ಎರಡು ಕವಿತೆಗಳು

ಗಾಳಿಯಲಿ ತೇಲಿ ಹೋದ

ಗಾಳಿಯಲಿ ತೇಲಿ ಹೋದ ಅದೆಷ್ಟು ಮಾತು ಕಣ್ಣಿಗೆ ಕಾಣಿಸದೆ ಹೋಗಿವೆ...

. ಬೆಳಕಿನಲಿ ಬೆರೆತು ಹೋದ ಅದೆಷ್ಟು ನಗು ಕಣ್ಣಿಗೆ ಕಾಣಿಸದೆ ಹೋಗಿವೆ...

. ನೀರಿನಲಿ ಮುಳುಗಿ ಹೋದ ಅದೆಷ್ಟು ಅಳು ಕಣ್ಣಿಗೆ ಕಾಣಿಸದೆ ಹೋಗಿವೆ...

. ಅವಾವೂ ಕಾಣಿಸದೆ ಹೋಗಬೇಕಾದ್ದೆ. ಇಲ್ಲದಿದ್ದರೆ ಮನುಷ್ಯ ಹೇಗೆ ಹೊಸದು ಆದಾನು? ***

. ಮರೆಯಲ್ಲಿದೆ ನವಿಲು

ಮರೆಯಲ್ಲಿದೆ ನವಿಲು ಬೆಳಗಿನ ಬಿಸಿಲನು ಮೇಯುತಿದೆ. ಹಾವಿನ ಪೊರೆ ತುಳಿಯುತಿದೆ.

. ಅಪನಂಬಿಕೆಯಲೆ ಬೇಯುವ ಮನದಿ ಯಾವುದೂ ಬೇಯುವುದು: ಪೊರೆ, ಬಿಸಿಲು, ನವಿಲು...

. ಉಳಿವ ಹಲ್ಲಲಿ ಕಡೆಯ ಊಟದ ಸ್ವಾದ ಬಣ್ಣನೆಯ ಕೇಳುವವರಾರು?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.