ಜಾತಿವಾದದ ಆರೋಪ ನಿರಾಧಾರ: ಜಾಫರ್

ಮುಂಬೈ (ಪಿಟಿಐ): ತಾವು ಜಾತಿವಾದಿಯಲ್ಲ. ಜಾತಿಯ ಆಧಾರದಲ್ಲಿ ತಂಡಕ್ಕೆ ಆಟಗಾರರನ್ನು ಆಯ್ಕೆ ಮಾಡಿಲ್ಲ.ತಮ್ಮ ಮೇಲೆ ಉತ್ತರಾಖಂಡ ಕ್ರಿಕೆಟ್ ಸಂಸ್ಥೆ ಪದಾಧಿಕಾರಿಗಳು ಮಾಡಿರುವ ಆರೋಪವು ಸತ್ಯಕ್ಕೆ ದೂರವಾಗಿದೆ ಎಂದು ಮಾಜಿ ಕ್ರಿಕೆಟಿಗ ವಾಸೀಂ ಜಾಫರ್ ಹೇಳಿದ್ದಾರೆ.

. ಅವರು ಈಚೆಗಷ್ಟೇ ಉತ್ತರಾಖಂಡ ತಂಡದ ಕೋಚ್ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟಿದ್ದರು.

. ’ತಂಡದ ಆಯ್ಕೆಯಲ್ಲಿ ಸಂಸ್ಥೆಯ ಪದಾಧಿಕಾರಿಗಳ ಹಸ್ತಕ್ಷೇಪ ಮತ್ತು ಪಕ್ಷಪಾತದಿಂದ ಬೇಸತ್ತು ರಾಜೀನಾಮೆ ನೀಡಿದ್ದೇನೆ‘ ಎಂದು ಜಾಫರ್ ಪ್ರಕಟಿಸಿದ್ದರು.

. ಅದರ ನಂತರ ಉತ್ತರಾಖಂಡ ಕ್ರಿಕೆಟ್ ಸಂಸ್ಥೆ ಕಾರ್ಯದರ್ಶಿ ಮಹಿಮ್ ವರ್ಮಾ, ’ಜಾಫರ್ ಅವರು ಮುಸ್ಲಿಂ ಆಟಗಾರರ ಪರವಾಗಿದ್ದರು‘ ಎಂದು ನೀಡಿದ್ದ ಹೇಳಿಕೆಯು ಮಾಧ್ಯಮದಲ್ಲಿ ವರದಿಯಾಗಿತ್ತು.

. ಈ ಕುರಿತು ತೀವ್ರ ಬೇಸರ ವ್ಯಕ್ತಪಡಿಸಿರುವ ಜಾಫರ್, ’ಈ ಆರೋಪವು ವಿಷಾದನೀಯ. ಇಕ್ಬಾಲ್ ಅಬ್ದುಲ್ಲಾ ಎಂಬ ಆಟಗಾರನನ್ನು ನಾನು ತಂಡದ ನಾಯಕನನ್ನಾಗಿ ನೇಮಕ ಮಾಡಲು ಪ್ರಯತ್ನಿಸಿದ್ದೆ ಎಂದು ಆರೋಪಿಸಿರುವುದೂ ತಪ್ಪು‘ ಎಂದಿದ್ದಾರೆ.

. ’ಡೆಹ್ರಾಡೂನ್ನಲ್ಲಿ ತರಬೇತಿ ಶಿಬಿರ ನಡೆದಾಗ ಬಯೋಬಬಲ್ ಜಾರಿಯಲ್ಲಿತ್ತು. ಆಗ ಎರಡು –ಮೂರು ಶುಕ್ರವಾರಗಳಂದು ನಮಾಜ್ ಸಲ್ಲಿಸಲು ಬಂದಿದ್ದ ಮೌಲ್ವಿ , ಮೌಲಾನಾಗಳನ್ನು ನಾನು ಆಹ್ವಾನಿಸಿದ್ದೆ ಎಂದೂ ಆರೋಪಿಸಿದ್ದಾರೆ. ಅದೂ ಸುಳ್ಳು. ನಾನು ಯಾರನ್ನೂ ಕರೆಸಿರಲಿಲ್ಲ. ಇಕ್ಬಾಲ್ ಅಬ್ದುಲ್ಲಾ (ಆಟಗಾರ) ಅವರು ನನ್ನ ಮತ್ತು ಮ್ಯಾನೇಜರ್ ಅನುಮತಿ ಪಡೆದು ಶುಕ್ರವಾರದ ಪ್ರಾರ್ಥನೆ ವ್ಯವಸ್ಥೆ ಮಾಡಿದ್ದರು‘ ಎಂದು ಜಾಫರ್ ಸ್ಪಷ್ಟಪಡಿಸಿದ್ದಾರೆ.

. ’ನಾವು ಪ್ರತಿನಿತ್ಯದ ಪ್ರಾರ್ಥನೆಯನ್ನು ನಮ್ಮ ಕೋಣೆಗಳಲ್ಲಿಯೇ ಮಾಡುತ್ತೇವೆ. ಆದರೆ ಶುಕ್ರವಾರದಂದು ಸಾಮೂಹಿಕವಾಗಿ ಪ್ರಾರ್ಥನೆ ಸಲ್ಲಿಸಲು ಇಕ್ಬಾಲ್ ಈ ರೀತಿ ಮಾಡಿದ್ದರು. ನೆಟ್ಸ್ ಅಭ್ಯಾಸದ ನಂತರ ಐದು ನಿಮಿಷಗಳವರೆಗೆ ಡ್ರೆಸ್ಸಿಂಗ್ ರೂಮ್ನಲ್ಲಿ ಪ್ರಾರ್ಥನೆ ಸಲ್ಲಿಸಿದ್ದೆವು. ನಾನು ಜಾತಿವಾದಿಯಾಗಿದ್ದರೆ, ನೆಟ್ಸ್ ಅಭ್ಯಾಸದ ಸಮಯವನ್ನು ಬದಲಿಸಿ ಪ್ರಾರ್ಥನೆಗೆ ಅವಕಾಶ ಕಲ್ಪಿಸುತ್ತಿದ್ದೆ. ಆದರೆ ನನ್ನ ಮನೋಭಾವ ಅಂತದ್ದಲ್ಲ‘ ಎಂದು ಮುಂಬೈನ ಜಾಫರ್ ವಿವರಿಸಿದರು.

. ’ಇದೇನೂ ಅಂತಹ ದೊಡ್ಡ ವಿಷಯವೇನಲ್ಲ. ಅದನ್ನೂ ಈ ರೀತಿ ಯಾಕೆ ಬಿಂಬಿಸುತ್ತಿದ್ದಾರೆ ಗೊತ್ತಿಲ್ಲ‘ ಎಂದೂ ಹೇಳಿದ್ದಾರೆ.

. 2020ರ ಜೂನ್ನಲ್ಲಿ ಜಾಫರ್ ಅವರು ಉತ್ತರಾಖಂಡ ಕೋಚ್ ಆಗಿ ನೇಮಕವಾಗಿದ್ದವು. ಒಂದು ವರ್ಷದ ಒಪ್ಪಂದ ಮಾಡಿಕೊಂಡಿದ್ದರು. ಈಚೆಗೆ ನಡೆದಿದ್ದ ಸೈಯದ್ ಮುಷ್ತಾಕ್ ಅಲಿ ಟಿ20 ಟೂರ್ನಿಯಲ್ಲಿ ತಂಡವು ಐದು ಪಂದ್ಯಗಳನ್ನು ಆಡಿ ಒಂದರಲ್ಲಿ ಗೆದ್ದಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಾತಿವಾದದ ಆರೋಪ ನಿರಾಧಾರ: ಜಾಫರ್

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!