<p><strong>ತೀರ್ಥಹಳ್ಳಿ:</strong> ವಿಶ್ವ ಪಾರಂಪರಿಕ ತಾಣ ಎಂದು ಯುನೆಸ್ಕೊ ಘೋಷಿಸಿರುವ ಪಶ್ಚಿಮ ಘಟ್ಟ ಸಾಲಿನ ಆಗುಂಬೆ ಸಮೀಪ ಬಿದರಗೋಡು, ಬಾಳೇಹಳ್ಳಿ ಗಾ್ರಮದ ಅತ್ಯಂತ ಸೂಕ್ಷ್ಮ ಅರಣ್ಯ ಪ್ರದೇಶದಲ್ಲಿ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಈಗ ಅನುಮತಿ ದೊರೆಕಿದೆ.<br /> <br /> ಅರಣ್ಯ ಪ್ರದೇಶದ ಸಂರಕ್ಷಣೆ ಕುರಿತು ಡಾ.ಕಸ್ತೂರಿ ರಂಗನ್ ವರದಿ ಜಾರಿ ಕಠಿಣ ನಿಯಮಗಳ ಜಾರಿಯ ಸಂದರ್ಭದಲ್ಲಿ ಜೀವ ವೈವಿಧ್ಯ ಬಿದರಗೋಡು, ಬಾಳೇಹಳ್ಳಿ ಗ್ರಾಮದ 5 ಎಕರೆ ದಟ್ಟ ಅರಣ್ಯ ಪ್ರದೇಶದಲ್ಲಿ ಕಲ್ಲು ಕ್ರಷರ್ ಘಟಕ ಆರಂಭಿಸಲು ಜಿಲ್ಲಾಡಳಿತ ಗುತ್ತಿಗೆ ನೀಡಿರುವುದರಿಂದ ಜೀವ ವೈವಿಧ್ಯ ತಾಣ ಅಪಾಯಕ್ಕೆ ಸಿಲುಕುವಂತಾಗಿದೆ.<br /> <br /> ಜಲ್ಲಿ ಕ್ರಷರ್ ಘಟಕಗಳ 2011ರ ಕಾಯ್ದೆ 6(2)ಎ ಷರತ್ತಿನ ನಿಯಮ, ಇತರ ಅನೇಕ ಅಂಶಗಳನ್ನು ವಿನಾಯ್ತಿಗೊಳಿಸಿ ಈ ಹಿಂದೆ ಜಿಲ್ಲಾಧಿಕಾರಿಯಾಗಿದ್ದ ವಿಪುಲ್ ಬನ್ಸಲ್ ಮಂಜೂರಾತಿ ನೀಡಿರುವುದು ಸಾರ್ವಜನಿಕರ ಅನು ಮಾನಕ್ಕೆ ಕಾರಣವಾಗಿದೆ. ಆಗುಂಬೆ ಹೋಬಳಿ ಬಿದರಗೋಡು ಗ್ರಾಮದ ಸರ್ವೆ ನಂ.73, ಬಾಳೇಹಳ್ಳಿ ಗ್ರಾಮದ ಸರ್ವೆ ನಂ.9 ರಲ್ಲಿ ಒಟ್ಟು 5 ಎಕರೆ ಪ್ರದೇಶವನ್ನು ಕಲ್ಲು ಪುಡಿ ಘಟಕ ಕಾಯ್ದೆ 3(1), 4(1)ರ ಅನ್ವಯ ಷರತ್ತು ವಿಧಿಸಿ 2013 ಅಕ್ಟೋಬರ್ 24 ರಂದು ಎಚ್.ಜಿ.ಸುಧಾಕರ್ ಮಾಲೀಕತ್ವದ ಶ್ರೀರಾಮ ಜೆಲ್ಲಿ ಕ್ರಷರ್, ಎಸ್.ಕೆ.ಧರ್ಮೇಶ್ ಮಾಲೀಕತ್ವದ ಗುತ್ತಿ ರೇಣುಕಾಂಬ ಹೆಸರಿನ ಜೆಲ್ಲಿ ಕ್ರಷರ್ ಘಟಕಕ್ಕೆ 3 ವರ್ಷದ ಅವಧಿಯ ಅನುಮತಿ ಸಿಕ್ಕಿದೆ.<br /> <br /> ಎಚ್.ಜಿ.ಸುಧಾಕರ್ ತೀರ್ಥಹಳ್ಳಿ ತಾಲ್ಲೂಕು ಪಂಚಾಯ್ತಿ ಸದಸ್ಯರಾಗಿದ್ದು, ಎಸ್.ಕೆ. ಧರ್ಮೇಶ್ ತಾಲ್ಲೂಕು ಗುತ್ತಿಗೆದಾರರ ಸಂಘದ ಅಧ್ಯಕ್ಷರಾಗಿದ್ದಾರೆ. ಈ ಪ್ರದೇಶದಲ್ಲಿ ಈ ಇಬ್ಬರ ಮಾಲೀಕತ್ವದಲ್ಲಿ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರೆಕಿರುವುದು ಸಾರ್ವಜನಿಕ ವಲಯದ ಹುಬ್ಬೇರಿಸವಂತೆ ಮಾಡಿದೆ.<br /> <br /> ಬಾಳೇಹಳ್ಳಿ ಗ್ರಾಮ ಸರ್ವೆ ನಂ.9 ರಲ್ಲಿ 2 ಎಕರೆ, ಬಿದರಗೋಡು ಗ್ರಾಮದ ಸರ್ವೆ ನಂ.73ರಲ್ಲಿ 3 ಎಕರೆ ಪ್ರದೇಶವನ್ನು ಹೊಂದಿಸಿಕೊಂಡು ಜಲ್ಲಿ ಕ್ರಷರ್ ವಲಯ ಎಂದು ಗುರುತಿಸಲಾಗಿದೆ. ಈ ಪ್ರದೇಶದ ವ್ಯಾಪ್ತಿ ಯಲ್ಲಿಯೇ 2009ರಲ್ಲಿ ಕೆ.ಎಸ್.ರತ್ನಾಕರ ಹೆಸರಿಗೆ 1 ಎಕರೆ 30 ಗುಂಟೆ, ಆನಂದ ಶೆಟ್ಟಿ ಹೆಸರಿಗೆ 1 ಎಕರೆ ಕಲ್ಲು ಗಣಿಗಾರಿಕೆ ನಡೆಸಲು ಜಿಲ್ಲಾ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅನುಮತಿ ನೀಡಿದೆ. ಈ ಕಲ್ಲುಗಣಿಗಾರಿಕೆ ಗುತ್ತಿಗೆ ಅವಧಿ 2014 ನವೆಂಬರ್ 1 ರಂದು ಮುಕ್ತಾಯವಾಗಿದೆ. ಈ ಪ್ರದೇಶ ಶೃಂಗೇರಿ ತಾಲ್ಲೂಕಿನ ಅಸನಬಾಳು ಮೀಸಲು ಅರಣ್ಯ ಪ್ರದೇಶದ ಸಮೀಪದಲ್ಲಿದ್ದರೂ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರೆತಿರುವುದು ಸಾರ್ವಜನಿಕರನ್ನು ಅಚ್ಚರಿಗೆ ಈಡು ಮಾಡಿದೆ.<br /> <br /> ಜಲ್ಲಿ ಕ್ರಷರ್ ಘಟಕ, ಕಲ್ಲು ಗಣಿಗಾರಿಕೆಯಿಂದ ಸ್ಥಳೀಯ ಸಾಗುವಳಿ, ಅರಣ್ಯ ಪ್ರದೇಶಕ್ಕೆ ಹಾನಿಯಾಗುತ್ತಿದೆ ಎಂದು ಬಿದರಗೋಡು ಗ್ರಾಮದ ರೈತರು ನೀಡಿದ ದೂರನ್ನು ನಿರ್ಲಕ್ಷಿಸಿ ಅನುಮತಿ ನೀಡಿರುವುದು ಬೆಳಕಿಗೆ ಬಂದಿದೆ.<br /> <br /> ಕಸ್ತೂರಿರಂಗನ್ ವರದಿಯಲ್ಲಿ ಜೀವ ವೈವಿಧ್ಯತೆಯ ಬಾಳೇಹಳ್ಳಿ, ಬಿದರಗೋಡು ಗ್ರಾಮ ಸೇರ್ಪಡೆಗೊಂಡಿಲ್ಲ. ಈ ಗ್ರಾಮಗಳು ಅತ್ಯಂತ ಪರಿಸರ ಸೂಕ್ಷ್ಮ ಪ್ರದೇಶವಾಗಿದ್ದರೂ ಕೂಡ ವರದಿ ಸೇರ್ಪಡೆಯಲ್ಲಿ ಕೈತಪ್ಪಿಸಲಾಗಿದೆ ಎಂಬ ಅಭಿಪ್ರಾಯ ಸಾರ್ವಜನಿಕರದ್ದಾಗಿದೆ.<br /> ಅರಣ್ಯ, ಜಲ್ಲಿ ಕ್ರಷರ್ ಕಾಯ್ದೆ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ನಿಯಮ ಉಲ್ಲಂಘಿಸಿ ಜೆಲ್ಲಿ ಕ್ರಷರ್ ಘಟಕ, ಕಲ್ಲು ಗಣಿಗಾರಿಕೆ ಅವ್ಯಾಹತವಾಗಿ ನಡೆಯುತ್ತಿದೆ.<br /> <br /> 'ಅರಣ್ಯ ಪ್ರದೇಶದಲ್ಲಿ ಕಲ್ಲು ಗಣಿಗಾರಿಕೆ ಪ್ರದೇಶ ಸೇರಿಲ್ಲ. 5 ಎಕರೆ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರಕಿದೆ. 2 ಎಕರೆ 30 ಗುಂಟೆ ಪ್ರದೇಶದ ಕಲ್ಲು ಗಣಿಗಾರಿಕೆ ಅನುಮತಿ ಅವಧಿ ಪೂರ್ಣಗೊಂಡಿದ್ದು, ನವೀಕರಿಸುವಂತೆ ಅರ್ಜಿ ಸಲ್ಲಿಕೆಯಾಗಿದೆ.<br /> ಈ ಕುರಿತು ಪರಿಶೀಲನೆ ನಡೆಸಲಾಗುತ್ತದೆ‘ ಎಂದು ತೀರ್ಥಹಳ್ಳಿ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕೇಶವ್ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತೀರ್ಥಹಳ್ಳಿ:</strong> ವಿಶ್ವ ಪಾರಂಪರಿಕ ತಾಣ ಎಂದು ಯುನೆಸ್ಕೊ ಘೋಷಿಸಿರುವ ಪಶ್ಚಿಮ ಘಟ್ಟ ಸಾಲಿನ ಆಗುಂಬೆ ಸಮೀಪ ಬಿದರಗೋಡು, ಬಾಳೇಹಳ್ಳಿ ಗಾ್ರಮದ ಅತ್ಯಂತ ಸೂಕ್ಷ್ಮ ಅರಣ್ಯ ಪ್ರದೇಶದಲ್ಲಿ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಈಗ ಅನುಮತಿ ದೊರೆಕಿದೆ.<br /> <br /> ಅರಣ್ಯ ಪ್ರದೇಶದ ಸಂರಕ್ಷಣೆ ಕುರಿತು ಡಾ.ಕಸ್ತೂರಿ ರಂಗನ್ ವರದಿ ಜಾರಿ ಕಠಿಣ ನಿಯಮಗಳ ಜಾರಿಯ ಸಂದರ್ಭದಲ್ಲಿ ಜೀವ ವೈವಿಧ್ಯ ಬಿದರಗೋಡು, ಬಾಳೇಹಳ್ಳಿ ಗ್ರಾಮದ 5 ಎಕರೆ ದಟ್ಟ ಅರಣ್ಯ ಪ್ರದೇಶದಲ್ಲಿ ಕಲ್ಲು ಕ್ರಷರ್ ಘಟಕ ಆರಂಭಿಸಲು ಜಿಲ್ಲಾಡಳಿತ ಗುತ್ತಿಗೆ ನೀಡಿರುವುದರಿಂದ ಜೀವ ವೈವಿಧ್ಯ ತಾಣ ಅಪಾಯಕ್ಕೆ ಸಿಲುಕುವಂತಾಗಿದೆ.<br /> <br /> ಜಲ್ಲಿ ಕ್ರಷರ್ ಘಟಕಗಳ 2011ರ ಕಾಯ್ದೆ 6(2)ಎ ಷರತ್ತಿನ ನಿಯಮ, ಇತರ ಅನೇಕ ಅಂಶಗಳನ್ನು ವಿನಾಯ್ತಿಗೊಳಿಸಿ ಈ ಹಿಂದೆ ಜಿಲ್ಲಾಧಿಕಾರಿಯಾಗಿದ್ದ ವಿಪುಲ್ ಬನ್ಸಲ್ ಮಂಜೂರಾತಿ ನೀಡಿರುವುದು ಸಾರ್ವಜನಿಕರ ಅನು ಮಾನಕ್ಕೆ ಕಾರಣವಾಗಿದೆ. ಆಗುಂಬೆ ಹೋಬಳಿ ಬಿದರಗೋಡು ಗ್ರಾಮದ ಸರ್ವೆ ನಂ.73, ಬಾಳೇಹಳ್ಳಿ ಗ್ರಾಮದ ಸರ್ವೆ ನಂ.9 ರಲ್ಲಿ ಒಟ್ಟು 5 ಎಕರೆ ಪ್ರದೇಶವನ್ನು ಕಲ್ಲು ಪುಡಿ ಘಟಕ ಕಾಯ್ದೆ 3(1), 4(1)ರ ಅನ್ವಯ ಷರತ್ತು ವಿಧಿಸಿ 2013 ಅಕ್ಟೋಬರ್ 24 ರಂದು ಎಚ್.ಜಿ.ಸುಧಾಕರ್ ಮಾಲೀಕತ್ವದ ಶ್ರೀರಾಮ ಜೆಲ್ಲಿ ಕ್ರಷರ್, ಎಸ್.ಕೆ.ಧರ್ಮೇಶ್ ಮಾಲೀಕತ್ವದ ಗುತ್ತಿ ರೇಣುಕಾಂಬ ಹೆಸರಿನ ಜೆಲ್ಲಿ ಕ್ರಷರ್ ಘಟಕಕ್ಕೆ 3 ವರ್ಷದ ಅವಧಿಯ ಅನುಮತಿ ಸಿಕ್ಕಿದೆ.<br /> <br /> ಎಚ್.ಜಿ.ಸುಧಾಕರ್ ತೀರ್ಥಹಳ್ಳಿ ತಾಲ್ಲೂಕು ಪಂಚಾಯ್ತಿ ಸದಸ್ಯರಾಗಿದ್ದು, ಎಸ್.ಕೆ. ಧರ್ಮೇಶ್ ತಾಲ್ಲೂಕು ಗುತ್ತಿಗೆದಾರರ ಸಂಘದ ಅಧ್ಯಕ್ಷರಾಗಿದ್ದಾರೆ. ಈ ಪ್ರದೇಶದಲ್ಲಿ ಈ ಇಬ್ಬರ ಮಾಲೀಕತ್ವದಲ್ಲಿ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರೆಕಿರುವುದು ಸಾರ್ವಜನಿಕ ವಲಯದ ಹುಬ್ಬೇರಿಸವಂತೆ ಮಾಡಿದೆ.<br /> <br /> ಬಾಳೇಹಳ್ಳಿ ಗ್ರಾಮ ಸರ್ವೆ ನಂ.9 ರಲ್ಲಿ 2 ಎಕರೆ, ಬಿದರಗೋಡು ಗ್ರಾಮದ ಸರ್ವೆ ನಂ.73ರಲ್ಲಿ 3 ಎಕರೆ ಪ್ರದೇಶವನ್ನು ಹೊಂದಿಸಿಕೊಂಡು ಜಲ್ಲಿ ಕ್ರಷರ್ ವಲಯ ಎಂದು ಗುರುತಿಸಲಾಗಿದೆ. ಈ ಪ್ರದೇಶದ ವ್ಯಾಪ್ತಿ ಯಲ್ಲಿಯೇ 2009ರಲ್ಲಿ ಕೆ.ಎಸ್.ರತ್ನಾಕರ ಹೆಸರಿಗೆ 1 ಎಕರೆ 30 ಗುಂಟೆ, ಆನಂದ ಶೆಟ್ಟಿ ಹೆಸರಿಗೆ 1 ಎಕರೆ ಕಲ್ಲು ಗಣಿಗಾರಿಕೆ ನಡೆಸಲು ಜಿಲ್ಲಾ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅನುಮತಿ ನೀಡಿದೆ. ಈ ಕಲ್ಲುಗಣಿಗಾರಿಕೆ ಗುತ್ತಿಗೆ ಅವಧಿ 2014 ನವೆಂಬರ್ 1 ರಂದು ಮುಕ್ತಾಯವಾಗಿದೆ. ಈ ಪ್ರದೇಶ ಶೃಂಗೇರಿ ತಾಲ್ಲೂಕಿನ ಅಸನಬಾಳು ಮೀಸಲು ಅರಣ್ಯ ಪ್ರದೇಶದ ಸಮೀಪದಲ್ಲಿದ್ದರೂ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರೆತಿರುವುದು ಸಾರ್ವಜನಿಕರನ್ನು ಅಚ್ಚರಿಗೆ ಈಡು ಮಾಡಿದೆ.<br /> <br /> ಜಲ್ಲಿ ಕ್ರಷರ್ ಘಟಕ, ಕಲ್ಲು ಗಣಿಗಾರಿಕೆಯಿಂದ ಸ್ಥಳೀಯ ಸಾಗುವಳಿ, ಅರಣ್ಯ ಪ್ರದೇಶಕ್ಕೆ ಹಾನಿಯಾಗುತ್ತಿದೆ ಎಂದು ಬಿದರಗೋಡು ಗ್ರಾಮದ ರೈತರು ನೀಡಿದ ದೂರನ್ನು ನಿರ್ಲಕ್ಷಿಸಿ ಅನುಮತಿ ನೀಡಿರುವುದು ಬೆಳಕಿಗೆ ಬಂದಿದೆ.<br /> <br /> ಕಸ್ತೂರಿರಂಗನ್ ವರದಿಯಲ್ಲಿ ಜೀವ ವೈವಿಧ್ಯತೆಯ ಬಾಳೇಹಳ್ಳಿ, ಬಿದರಗೋಡು ಗ್ರಾಮ ಸೇರ್ಪಡೆಗೊಂಡಿಲ್ಲ. ಈ ಗ್ರಾಮಗಳು ಅತ್ಯಂತ ಪರಿಸರ ಸೂಕ್ಷ್ಮ ಪ್ರದೇಶವಾಗಿದ್ದರೂ ಕೂಡ ವರದಿ ಸೇರ್ಪಡೆಯಲ್ಲಿ ಕೈತಪ್ಪಿಸಲಾಗಿದೆ ಎಂಬ ಅಭಿಪ್ರಾಯ ಸಾರ್ವಜನಿಕರದ್ದಾಗಿದೆ.<br /> ಅರಣ್ಯ, ಜಲ್ಲಿ ಕ್ರಷರ್ ಕಾಯ್ದೆ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ನಿಯಮ ಉಲ್ಲಂಘಿಸಿ ಜೆಲ್ಲಿ ಕ್ರಷರ್ ಘಟಕ, ಕಲ್ಲು ಗಣಿಗಾರಿಕೆ ಅವ್ಯಾಹತವಾಗಿ ನಡೆಯುತ್ತಿದೆ.<br /> <br /> 'ಅರಣ್ಯ ಪ್ರದೇಶದಲ್ಲಿ ಕಲ್ಲು ಗಣಿಗಾರಿಕೆ ಪ್ರದೇಶ ಸೇರಿಲ್ಲ. 5 ಎಕರೆ ಜಲ್ಲಿ ಕ್ರಷರ್ ಘಟಕ ಆರಂಭಕ್ಕೆ ಅನುಮತಿ ದೊರಕಿದೆ. 2 ಎಕರೆ 30 ಗುಂಟೆ ಪ್ರದೇಶದ ಕಲ್ಲು ಗಣಿಗಾರಿಕೆ ಅನುಮತಿ ಅವಧಿ ಪೂರ್ಣಗೊಂಡಿದ್ದು, ನವೀಕರಿಸುವಂತೆ ಅರ್ಜಿ ಸಲ್ಲಿಕೆಯಾಗಿದೆ.<br /> ಈ ಕುರಿತು ಪರಿಶೀಲನೆ ನಡೆಸಲಾಗುತ್ತದೆ‘ ಎಂದು ತೀರ್ಥಹಳ್ಳಿ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕೇಶವ್ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
