<p><strong>ವಿಶಾಖಪಟ್ಟಣಂ:</strong>ಡಾ ವೈ ಎಸ್ ರಾಜಶೇಖರ ರೆಡ್ಡಿ ಎಸಿಎ–ವಿಡಿಸಿಎಮೈದಾನದಲ್ಲಿ ದೇವದತ್ತ ಪಡಿಕ್ಕಲ್ ಅವರ ಬ್ಯಾಟಿಂಗ್ ವೈಭವಕ್ಕೆ ಆಂಧ್ರದ ಬೌಲರ್ಗಳು ಕಕ್ಕಾಬಿಕ್ಕಿಯಾದರು.</p>.<p>ಪಡಿಕ್ಕಲ್ (ಅಜೇಯ 122, 60 ಎಸೆತ, 7 ಸಿಕ್ಸರ್, 13 ಬೌಂಡರಿ) ಅವರ ಸ್ಫೋಟಕ ಶತಕದ ನೆರವಿನಿಂದ ಕರ್ನಾಟಕ ತಂಡ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯ ಸೋಮವಾರದ ಪಂದ್ಯದಲ್ಲಿ 5 ವಿಕೆಟ್ಗಳ ಗೆಲುವು ಸಾಧಿಸಿತು.</p>.<p>ಮೊದಲು ಬ್ಯಾಟಿಂಗ್ ಮಾಡಿದ್ದ ಆಂಧ್ರ ತಂಡ ಅಶ್ವಿನ್ ಕಟ್ಟಿಂಗೇರಿ (61; 44 ಎ, 2 ಸಿ, 7 ಬೌಂ) ಮತ್ತು ಪ್ರಶಾಂತ್ ಬೆಂಗಿಮೆನ್ (79; 51 ಎ, 6 ಸಿ, 3 ಬೌಂ) ಅವರ ಅಮೋಘ ಜೊತೆಯಾಟದ ನೆರವಿನಿಂದ 5ಕ್ಕೆ 184 ರನ್ ಗಳಿಸಿತ್ತು. ಕರ್ನಾಟಕ 18.5 ಓವರ್ಗಳಲ್ಲಿ ಗುರಿ ಮುಟ್ಟಿತು. ತಂಡ 7 ರನ್ ಗಳಿಸುವಷ್ಟರಲ್ಲಿ ಆರಂಭಿಕ ಬ್ಯಾಟ್ಸ್ಮನ್ಗಳಿಬ್ಬರನ್ನೂ ಕಳೆದುಕೊಂಡಿತು. ರೋಹನ್ ಕದಂ ಮತ್ತು ಲವನೀತ್ ಸಿಸೋಡಿಯಾ ತಲಾ 1 ರನ್ ಗಳಿಸಿ ವಾಪಸಾಗಿದ್ದರು.</p>.<p>ಈ ಸಂದರ್ಭದಲ್ಲಿ ಕೃಷ್ಣಪ್ಪ ಗೌತಮ್ (35; 17 ಎ, 1 ಸಿ, 5 ಬೌಂ) ಮತ್ತು ದೇವದತ್ತ ಪಡಿಕ್ಕಲ್ 63 ರನ್ಗಳ ಜೊತೆಯಾಟವಾಡಿ ತಂಡಕ್ಕೆ ಆಸರೆಯಾದರು. ನಾಯಕ ಕರುಣ್ ನಾಯರ್ ಮತ್ತು ಶ್ರೇಯಸ್ ಗೋಪಾಲ್ ಕ್ರಮವಾಗಿ 3 ಮತ್ತು 11 ರನ್ ಗಳಿಸಿ ಔಟಾದಾಗ ತಂಡದ ಭರವಸೆಯ ಮೇಲೆ ಕಾರ್ಮೋಡ ಕವಿಯಿತು. ಆದರೆ ಪಡಿಕ್ಕಲ್ ಕ್ರೀಸ್ನಲ್ಲಿ ತಳವೂರಿ ಏಕಾಂಗಿ ಹೋರಾಟ ನಡೆಸಿದರು. ಪ್ರವೀಣ್ ದುಬೆ ಜೊತೆ 6ನೇ ವಿಕೆಟ್ಗೆ 33 ರನ್ಗಳನ್ನು ಸೇರಿಸಿ ತಂಡವನ್ನು ಸುಲಭವಾಗಿ ದಡ ಮುಟ್ಟಿಸಿದರು.</p>.<p><strong>ಶತಕದ ಜೊತೆಯಾಟ</strong>: ಆಂಧ್ರ ತಂಡ ಕೂಡ ಆರಂಭದಲ್ಲಿ ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿತ್ತು. 5 ರನ್ ಗಳಿಸುಷ್ಟರಲ್ಲಿ ತಂಡದ ಕ್ರಾಂತಿ ಕುಮಾರ್ ವಾಪಸಾಗಿದ್ದರು. ಆದರೆ ಅಶ್ವಿನ್ ಮತ್ತು ಪ್ರಶಾಂತ್ 139 ರನ್ಗಳ ಜೊತೆಯಾಟವಾಡಿದರು. ಈ ಜೊತೆಯಾಟವನ್ನು ಶ್ರೇಯಸ್ ಗೋಪಾಲ್ ಮುರಿದರು. ನಂತರ ತಂಡ ಹೆಚ್ಚು ಪ್ರತಿರೋಧ ತೋರಲಿಲ್ಲ. ಕೌಶಿಕ್ ವಾಸುಕಿ 3 ವಿಕೆಟ್ ಗಳಿಸಿದರು.</p>.<p><strong><span style="color:#c0392b;">ಸಂಕ್ಷಿಪ್ತ ಸ್ಕೋರು</span><br />ಆಂಧ್ರ ಪ್ರದೇಶ:20 ಓವರ್ಗಳಲ್ಲಿ 5ಕ್ಕೆ 184</strong><br />ಅಶ್ವಿನ್ ಕಟ್ಟಿಂಗೇರಿ 61, ಪ್ರಶಾಂತ್ ಬೆಂಗಿಮೆನ್ 79, ಕೌಶಿಕ್ ವಾಸುಕಿ 35ಕ್ಕೆ3<br /><strong>ಕರ್ನಾಟಕ: 18.5 ಓವರ್ಗಳಲ್ಲಿ 5ಕ್ಕೆ 189</strong><br />ಕೃಷ್ಣಪ್ಪ ಗೌತಮ್ 35, ದೇವದತ್ತ ಪಡಿಕ್ಕಲ್ ಅಜೇಯ 122, ಸ್ಟೀಫನ್ ಚಿಪುರುಪಳ್ಳಿ 39ಕ್ಕೆ2<br /><strong>ಫಲಿತಾಂಶ:</strong> ಕರ್ನಾಟಕಕ್ಕೆ 5 ವಿಕೆಟ್ಗಳ ಜಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಶಾಖಪಟ್ಟಣಂ:</strong>ಡಾ ವೈ ಎಸ್ ರಾಜಶೇಖರ ರೆಡ್ಡಿ ಎಸಿಎ–ವಿಡಿಸಿಎಮೈದಾನದಲ್ಲಿ ದೇವದತ್ತ ಪಡಿಕ್ಕಲ್ ಅವರ ಬ್ಯಾಟಿಂಗ್ ವೈಭವಕ್ಕೆ ಆಂಧ್ರದ ಬೌಲರ್ಗಳು ಕಕ್ಕಾಬಿಕ್ಕಿಯಾದರು.</p>.<p>ಪಡಿಕ್ಕಲ್ (ಅಜೇಯ 122, 60 ಎಸೆತ, 7 ಸಿಕ್ಸರ್, 13 ಬೌಂಡರಿ) ಅವರ ಸ್ಫೋಟಕ ಶತಕದ ನೆರವಿನಿಂದ ಕರ್ನಾಟಕ ತಂಡ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯ ಸೋಮವಾರದ ಪಂದ್ಯದಲ್ಲಿ 5 ವಿಕೆಟ್ಗಳ ಗೆಲುವು ಸಾಧಿಸಿತು.</p>.<p>ಮೊದಲು ಬ್ಯಾಟಿಂಗ್ ಮಾಡಿದ್ದ ಆಂಧ್ರ ತಂಡ ಅಶ್ವಿನ್ ಕಟ್ಟಿಂಗೇರಿ (61; 44 ಎ, 2 ಸಿ, 7 ಬೌಂ) ಮತ್ತು ಪ್ರಶಾಂತ್ ಬೆಂಗಿಮೆನ್ (79; 51 ಎ, 6 ಸಿ, 3 ಬೌಂ) ಅವರ ಅಮೋಘ ಜೊತೆಯಾಟದ ನೆರವಿನಿಂದ 5ಕ್ಕೆ 184 ರನ್ ಗಳಿಸಿತ್ತು. ಕರ್ನಾಟಕ 18.5 ಓವರ್ಗಳಲ್ಲಿ ಗುರಿ ಮುಟ್ಟಿತು. ತಂಡ 7 ರನ್ ಗಳಿಸುವಷ್ಟರಲ್ಲಿ ಆರಂಭಿಕ ಬ್ಯಾಟ್ಸ್ಮನ್ಗಳಿಬ್ಬರನ್ನೂ ಕಳೆದುಕೊಂಡಿತು. ರೋಹನ್ ಕದಂ ಮತ್ತು ಲವನೀತ್ ಸಿಸೋಡಿಯಾ ತಲಾ 1 ರನ್ ಗಳಿಸಿ ವಾಪಸಾಗಿದ್ದರು.</p>.<p>ಈ ಸಂದರ್ಭದಲ್ಲಿ ಕೃಷ್ಣಪ್ಪ ಗೌತಮ್ (35; 17 ಎ, 1 ಸಿ, 5 ಬೌಂ) ಮತ್ತು ದೇವದತ್ತ ಪಡಿಕ್ಕಲ್ 63 ರನ್ಗಳ ಜೊತೆಯಾಟವಾಡಿ ತಂಡಕ್ಕೆ ಆಸರೆಯಾದರು. ನಾಯಕ ಕರುಣ್ ನಾಯರ್ ಮತ್ತು ಶ್ರೇಯಸ್ ಗೋಪಾಲ್ ಕ್ರಮವಾಗಿ 3 ಮತ್ತು 11 ರನ್ ಗಳಿಸಿ ಔಟಾದಾಗ ತಂಡದ ಭರವಸೆಯ ಮೇಲೆ ಕಾರ್ಮೋಡ ಕವಿಯಿತು. ಆದರೆ ಪಡಿಕ್ಕಲ್ ಕ್ರೀಸ್ನಲ್ಲಿ ತಳವೂರಿ ಏಕಾಂಗಿ ಹೋರಾಟ ನಡೆಸಿದರು. ಪ್ರವೀಣ್ ದುಬೆ ಜೊತೆ 6ನೇ ವಿಕೆಟ್ಗೆ 33 ರನ್ಗಳನ್ನು ಸೇರಿಸಿ ತಂಡವನ್ನು ಸುಲಭವಾಗಿ ದಡ ಮುಟ್ಟಿಸಿದರು.</p>.<p><strong>ಶತಕದ ಜೊತೆಯಾಟ</strong>: ಆಂಧ್ರ ತಂಡ ಕೂಡ ಆರಂಭದಲ್ಲಿ ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿತ್ತು. 5 ರನ್ ಗಳಿಸುಷ್ಟರಲ್ಲಿ ತಂಡದ ಕ್ರಾಂತಿ ಕುಮಾರ್ ವಾಪಸಾಗಿದ್ದರು. ಆದರೆ ಅಶ್ವಿನ್ ಮತ್ತು ಪ್ರಶಾಂತ್ 139 ರನ್ಗಳ ಜೊತೆಯಾಟವಾಡಿದರು. ಈ ಜೊತೆಯಾಟವನ್ನು ಶ್ರೇಯಸ್ ಗೋಪಾಲ್ ಮುರಿದರು. ನಂತರ ತಂಡ ಹೆಚ್ಚು ಪ್ರತಿರೋಧ ತೋರಲಿಲ್ಲ. ಕೌಶಿಕ್ ವಾಸುಕಿ 3 ವಿಕೆಟ್ ಗಳಿಸಿದರು.</p>.<p><strong><span style="color:#c0392b;">ಸಂಕ್ಷಿಪ್ತ ಸ್ಕೋರು</span><br />ಆಂಧ್ರ ಪ್ರದೇಶ:20 ಓವರ್ಗಳಲ್ಲಿ 5ಕ್ಕೆ 184</strong><br />ಅಶ್ವಿನ್ ಕಟ್ಟಿಂಗೇರಿ 61, ಪ್ರಶಾಂತ್ ಬೆಂಗಿಮೆನ್ 79, ಕೌಶಿಕ್ ವಾಸುಕಿ 35ಕ್ಕೆ3<br /><strong>ಕರ್ನಾಟಕ: 18.5 ಓವರ್ಗಳಲ್ಲಿ 5ಕ್ಕೆ 189</strong><br />ಕೃಷ್ಣಪ್ಪ ಗೌತಮ್ 35, ದೇವದತ್ತ ಪಡಿಕ್ಕಲ್ ಅಜೇಯ 122, ಸ್ಟೀಫನ್ ಚಿಪುರುಪಳ್ಳಿ 39ಕ್ಕೆ2<br /><strong>ಫಲಿತಾಂಶ:</strong> ಕರ್ನಾಟಕಕ್ಕೆ 5 ವಿಕೆಟ್ಗಳ ಜಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
