ಮ್ಯಾಂಚೆಸ್ಟರ್‌ನಲ್ಲಿ ಮಿನುಗಿದ ಭಾರತ: ಕಪಿಲ್ ಪಡೆಗೆ ‘ವಿಶ್ವಕಪ್’ ಸಂಭ್ರಮ

ಜೂನ್ 9–10ರಂದು ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದಲ್ಲಿ ನಿಗದಿಯಾಗಿದ್ದ ಪಂದ್ಯವದು. ‘ಬಿ’ ಗುಂಪಿನ ಆ ಹಣಾಹಣಿಯಲ್ಲಿ ಭಾರತ ತಂಡಕ್ಕೆ ಎರಡು ಬಾರಿಯ ವಿಶ್ವ ಚಾಂಪಿಯನ್ ವೆಸ್ಟ್ ಇಂಡೀಸ್ ಸವಾಲು ಎದುರಾಗಿತ್ತು.ಕಪಿಲ್ ದೇವ್ ಪಡೆ, ವಿಂಡೀಸ್ಗೆ ಸುಲಭ ತುತ್ತಾಗಲಿದೆ ಎಂದು ಪಂದ್ಯಕ್ಕೂ ಮುನ್ನವೇ ಕ್ರಿಕೆಟ್ ಪಂಡಿತರು ಷರಾ ಬರೆದುಬಿಟ್ಟಿದ್ದರು.

. ಆದರೆ ಅಂದು ನಡೆದಿದ್ದೇ ಬೇರೆ. ಕ್ಲೈವ್ ಲಾಯ್ಡ್ ಬಳಗಕ್ಕೆ ಆಘಾತ ನೀಡಿದ್ದ ಭಾರತ, ಹೊಸ ಮನ್ವಂತರಕ್ಕೆ ಮುನ್ನುಡಿ ಬರೆದಿತ್ತು.

. ಆ ಜಯ, ಕಪಿಲ್ ಪಡೆಯ ಚೊಚ್ಚಲ ಪ್ರಶಸ್ತಿಯ ಕನಸಿಗೆ ಬಲ ತುಂಬಿತ್ತು. ಭಾರತದ ಎದುರು ವಿಂಡೀಸ್ ಸೋತ ಮೊದಲ ಪಂದ್ಯ ಅದಾಗಿತ್ತು.

. * ಟಾಸ್ ಗೆದ್ದ ವೆಸ್ಟ್ ಇಂಡೀಸ್ ಫೀಲ್ಡಿಂಗ್ ಮಾಡಲು ನಿರ್ಧರಿಸಿತು. * ಭಾರತ ತಂಡ 46ರನ್ಗಳಿಗೆ ಎರಡು ವಿಕೆಟ್ ಕಳೆದುಕೊಂಡು ಸಂಕಷ್ಟ ಎದುರಿಸಿತ್ತು. * ಆರಂಭಿಕ ಆಟಗಾರ ಸುನಿಲ್ ಗಾವಸ್ಕರ್ 44 ಎಸೆತಗಳನ್ನು ಎದುರಿಸಿ 19ರನ್ ಗಳಿಸಿದರು. * ಕೃಷ್ಣಮಾಚಾರಿ ಶ್ರೀಕಾಂತ್ 17 ಎಸೆತಗಳಲ್ಲಿ 14ರನ್ ಬಾರಿಸಿದರು. * ಮೊಹಿಂದರ್ ಅಮರನಾಥ್ ಮತ್ತು ಸಂದೀಪ್ ಪಾಟೀಲ್ ಮೂರನೇ ವಿಕೆಟ್ಗೆ 30ರನ್ ಸೇರಿಸಿದರು. * ಅಮರನಾಥ್ 21ರನ್ ಗಳಿಸಿದರು. ಅವರು ಎದುರಿಸಿದ್ದು 60 ಎಸೆತ. ಪಾಟೀಲ್ 52 ಎಸೆತಗಳಲ್ಲಿ 36ರನ್ ಕಲೆಹಾಕಿದರು. * ಈ ಜೋಡಿ ಔಟಾದ ಬೆನ್ನಲ್ಲೇ, ನಾಯಕ ಕಪಿಲ್ (6) ಕೂಡಾ ಪೆವಿಲಿಯನ್ ಸೇರಿಕೊಂಡರು. ಆಗ ತಂಡದ ಮೊತ್ತ 5 ವಿಕೆಟ್ಗೆ 141. * ಒಂದೆಡೆ ವಿಕೆಟ್ ಉರುಳುತ್ತಲೇ ಇತ್ತು. ಹೀಗಿದ್ದರೂ ಯಶ್ಪಾಲ್ ಶರ್ಮಾ ಮಾತ್ರ ಎದೆಗುಂದಲಿಲ್ಲ. * ಮೈಕಲ್ ಹೋಲ್ಡಿಂಗ್, ಮಾಲ್ಕಮ್ ಮಾರ್ಷಲ್, ಆ್ಯಂಡಿ ರಾಬರ್ಟ್ಸ್ ಅವರ ದಾಳಿಯನ್ನು ಸಮರ್ಥವಾಗಿ ಎದುರಿಸಿದ ಯಶ್ಪಾಲ್ ಅರ್ಧಶತಕ ಬಾರಿಸಿದರು. * 133 ನಿಮಿಷ ಕ್ರೀಸ್ನಲ್ಲಿದ್ದ ಯಶ್ಪಾಲ್ 89 ರನ್ ಕಲೆಹಾಕಿದರು. 120 ಎಸೆತ ಎದುರಿಸಿದ ಅವರು 9 ಬೌಂಡರಿ ಸಿಡಿಸಿದರು. * ಕನ್ನಡಿಗ ರೋಜರ್ ಬಿನ್ನಿ 27ರನ್ ಗಳಿಸಿ ಯಶ್ಪಾಲ್ಗೆ ಉತ್ತಮ ಬೆಂಬಲ ನೀಡಿದರು. ಮದನ್ ಲಾಲ್ (ಔಟಾಗದೆ 21; 22ಎ) ಕೂಡಾ ಮಿಂಚಿದರು. * 60 ಓವರ್ಗಳನ್ನೂ ಆಡಿದ ಭಾರತ, 8 ವಿಕೆಟ್ಗೆ 262ರನ್ ಕಲೆಹಾಕಿತು. * ವಿಂಡೀಸ್ ಪರ ಹೋಲ್ಡಿಂಗ್, ಮಾರ್ಷಲ್ ಮತ್ತು ಲ್ಯಾರಿ ಗೋಮೆಸ್ ತಲಾ ಎರಡು ವಿಕೆಟ್ ಪಡೆದರು. * ಗುರಿ ಬೆನ್ನಟ್ಟಿದ ಕೆರಿಬಿಯನ್ ನಾಡಿನ ತಂಡಕ್ಕೆ ಗಾರ್ಡಾನ್ ಗ್ರೀನಿಚ್ (24; 55ಎ) ಮತ್ತು ಡೆಸ್ಮಂಡ್ ಹೇನ್ಸ್ (24; 29ಎ) ಉತ್ತಮ ಆರಂಭ ನೀಡಿದರು. * ಈ ವಿಶ್ವಕಪ್ನಲ್ಲಿ ಭಾರತದ ಪರ ಮೊದಲ ವಿಕೆಟ್ ಪಡೆದ ಹಿರಿಮೆ ಬಲ್ವಿಂದರ್ ಸಂಧು ಪಾಲಾಯಿತು. ಅವರು ಗ್ರೀನಿಚ್ ವಿಕೆಟ್ ಉರುಳಿಸಿದರು. * ರೋಜರ್ ಬಿನ್ನಿ ಅವರು ಸರ್ ವಿವಿಯನ್ ರಿಚರ್ಡ್ಸ್ (17) ನಾಯಕ ಲಾಯ್ಡ್ (25) ಮತ್ತು ವಿಕೆಟ್ ಕೀಪರ್ ಜೆಫ್ ದುಜೊನ್ (7) ವಿಕೆಟ್ಗಳನ್ನು ಪಡೆದು ಗೆಲುವು ಭಾರತದ ಪರ ವಾಲುವಂತೆ ಮಾಡಿದರು. * 12 ಓವರ್ ಹಾಕಿದ ರೋಜರ್, 48ರನ್ ನೀಡಿದರು. ಒಂದು ಓವರ್ ಮೇಡನ್ ಮಾಡಿದರು. * ರವಿ ಶಾಸ್ತ್ರಿ ಅವರು ಎದುರಾಳಿ ತಂಡದ ಕೆಳ ಕ್ರಮಾಂಕದ ಬ್ಯಾಟಿಂಗ್ ಶಕ್ತಿಗೆ ಪೆಟ್ಟು ನೀಡಿದರು. * 5.1 ಓವರ್ ಬೌಲ್ ಮಾಡಿದ ಶಾಸ್ತ್ರಿ, ಮಾರ್ಷಲ್ (2), ಹೋಲ್ಡಿಂಗ್ (8) ಮತ್ತು ಜೋಯೆಲ್ ಗಾರ್ನರ್ (37; 29ಎ, 1ಸಿ) ಅವರ ವಿಕೆಟ್ ಪಡೆದು ಗಮನ ಸೆಳೆದರು. * ಶಾಸ್ತ್ರಿ ಬೌಲ್ ಮಾಡಿದ 55ನೇ ಓವರ್ನ ಮೊದಲ ಎಸೆತದಲ್ಲಿ ಗಾರ್ನರ್ ಅವರು ಸೈಯದ್ ಕಿರ್ಮಾನಿಗೆ ಕ್ಯಾಚ್ ನೀಡುತ್ತಿದ್ದಂತೆ ಭಾರತದ ಪಾಳಯದಲ್ಲಿ ಸಂಭ್ರಮ ಮೇಳೈಸಿತು. * ವಿಂಡೀಸ್, 228ರನ್ಗಳಿಗೆ ಆಲೌಟ್ ಆಯಿತು. ಭಾರತ 34ರನ್ಗಳಿಂದ ಗೆದ್ದಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮ್ಯಾಂಚೆಸ್ಟರ್‌ನಲ್ಲಿ ಮಿನುಗಿದ ಭಾರತ: ಕಪಿಲ್ ಪಡೆಗೆ ‘ವಿಶ್ವಕಪ್’ ಸಂಭ್ರಮ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!