<p>ಕೋಲ್ಕತ್ತ: ದಿಮಿತ್ರಿ ಪೆಟ್ರಾಟೊಸ್ ತಂದಿತ್ತ ಗೋಲಿನ ನೆರವಿನಿಂದ ಈಸ್ಟ್ ಬೆಂಗಾಲ್ ತಂಡವನ್ನು 1–0 ಯಿಂದ ಮಣಿಸಿದ ಮೋಹನ್ ಬಾಗನ್ ತಂಡದವರು ಡುರಾಂಡ್ ಕಪ್ ಫುಟ್ಬಾಲ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು.</p>.<p>17ನೇ ಬಾರಿ ಡುರಾಂಡ್ ಕಪ್ ಗೆದ್ದುಕೊಂಡಿರುವ ಬಾಗನ್, 23 ವರ್ಷಗಳ ಪ್ರಶಸ್ತಿ ಬರ ನೀಗಿಸಿದೆ. ಕೋಲ್ಕತ್ತದ ತಂಡ 2000 ದಲ್ಲಿ ಕೊನೆಯದಾಗಿ ಚಾಂಪಿಯನ್ ಆಗಿತ್ತು. ಆ ವರ್ಷ ನಡೆದಿದ್ದ ಟೂರ್ನಿಯ ಫೈನಲ್ನಲ್ಲಿ ಮಹೀಂದ್ರಾ ಯುನೈಟೆಡ್ ತಂಡವನ್ನು ಸೋಲಿಸಿತ್ತು.</p>.<p>ಕೋಲ್ಕತ್ತದ ಎರಡು ‘ಬದ್ಧ ಎದುರಾಳಿ’ಗಳ ನಡುವಣ ಫೈನಲ್ ಪಂದ್ಯ ರೋಚಕತೆಯಿಂದ ಕೂಡಿತ್ತು. 62ನೇ ನಿಮಿಷದಲ್ಲಿ ಬಾಗನ್ ತಂಡದ ಅನಿರುದ್ಧ್ ಥಾಪಾ ಕೆಂಪು ಕಾರ್ಡ್ ಪಡೆದು ಹೊರನಡೆದರು. ಆ ಬಳಿಕ 10 ಮಂದಿಯೊಂದಿಗೆ ಆಡಿದರೂ, ಗೆಲುವು ಸಾಧಿಸುವಲ್ಲಿ ಯಶ ಕಂಡಿತು.</p>.<p>ಪೆಟ್ರಾಟೊಸ್ ಅವರು 71ನೇ ನಿಮಿಷದಲ್ಲಿ ಗೆಲುವಿನ ಗೋಲು ತಂದಿತ್ತರು. ಆಸ್ಟ್ರೇಲಿಯಾದ ಈ ಆಟಗಾರ ಆಕರ್ಷಕ ಡ್ರಿಬ್ಲಿಂಗ್ ಮೂಲಕ ಎದುರಾಳಿ ಡಿಫೆಂಡರ್ಗಳನ್ನು ತಪ್ಪಿಸಿ, ಸುಮಾರು 25 ಯಾರ್ಡ್ ದೂರದಿಂದ ಬಿರುಸಿನಿಂದ ಒದ್ದ ಚೆಂಡು ಗುರಿ ಸೇರಿತು. ಚೆಂಡಿನ ವೇಗ ಎಷ್ಟಿತ್ತೆಂದರೆ ಈಸ್ಟ್ ಬೆಂಗಾಲ್ ತಂಡದ ಗೋಲ್ಕೀಪರ್ ಪ್ರಭ್ಸುಖನ್ ಸಿಂಗ್ ಗಿಲ್ ಅವರು ಪ್ರೇಕ್ಷಕನಂತೆ ನಿಂತುಬಿಟ್ಟರು.</p>.<p>ಈಸ್ಟ್ ಬೆಂಗಾಲ್ ತಂಡದ ಕೋಚ್ ಕಾರ್ಲೆಸ್ ಕ್ವದ್ರತ್ ಅವರು ಕೊನೆಯ 10 ನಿಮಿಷಗಳಲ್ಲಿ ಆಕ್ರಮಣದ ವೇಗ ಹೆಚ್ಚಿಸಲು ಮೂರು ಬದಲಾವಣೆಗಳನ್ನು ಮಾಡಿ ನಿಶು ಕುಮಾರ್, ವಿ.ಪಿ.ಸುಹೈರ್ ಮತ್ತು ಎಡ್ವಿನ್ ವನ್ಸ್ಪಾಲ್ ಅವರನ್ನು ಕಣಕ್ಕಿಳಿಸಿದರು.</p>.<p>ಇದಕ್ಕೆ ಪ್ರತಿತಂತ್ರ ರೂಪಿಸಿದ ಬಾಗನ್ ಕೋಚ್ ಯುವಾನ್ ಫೆರಾಂಡೊ, ರಕ್ಷಣಾ ವಿಭಾಗದಲ್ಲಿ ಎಂಟು ಆಟಗಾರರನ್ನು ನಿಯೋಜಿಸಿದರು. ಸೆಂಟರ್ ಬ್ಯಾಕ್ ಆಟಗಾರ ಅನ್ವರ್ ಅಲಿ ರಕ್ಷಣಾ ವಿಭಾಗದಲ್ಲಿ ಮಿಂಚಿದರು.</p>.<p>ಬಾಗನ್ ತಂಡ 2004ರ ಟೂರ್ನಿಯ ಫೈನಲ್ನಲ್ಲಿ ಎದುರಾಗಿದ್ದ ಸೋಲಿಗೆ ಮುಯ್ಯಿ ತೀರಿಸಿಕೊಂಡಿತು. ಆ ವರ್ಷ ಈಸ್ಟ್ ಬೆಂಗಾಲ್ ಎದುರು 1–2 ಗೊಲುಗಳಿಂದ ಸೋತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೋಲ್ಕತ್ತ: ದಿಮಿತ್ರಿ ಪೆಟ್ರಾಟೊಸ್ ತಂದಿತ್ತ ಗೋಲಿನ ನೆರವಿನಿಂದ ಈಸ್ಟ್ ಬೆಂಗಾಲ್ ತಂಡವನ್ನು 1–0 ಯಿಂದ ಮಣಿಸಿದ ಮೋಹನ್ ಬಾಗನ್ ತಂಡದವರು ಡುರಾಂಡ್ ಕಪ್ ಫುಟ್ಬಾಲ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು.</p>.<p>17ನೇ ಬಾರಿ ಡುರಾಂಡ್ ಕಪ್ ಗೆದ್ದುಕೊಂಡಿರುವ ಬಾಗನ್, 23 ವರ್ಷಗಳ ಪ್ರಶಸ್ತಿ ಬರ ನೀಗಿಸಿದೆ. ಕೋಲ್ಕತ್ತದ ತಂಡ 2000 ದಲ್ಲಿ ಕೊನೆಯದಾಗಿ ಚಾಂಪಿಯನ್ ಆಗಿತ್ತು. ಆ ವರ್ಷ ನಡೆದಿದ್ದ ಟೂರ್ನಿಯ ಫೈನಲ್ನಲ್ಲಿ ಮಹೀಂದ್ರಾ ಯುನೈಟೆಡ್ ತಂಡವನ್ನು ಸೋಲಿಸಿತ್ತು.</p>.<p>ಕೋಲ್ಕತ್ತದ ಎರಡು ‘ಬದ್ಧ ಎದುರಾಳಿ’ಗಳ ನಡುವಣ ಫೈನಲ್ ಪಂದ್ಯ ರೋಚಕತೆಯಿಂದ ಕೂಡಿತ್ತು. 62ನೇ ನಿಮಿಷದಲ್ಲಿ ಬಾಗನ್ ತಂಡದ ಅನಿರುದ್ಧ್ ಥಾಪಾ ಕೆಂಪು ಕಾರ್ಡ್ ಪಡೆದು ಹೊರನಡೆದರು. ಆ ಬಳಿಕ 10 ಮಂದಿಯೊಂದಿಗೆ ಆಡಿದರೂ, ಗೆಲುವು ಸಾಧಿಸುವಲ್ಲಿ ಯಶ ಕಂಡಿತು.</p>.<p>ಪೆಟ್ರಾಟೊಸ್ ಅವರು 71ನೇ ನಿಮಿಷದಲ್ಲಿ ಗೆಲುವಿನ ಗೋಲು ತಂದಿತ್ತರು. ಆಸ್ಟ್ರೇಲಿಯಾದ ಈ ಆಟಗಾರ ಆಕರ್ಷಕ ಡ್ರಿಬ್ಲಿಂಗ್ ಮೂಲಕ ಎದುರಾಳಿ ಡಿಫೆಂಡರ್ಗಳನ್ನು ತಪ್ಪಿಸಿ, ಸುಮಾರು 25 ಯಾರ್ಡ್ ದೂರದಿಂದ ಬಿರುಸಿನಿಂದ ಒದ್ದ ಚೆಂಡು ಗುರಿ ಸೇರಿತು. ಚೆಂಡಿನ ವೇಗ ಎಷ್ಟಿತ್ತೆಂದರೆ ಈಸ್ಟ್ ಬೆಂಗಾಲ್ ತಂಡದ ಗೋಲ್ಕೀಪರ್ ಪ್ರಭ್ಸುಖನ್ ಸಿಂಗ್ ಗಿಲ್ ಅವರು ಪ್ರೇಕ್ಷಕನಂತೆ ನಿಂತುಬಿಟ್ಟರು.</p>.<p>ಈಸ್ಟ್ ಬೆಂಗಾಲ್ ತಂಡದ ಕೋಚ್ ಕಾರ್ಲೆಸ್ ಕ್ವದ್ರತ್ ಅವರು ಕೊನೆಯ 10 ನಿಮಿಷಗಳಲ್ಲಿ ಆಕ್ರಮಣದ ವೇಗ ಹೆಚ್ಚಿಸಲು ಮೂರು ಬದಲಾವಣೆಗಳನ್ನು ಮಾಡಿ ನಿಶು ಕುಮಾರ್, ವಿ.ಪಿ.ಸುಹೈರ್ ಮತ್ತು ಎಡ್ವಿನ್ ವನ್ಸ್ಪಾಲ್ ಅವರನ್ನು ಕಣಕ್ಕಿಳಿಸಿದರು.</p>.<p>ಇದಕ್ಕೆ ಪ್ರತಿತಂತ್ರ ರೂಪಿಸಿದ ಬಾಗನ್ ಕೋಚ್ ಯುವಾನ್ ಫೆರಾಂಡೊ, ರಕ್ಷಣಾ ವಿಭಾಗದಲ್ಲಿ ಎಂಟು ಆಟಗಾರರನ್ನು ನಿಯೋಜಿಸಿದರು. ಸೆಂಟರ್ ಬ್ಯಾಕ್ ಆಟಗಾರ ಅನ್ವರ್ ಅಲಿ ರಕ್ಷಣಾ ವಿಭಾಗದಲ್ಲಿ ಮಿಂಚಿದರು.</p>.<p>ಬಾಗನ್ ತಂಡ 2004ರ ಟೂರ್ನಿಯ ಫೈನಲ್ನಲ್ಲಿ ಎದುರಾಗಿದ್ದ ಸೋಲಿಗೆ ಮುಯ್ಯಿ ತೀರಿಸಿಕೊಂಡಿತು. ಆ ವರ್ಷ ಈಸ್ಟ್ ಬೆಂಗಾಲ್ ಎದುರು 1–2 ಗೊಲುಗಳಿಂದ ಸೋತಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
