<p><strong>ಬೆಂಗಳೂರು:</strong> ಕೋವಿಡ್–19 ಸೋಂಕಿನಿಂದ ಚೇತರಿಸಿಕೊಳ್ಳುವ ಸಂದರ್ಭದಲ್ಲಿ ಅನುಭವಿಸಿದ ಪ್ರತ್ಯೇಕವಾಸವು ತನ್ನನ್ನು ಮಾನಸಿಕವಾಗಿ ಗಟ್ಟಿಯಾಗಿಸಿದೆ ಎಂದು ಭಾರತ ಹಾಕಿ ತಂಡದ ನಾಯಕ ಮನ್ಪ್ರೀತ್ ಸಿಂಗ್ ಹೇಳಿದ್ದಾರೆ. ಅಂಗಣದಲ್ಲಿ ಎದುರಾಗುವ ಯಾವುದೇ ಸವಾಲು ಎದುರಿಸಲು ಈಗ ನಾನು ಸಜ್ಜಾಗಿದ್ದೇನೆ ಎಂದೂ ಅವರು ನುಡಿದರು.</p>.<p>ರಾಷ್ಟ್ರೀಯ ಶಿಬಿರದಲ್ಲಿ ಪಾಲ್ಗೊಳ್ಳಲು ಹೋದ ತಿಂಗಳು ಬೆಂಗಳೂರಿಗೆ ಆಗಮಿಸಿದ್ದ ಮನ್ಪ್ರೀತ್ ಸೇರಿದಂತೆ ಆರು ಮಂದಿ ಹಾಕಿ ಆಟಗಾರರಲ್ಲಿ ಕೋವಿಡ್ ಸೋಂಕು ದೃಢಪಟ್ಟಿತ್ತು.</p>.<p>ಕೋವಿಡ್ನಿಂದ ಚೇತರಿಸಿಕೊಂಡ ಬಳಿಕಮನ್ಪ್ರೀತ್ ಅವರು ಪ್ರತ್ಯೇಕವಾಗಿ ಅಭ್ಯಾಸ ನಡೆಸಿದ್ದರು.ಅವರಲ್ಲಿ ಉತ್ಸಾಹ ತುಂಬಲು ಭಾರತ ಕ್ರೀಡಾ ಪ್ರಾಧಿಕಾರ ಹಾಗೂ ಹಾಕಿ ಇಂಡಿಯಾ ಸತತವಾಗಿ ಪ್ರಯತ್ನ ನಡೆಸಿದ್ದರೂ,ತಂಡದೊಂದಿಗೆ ಇಲ್ಲದಿರುವುದಕ್ಕೆ ಬೇಸರವಾಗುತ್ತಿದೆ ಎಂದು ಮನ್ಪ್ರೀತ್ ಹೇಳಿದ್ದಾರೆ.</p>.<p>‘ನಮಗೆ ಒದಗಿಸುತ್ತಿರುವ ಆಹಾರ, ಚಿಕಿತ್ಸೆ ಮತ್ತು ಆಕ್ಸಿಜನ್ ಮಟ್ಟದ ಕುರಿತು ಹಾಕಿ ಇಂಡಿಯಾ ಅಧಿಕಾರಿಗಳು ಪ್ರತಿದಿನ ವಿಚಾರಿಸಿಕೊಳ್ಳುತ್ತಾರೆ. ಕೋಚಿಂಗ್ ಸಿಬ್ಬಂದಿ ಹಾಗೂ ಸಹ ಆಟಗಾರರೂ ವಿಡಿಯೊ ಕರೆಗಳ ಮೂಲಕ ಚರ್ಚಿಸುತ್ತಾರೆ. ಈ ಸಂಗತಿಗಳು ನಮ್ಮನ್ನು ಸದಾ ಲವಲವಿಕೆಯಿಂದಿರಲು ನೆರವಾಗಿವೆ. ಇತರ ಆಟಗಾರರು ಅಂಗಣದಲ್ಲಿದ್ದರೆ ನಾವು ಇನ್ನೂ ಪ್ರತ್ಯೇಕವಾಸದಲ್ಲಿದ್ದೇವೆ ಎಂಬ ಅಲ್ಪ ವೇದನೆ ಇದ್ದರೂ ಮಾನಸಿಕ ಸ್ಥೈರ್ಯ ಹೆಚ್ಚಿಸಿಕೊಳ್ಳಲು ಇದು ಅನುಕೂಲವಾಗಿದೆ‘ ಎಂದು ಮನ್ಪ್ರೀತ್ ನುಡಿದರು.</p>.<p>ಆಸ್ಪತ್ರೆಯಲ್ಲಿ ಕಳೆದ ದಿನಗಳನ್ನು ಮನ್ಪ್ರೀತ್ ಇದೇ ವೇಳೆ ಮೆಲುಕು ಹಾಕಿದರು.</p>.<p>‘ನಾನು ಮತ್ತು ಸೋಂಕಿತಇತರ ಆಟಗಾರರಿಗೆ ಆ ದಿನಗಳು ಮಾನಸಿಕವಾಗಿ ಸವಾಲಾಗಿದ್ದವು. ಒಂದು ತಿಂಗಳ ಕಾಲ ನಾನು ಯಾವುದೇ ಚಟುವಟಿಕೆಯಲ್ಲಿ ಭಾಗವಹಿಸಲಿಲ್ಲ. ಅಥ್ಲೀಟ್ಗಳ ವೃತ್ತಿಜೀವನದಲ್ಲಿ ಇಂತಹ ದಿನಗಳು ಅತಿ ದೀರ್ಘ ಎನಿಸುತ್ತವೆ‘ ಎಂದು ಮನ್ಪ್ರೀತ್ ಹೇಳಿದರು.</p>.<p>ಆಸ್ಪತ್ರೆಯಲ್ಲಿ ನಮಗೆ ಉತ್ತಮ ಸೌಲಭ್ಯಗಳು ದೊರೆತವು. ಮುಖ್ಯ ಕೋಚ್ ಗ್ರಹಾಂ ರೇಡ್ ಅವರು ಯಾವಾಗಲೂ ಆತ್ಮವಿಶ್ವಾಸ ತುಂಬುತ್ತಿದ್ದರು. ತಂಡದ ವೈಜ್ಞಾನಿಕ ಸಲಹೆಗಾರ ರಾಬಿನ್ ಅರ್ಕೆಲ್ ಅವರ ಸಹಕಾರವೂ ಸ್ಮರಣಾರ್ಹ‘ ಎಂದು ಮನ್ಪ್ರೀತ್ ನುಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಕೋವಿಡ್–19 ಸೋಂಕಿನಿಂದ ಚೇತರಿಸಿಕೊಳ್ಳುವ ಸಂದರ್ಭದಲ್ಲಿ ಅನುಭವಿಸಿದ ಪ್ರತ್ಯೇಕವಾಸವು ತನ್ನನ್ನು ಮಾನಸಿಕವಾಗಿ ಗಟ್ಟಿಯಾಗಿಸಿದೆ ಎಂದು ಭಾರತ ಹಾಕಿ ತಂಡದ ನಾಯಕ ಮನ್ಪ್ರೀತ್ ಸಿಂಗ್ ಹೇಳಿದ್ದಾರೆ. ಅಂಗಣದಲ್ಲಿ ಎದುರಾಗುವ ಯಾವುದೇ ಸವಾಲು ಎದುರಿಸಲು ಈಗ ನಾನು ಸಜ್ಜಾಗಿದ್ದೇನೆ ಎಂದೂ ಅವರು ನುಡಿದರು.</p>.<p>ರಾಷ್ಟ್ರೀಯ ಶಿಬಿರದಲ್ಲಿ ಪಾಲ್ಗೊಳ್ಳಲು ಹೋದ ತಿಂಗಳು ಬೆಂಗಳೂರಿಗೆ ಆಗಮಿಸಿದ್ದ ಮನ್ಪ್ರೀತ್ ಸೇರಿದಂತೆ ಆರು ಮಂದಿ ಹಾಕಿ ಆಟಗಾರರಲ್ಲಿ ಕೋವಿಡ್ ಸೋಂಕು ದೃಢಪಟ್ಟಿತ್ತು.</p>.<p>ಕೋವಿಡ್ನಿಂದ ಚೇತರಿಸಿಕೊಂಡ ಬಳಿಕಮನ್ಪ್ರೀತ್ ಅವರು ಪ್ರತ್ಯೇಕವಾಗಿ ಅಭ್ಯಾಸ ನಡೆಸಿದ್ದರು.ಅವರಲ್ಲಿ ಉತ್ಸಾಹ ತುಂಬಲು ಭಾರತ ಕ್ರೀಡಾ ಪ್ರಾಧಿಕಾರ ಹಾಗೂ ಹಾಕಿ ಇಂಡಿಯಾ ಸತತವಾಗಿ ಪ್ರಯತ್ನ ನಡೆಸಿದ್ದರೂ,ತಂಡದೊಂದಿಗೆ ಇಲ್ಲದಿರುವುದಕ್ಕೆ ಬೇಸರವಾಗುತ್ತಿದೆ ಎಂದು ಮನ್ಪ್ರೀತ್ ಹೇಳಿದ್ದಾರೆ.</p>.<p>‘ನಮಗೆ ಒದಗಿಸುತ್ತಿರುವ ಆಹಾರ, ಚಿಕಿತ್ಸೆ ಮತ್ತು ಆಕ್ಸಿಜನ್ ಮಟ್ಟದ ಕುರಿತು ಹಾಕಿ ಇಂಡಿಯಾ ಅಧಿಕಾರಿಗಳು ಪ್ರತಿದಿನ ವಿಚಾರಿಸಿಕೊಳ್ಳುತ್ತಾರೆ. ಕೋಚಿಂಗ್ ಸಿಬ್ಬಂದಿ ಹಾಗೂ ಸಹ ಆಟಗಾರರೂ ವಿಡಿಯೊ ಕರೆಗಳ ಮೂಲಕ ಚರ್ಚಿಸುತ್ತಾರೆ. ಈ ಸಂಗತಿಗಳು ನಮ್ಮನ್ನು ಸದಾ ಲವಲವಿಕೆಯಿಂದಿರಲು ನೆರವಾಗಿವೆ. ಇತರ ಆಟಗಾರರು ಅಂಗಣದಲ್ಲಿದ್ದರೆ ನಾವು ಇನ್ನೂ ಪ್ರತ್ಯೇಕವಾಸದಲ್ಲಿದ್ದೇವೆ ಎಂಬ ಅಲ್ಪ ವೇದನೆ ಇದ್ದರೂ ಮಾನಸಿಕ ಸ್ಥೈರ್ಯ ಹೆಚ್ಚಿಸಿಕೊಳ್ಳಲು ಇದು ಅನುಕೂಲವಾಗಿದೆ‘ ಎಂದು ಮನ್ಪ್ರೀತ್ ನುಡಿದರು.</p>.<p>ಆಸ್ಪತ್ರೆಯಲ್ಲಿ ಕಳೆದ ದಿನಗಳನ್ನು ಮನ್ಪ್ರೀತ್ ಇದೇ ವೇಳೆ ಮೆಲುಕು ಹಾಕಿದರು.</p>.<p>‘ನಾನು ಮತ್ತು ಸೋಂಕಿತಇತರ ಆಟಗಾರರಿಗೆ ಆ ದಿನಗಳು ಮಾನಸಿಕವಾಗಿ ಸವಾಲಾಗಿದ್ದವು. ಒಂದು ತಿಂಗಳ ಕಾಲ ನಾನು ಯಾವುದೇ ಚಟುವಟಿಕೆಯಲ್ಲಿ ಭಾಗವಹಿಸಲಿಲ್ಲ. ಅಥ್ಲೀಟ್ಗಳ ವೃತ್ತಿಜೀವನದಲ್ಲಿ ಇಂತಹ ದಿನಗಳು ಅತಿ ದೀರ್ಘ ಎನಿಸುತ್ತವೆ‘ ಎಂದು ಮನ್ಪ್ರೀತ್ ಹೇಳಿದರು.</p>.<p>ಆಸ್ಪತ್ರೆಯಲ್ಲಿ ನಮಗೆ ಉತ್ತಮ ಸೌಲಭ್ಯಗಳು ದೊರೆತವು. ಮುಖ್ಯ ಕೋಚ್ ಗ್ರಹಾಂ ರೇಡ್ ಅವರು ಯಾವಾಗಲೂ ಆತ್ಮವಿಶ್ವಾಸ ತುಂಬುತ್ತಿದ್ದರು. ತಂಡದ ವೈಜ್ಞಾನಿಕ ಸಲಹೆಗಾರ ರಾಬಿನ್ ಅರ್ಕೆಲ್ ಅವರ ಸಹಕಾರವೂ ಸ್ಮರಣಾರ್ಹ‘ ಎಂದು ಮನ್ಪ್ರೀತ್ ನುಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
