ಫಾರ್ಮುಲಾ ಒನ್‌| ವರ್ಸ್ಟ್ಯಾಪನ್‌ಗೆ ಸತತ 2ನೇ ವಿಶ್ವ ಕಿರೀಟ

ಸುಜುಕಾ, ಜಪಾನ್ (ಎಪಿ/ ಎಎಫ್ಪಿ): ರೆಡ್ ಬುಲ್ ತಂಡದ ಮ್ಯಾಕ್ಸ್ ವರ್ಸ್ಟ್ಯಾಪನ್ ಅವರು ಭಾನುವಾರ ನಡೆದ ಜಪಾನ್ ಗ್ರ್ಯಾನ್ ಪಿ ರೇಸ್ನಲ್ಲಿ ಗೆಲುವು ಪಡೆದರಲ್ಲದೆ, ಸತತ ಎರಡನೇ ಬಾರಿ ಫಾರ್ಮುಲಾ ಒನ್ ವಿಶ್ವಚಾಂಪಿಯನ್ಷಿಪ್ ಗೆದ್ದುಕೊಂಡರು.

. ಜಪಾನ್ ಗ್ರ್ಯಾನ್ ಪ್ರಿನಲ್ಲಿ ಗೆಲ್ಲುವ ಮೂಲಕ ವರ್ಸ್ಟ್ಯಾಪನ್ ಚಾಲಕರ ಪಟ್ಟಿಯಲ್ಲಿ ತಮ್ಮ ಪಾಯಿಂಟ್ಗಳನ್ನು 366ಕ್ಕೆ ಹೆಚ್ಚಿಸಿಕೊಂಡರು. ಎರಡನೇ ಸ್ಥಾನದಲ್ಲಿರುವ ಸ್ಪರ್ಧಿಗಿಂತ 113 ಪಾಯಿಂಟ್ ಮುನ್ನಡೆ ಸಾಧಿಸಿದರಲ್ಲದೆ, ಋತುವಿನಲ್ಲಿ ಇನ್ನೂ ನಾಲ್ಕು ರೇಸ್ಗಳು ಬಾಕಿಯುಳಿದಿರುವಂತೆಯೇ ಚಾಂಪಿಯನ್ ಆದರು.

. ನಾಲ್ಕು ರೇಸ್ಗಳು ಬಾಕಿಯಿದ್ದಾಗಲೇ ಚಾಂಪಿಯನ್ಪಟ್ಟ ಗೆದ್ದುಕೊಂಡ ಮೂರನೇ ಚಾಲಕ ಎಂಬ ಗೌರವ ಅವರಿಗೆ ಒಲಿದಿದೆ. ಮೈಕಲ್ ಶುಮಾಕರ್ ಮತ್ತು ಸೆಬಾಸ್ಟಿಯನ್ ವೆಟೆಲ್ ಮಾತ್ರ ಈ ಸಾಧನೆ ಮಾಡಿದ್ದರು.

. ಫೆರಾರಿ ತಂಡದ ಚಾರ್ಲ್ಸ್ ಲೆಕ್ಲೆರ್ಕ್ ಮತ್ತು ರೆಡ್ಬುಲ್ ತಂಡದವರೇ ಆದ ಸೆರ್ಜಿಯೊ ಪೆರೆಜ್ಗೆ ಮಾತ್ರ ಪಾಯಿಂಟ್ ಪಟ್ಟಿಯಲ್ಲಿ ವರ್ಸ್ಟ್ಯಾಪನ್ ಅವರನ್ನು ಹಿಂದಿಕ್ಕುವ ಅವಕಾಶ ಇತ್ತು. ಆದರೆ ಜಪಾನ್ ಗ್ರ್ಯಾನ್ ಪ್ರಿ ಗೆಲ್ಲಲು ವಿಫಲವಾದ್ದರಿಂದ ಇಬ್ಬರೂ ಆ ಅವಕಾಶ ಕಳೆದುಕೊಂಡರು.

. ಪೆರೆಜ್ 253 ಪಾಯಿಂಟ್ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದರೆ, 252 ಪಾಯಿಂಟ್ ಹೊಂದಿರುವ ಲೆಕ್ಲೆರ್ಕ್ ಬಳಿಕದ ಸ್ಥಾನದಲ್ಲಿದ್ದಾರೆ. ಇವರಲ್ಲಿ ಒಬ್ಬರು ಇನ್ನುಳಿದ ನಾಲ್ಕು ರೇಸ್ಗಳನ್ನು ಗೆದ್ದರೂ ವರ್ಸ್ಟ್ಯಾಪನ್ ಅವರನ್ನು ಹಿಂದಿಕ್ಕಲು ಆಗದು.

. ನೆದರ್ಲೆಂಡ್ಸ್ನ ವರ್ಸ್ಟ್ಯಾಪನ್ ಈ ಋತುವಿನಲ್ಲಿ ಇದುವರೆಗೆ ನಡೆದಿರುವ 18 ರೇಸ್ಗಳಲ್ಲಿ 12ನ್ನು ಗೆದ್ದುಕೊಂಡಿದ್ದಾರೆ.

. ಮಳೆಯಲ್ಲೇ ನಡೆದ ರೇಸ್: ಜಪಾನ್ ಗ್ರ್ಯಾನ್ ಪ್ರಿ ರೇಸ್ ಮಳೆಯಲ್ಲೇ ನಡೆಯಿತು. 53 ಲ್ಯಾಪ್ಗಳ ರೇಸ್ಅನ್ನು ಪ್ರತಿಕೂಲ ಹವಾಮಾನದ ಕಾರಣ 28 ಲ್ಯಾಪ್ಗಳಿಗೆ ಮೊಟಕುಗೊಳಿಸಲಾಯಿತು.

. ಮಳೆಯಿಂದಾಗಿ ಎಲ್ಲ ಚಾಲಕರೂ ಕಾರಿನ ಮೇಲೆ ನಿಯಂತ್ರಣ ಸಾಧಿಸಲು ಹರಸಾಹಸಪಟ್ಟರು. ಫೆರಾರಿ ತಂಡದ ಕಾರ್ಲೊಸ್ ಸೇಂಜ್ ಅವರ ಕಾರು ನಿಯಂತ್ರಣ ಕಳೆದುಕೊಂಡು ಟ್ರ್ಯಾಕ್ನಿಂದ ಹೊರಗೆ ಹೋಯಿತು. ಎರಡು ಲ್ಯಾಪ್ಗಳ ಬಳಿಕ ರೇಸ್ಅನ್ನು ನಿಲ್ಲಿಸಲಾಯಿತು. ಒಂದೂವರೆ ಗಂಟೆಯ ಬಳಿಕ ಮತ್ತೆ ಆರಂಭಿಸಲಾಯಿತು.

. ‘ಪೋಲ್ ಪೊಸಿಷನ್’ನಿಂದ ಸ್ಪರ್ಧೆ ಆರಂಭಿಸಿದ್ದ ವರ್ಸ್ಟ್ಯಾಪನ್ಗೆ ಆರಂಭದಲ್ಲಿ ಲೆಕ್ಲೆರ್ಕ್ ತುರುಸಿನ ಪೈಪೋಟಿ ನೀಡಿದರು. ಅದ್ಭುತ ಚಾಲನಾ ಕೌಶಲ ಮೆರೆದ ರೆಡ್ಬುಲ್ ಚಾಲಕ ಮೊದಲ ಸ್ಥಾನ ಪಡೆದರು.

. ಲೆಕ್ಲೆರ್ಕ್ ಎರಡನೆಯವರಾಗಿ ಸ್ಪರ್ಧೆ ಕೊನೆಗೊಳಿಸಿದ್ದರು. ಆದರೆ ಅವರಿಗೆ ಐದು ಸೆಕೆಂಡುಗಳ ಪೆನಾಲ್ಟಿ ವಿಧಿಸಿದ್ದರಿಂದ ಮೂರನೇ ಸ್ಥಾನ ಪಡೆದರು. ಸೆರ್ಜಿಯೊ ಪೆರೆಜ್ಗೆ ಎರಡನೇ ಸ್ಥಾನ ಲಭಿಸಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫಾರ್ಮುಲಾ ಒನ್‌| ವರ್ಸ್ಟ್ಯಾಪನ್‌ಗೆ ಸತತ 2ನೇ ವಿಶ್ವ ಕಿರೀಟ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಸಂಪುಟ ಸರ್ಜರಿ!