<p><strong>ಮೈಸೂರು:</strong> ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಹಾಗೂ ವಿದ್ಯಾರ್ಥಿನಿಯರು ಅಚ್ಚಹಸಿರಿನ ಮಧ್ಯೆ ಅಲ್ಲಲ್ಲಿ ಗುಂಪು ಕಟ್ಟಿಕೊಂಡು ಕುಳಿತು ಆಟಗಾರ್ತಿಯರನ್ನು ಹುರಿದುಂಬಿಸು ತ್ತಿದ್ದರು. ವಿಕೆಟ್ ಬಿದ್ದಾಗ, ಬೌಂಡರಿ ಗಳಿಸಿದಾಗ ಚಪ್ಪಾಳೆ ತಟ್ಟಿ ಜೋರಾಗಿ ಶೀಟಿ ಹಾಕುತ್ತಿದ್ದರು. ಆಟದ ಮಧ್ಯೆ ಮಳೆ ಹಾಗೂ ಬಿಸಿಲಿನ ಕಣ್ಣಾಮುಚ್ಚಾಲೆ ಬೇರೆ.<br /> <br /> ಗಂಗೋತ್ರಿ ಗ್ಲೇಡ್ಸ್ ಕ್ರೀಡಾಂಗಣದಲ್ಲಿ ಸೋಮವಾರ ಮಹಿಳಾ ಕ್ರಿಕೆಟ್ಗೆ ಒಂಥರಾ ಕಳೆ ಬಂದಿತ್ತು. ನಾಯಕಿ ಹರ್ಮನ್ಪ್ರೀತ್ ಕೌರ್ ಹಾಗೂ ಕರ್ನಾಟಕದ ವೇದಾ ಕೃಷ್ಣಮೂರ್ತಿ ಬ್ಯಾಟಿಂಗ್ ಕೂಡ ಜೋರಾಗಿತ್ತು. ಇದರ ಲಾಭ ಪಡೆದ ಇಂಡಿಯಾ ಬ್ಲ್ಯೂ ತಂಡದವರು ಮಹಿಳೆಯರ ಚಾಲೆಂಜರ್ ಟ್ರೋಫಿ ಏಕದಿನ<br /> ಕ್ರಿಕೆಟ್ ಟೂರ್ನಿಯ ಎರಡನೇ ಪಂದ್ಯದಲ್ಲಿ 47 ರನ್ಗಳ ಜಯಭೇರಿ ಮೊಳಗಿಸಿದರು.<br /> <br /> ಮೊದಲು ಬ್ಯಾಟ್ ಮಾಡಿದ ಬ್ಲ್ಯೂ ತಂಡ 50 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 201 ರನ್ ಗಳಿಸಿತು. ಈ ಸವಾಲಿನ ಮೊತ್ತದ ಎದುರು ಇಂಡಿಯಾ ಗ್ರೀನ್ ಬಳಗದವರು 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ ಗಳಿಸಿದ್ದು ಕೇವಲ 154 ರನ್.<br /> <br /> ಸಾರಿಕಾ ಆಟದ ಸೊಬಗು: ಟಾಸ್ ಗೆದ್ದು ಮೊದಲು ಬ್ಯಾಟ್್ ಮಾಡಲು ಮುಂದಾದ ಇಂಡಿಯಾ ಬ್ಲ್ಯೂಗೆ ಸಾರಿಕಾ ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಕವರ್ ಡ್ರೈವ್ ಬೌಂಡರಿಗಳ ಮೂಲಕ ಚಪ್ಪಾಳೆ ಗಿಟ್ಟಿಸಿಕೊಂಡರು.<br /> <br /> ತಂಡದ ಸ್ಕೋರ್ 67 ರನ್ ಆಗಿದ್ದಾಗ ಸಾರಿಕಾ ಔಟಾದರು. ಅಷ್ಟರಲ್ಲಿ ವೈಯಕ್ತಿಕವಾಗಿ 42 ರನ್ ಗಳಿಸಿದ್ದು ವಿಶೇಷ. ಅಷ್ಟೇ ಅಲ್ಲ, ಆರು ಬೌಂಡರಿಗಳಿದ್ದವು. 9 ಹಾಗೂ 30 ಗಳಿಸಿದ್ದಾಗ ಅವರಿಗೆ ಜೀವದಾನ ಲಭಿಸಿದವು.<br /> <br /> <strong>ಕೌರ್–ವೇದಾ ಜುಗಲ್ಬಂದಿ:</strong> ಪಂದ್ಯದ ಪ್ರಮುಖ ಘಟ್ಟವೆಂದರೆ ಹರ್ಮನ್ಪ್ರೀತ್ ಹಾಗೂ ವೇದಾ ಜೊತೆಯಾಟ. ಒಂಟಿ ಹಾಗೂ ಎರಡು ರನ್ ತೆಗೆಯುತ್ತಾ ಎದುರಾಳಿ ಬೌಲರ್ಗಳನ್ನು ಸತಾಯಿಸಿದರು.<br /> <br /> ಇವರಿಬ್ಬರು ನಾಲ್ಕನೇ ವಿಕೆಟ್ಗೆ 82 ರನ್ (123 ಎಸೆತ) ಸೇರಿಸಿದರು. ಈ ಜೋಡಿಯನ್ನು ಬೇರ್ಪಡಿಸಲು ಗ್ರೀನ್ ತಂಡದ ನಾಯಕಿ ದೇವಿಕಾ ವೈದ್ಯ ತುಂಬಾ ಪ್ರಯತ್ನಿಸಿದರು. ವೇದ ಕಲೆಹಾಕಿದ್ದು 36 ರನ್. ಆಕ್ರಮಣಕಾರಿಯಾಗಿದ್ದ ಅವರು ಮೂರು ಬೌಂಡರಿ ಗಳಿಸಿದರು.<br /> <br /> <strong>ಕೌರ್ ಆಟದ ವೈಭವ:</strong> ಇಂಡಿಯಾ ರೆಡ್ ವಿರುದ್ಧ ಎದುರಾದ ಸೋಲಿನಿಂದ ಕಂಗೆಟ್ಟಿದ್ದ ನಾಯಕಿ ಹರ್ಮನ್ಪ್ರೀತ್ ಈ ಪಂದ್ಯದಲ್ಲಿ ಜವಾಬ್ದಾರಿಯುತ ಇನಿಂಗ್ಸ್ ಕಟ್ಟಿದರು. ದೇವಿಕಾ ಬೌಲಿಂಗ್ನಲ್ಲಿ ಒಂಟಿ ರನ್ ತೆಗೆದು ಅರ್ಧ ಶತಕದ ಗೆರೆ ಮುಟ್ಟಿದರು.<br /> <br /> 114 ನಿಮಿಷ ಕ್ರೀಸ್ನಲ್ಲಿದ್ದ ಅವರು 63 ರನ್ ಗಳಿಸಿದರು. 94 ಎಸೆತ ಎದುರಿಸಿ 5 ಬೌಂಡರಿ ಬಾರಿಸಿದರು. ಚುರುಕಿನಿಂದ ರನ್ ಗಳಿಸಿ ತಂಡದ ಮೊತ್ತ ಹೆಚ್ಚಾಗಲು ಕಾರಣರಾದರು.<br /> <br /> <strong>ನಿಧಾನವೇ ಪ್ರಧಾನ:</strong> ಸವಾಲಿನ ಗುರಿ ಎದುರು ಇಂಡಿಯಾ ಗ್ರೀನ್ ತಂಡದವರು (19 ವರ್ಷದೊಳಗಿನವರು) ನಿಧಾನಗತಿಯ ಆಟಕ್ಕೆ ಮೊರೆ ಹೋದರು. ವಿಕೆಟ್ ಕಾಯ್ದುಕೊಳ್ಳಲು ಹೆಚ್ಚು ಒತ್ತು ನೀಡಿದ್ದರಿಂದ ರನ್ ಬರಲಿಲ್ಲ.<br /> <br /> ಅಷ್ಟೇ ಅಲ್ಲ, ಈ ತಂಡದ ಆಟಗಾರ್ತಿಯರು ಅಪಾಯಕಾರಿ ಹೊಡೆತಕ್ಕೆ ಕೈಹಾಕಲಿಲ್ಲ. ಬದಲಾಗಿ ರಕ್ಷಣಾತ್ಮಕವಾಗಿ ಆಡುತ್ತಾ ಒಂಟಿ ಹಾಗೂ ಎರಡು ರನ್ ಗಳಿಸಿದರು.<br /> <br /> ಗ್ರೀನ್ ತಂಡಕ್ಕೆ ಆಸರೆಯಾಗಿದ್ದು ತಾನಿಯಾ ಭಾಟಿಯಾ (67). ಈ ಪಂದ್ಯದ ಹೆಚ್ಚಿನ ಸ್ಕೋರರ್ ಕೂಡ. 107 ನಿಮಿಷ ಕ್ರೀಸ್ನಲ್ಲಿದ್ದ ಮಧ್ಯಮ ಕ್ರಮಾಂಕದ ಈ ಆಟಗಾರ್ತಿ 101 ಎಸೆತ ಎದುರಿಸಿ 9 ಬೌಂಡರಿ ಗಳಿಸಿದರು.<br /> <br /> ಬ್ಲ್ಯೂ ತಂಡದ ಬಿಗಿ ಬೌಲಿಂಗ್ನಿಂದಾಗಿ ಎದುರಾಳಿ ತಂಡದ ಹಾದಿ ಕಷ್ಟವಾಯಿತು. ಪ್ರೀತಿ ಬೋಸ್ ನಾಲ್ಕು ವಿಕೆಟ್ ಪಡೆದು ಒತ್ತಡ ಹೇರಿದರು. ಎಡಗೈ ಸ್ಪಿನ್ನರ್ ಏಕ್ತಾ ಬಿಸ್ತ್ ತಮ್ಮ ಮೊದಲ ನಾಲ್ಕು ಓವರ್ಗಳಲ್ಲಿ ಯಾವುದೇ ರನ್ ನೀಡಲಿಲ್ಲ.<br /> <br /> <strong>ಇಂಡಿಯಾ ಬ್ಲೂ 7 ಕ್ಕೆ 201 (50 ಓವರ್ಗಳಲ್ಲಿ)</strong></p>.<p>ಸಾರಿಕಾ ಸಿ ಅಂಡ್ ಬಿ ದೇವಿಕಾ ವೈದ್ಯ 42<br /> ತಿರುಷ್ ಕಾಮಿನಿ ಸ್ಟಂಪ್ಡ್ ತಾನಿಯಾ ಭಾಟಿಯಾ ಬಿ ದೀಪ್ತಿ ಶರ್ಮ 09<br /> ರಕ್ಷಿತಾ ಕೆ. ಕಾಳೇಗೌಡ ಸಿ ದೀಪ್ತಿ ಶರ್ಮ ಬಿ ಸುಶ್ರೀ ಪ್ರಧಾನ್ 10<br /> ಹರ್ಮನ್ಪ್ರೀತ್ ಕೌರ್ ಸಿ ತೇಜಲ್ ಬಿ ದೀಪ್ತಿ ಶರ್ಮ 63<br /> ವೇದಾ ಕೃಷ್ಣಮೂರ್ತಿ ಸಿ ತಾನಿಯಾ ಭಾಟಿಯಾ ಬಿ ಪೂಜಾ ವಸ್ತ್ರಕರ್ 36<br /> ನಿರಂಜನಾ ನಾಗರಾಜನ್ ರನ್ಔಟ್ (ಪೂಜಾ ವಸ್ತ್ರಕರ್) 13<br /> ಅನುಜಾ ಪಾಟೀಲ್ ಔಟಾಗದೆ 14<br /> ಸುಷ್ಮಾ ವರ್ಮ ಸಿ ಪುಷ್ಪಾ ಕಿರೇಸೂರ್ ಬಿ ಸುಶ್ರೀ ಪ್ರಧಾನ್ 01<br /> ಏಕ್ತಾ ಬಿಸ್ತ್ ಔಟಾಗದೆ 02<br /> ಇತರೆ: (ಲೆಗ್ಬೈ–1, ವೈಡ್–10) 11<br /> ವಿಕೆಟ್ ಪತನ: 1–38 (ತಿರುಷ್; 6.3); 2–67 (ಸಾರಿಕಾ; 18.2); 3–73 (ರಕ್ಷಿತಾ; 21.6); 4–155 (ವೇದಾ; 42.3); 5–172 (ನಿರಂಜನಾ; 44.4); 6–189 (ಹರ್ಮನ್ಪ್ರೀತ್; 47.4); 7–192 (ಸುಷ್ಮಾ; 48.3)<br /> ಬೌಲಿಂಗ್ ವಿವರ: ಪೂಜಾ ವಸ್ತ್ರಕರ್ 10–1–48–1 (ವೈಡ್–5), ಪುಷ್ಪಾ ಕಿರೇಸೂರ್ 3–0–21–0 (ವೈಡ್–5), ದೀಪ್ತಿ ಶರ್ಮ 10–1–32–2, ಸೈಕಾ ಇಷ್ಕಿಯು 8–2–28–0, ದೇವಿಕಾ ವೈದ್ಯ 8–1–32–1, ಸುಶ್ರೀ ಪ್ರಧಾನ್ 7–0–23–2, ತೇಜಲ್ 4–0–16–0<br /> <br /> <strong>ಇಂಡಿಯಾ ಗ್ರೀನ್ 9 ಕ್ಕೆ 154 (50 ಓವರ್ಗಳಲ್ಲಿ)</strong><br /> ದಿವ್ಯಾ ಜ್ಞಾನಾನಂದ ಸಿ ಸುಷ್ಮಾ ವರ್ಮ ಬಿ ಕವಿತಾ ಪಾಟೀಲ್ 04<br /> ರಮ್ಯಾ ಡೊಲಿ ಸಿ ಏಕ್ತಾ ಬಿಸ್ತ್ ಬಿ ಕವಿತಾ ಪಾಟೀಲ್ 09<br /> ಜೆಮಿಮಾ ರಾಡ್ರಿಗಾಸ್ ಸಿ ತಿರುಷ್ ಕಾಮಿನಿ ಬಿ ಪ್ರೀತಿ ಬೋಸ್ 16<br /> ದೇವಿಕಾ ವೈದ್ಯ ಬಿ ಅನುಜಾ ಪಾಟೀಲ್ 04<br /> ದೀಪ್ತಿ ಶರ್ಮ ಸ್ಟಂಪ್ಡ್ ಸುಷ್ಮಾ ವರ್ಮ ಬಿ ಹರ್ಮನ್ಪ್ರೀತ್ ಕೌರ್ 20<br /> ತಾನಿಯಾ ಭಾಟಿಯಾ ಸಿ ಸುಷ್ಮಾ ವರ್ಮ ಬಿ ಪ್ರೀತಿ ಬೋಸ್ 67 <br /> ತೇಜಲ್ ಸಿ ಹರ್ಮನ್ಪ್ರೀತ್ ಕೌರ್ ಬಿ ಪ್ರೀತಿ ಬೋಸ್ 08<br /> ಪೂಜಾ ವಸ್ತ್ರಕರ್ ಸಿ ಅನುಜಾ ಪಾಟೀಲ್ ಬಿ ಪ್ರೀತಿ ಬೋಸ್ 11<br /> ಪುಷ್ಪಾ ಕಿರೇಸೂರ್ ಸಿ ವೇದಾ ಕೃಷ್ಣಮೂರ್ತಿ ಬಿ ಏಕ್ತಾ ಬಿಸ್ತ್ 02<br /> ಸುಶ್ರೀ ಪ್ರಧಾನ್ ಔಟಾಗದೆ 00<br /> ಸೈಕಾ ಇಷ್ಕಿಯು ಔಟಾಗದೆ 01<br /> ಇತರೆ: (ವೈಡ್–12) 12<br /> ವಿಕೆಟ್ ಪತನ: 1–12 (ರಮ್ಯಾ 3.5), 2–13 (ದಿವ್ಯಾ; 7.1), 3–33 (ಜೆಮಿಮಾ; 15.3); 4–37 (ದೇವಿಕಾ;19.5); 5–95 (ದೀಪ್ತಿ; 34.4); 6–124 (ತೇಜಲ್; 41.6); 7– 147 (ಪೂಜಾ; 47.1); 8–152 (ಪುಷ್ಪಾ; 48.2); 9–153 (ಭಾಟಿಯಾ; 49.4)<br /> ಬೌಲಿಂಗ್ ವಿವರ: ನಿರಂಜನಾ ನಾಗರಾಜನ್ 6–0–22–0 (ವೈಡ್–1), ಕವಿತಾ ಪಾಟೀಲ್ 5– 2–15–2 (ವೈಡ್–2), ಏಕ್ತಾ ಬಿಸ್ತ್ 10–4–27–1, ಅನುಜಾ ಪಾಟೀಲ್ 10–0–21–1 (ವೈಡ್–1), ಪ್ರೀತಿ ಬೋಸ್ 10–1–23–4, ಹರ್ಮನ್ಪ್ರೀತ್ ಕೌರ್ 5–0–21–1 (ವೈಡ್–3), ಸಾರಿಕಾ 2–0–8–0 (ವೈಡ್–1), ವೇದಾ ಕೃಷ್ಣಮೂರ್ತಿ 2–0–17–0 (ವೈಡ್–4)<br /> ಫಲಿತಾಂಶ: ಬ್ಲ್ಯೂ ತಂಡಕ್ಕೆ 47 ರನ್ಗಳ ಗೆಲುವು ಹಾಗೂ 4 ಪಾಯಿಂಟ್. ಮುಂದಿನ ಪಂದ್ಯ: ಇಂಡಿಯಾ ರೆಡ್–ಇಂಡಿಯಾ ಗ್ರೀನ್ (ಜೂನ್ 16)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಹಾಗೂ ವಿದ್ಯಾರ್ಥಿನಿಯರು ಅಚ್ಚಹಸಿರಿನ ಮಧ್ಯೆ ಅಲ್ಲಲ್ಲಿ ಗುಂಪು ಕಟ್ಟಿಕೊಂಡು ಕುಳಿತು ಆಟಗಾರ್ತಿಯರನ್ನು ಹುರಿದುಂಬಿಸು ತ್ತಿದ್ದರು. ವಿಕೆಟ್ ಬಿದ್ದಾಗ, ಬೌಂಡರಿ ಗಳಿಸಿದಾಗ ಚಪ್ಪಾಳೆ ತಟ್ಟಿ ಜೋರಾಗಿ ಶೀಟಿ ಹಾಕುತ್ತಿದ್ದರು. ಆಟದ ಮಧ್ಯೆ ಮಳೆ ಹಾಗೂ ಬಿಸಿಲಿನ ಕಣ್ಣಾಮುಚ್ಚಾಲೆ ಬೇರೆ.<br /> <br /> ಗಂಗೋತ್ರಿ ಗ್ಲೇಡ್ಸ್ ಕ್ರೀಡಾಂಗಣದಲ್ಲಿ ಸೋಮವಾರ ಮಹಿಳಾ ಕ್ರಿಕೆಟ್ಗೆ ಒಂಥರಾ ಕಳೆ ಬಂದಿತ್ತು. ನಾಯಕಿ ಹರ್ಮನ್ಪ್ರೀತ್ ಕೌರ್ ಹಾಗೂ ಕರ್ನಾಟಕದ ವೇದಾ ಕೃಷ್ಣಮೂರ್ತಿ ಬ್ಯಾಟಿಂಗ್ ಕೂಡ ಜೋರಾಗಿತ್ತು. ಇದರ ಲಾಭ ಪಡೆದ ಇಂಡಿಯಾ ಬ್ಲ್ಯೂ ತಂಡದವರು ಮಹಿಳೆಯರ ಚಾಲೆಂಜರ್ ಟ್ರೋಫಿ ಏಕದಿನ<br /> ಕ್ರಿಕೆಟ್ ಟೂರ್ನಿಯ ಎರಡನೇ ಪಂದ್ಯದಲ್ಲಿ 47 ರನ್ಗಳ ಜಯಭೇರಿ ಮೊಳಗಿಸಿದರು.<br /> <br /> ಮೊದಲು ಬ್ಯಾಟ್ ಮಾಡಿದ ಬ್ಲ್ಯೂ ತಂಡ 50 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 201 ರನ್ ಗಳಿಸಿತು. ಈ ಸವಾಲಿನ ಮೊತ್ತದ ಎದುರು ಇಂಡಿಯಾ ಗ್ರೀನ್ ಬಳಗದವರು 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ ಗಳಿಸಿದ್ದು ಕೇವಲ 154 ರನ್.<br /> <br /> ಸಾರಿಕಾ ಆಟದ ಸೊಬಗು: ಟಾಸ್ ಗೆದ್ದು ಮೊದಲು ಬ್ಯಾಟ್್ ಮಾಡಲು ಮುಂದಾದ ಇಂಡಿಯಾ ಬ್ಲ್ಯೂಗೆ ಸಾರಿಕಾ ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಕವರ್ ಡ್ರೈವ್ ಬೌಂಡರಿಗಳ ಮೂಲಕ ಚಪ್ಪಾಳೆ ಗಿಟ್ಟಿಸಿಕೊಂಡರು.<br /> <br /> ತಂಡದ ಸ್ಕೋರ್ 67 ರನ್ ಆಗಿದ್ದಾಗ ಸಾರಿಕಾ ಔಟಾದರು. ಅಷ್ಟರಲ್ಲಿ ವೈಯಕ್ತಿಕವಾಗಿ 42 ರನ್ ಗಳಿಸಿದ್ದು ವಿಶೇಷ. ಅಷ್ಟೇ ಅಲ್ಲ, ಆರು ಬೌಂಡರಿಗಳಿದ್ದವು. 9 ಹಾಗೂ 30 ಗಳಿಸಿದ್ದಾಗ ಅವರಿಗೆ ಜೀವದಾನ ಲಭಿಸಿದವು.<br /> <br /> <strong>ಕೌರ್–ವೇದಾ ಜುಗಲ್ಬಂದಿ:</strong> ಪಂದ್ಯದ ಪ್ರಮುಖ ಘಟ್ಟವೆಂದರೆ ಹರ್ಮನ್ಪ್ರೀತ್ ಹಾಗೂ ವೇದಾ ಜೊತೆಯಾಟ. ಒಂಟಿ ಹಾಗೂ ಎರಡು ರನ್ ತೆಗೆಯುತ್ತಾ ಎದುರಾಳಿ ಬೌಲರ್ಗಳನ್ನು ಸತಾಯಿಸಿದರು.<br /> <br /> ಇವರಿಬ್ಬರು ನಾಲ್ಕನೇ ವಿಕೆಟ್ಗೆ 82 ರನ್ (123 ಎಸೆತ) ಸೇರಿಸಿದರು. ಈ ಜೋಡಿಯನ್ನು ಬೇರ್ಪಡಿಸಲು ಗ್ರೀನ್ ತಂಡದ ನಾಯಕಿ ದೇವಿಕಾ ವೈದ್ಯ ತುಂಬಾ ಪ್ರಯತ್ನಿಸಿದರು. ವೇದ ಕಲೆಹಾಕಿದ್ದು 36 ರನ್. ಆಕ್ರಮಣಕಾರಿಯಾಗಿದ್ದ ಅವರು ಮೂರು ಬೌಂಡರಿ ಗಳಿಸಿದರು.<br /> <br /> <strong>ಕೌರ್ ಆಟದ ವೈಭವ:</strong> ಇಂಡಿಯಾ ರೆಡ್ ವಿರುದ್ಧ ಎದುರಾದ ಸೋಲಿನಿಂದ ಕಂಗೆಟ್ಟಿದ್ದ ನಾಯಕಿ ಹರ್ಮನ್ಪ್ರೀತ್ ಈ ಪಂದ್ಯದಲ್ಲಿ ಜವಾಬ್ದಾರಿಯುತ ಇನಿಂಗ್ಸ್ ಕಟ್ಟಿದರು. ದೇವಿಕಾ ಬೌಲಿಂಗ್ನಲ್ಲಿ ಒಂಟಿ ರನ್ ತೆಗೆದು ಅರ್ಧ ಶತಕದ ಗೆರೆ ಮುಟ್ಟಿದರು.<br /> <br /> 114 ನಿಮಿಷ ಕ್ರೀಸ್ನಲ್ಲಿದ್ದ ಅವರು 63 ರನ್ ಗಳಿಸಿದರು. 94 ಎಸೆತ ಎದುರಿಸಿ 5 ಬೌಂಡರಿ ಬಾರಿಸಿದರು. ಚುರುಕಿನಿಂದ ರನ್ ಗಳಿಸಿ ತಂಡದ ಮೊತ್ತ ಹೆಚ್ಚಾಗಲು ಕಾರಣರಾದರು.<br /> <br /> <strong>ನಿಧಾನವೇ ಪ್ರಧಾನ:</strong> ಸವಾಲಿನ ಗುರಿ ಎದುರು ಇಂಡಿಯಾ ಗ್ರೀನ್ ತಂಡದವರು (19 ವರ್ಷದೊಳಗಿನವರು) ನಿಧಾನಗತಿಯ ಆಟಕ್ಕೆ ಮೊರೆ ಹೋದರು. ವಿಕೆಟ್ ಕಾಯ್ದುಕೊಳ್ಳಲು ಹೆಚ್ಚು ಒತ್ತು ನೀಡಿದ್ದರಿಂದ ರನ್ ಬರಲಿಲ್ಲ.<br /> <br /> ಅಷ್ಟೇ ಅಲ್ಲ, ಈ ತಂಡದ ಆಟಗಾರ್ತಿಯರು ಅಪಾಯಕಾರಿ ಹೊಡೆತಕ್ಕೆ ಕೈಹಾಕಲಿಲ್ಲ. ಬದಲಾಗಿ ರಕ್ಷಣಾತ್ಮಕವಾಗಿ ಆಡುತ್ತಾ ಒಂಟಿ ಹಾಗೂ ಎರಡು ರನ್ ಗಳಿಸಿದರು.<br /> <br /> ಗ್ರೀನ್ ತಂಡಕ್ಕೆ ಆಸರೆಯಾಗಿದ್ದು ತಾನಿಯಾ ಭಾಟಿಯಾ (67). ಈ ಪಂದ್ಯದ ಹೆಚ್ಚಿನ ಸ್ಕೋರರ್ ಕೂಡ. 107 ನಿಮಿಷ ಕ್ರೀಸ್ನಲ್ಲಿದ್ದ ಮಧ್ಯಮ ಕ್ರಮಾಂಕದ ಈ ಆಟಗಾರ್ತಿ 101 ಎಸೆತ ಎದುರಿಸಿ 9 ಬೌಂಡರಿ ಗಳಿಸಿದರು.<br /> <br /> ಬ್ಲ್ಯೂ ತಂಡದ ಬಿಗಿ ಬೌಲಿಂಗ್ನಿಂದಾಗಿ ಎದುರಾಳಿ ತಂಡದ ಹಾದಿ ಕಷ್ಟವಾಯಿತು. ಪ್ರೀತಿ ಬೋಸ್ ನಾಲ್ಕು ವಿಕೆಟ್ ಪಡೆದು ಒತ್ತಡ ಹೇರಿದರು. ಎಡಗೈ ಸ್ಪಿನ್ನರ್ ಏಕ್ತಾ ಬಿಸ್ತ್ ತಮ್ಮ ಮೊದಲ ನಾಲ್ಕು ಓವರ್ಗಳಲ್ಲಿ ಯಾವುದೇ ರನ್ ನೀಡಲಿಲ್ಲ.<br /> <br /> <strong>ಇಂಡಿಯಾ ಬ್ಲೂ 7 ಕ್ಕೆ 201 (50 ಓವರ್ಗಳಲ್ಲಿ)</strong></p>.<p>ಸಾರಿಕಾ ಸಿ ಅಂಡ್ ಬಿ ದೇವಿಕಾ ವೈದ್ಯ 42<br /> ತಿರುಷ್ ಕಾಮಿನಿ ಸ್ಟಂಪ್ಡ್ ತಾನಿಯಾ ಭಾಟಿಯಾ ಬಿ ದೀಪ್ತಿ ಶರ್ಮ 09<br /> ರಕ್ಷಿತಾ ಕೆ. ಕಾಳೇಗೌಡ ಸಿ ದೀಪ್ತಿ ಶರ್ಮ ಬಿ ಸುಶ್ರೀ ಪ್ರಧಾನ್ 10<br /> ಹರ್ಮನ್ಪ್ರೀತ್ ಕೌರ್ ಸಿ ತೇಜಲ್ ಬಿ ದೀಪ್ತಿ ಶರ್ಮ 63<br /> ವೇದಾ ಕೃಷ್ಣಮೂರ್ತಿ ಸಿ ತಾನಿಯಾ ಭಾಟಿಯಾ ಬಿ ಪೂಜಾ ವಸ್ತ್ರಕರ್ 36<br /> ನಿರಂಜನಾ ನಾಗರಾಜನ್ ರನ್ಔಟ್ (ಪೂಜಾ ವಸ್ತ್ರಕರ್) 13<br /> ಅನುಜಾ ಪಾಟೀಲ್ ಔಟಾಗದೆ 14<br /> ಸುಷ್ಮಾ ವರ್ಮ ಸಿ ಪುಷ್ಪಾ ಕಿರೇಸೂರ್ ಬಿ ಸುಶ್ರೀ ಪ್ರಧಾನ್ 01<br /> ಏಕ್ತಾ ಬಿಸ್ತ್ ಔಟಾಗದೆ 02<br /> ಇತರೆ: (ಲೆಗ್ಬೈ–1, ವೈಡ್–10) 11<br /> ವಿಕೆಟ್ ಪತನ: 1–38 (ತಿರುಷ್; 6.3); 2–67 (ಸಾರಿಕಾ; 18.2); 3–73 (ರಕ್ಷಿತಾ; 21.6); 4–155 (ವೇದಾ; 42.3); 5–172 (ನಿರಂಜನಾ; 44.4); 6–189 (ಹರ್ಮನ್ಪ್ರೀತ್; 47.4); 7–192 (ಸುಷ್ಮಾ; 48.3)<br /> ಬೌಲಿಂಗ್ ವಿವರ: ಪೂಜಾ ವಸ್ತ್ರಕರ್ 10–1–48–1 (ವೈಡ್–5), ಪುಷ್ಪಾ ಕಿರೇಸೂರ್ 3–0–21–0 (ವೈಡ್–5), ದೀಪ್ತಿ ಶರ್ಮ 10–1–32–2, ಸೈಕಾ ಇಷ್ಕಿಯು 8–2–28–0, ದೇವಿಕಾ ವೈದ್ಯ 8–1–32–1, ಸುಶ್ರೀ ಪ್ರಧಾನ್ 7–0–23–2, ತೇಜಲ್ 4–0–16–0<br /> <br /> <strong>ಇಂಡಿಯಾ ಗ್ರೀನ್ 9 ಕ್ಕೆ 154 (50 ಓವರ್ಗಳಲ್ಲಿ)</strong><br /> ದಿವ್ಯಾ ಜ್ಞಾನಾನಂದ ಸಿ ಸುಷ್ಮಾ ವರ್ಮ ಬಿ ಕವಿತಾ ಪಾಟೀಲ್ 04<br /> ರಮ್ಯಾ ಡೊಲಿ ಸಿ ಏಕ್ತಾ ಬಿಸ್ತ್ ಬಿ ಕವಿತಾ ಪಾಟೀಲ್ 09<br /> ಜೆಮಿಮಾ ರಾಡ್ರಿಗಾಸ್ ಸಿ ತಿರುಷ್ ಕಾಮಿನಿ ಬಿ ಪ್ರೀತಿ ಬೋಸ್ 16<br /> ದೇವಿಕಾ ವೈದ್ಯ ಬಿ ಅನುಜಾ ಪಾಟೀಲ್ 04<br /> ದೀಪ್ತಿ ಶರ್ಮ ಸ್ಟಂಪ್ಡ್ ಸುಷ್ಮಾ ವರ್ಮ ಬಿ ಹರ್ಮನ್ಪ್ರೀತ್ ಕೌರ್ 20<br /> ತಾನಿಯಾ ಭಾಟಿಯಾ ಸಿ ಸುಷ್ಮಾ ವರ್ಮ ಬಿ ಪ್ರೀತಿ ಬೋಸ್ 67 <br /> ತೇಜಲ್ ಸಿ ಹರ್ಮನ್ಪ್ರೀತ್ ಕೌರ್ ಬಿ ಪ್ರೀತಿ ಬೋಸ್ 08<br /> ಪೂಜಾ ವಸ್ತ್ರಕರ್ ಸಿ ಅನುಜಾ ಪಾಟೀಲ್ ಬಿ ಪ್ರೀತಿ ಬೋಸ್ 11<br /> ಪುಷ್ಪಾ ಕಿರೇಸೂರ್ ಸಿ ವೇದಾ ಕೃಷ್ಣಮೂರ್ತಿ ಬಿ ಏಕ್ತಾ ಬಿಸ್ತ್ 02<br /> ಸುಶ್ರೀ ಪ್ರಧಾನ್ ಔಟಾಗದೆ 00<br /> ಸೈಕಾ ಇಷ್ಕಿಯು ಔಟಾಗದೆ 01<br /> ಇತರೆ: (ವೈಡ್–12) 12<br /> ವಿಕೆಟ್ ಪತನ: 1–12 (ರಮ್ಯಾ 3.5), 2–13 (ದಿವ್ಯಾ; 7.1), 3–33 (ಜೆಮಿಮಾ; 15.3); 4–37 (ದೇವಿಕಾ;19.5); 5–95 (ದೀಪ್ತಿ; 34.4); 6–124 (ತೇಜಲ್; 41.6); 7– 147 (ಪೂಜಾ; 47.1); 8–152 (ಪುಷ್ಪಾ; 48.2); 9–153 (ಭಾಟಿಯಾ; 49.4)<br /> ಬೌಲಿಂಗ್ ವಿವರ: ನಿರಂಜನಾ ನಾಗರಾಜನ್ 6–0–22–0 (ವೈಡ್–1), ಕವಿತಾ ಪಾಟೀಲ್ 5– 2–15–2 (ವೈಡ್–2), ಏಕ್ತಾ ಬಿಸ್ತ್ 10–4–27–1, ಅನುಜಾ ಪಾಟೀಲ್ 10–0–21–1 (ವೈಡ್–1), ಪ್ರೀತಿ ಬೋಸ್ 10–1–23–4, ಹರ್ಮನ್ಪ್ರೀತ್ ಕೌರ್ 5–0–21–1 (ವೈಡ್–3), ಸಾರಿಕಾ 2–0–8–0 (ವೈಡ್–1), ವೇದಾ ಕೃಷ್ಣಮೂರ್ತಿ 2–0–17–0 (ವೈಡ್–4)<br /> ಫಲಿತಾಂಶ: ಬ್ಲ್ಯೂ ತಂಡಕ್ಕೆ 47 ರನ್ಗಳ ಗೆಲುವು ಹಾಗೂ 4 ಪಾಯಿಂಟ್. ಮುಂದಿನ ಪಂದ್ಯ: ಇಂಡಿಯಾ ರೆಡ್–ಇಂಡಿಯಾ ಗ್ರೀನ್ (ಜೂನ್ 16)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
