<p><strong>ನ್ಯೂಯಾರ್ಕ್:</strong> ಫ್ರಾನ್ಸ್ನ ಅಲೆಕ್ಸಾಂಡರ್ ಮುಲ್ಲೆರ್ ಅವರನ್ನು ನೇರ ಸೆಟ್ಗಳಿಂದ ಮಣಿಸಿದ ಸರ್ಬಿಯದ ನೊವಾಕ್ ಜೊಕೊವಿಚ್, ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದರು.</p><p>ಸೋಮವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಪಂದ್ಯವನ್ನು ಅವರು 6-0, 6-2, 6-3 ರಿಂದ ಗೆದ್ದುಕೊಂಡರು. 24ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿರುವ ಜೊಕೊವಿಚ್, 1 ಗಂಟೆ 35 ನಿಮಿಷಗಳಲ್ಲಿ ಗೆಲುವು ಒಲಿಸಿಕೊಂಡರು.</p><p>ಸರ್ಬಿಯದ 36 ವರ್ಷದ ಆಟಗಾರ ಕೇವಲ ಮೂರು ಗೇಮ್ಗಳನ್ನು ಎದುರಾಳಿಗೆ ಬಿಟ್ಟುಕೊಟ್ಟರು. ಅವರು ಎಂಟು ಸಲ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿದರು.</p><p>2021ರ ಟೂರ್ನಿಯ ಫೈನಲ್ ಬಳಿಕ ಜೊಕೊವಿಚ್, ಇಲ್ಲಿ ಆಡಿದ ಮೊದಲ ಪಂದ್ಯ ಇದಾಗಿತ್ತು. ಕೋವಿಡ್ ಲಸಿಕೆ ತೆಗೆದುಕೊಳ್ಳದ ಕಾರಣ ಕಳೆದ ವರ್ಷ ಅವರಿಗೆ ಇಲ್ಲಿ ಆಡಲು ಅವಕಾಶ ನೀಡಿರಲಿಲ್ಲ.</p><p>ಇನ್ನೊಂದು ಪಂದ್ಯದಲ್ಲಿ ಐದನೇ ಶ್ರೇಯಾಂಕದ ಆಟಗಾರ ನಾರ್ವೆಯ ಕ್ಯಾಸ್ಪರ್ ರೂಡ್ 7-6, 3-6, 6-4, 7-6 ರಿಂದ ಅಮೆರಿಕದ ಎಮಿಲಿಯೊ ನವಾ ಅವರನ್ನು ಮಣಿಸಿದರೆ, ಏಳನೇ ಶ್ರೇಯಾಂಕದ ಆಟಗಾರ ಗ್ರೀಸ್ನ ಸ್ಟೆಫಾನೊಸ್ ಸಿಟ್ಸಿಪಾಸ್ 6–2, 6–3, 6–4 ರಿಂದ ಕೆನಡಾದ ಮಿಲೊಸ್ ರೋನಿಕ್ ವಿರುದ್ಧ ಗೆದ್ದರು.</p><p>ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಇತರ ಪಂದ್ಯಗಳಲ್ಲಿ ಅಮೆರಿಕದ ಟೇಲರ್ ಫ್ರಿಟ್ಜ್ 6–2, 6–1, 6–2 ರಿಂದ ತಮ್ಮದೇ ದೇಶದ ಸ್ಟೀವ್ ಜಾನ್ಸನ್ ವಿರುದ್ಧ; ಇನ್ನೊಂದು ‘ಆಲ್ ಅಮೆರಿಕನ್’ ಹೋರಾಟದಲ್ಲಿ 10ನೇ ಶ್ರೇಯಾಂಕದ ಫ್ರಾನ್ಸೆಸ್ ಟೈಫೊ 6–2, 7–5, 6–1 ರಿಂದ ಲರ್ನೆರ್ ಟಿಯೆನ್ ವಿರುದ್ಧ; ಅಮೆರಿಕದ ಟಾಮಿ ಪಾಲ್ 6-2, 6-3, 4-6, 6-1 ರಿಂದ ಇಟಲಿಯ ಸ್ಟಫಾನೊ ಟ್ರವಾಗ್ಲಿಯಾ ವಿರುದ್ಧ ಜಯಿಸಿದರು.</p><p><strong>ಗಾಫ್, ರಿಬಾಕಿನಾ ಮುನ್ನಡೆ: ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕೊಕೊ ಗಾಫ್ ಮತ್ತು ಕಜಕಸ್ತಾನದ ಎಲೆನಾ ರಿಬಾಕಿನಾ ಎರಡನೇ ಸುತ್ತಿಗೆ ಮುನ್ನಡೆದರು.</strong></p><p>ಗಾಫ್ 3-6, 6-2, 6-4 ರಿಂದ ಜರ್ಮನಿಯ ಲಾರಾ ಸೀಗ್ಮಂಡ್ ವಿರುದ್ಧ ಪ್ರಯಾಸದ ಜಯ ಸಾಧಿಸಿದರು. ಇದಕ್ಕಾಗಿ ಅವರು 2 ಗಂಟೆ 50 ನಿಮಿಷಗಳನ್ನು ತೆಗೆದುಕೊಂಡರು. ಮೊದಲ ಸೆಟ್ ಸೋತಿದ್ದ ಗಾಫ್, ಆ ಬಳಿಕ ಪುಟಿದೆದ್ದು ನಿಂತರು. 19 ವರ್ಷದ ಗಾಫ್ ಈ ಬಾರಿ ಮಹಿಳೆಯರ ವಿಭಾಗದಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.</p><p>ಇನ್ನೊಂದು ಪಂದ್ಯದಲ್ಲಿ ರಿಬಾಕಿನಾ 6–2, 6–1ರ ನೇರ ಸೆಟ್ಗಳಿಂದ ಉಕ್ರೇನ್ನ ಮಾರ್ಟಾ ಕೊಸ್ತ್ಯುಕ್ ಎದುರು ಗೆದ್ದರು.</p><p>ಇತರ ಪ್ರಮುಖ ಪಂದ್ಯಗಳಲ್ಲಿ ಜೆಕ್ ರಿಪಬ್ಲಿಕ್ನ ಪೆಟ್ರಾ ಕ್ವಿಟೊವಾ 6–1,7–6 ರಿಂದ ಸ್ಪೇನ್ನ ಕ್ರಿಸ್ಟಿನಾ ಬುಕ್ಸಾ ವಿರುದ್ಧ; ಜೆಕ್ ರಿಪಬ್ಲಿಕ್ನ ಕರೊಲಿನಾ ಮುಕೋವಾ 6–4, 6–0 ರಿಂದ ಆಸ್ಟ್ರೇಲಿಯದ ಸ್ಟಾರ್ಮ್ ಸ್ಯಾಂಡರ್ಸ್ ವಿರುದ್ಧ; ಸ್ವಿಟ್ಜರ್ಲೆಂಡ್ನ ಬೆಲಿಂಡಾ ಬೆನ್ಸಿಚ್ 6–2, 6–4 ರಿಂದ ರಷ್ಯಾದ ಕ್ಯಾಮಿಲಾ ರಖಿಮೋವಾ ವಿರುದ್ಧ; ಬೆಲಾರಸ್ನ ವಿಕ್ಟೋರಿಯಾ ಅಜರೆಂಕಾ 6–1, 6–2 ರಿಂದ ಫ್ರಾನ್ಸ್ನ ಫಿಯೊನಾ ಫೆರಾ ವಿರುದ್ಧ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್:</strong> ಫ್ರಾನ್ಸ್ನ ಅಲೆಕ್ಸಾಂಡರ್ ಮುಲ್ಲೆರ್ ಅವರನ್ನು ನೇರ ಸೆಟ್ಗಳಿಂದ ಮಣಿಸಿದ ಸರ್ಬಿಯದ ನೊವಾಕ್ ಜೊಕೊವಿಚ್, ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದರು.</p><p>ಸೋಮವಾರ ರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಪಂದ್ಯವನ್ನು ಅವರು 6-0, 6-2, 6-3 ರಿಂದ ಗೆದ್ದುಕೊಂಡರು. 24ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿರುವ ಜೊಕೊವಿಚ್, 1 ಗಂಟೆ 35 ನಿಮಿಷಗಳಲ್ಲಿ ಗೆಲುವು ಒಲಿಸಿಕೊಂಡರು.</p><p>ಸರ್ಬಿಯದ 36 ವರ್ಷದ ಆಟಗಾರ ಕೇವಲ ಮೂರು ಗೇಮ್ಗಳನ್ನು ಎದುರಾಳಿಗೆ ಬಿಟ್ಟುಕೊಟ್ಟರು. ಅವರು ಎಂಟು ಸಲ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿದರು.</p><p>2021ರ ಟೂರ್ನಿಯ ಫೈನಲ್ ಬಳಿಕ ಜೊಕೊವಿಚ್, ಇಲ್ಲಿ ಆಡಿದ ಮೊದಲ ಪಂದ್ಯ ಇದಾಗಿತ್ತು. ಕೋವಿಡ್ ಲಸಿಕೆ ತೆಗೆದುಕೊಳ್ಳದ ಕಾರಣ ಕಳೆದ ವರ್ಷ ಅವರಿಗೆ ಇಲ್ಲಿ ಆಡಲು ಅವಕಾಶ ನೀಡಿರಲಿಲ್ಲ.</p><p>ಇನ್ನೊಂದು ಪಂದ್ಯದಲ್ಲಿ ಐದನೇ ಶ್ರೇಯಾಂಕದ ಆಟಗಾರ ನಾರ್ವೆಯ ಕ್ಯಾಸ್ಪರ್ ರೂಡ್ 7-6, 3-6, 6-4, 7-6 ರಿಂದ ಅಮೆರಿಕದ ಎಮಿಲಿಯೊ ನವಾ ಅವರನ್ನು ಮಣಿಸಿದರೆ, ಏಳನೇ ಶ್ರೇಯಾಂಕದ ಆಟಗಾರ ಗ್ರೀಸ್ನ ಸ್ಟೆಫಾನೊಸ್ ಸಿಟ್ಸಿಪಾಸ್ 6–2, 6–3, 6–4 ರಿಂದ ಕೆನಡಾದ ಮಿಲೊಸ್ ರೋನಿಕ್ ವಿರುದ್ಧ ಗೆದ್ದರು.</p><p>ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಇತರ ಪಂದ್ಯಗಳಲ್ಲಿ ಅಮೆರಿಕದ ಟೇಲರ್ ಫ್ರಿಟ್ಜ್ 6–2, 6–1, 6–2 ರಿಂದ ತಮ್ಮದೇ ದೇಶದ ಸ್ಟೀವ್ ಜಾನ್ಸನ್ ವಿರುದ್ಧ; ಇನ್ನೊಂದು ‘ಆಲ್ ಅಮೆರಿಕನ್’ ಹೋರಾಟದಲ್ಲಿ 10ನೇ ಶ್ರೇಯಾಂಕದ ಫ್ರಾನ್ಸೆಸ್ ಟೈಫೊ 6–2, 7–5, 6–1 ರಿಂದ ಲರ್ನೆರ್ ಟಿಯೆನ್ ವಿರುದ್ಧ; ಅಮೆರಿಕದ ಟಾಮಿ ಪಾಲ್ 6-2, 6-3, 4-6, 6-1 ರಿಂದ ಇಟಲಿಯ ಸ್ಟಫಾನೊ ಟ್ರವಾಗ್ಲಿಯಾ ವಿರುದ್ಧ ಜಯಿಸಿದರು.</p><p><strong>ಗಾಫ್, ರಿಬಾಕಿನಾ ಮುನ್ನಡೆ: ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಆತಿಥೇಯ ದೇಶದ ಭರವಸೆ ಎನಿಸಿರುವ ಕೊಕೊ ಗಾಫ್ ಮತ್ತು ಕಜಕಸ್ತಾನದ ಎಲೆನಾ ರಿಬಾಕಿನಾ ಎರಡನೇ ಸುತ್ತಿಗೆ ಮುನ್ನಡೆದರು.</strong></p><p>ಗಾಫ್ 3-6, 6-2, 6-4 ರಿಂದ ಜರ್ಮನಿಯ ಲಾರಾ ಸೀಗ್ಮಂಡ್ ವಿರುದ್ಧ ಪ್ರಯಾಸದ ಜಯ ಸಾಧಿಸಿದರು. ಇದಕ್ಕಾಗಿ ಅವರು 2 ಗಂಟೆ 50 ನಿಮಿಷಗಳನ್ನು ತೆಗೆದುಕೊಂಡರು. ಮೊದಲ ಸೆಟ್ ಸೋತಿದ್ದ ಗಾಫ್, ಆ ಬಳಿಕ ಪುಟಿದೆದ್ದು ನಿಂತರು. 19 ವರ್ಷದ ಗಾಫ್ ಈ ಬಾರಿ ಮಹಿಳೆಯರ ವಿಭಾಗದಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.</p><p>ಇನ್ನೊಂದು ಪಂದ್ಯದಲ್ಲಿ ರಿಬಾಕಿನಾ 6–2, 6–1ರ ನೇರ ಸೆಟ್ಗಳಿಂದ ಉಕ್ರೇನ್ನ ಮಾರ್ಟಾ ಕೊಸ್ತ್ಯುಕ್ ಎದುರು ಗೆದ್ದರು.</p><p>ಇತರ ಪ್ರಮುಖ ಪಂದ್ಯಗಳಲ್ಲಿ ಜೆಕ್ ರಿಪಬ್ಲಿಕ್ನ ಪೆಟ್ರಾ ಕ್ವಿಟೊವಾ 6–1,7–6 ರಿಂದ ಸ್ಪೇನ್ನ ಕ್ರಿಸ್ಟಿನಾ ಬುಕ್ಸಾ ವಿರುದ್ಧ; ಜೆಕ್ ರಿಪಬ್ಲಿಕ್ನ ಕರೊಲಿನಾ ಮುಕೋವಾ 6–4, 6–0 ರಿಂದ ಆಸ್ಟ್ರೇಲಿಯದ ಸ್ಟಾರ್ಮ್ ಸ್ಯಾಂಡರ್ಸ್ ವಿರುದ್ಧ; ಸ್ವಿಟ್ಜರ್ಲೆಂಡ್ನ ಬೆಲಿಂಡಾ ಬೆನ್ಸಿಚ್ 6–2, 6–4 ರಿಂದ ರಷ್ಯಾದ ಕ್ಯಾಮಿಲಾ ರಖಿಮೋವಾ ವಿರುದ್ಧ; ಬೆಲಾರಸ್ನ ವಿಕ್ಟೋರಿಯಾ ಅಜರೆಂಕಾ 6–1, 6–2 ರಿಂದ ಫ್ರಾನ್ಸ್ನ ಫಿಯೊನಾ ಫೆರಾ ವಿರುದ್ಧ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
