ಭಾರತ – ಇಟಲಿ ‘ಅರ್ಹತಾ’ ಹಣಾಹಣಿ

ಕೋಲ್ಕತ್ತ: ಉತ್ತಮ ಲಯದಲ್ಲಿರುವ ಪ್ರಜ್ಞೇಶ್ ಗುಣೇಶ್ವರನ್ ಮೇಲೆ ಭರವಸೆ ಇರಿಸಿರುವ ಭಾರತ ತಂಡ ಡೇವಿಸ್ ಕಪ್ ವಿಶ್ವ ಗುಂಪಿನ ಅರ್ಹತೆಗಾಗಿ ಶುಕ್ರವಾರ ಮತ್ತು ಶನಿವಾರ ಇಟಲಿ ವಿರುದ್ಧ ಸೆಣಸಲಿದೆ. ತವರಿನ ಅಂಗಣದಲ್ಲಿ ಗೆದ್ದು ‘ಫೈನಲ್’ ಹಂತಕ್ಕೆ ತಲುಪುವ ವಿಶ್ವಾಸದಲ್ಲಿದೆ ಮಹೇಶ್ ಭೂಪತಿ ಬಳಗ.

. ಗುರುವಾರ, ಹಣಾಹಣಿಯ ಡ್ರಾ ಪ್ರಕಟಿಸಲಾಗಿದ್ದು ಪ್ರವಾಸಿ ತಂಡ ದಿಟ್ಟ ನಡೆಯ ಮೂಲಕ ಭಾರತ ಪಾಳಯದಲ್ಲಿ ಅಚ್ಚರಿ ಮೂಡಿಸಿದೆ. ಆ ದೇಶದ ಅಗ್ರ ಕ್ರಮಾಂಕದ ಆಟಗಾರ ಮಾರ್ಕೊ ಚೆಂಚಿನಾಟೊ ಅವರನ್ನು ಸಿಂಗಲ್ಸ್ ವಿಭಾಗದಿಂದ ಕೈಬಿಡಲಾಗಿದೆ. ಸಿಂಗಲ್ಸ್ನಲ್ಲಿ ಆ್ಯಂಡ್ರೀಸ್ ಸೆಪ್ಪಿ ಮತ್ತು ಮ್ಯಾಟಿ ಬೆರೆಟಿನಿ ಸಿಂಗಲ್ಸ್ ವಿಭಾಗದಲ್ಲಿ ಕಣಕ್ಕೆ ಇಳಿಯಲಿದ್ದಾರೆ. 22 ವರ್ಷದ ಬೆರೆಟಿನಿ ಅವರಿಗೆ ಇದು ಚೊಚ್ಚಲ ಡೇವಿಸ್ ಕಪ್ ಟೂರ್ನಿ.

. ಚೆಂಚಿನಾಟೊ, ಡಬಲ್ಸ್ ವಿಭಾಗದಲ್ಲಿ ಕಣಕ್ಕೆ ಇಳಿಯಲಿದ್ದಾರೆ. 2015ರ ಆಸ್ಟ್ರೇಲಿಯಾ ಓಪನ್ ಟೂರ್ನಿಯ ಡಬಲ್ಸ್ ವಿಭಾಗದ ಪ್ರಶಸ್ತಿ ವಿಜೇತ ಸಿಮೋನ್ ಬೊಲೇಲಿ, ಚೆಂಚಿನಾಟೊಗೆ ಇಲ್ಲಿ ಜೊತೆಯಾಗಲಿದ್ದಾರೆ. ಉತ್ತಮ ಫಾರ್ಮ್ನಲ್ಲಿರುವ ರೋಹನ್ ಬೋಪಣ್ಣ ಮತ್ತು ದಿವಿಜ್ ಶರಣ್ ವಿರುದ್ಧ ಇಟಲಿ ಜೋಡಿ ಸೆಣಸಲಿದೆ.

. ರಾಮ್ಕುಮಾರ್ ರಾಮನಾಥನ್, ವಿಶ್ವದ 37ನೇ ಕ್ರಮಾಂಕದ ಆಟಗಾರ ಸೆಪ್ಪಿ ಅವರನ್ನು ಎದುರಿಸುವುದರೊಂದಿಗೆ ಹಣಾಹಣಿ ಆರಂಭಗೊಳ್ಳಲಿದೆ. ಅರ್ಹತಾ ಸುತ್ತಿನಲ್ಲಿ ಗೆದ್ದ 12 ತಂಡಗಳು ಮ್ಯಾಡ್ರಿಡ್ನಲ್ಲಿ ನವೆಂಬರ್ನಲ್ಲಿ ನಡೆಯಲಿರುವ ಅಂತಿಮ ಸುತ್ತಿನಲ್ಲಿ ಆಡಲಿವೆ.

. ಭಾರತಕ್ಕೆ ಮೇಲುಗೈ: ಭಾರತ ಮತ್ತು ಇಟಲಿ ಈ ವರೆಗೆ ಒಟ್ಟು ಐದು ಬಾರಿ ಮುಖಾಮುಖಿಯಾಗಿವೆ. ಈ ಪೈಕಿ ಐದು ಹಣಾಹಣಿಯಲ್ಲಿ ಭಾರತ ಗೆದ್ದಿದೆ. ಸೌತ್ ಕ್ಲಬ್, ಭಾರತದ ಅದೃಷ್ಟದ ತಾಣವಾಗಿದ್ದು 16 ವರ್ಷಗಳ ಬಳಿಕ ಇಲ್ಲಿ ತಂಡ ಕಣಕ್ಕೆ ಇಳಿಯಲಿದೆ. ಇಲ್ಲಿ ಈ ಹಿಂದೆ ನಡೆದ 10 ಹಣಾಹಣಿಗಳಲ್ಲಿ ಭಾರತ ಎಂಟನ್ನು ಗೆದ್ದಿದೆ. 1985ರ ವಿಶ್ವ ಗುಂಪಿನ ಮೊದಲ ಸುತ್ತಿನ ಹಣಾಹಣಿಯಲ್ಲಿ ಇಟಲಿಯನ್ನು ಇದೇ ಅಂಗಣದಲ್ಲಿ ಭಾರತ ಮಣಿಸಿತ್ತು.

. ಡೇವಿಸ್ ಕಪ್ ಹಣಾಹಣಿಯ ಮಾದರಿಯಲ್ಲಿ ಬದಲಾವಣೆಗಳನ್ನು ಮಾಡಿರುವುದು ಭಾರತದ ವಿಶ್ವಾಸವನ್ನು ಹೆಚ್ಚಿಸಿದೆ.ಮೊದಲ ದಿನ ಎರಡು ಸಿಂಗಲ್ಸ್ ಪಂದ್ಯಗಳು ಮಾತ್ರ ನಡೆಯಲಿದ್ದು ಎರಡನೇ ದಿನ ಡಬಲ್ಸ್ ಹಾಗೂ ಎರಡು ರಿಟರ್ನ್ ಸಿಂಗಲ್ಸ್ ಪಂದ್ಯಗಳು ನಡೆಯಲಿವೆ. ಐದು ಸೆಟ್ಗಳ ಬದಲಿಗೆ ಮೂರು ಸೆಟ್ಗಳಿಗೆ ಪಂದ್ಯಗಳನ್ನು ಇಳಿಸಲಾಗಿದೆ.

. ಮುಂದಿನ ಹಂತಕ್ಕೆ ಪ್ರವೇಶಿಸಬೇಕಾದರೆ ಭಾರತ ಇಲ್ಲಿ ಕನಿಷ್ಠ ಮೂರು ಪಂದ್ಯಗಳನ್ನು ಗೆಲ್ಲಬೇಕು. ಎರಡೂ ದಿನ ಆಡಲಿರುವ ಪ್ರಜ್ಞೇಶ್ ಗುಣೇಶ್ವರನ್ ಮೇಲೆ ಭಾರತದ ನಿರೀಕ್ಷೆ ಹೆಚ್ಚಿದೆ. ವಿಶ್ವ ಗುಂಪಿನ ಪ್ಲೇ ಆಫ್ನಲ್ಲಿ ಭಾರತ 0–4ರಿಂದ ಸರ್ಬಿಯಾಗೆ ಮಣಿದಿರುವ ಕಾರಣ ಈಗ ಮಾಡು–ಮಡಿ ಪರಿಸ್ಥಿತಿಯಲ್ಲಿದೆ. ಗೆಲುವು ಸಾಧಿಸದೇ ಇದ್ದರೆ ನಾಯಕ ಮಹೇಶ್ ಭೂಪತಿ ಅವರ ಗುತ್ತಿಗೆಯನ್ನು ಪರಿಷ್ಕರಿಸಲಾಗುವುದಿಲ್ಲ ಎಂಬ ಸುದ್ದಿ ಹರಡಿರುವುದರಿಂದ ಅವರಿಗೆ ಈ ಹಣಾಹಣಿ ಸವಾಲಿನದ್ದು.

. * ಇದು ಆವೆಮಣ್ಣಿನ ಅಂಗಣವಲ್ಲ. ಆದರೂ ನಮಗೆ ಬೇಸರ ಇಲ್ಲ. ಮುಂದಿನ ಬಾರಿ ಭಾರತದ ವಿರುದ್ಧ ಆವೆಮಣ್ಣಿನ ಅಂಗಣದಲ್ಲಿ ಆಡುವ ಭರವಸೆ ಇದೆ. -ಕೊರಾಡೊ ಬರಾಜುಟಿ, ಇಟಲಿ ನಾಯಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತ – ಇಟಲಿ ‘ಅರ್ಹತಾ’ ಹಣಾಹಣಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ