ಕನ್ನಡ ಪಠ್ಯ: ಕಳಪೆ ಯಾಕೆ?

ನಟರಾಜ್ ಹುಳಿಯಾರ್ ಅವರ ಅಂಕಣ ಬರಹಕ್ಕೆ ನನ್ನ ಪ್ರತಿಕ್ರಿಯೆ (ಪ್ರ.ವಾ., ಅ.15). ಲೇಖಕರು ಪಿಯುಸಿ ಮತ್ತು ಅದಕ್ಕೆ ಮೇಲಿನ ತರಗತಿಗಳಲ್ಲಿ ಪಠ್ಯಪುಸ್ತಕಗಳ ದುರ್ಗತಿಯನ್ನು ಕುರಿತು ವಿವರಿಸಿದ್ದಾರೆ. ಆದರೆ ನನ್ನ ಕಳಕಳಿ ಕನ್ನಡದ ಬಗ್ಗೆ ಅಭಿಮಾನ ಮೂಡಿಸಬಲ್ಲ ಒಂದರಿಂದ ಹತ್ತನೇ ತರಗತಿಯ ಪಠ್ಯಗಳನ್ನು ಕುರಿತಾಗಿದೆ.

ಕನ್ನಡವನ್ನು ಎರಡನೇ ಭಾಷೆಯಾಗಿ ಮತ್ತು ಇಂಗ್ಲಿಷ್ ಮೊದಲ ಭಾಷೆಯಾಗಿ ತೆಗೆದುಕೊಂಡ ವಿದ್ಯಾರ್ಥಿಗಳ ಸಂಖ್ಯೆ ನಗರಗಳಲ್ಲಿ ಸಾಕಷ್ಟಿರಬೇಕು. ಇವರಿಗೆ ನಿಗದಿಯಾದ ಇಂಗ್ಲಿಷ್ ಪಠ್ಯಪುಸ್ತಕಗಳ ಸಂಪಾದನೆ ಮತ್ತು ಅವುಗಳ ತಯಾರಿಕೆಯ ಗುಣಮಟ್ಟವನ್ನು ಇವರೇ ಓದುವ ಕನ್ನಡ ಪಠ್ಯಪುಸ್ತಕಗಳಿಗೆ ಹೋಲಿಸಿದರೆ ನಿರಾಸೆಯಾಗುತ್ತದೆ.

ಇಂಗ್ಲಿಷ್ ಪಠ್ಯಗಳಲ್ಲಿ ಅಂದವಾದ ಮುದ್ರಣ, ಬಣ್ಣದ ಚಿತ್ರಗಳು, ಒಳ್ಳೆಯ ಕಾಗದದ ಬಳಕೆ ಇದ್ದರೆ, ಅದೇ ಹಂತಕ್ಕೆ ಬೋಧಿಸಲು ಇಟ್ಟಿರುವ ಕನ್ನಡ ಪಠ್ಯಗಳಲ್ಲಿ ಕಪ್ಪು-ಬಿಳುಪು ಮುದ್ರಣ, ಕಳಪೆ ಗುಣಮಟ್ಟದ ಕಾಗದದ ಬಳಕೆ, ತಿಂಗಳಲ್ಲೇ ಕಿತ್ತುಹೋಗುವ ಬೈಂಡಿಂಗ್ ಹಾಗೂ ಆಕರ್ಷಣೆ ಮೂಡಿಸದ ಚಿತ್ರಗಳಿವೆ.

ಇಂಗ್ಲಿಷ್ ಪಠ್ಯಗಳಲ್ಲಿ ಶೇಕ್ಸ್ಪಿಯರ್ ಮತ್ತು ವರ್ಡ್ಸ್ವರ್ತ್ ಜತೆಜತೆಗೇ ರಸ್ಕಿನ್ ಬಾಂಡ್, ಸತ್ಯಜಿತ್ ರೇ ಮೊದಲಾದವರ ಸ್ವಾರಸ್ಯಕರ ಕತೆ-ಗಳು, ಹಾಸ್ಯ, ಪತ್ತೇದಾರಿ, ಸಾಹಸ ಇವುಗಳನ್ನೊಳಗೊಂಡ ಕತೆ-, ಕಾವ್ಯ, -ನಾಟಕಗಳ ಭಾಗಗಳನ್ನು ಓದಲು ನಿಗದಿ ಮಾಡಿದ್ದಾರೆ. ಆದರೆ ಅದೇ ಕನ್ನಡ ಪಠ್ಯಗಳಲ್ಲಿ ಹೆಸರೇ ಕೇಳಿರದ ಕವಿ–ಲೇಖಕರ ನೀರಸ ಕವಿತೆಗಳು ಹಾಗೂ ಪ್ರಬಂಧಗಳಿವೆ.

21ನೇ ಶತಮಾನದ ಹೊಸ ತಲೆಮಾರಿನ ಮಕ್ಕಳನ್ನು ಸ್ವಲ್ಪವೂ ತಟ್ಟದ ವಿಷಯಗಳು ಹಾಗೂ ಏಕತಾನತೆ ಹುಟ್ಟಿಸುವ ಕನ್ನಡ ಕವಿತೆಗಳು ಹಾಗೂ ಪಾಠಗಳಿವೆ. ಇಂಗ್ಲಿಷ್ ಪಠ್ಯದಲ್ಲಿ ಶ್ರಮ ಪಟ್ಟು ತಯಾರಿಸಿದ ಟಿಪ್ಪಣಿಗಳು, ಸುಲಭವಾಗಿ ಸಿಕ್ಕುವ ಕಠಿಣ ಪದಗಳ ಹಾಗೂ ವಾಕ್ಯ ಪುಂಜಗಳ ಅರ್ಥ, ಕವಿತೆ ಮತ್ತು ಗದ್ಯ ಪಾಠದ ಸ್ವಾರಸ್ಯವನ್ನು ಮನದಟ್ಟು ಮಾಡುವ ಪ್ರಶ್ನೆಗಳು ವಿದ್ಯಾರ್ಥಿಗೆ ದೊರೆತರೆ ಕನ್ನಡ ಪಠ್ಯದಲ್ಲಿ ಸೃಜನಾತ್ಮಕತೆಯಿಲ್ಲದೆ ತಯಾರಿಸಿದ ಪ್ರಶ್ನೆಗಳು ತುಂಬಿವೆ.

ಕನ್ನಡದ ಉಳಿವಿನ ಬಗ್ಗೆ ಕಾಳಜಿ ವ್ಯಕ್ತವಾಗುತ್ತಿರುವ ದಿನಗಳಲ್ಲಿ ಕನ್ನಡ ಪಠ್ಯಪುಸ್ತಕ ರಚನೆಯ ಬಗ್ಗೆ ಒಣ ಚರ್ಚೆಗಿಂತ ಹೆಚ್ಚಾಗಿ ಪರಿಣಾಮಕಾರಿಯಾಗಿ ಕೆಲಸ ನಡೆಯಬೇಕಾಗಿದೆ. ಇಂಟರ್ ನೆಟ್ ನೀಡುವ ಹೊಸ ಹೊಳಹುಗಳನ್ನು ಹೊಸ ಪೀಳಿಗೆಯ ದೃಷ್ಟಿಯಿಂದಲಾದರೂ ಈ ನಿಟ್ಟಿನಲ್ಲಿ ಬಳಸಿಕೊಳ್ಳುವುದು ಅನಿವಾರ್ಯವಾಗಿದೆ. –ಸಿ.ಪಿ.ರವಿಕುಮಾರ್, ಬೆಂಗಳೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕನ್ನಡ ಪಠ್ಯ: ಕಳಪೆ ಯಾಕೆ?

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ದಿನ ಭವಿಷ್ಯ: ಅಚ್ಚರಿಯೆನಿಸುವ ಸುದ್ದಿಯೊಂದು ಅನ್ಯರ ಮೂಲಕ ತಿಳಿಯಲಿದೆ

370ನೇ ವಿಧಿ ಮರುಸ್ಥಾಪನೆ ಕುರಿತು ಖರ್ಗೆ ಹೇಳಿಕೆ: NCಯಿಂದ ವಿವರಣೆ ಕೇಳಿದ PDP

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಮಿನಿ ಒಲಿಂಪಿಕ್ಸ್ | ಸೈಕ್ಲಿಂಗ್: ಸಂಗಮೇಶ್, ನಂದಿನಿ ಮಿಂಚು

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಹಾಕಿ: ಭಾರತಕ್ಕೆ ಶರಣಾದ ಚೀನಾ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ದಿನ ಭವಿಷ್ಯ: ಅಚ್ಚರಿಯೆನಿಸುವ ಸುದ್ದಿಯೊಂದು ಅನ್ಯರ ಮೂಲಕ ತಿಳಿಯಲಿದೆ

370ನೇ ವಿಧಿ ಮರುಸ್ಥಾಪನೆ ಕುರಿತು ಖರ್ಗೆ ಹೇಳಿಕೆ: NCಯಿಂದ ವಿವರಣೆ ಕೇಳಿದ PDP