆ.</p>.<p>ರನೌಟ್ ಆದ ವಿರಾಟ್ 206 ಎಸೆತಗಳಲ್ಲಿ 121 ರನ್ (11 ಬೌಂಡರಿ) ಗಳಿಸಿದರು. ಅಲ್ಲದೆ ಐದನೇ ವಿಕೆಟ್ಗೆ ಜಡೇಜ ಅವರೊಂದಿಗೆ 159 ರನ್ಗಳ ಜೊತೆಯಾಟದಲ್ಲಿ ಭಾಗಿಯಾದರು. ಜಡೇಜ 152 ಎಸೆತಗಳಲ್ಲಿ 61 ರನ್ (5 ಬೌಂಡರಿ) ಗಳಿಸಿದರು. </p><p>ಕೆಳ ಕ್ರಮಾಂಕದಲ್ಲಿ ಆಕರ್ಷಕ ಅರ್ಧಶತಕ ಗಳಿಸಿದ ಅಶ್ವಿನ್ (56 ರನ್, 78 ಎಸೆತ, 8 ಬೌಂಡರಿ) ಗಮನ ಸೆಳೆದರು. ಇನ್ನುಳಿದಂತೆ ಇಶಾನ್ ಕಿಶನ್ 25 ರನ್ ಗಳಿಸಿದರು. ವಿಂಡೀಸ್ ಪರ ಕೆಮರ್ ರೋಚ್ ಹಾಗೂ ಜೋಮೆಲ್ ವಾರಿಕನ್ ತಲಾ ಮೂರು ವಿಕೆಟ್ ಗಳಿಸಿದರು. </p><p>ವಿಂಡೀಸ್ಗೆ ತೇಜನಾರಾಯಣ ಚಂದ್ರಪಾಲ್ (33) ವಿಕೆಟ್ ನಷ್ಟವಾಗಿದೆ. ಈ ವಿಕೆಟ್ ಜಡೇಜ ಪಾಲಾಯಿತು. ನಾಯಕ ಕ್ರೇಗ್ ಬ್ರಾತ್ವೇಟ್ 37* ಹಾಗೂ ಕಿರ್ಕ್ ಮೆಕೆಂಝಿ 14* ಕ್ರೀಸಿನಲ್ಲಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
