ಗಂಗಜ್ಜಿ ನೆನಪು: ಯುವ ಪ್ರತಿಭೆಗಳ ಸಂಗಮ

ಹುಬ್ಬಳ್ಳಿ: ಹೊರಗೆ ಧಾರಾಕಾರ ಮಳೆ. ಜರ್ಕಿನ್ ಒಳಗೆಯೂ ನುಸುಳುವ ಚಳಿಗಾಳಿ. ಇಂಥ ಹಿತವಾದ ವಾತಾವರಣದಲ್ಲಿ ಸವಾಯಿ ಗಂಧರ್ವ ಸಭಾಂಗಣದಲ್ಲಿ ನಾದ ಸುಧೆ ಹರಿದಿತ್ತು. ಹಿರಿಯ ಕಲಾವಿದರ ಪ್ರಬುದ್ಧತೆಯ ಜೊತೆಗೆ ಯುವ ತಲೆಮಾರಿನ ಪ್ರತಿನಿಧಿಗಳ ಮೋಹಕ ಕಂಠದ ಮಾಧುರ್ಯ. ಮಳೆಯಲ್ಲೂ ಬಂದಿದ್ದ ಸಂಗೀತಾಸಕ್ತರ ಕರತಾಡನದಿಂದ ಸಭಾಂಗಣದಲ್ಲಿ ನವೋನ್ಮೇಷದ ಸಂಚಲನ.

ಗಂಗೂಬಾಯಿ ಹಾನಗಲ್ ಅವರ ನಾಲ್ಕನೇ ಪುಣ್ಯಸ್ಮರಣೆ ಅಂಗವಾಗಿ ಡಾ. ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಫೌಂಡೇಷನ್ ಭಾನುವಾರ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ಶಾಸ್ತ್ರೀಯ ಸಂಗಿತೋತ್ಸವದಲ್ಲಿ ಹಿರಿಯ ಹಾಗೂ ಕಿರಿಯ ಗಾಯಕರು ಗಾಯನ, ವಾದನದ ಮೂಲಕ ಸಂಗೀತ ಪ್ರಿಯರನ್ನು ರಂಜಿಸಿದರು; ಗಂಗಜ್ಜಿಯನ್ನು ನೆನಪಿಸಿದರು.

ಎಲೆ ಮರೆಯ ಕಾಯಿಯಂತೆ ಇದ್ದ ಅನೇಕ ಗಾಯಕರನ್ನು ಬೆಳಕಿಗೆ ತಂದ ವೇದಿಕೆಯಲ್ಲಿ ರಾಗಗಳು ಅಲೆ ಅಲೆಯಾಗಿ ಮಾರ್ದನಿಸಿದಾಗ ಪ್ರೇಕ್ಷಕರು ತಲೆದೂಗಿ ಚಪ್ಪಾಳೆಯ ಮಳೆ ಸುರಿಸಿದರು. ಶಹನಾಯ್, ತಬಲಾ, ಹಾರ್ಮೋನಿಯಂ ತನಿ ವಾದನವೂ ಕಲಾಪ್ರಿಯರ ಮನತಣಿಸಿತು.

ಶಹನಾಯ್ ವಾದನದ ಮೂಲಕ ಬೆಳಿಗ್ಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದು ಎಸ್.ಡಿ. ಭಜಂತ್ರಿ. ನಂತರ ಹಾನಗಲ್ ಸ್ಕೂಲ್ ಆಫ್ ಇಂಡಿಯನ್ ಮ್ಯೂಸಿಕ್ನ ಮಕ್ಕಳು ಗುರು ಅರುಣ ದೇಸಾಯಿ ನೇತೃತ್ವದಲ್ಲಿ ಸಮೂಹ ಗಾಯನ ನಡೆಸಿಕೊಟ್ಟರು. ಒಂದೇ ಸ್ವರದಲ್ಲಿ ಕೇಳಿಬಂದ ಕೀರ್ತನೆ, ದಾಸರ ಪದಗಳು ಹೃದಯ ತಂಪಾಗಿಸಿದವು. ನಂತರ ಧಾರವಾಡದ ವಲ್ಲಭ ಮುಳಗುಂದ ಅವರು ಕೋಮಲ್ ಋಷಭ ಅಸಾವರಿ ರಾಗದ ಮೂಲಕ ಸಭಾಂಗಣದಲ್ಲಿ ರಸ ತುಂಬಿದರು.

ಗಂಭೀರ ಆಲಾಪ್ಗಳ ಮೂಲಕ ಆರಂಭದಲ್ಲೇ ಗಮನ ಹಿಡಿದಿಟ್ಟ ಅವರು ಧೃತ್ ಗತ್ನಲ್ಲಿ ಪ್ರಸ್ತುತಪಡಿಸಿದ `ಮೈ ತೋ ತುಮ್ರೋ ದಾಸ್ ಜನಮ್ ಜನಮ್ ಸೇ' ಎಂಬ ಚೀಸ್ ಉತ್ಸಾಹ ತುಂಬಿತು. ಶ್ರೀಪಾದ ಮುಳಗುಂದ ಹಾರ್ಮೋನಿಯಂನಲ್ಲಿ ಮತ್ತು ಶ್ರೀಕಾಂತ ತಬಲಾದಲ್ಲಿ ಸಹಕಾರ ನೀಡಿದರು.

ಧಾರವಾಡದ ಗೀತಾ ಆಲೂರ ಅವರು ರಾಮ್ಕಲಿ ರಾಗದಲ್ಲಿ ಪ್ರಸ್ತುತಪಡಿಸಿದ `ಆಜ್ ರಾಧಾ ತೋರೆ ವದನ್'ನ ಬೆನ್ನಲ್ಲೇ ಧೃತ್ಗತ್ನಲ್ಲಿ ಹರಿದು ಬಂದ `ಸಗರಿ ರೈನ್ಕೆ ಜಾಗೇವಾಲೆ' ಪ್ರೇಕ್ಷಕರ ಮನ ಗೆದ್ದಿತು. ತಮ್ಮಣ್ಣ ಪಾಟೀಲ ಹಾರ್ಮೋನಿಯಂ ಸಾಥ್ ನೀಡಿದರು.

ಜಪ್ ತಾಳ್ ಸೊಬಗು ವಾಸುದೇವ ಕಾರೇಕರ್ ಜಪ್ತಾಳ್ನ ಸೊಬಗನ್ನು ಉಣಬಡಿಸಿದರು. ಬೃಂದಾವನಿ ಸಾರಂಗ್ ರಾಗದಲ್ಲಿ `ಘನ ಗಗನ ಕರಗತ' ಪ್ರಸ್ತುತಪಡಿಸಿದ ಅವರು ಸಂಗೀತ ಪ್ರಿಯರನ್ನು ಕುಳಿತಲ್ಲೇ ಕುಣಿಸಿದರು. ಯುವ ಗಾಯಕ ಹರೀಶ ಹೆಗಡೆ ಹಳವಳ್ಳಿ ಮಧುರ ಗಾಯನ ಆರಂಭವಾದಾಗ ಹೊತ್ತು ನೆತ್ತಿಗೇರಿತ್ತು.

ಹೊಟ್ಟೆ ಹಸಿಯುತ್ತಿದ್ದರೂ ಅವರ ಸ್ವರ ಮಾಧುರ್ಯಕ್ಕೆ ಮನಸೋತ ಪ್ರೇಕ್ಷಕರು ಕುಳಿತಲ್ಲಿಂದ ಕದಲದೇ ಶುದ್ಧ ಸಾರಂಗ್ ರಾಗದ ಸವಿ ಉಂಡರು. ಸುಪ್ರಿಯಾ ಭಟ್, ಪರಶುರಾಮ ಭಜಂತ್ರಿ ಹಾಗೂ ಪವನ ಎಂ.ಹೆಗಡೆ ಅವರ ಗಾಯನವೂ ಗಮನ ಸೆಳೆಯಿತು. ನಾಗಭೂಷಣ ಎಸ್.ಜಿ.ತಬಲಾ ತನಿ ಪ್ರದರ್ಶನ ನೀಡಿದರು.

ಡಾ.ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಫೌಂಢೇಷನ್ ಅಧ್ಯಕ್ಷ ಮನೋಜ ಹಾನಗಲ್, ಹುಬ್ಬಳ್ಳಿ ಆರ್ಟ್ ಸರ್ಕಲ್ ಕಾರ್ಯದರ್ಶಿ ಬಾಬುರಾವ ಹಾನಗಲ್ ಮತ್ತಿತರರು ಉಪಸ್ಥಿತರಿದ್ದರು. ಪಲ್ಲವಿ ಖಾನಪೇಟೆ ಕಾರ್ಯಕ್ರಮ ನಿರೂಪಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಂಗಜ್ಜಿ ನೆನಪು: ಯುವ ಪ್ರತಿಭೆಗಳ ಸಂಗಮ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

IND vs AUS | ಆಸ್ಟ್ರೇಲಿಯಾಕ್ಕೆ ರೋಹಿತ್ ಜತೆ ಶಮಿ ಪ್ರಯಾಣ: ವರದಿ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024