ಕ್ರಿಕೆಟಿಗರ ಬಾಕಿ ವೇತನ ಸಿಗುವುದೇ?

ನವದೆಹಲಿ: ಭಾರತ ತಂಡದ ಕೆಲವು ಅಗ್ರಶ್ರೇಣಿಯ ಕ್ರಿಕೆಟಿಗರಿಗೆ ಬಾಕಿ ವೇತನ ಸಂದಾಯ ಮಾಡುವ ಕುರಿತು ಶುಕ್ರವಾರ ನಡೆಯುವ ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ವಿಶೇಷ ಸಾಮಾನ್ಯ ಸಭೆಯಲ್ಲಿ ಚರ್ಚೆಯಾಗುವ ನಿರೀಕ್ಷೆ ಇದೆ.

. ಬಿಸಿಸಿಐ ಪದಾಧಿಕಾರಿಗಳು ಮತ್ತು ಆಡಳಿತ ಸಮಿತಿ (ಸಿಒಎ)ಯ ಅಧಿಕಾರಿಗಳು ಸಭೆಯಲ್ಲಿ ಹಾಜರಿರುವರು. ಪ್ರಮುಖ 10 ಅಂಶಗಳ ಕುರಿತು ಚರ್ಚೆ ನಡೆಯಲಿದೆ. ಅದರಲ್ಲಿ ಪ್ರಮುಖವಾಗಿ ಆಟಗಾರರ ವೇತನ ಬಾಕಿ ವಿಷಯ ಇದೆ ಎಂದು ಮಂಡಳಿಯ ಮೂಲಗಳು ತಿಳಿಸಿವೆ.

. ಹೋದ ಮಾರ್ಚ್ 5ರಂದು ಬಿಸಿಸಿಐನ ಕೇಂದ್ರ ಗುತ್ತಿಗೆಗೆ ಸಹಿ ಹಾಕಿದ್ದ ಆಟಗಾರರ ವೇತನ ಬಾಕಿ ಇದೆ. ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ತಂಡವು ಜೂನ್ 23ರಂದು ಐರ್ಲೆಂಡ್ ಮತ್ತು ಇಂಗ್ಲೆಂಡ್ ಪ್ರವಾಸ ಆರಂಭಿಸಲಿದೆ.

. ‘ಆಟಗಾರರಿಗೆ ವೇತನ ಬಾಕಿ ಇರುವುದು ಸರಿಯಲ್ಲ. ಈ ವಿಷಯದಲ್ಲಿ ನನಗೆ ಅಪರಾಧಪ್ರಜ್ಞೆ ಕಾಡುತ್ತಿದೆ.ಸಾಮಾನ್ಯ ಸಭೆಯಲ್ಲಿ ಈ ಕುರಿತು ಏನು ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ ಎಂದು ನೋಡಬೇಕು. ಹಣಕಾಸು ಸಮಿತಿಗೆ ಈ ಕುರಿತು ಪ್ರಸ್ತಾವ ಸಲ್ಲಿಸಲಾಗಿದೆ. ಆಟಗಾರರು ಸಹಿ ಮಾಡಿರುವ ಒಪ್ಪಂದ ಪತ್ರಗಳನ್ನೂ ಸಮಿತಿಗೆ ನೀಡಲಾಗಿದೆ’ ಎಂದು ಸಿಒಎ ಮುಖ್ಯಸ್ಥ ವಿನೋದ್ ರಾಯ್ ಹೇಳಿದ್ದಾರೆ.

. ಪರಿಷ್ಕರಣೆಯಾದ ವೇತನದ ಪ್ರಕಾರ ‘ಎ’ ಪ್ಲಸ್ ಗುಂಪಿನ ಆಟಗಾರರು ₹ 7ಕೋಟಿ, ಎ ಗುಂಪಿನ ಆಟಗಾರರು ₹ 5 ಕೋಟಿ, ಬಿ ಗುಂಪಿನವರು ₹ 3 ಮತ್ತು ಸಿ ಗುಂಪಿನವರು ₹ 1 ಕೋಟಿ ಪಡೆಯುವರು. ಒಟ್ಟು 27 ಆಟಗಾರರು ಈ ಗುಂಪುಗಳಲ್ಲಿದ್ದಾರೆ.

. ‘ವೇತನವಲ್ಲದೇ ಪ್ರತಿ ತಿಂಗಳಿನ ಸಂಭಾವನೆ ಮತ್ತು ದಿನಭತ್ಯೆಗಳನ್ನು ನೀಡುವ ಪ್ರಸ್ತಾವಕ್ಕೆ ಅಮಿತಾಭ್ ಚೌಧರಿ ಅವರು ಅನುಮೋದನೆ ನೀಡಬೇಕಿದೆ. ಅದರಿಂದಾಗಿ ವೇತನ ಬಾಕಿ ಉಳಿದಿದೆ‘ ಎಂದು ಮೂಲಗಳು ತಿಳಿಸಿವೆ.

. ಚರ್ಚೆಯಾಗಲಿರುವ ಪ್ರಮುಖ ವಿಷಯಗಳು * ಗುತ್ತಿಗೆಯಲ್ಲಿರುವ ಆಟಗಾರರ ವೇತನ ಬಾಕಿ ಪಾವತಿ * ಐಸಿಸಿಯಲ್ಲಿ ಸದಸ್ಯರ ಪಾಲ್ಗೊಳ್ಳುವಿಕೆ ಒಪ್ಪಂದ ಕುರಿತು * ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ನಷ್ಟ ಪರಿಹಾರಕ್ಕೆ ಆಗ್ರಹಿಸಿ ಹೂಡಿರುವ ದಾವೆ * 2021ರ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯನ್ನು ವಿಶ್ವ ಟ್ವೆಂಟಿ–20 ಟೂರ್ನಿಯಾಗಿ ಪರಿವರ್ತಿಸಿದ ಕುರಿತು * ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿ (ಎನ್ಸಿಎ) ಯಲ್ಲಿ ನಡೆಯುವ ನೇಮಕಾತಿಗಳ ನಿಯಮಾವಳಿಗಳು.

. ಚೌಧರಿಗೆ ನೋಟಿಸ್ ಭೂತಾನ್ನಲ್ಲಿ ನಡೆದ ಸಮೀಕ್ಷೆ ಕಾರ್ಯಕ್ರಮವೊಂದಕ್ಕೆ ತೆರಳಿದ್ದ ಬಿಸಿಸಿಐ ಹಂಗಾಮಿ ಕಾರ್ಯದರ್ಶಿ ಅಮಿತಾಭ್ ಚೌಧರಿ ಅವರಿಗೆ ಸಿಒಎ ಕಾರಣ ಕೇಳಿ ನೋಟಿಸ್ ನೀಡಿದೆ.

. ‘ಭೂತಾನ್ಗೆ ತೆರಳಿದ್ದ ಔಚಿತ್ಯವೇನು, ಅಲ್ಲಿಗೆ ತೆರಳುವ ಅಗತ್ಯವಿತ್ತೇ ಮತ್ತು ಮೊದಲೇ ಅನುಮತಿ ಏಕೆ ಪಡೆದಿಲ್ಲ’ ಎಂದು ಸಿಒಎ ಅಮಿತಾಭ್ ಅವರನ್ನು ಪ್ರಶ್ನಿಸಿದೆ.

. ‘ಭೂತಾನ್ನಲ್ಲಿ ‘ಮಣ್ಣು ಮತ್ತು ಕ್ರಿಕೆಟ್ ಸಲಕರಣೆಗಳು’ ಎಂಬ ವಿಷಯದ ಕುರಿತು ಸಮೀಕ್ಷೆ ಮತ್ತು ವಿಚಾರ ಸಂಕಿರಣ ಇತ್ತು. ಅದು ತಾಂತ್ರಿಕ ವಿಷಯವಾಗಿದೆ. ಪಿಚ್ ಕ್ಯುರೇಟರ್ ಮತ್ತು ಕ್ರಿಕೆಟ್ ಆಪರೇಷನ್ನ ಎಜಿಎಂ ಅವರು ಇಂತಹದಕ್ಕೆ ಹೋಗುವುದು ಸೂಕ್ತ’ ಎಂದು ಸಿಒಎ ಪತ್ರದಲ್ಲಿ ಉಲ್ಲೇಖಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಕೆಟಿಗರ ಬಾಕಿ ವೇತನ ಸಿಗುವುದೇ?

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ