ಚಿನ್ನದ ಧಾರಣೆ ದಾಖಲೆ ಕುಸಿತ

ಮುಂಬೈ (ಪಿಟಿಐ): ಚಾಲ್ತಿ ಖಾತೆ ಕೊರತೆ (ಸಿಎಡಿ) ತಗ್ಗಿಸಲು ಚಿನ್ನದ ಆಮದಿನ ಮೇಲೆ ಹೇರಿದ್ದ ನಿರ್ಬಂಧಗಳನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಸಡಿಲಿಸಿದೆ. ಇದರಿಂದ ಗುರುವಾರ ಚಿನ್ನದ ಧಾರಣೆ ದಾಖಲೆ ಕುಸಿತ ಕಂಡಿದೆ. ನವದೆಹಲಿಯಲ್ಲಿ ಸ್ಟ್ಯಾಂಡರ್ಡ್ ಚಿನ್ನದ ಧಾರಣೆ 10 ಗ್ರಾಂಗಳಿಗೆ ರೂ800 ಕುಸಿದು ರೂ28,550ಕ್ಕೆ ಇಳಿಯಿತು. ಮುಂಬೈನಲ್ಲಿ ರೂ780 ಕುಸಿದು ರೂ28 ಸಾವಿರದ ಗಡಿ ಇಳಿದು, ರೂ27,690ರಲ್ಲಿ ಮಾರಾಟವಾಯಿತು. ಬೆಂಗಳೂರಿನಲ್ಲಿ ರೂ806 ಇಳಿಕೆಯಾಗಿದ್ದು 28,250ಕ್ಕೆ ಮಾರಾಟವಾಗಿದೆ.

2014ರಲ್ಲಿ ಇದುವರೆಗೆ ದಾಖಲಾಗಿರುವ ದಿನವೊಂದರ ಗರಿಷ್ಠ ಬೆಲೆ ಕುಸಿತ ಇದಾಗಿದೆ. ಬೆಳ್ಳಿ ಕೂಡ ನವದೆಹಲಿಯಲ್ಲಿ ಕೆ.ಜಿಗೆ ರೂ50 ಅಲ್ಪ ಕುಸಿತ ಕಂಡು ರೂ41,650ಕ್ಕೆ ಇಳಿಯಿತು. ಮುಂಬೈನಲ್ಲಿ ರೂ85 ಏರಿಕೆ ಕಂಡು ರೂ41,860ರಲ್ಲಿ ವಹಿವಾಟು ಕಂಡಿತು.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನದ ಧಾರಣೆ ಗುರುವಾರ ಶೇ 0.19ರಷ್ಟು ಕುಸಿತ ಕಂಡು ಪ್ರತಿ ಔನ್ಸ್ಗೆ 1,291 ಡಾಲರ್ಗಳಿಗೆ ಇಳಿಕೆ ಕಂಡಿದೆ.

ನಿರ್ಬಂಧ ಸಡಿಲಿಕೆ ರಫ್ತು ಉದ್ದೇಶಕ್ಕಾಗಿ 20;80 ಅನುಪಾತದಲ್ಲಿ ಚಿನ್ನ ಆಮದು ಮಾಡಿಕೊಳ್ಳಲು ಆಯ್ದ ಬ್ಯಾಂಕುಗಳಿಗೆ ‘ಆರ್ಬಿಐ’ ಈಗಾಗಲೇ ಪರವಾನಗಿ ನೀಡಿದೆ. ಇದೀಗ ವಿದೇಶಿ ವ್ಯಾಪಾರ ಮಹಾನಿರ್ದೇಶನಾಲಯದಲ್ಲಿ (ಡಿಜಿಎಫ್ಟಿ) ನೋಂದಾಯಿಸಿಕೊಂಡಿರುವ ಸ್ಟಾರ್ ಟ್ರೇಡಿಂಗ್ ಹೌಸಸ್ (ಎಸ್ಟಿಎಚ್) ಮತ್ತು ಪ್ರೀಮಿಯರ್ ಟ್ರೇಡಿಂಗ್ ಹೌಸಸ್ (ಪಿಟಿಎಚ್) ಸಂಸ್ಥೆಗಳಿಗೂ ಈ ಅವಕಾಶ ನೀಡಲಾಗಿದೆ. ಆದರೆ, ಒಟ್ಟಾರೆ ಆಮದು ಮಾಡಿಕೊಂಡ ಚಿನ್ನದಲ್ಲಿ ಶೇ 20ರಷ್ಟನ್ನು ಕಡ್ಡಾಯವಾಗಿ ರಫ್ತು ಉದ್ದೇಶಕ್ಕೆ ಬಳಸಬೇಕು ಎಂದೂ ‘ಆರ್ಬಿಐ’ ಪ್ರಕಟಣೆ ತಿಳಿಸಿದೆ.

2013ರ ಜುಲೈನಲ್ಲಿ ಡಾಲರ್ ವಿರುದ್ಧ ರೂಪಾಯಿ ವಿನಿಮಯ ಮೌಲ್ಯ ದಾಖಲೆ ಪ್ರಮಾಣದಲ್ಲಿ ಕುಸಿದಾಗ ‘ಆರ್ಬಿಐ’ ಚಿನ್ನದ ಆಮದಿನ ಮೇಲೆ ನಿರ್ಬಂಧ ಹೇರಿತ್ತು. ಚಿನ್ನದ ಆಮದು ಸುಂಕವನ್ನು ಶೇ 10ಕ್ಕೆ ಹೆಚ್ಚಿಸಲಾಗಿತ್ತು.

‘ಸಿಎಡಿ’ ಇಳಿಕೆ 2013–14ನೇ ಸಾಲಿನಲ್ಲಿ ಚಿನ್ನ ಮತ್ತು ಬೆಳ್ಳಿ ಆಮದು ಶೇ 40ರಷ್ಟು ತಗ್ಗಿದ್ದು, 3346 ಕೋಟಿ ಡಾಲರ್ಗಳಿಗೆ (ಸುಮಾರು ರೂ2.04 ಲಕ್ಷ ಕೋಟಿಗೆ) ಇಳಿಕೆ ಕಂಡಿದೆ. ಇದರಿಂದ ಚಾಲ್ತಿ ಖಾತೆ ಕೊರತೆ (ಸಿಎಡಿ) 3,200 ಕೋಟಿ ಡಾಲರ್ಗಳಿಗೆ (ರೂ1.95 ಲಕ್ಷ ಕೋಟಿ) ಇಳಿಕೆ ಕಂಡಿದೆ.

‘ಆರ್ಬಿಐ’ ತೆಗೆದುಕೊಂಡಿರುವ ನಿರ್ಧಾರ ಸಕಾರಾತ್ಮಕವಾಗಿದೆ. ಒಟ್ಟಾರೆ ಚಿನ್ನಾಭರಣ ಉದ್ಯಮಕ್ಕೆ ಇದು ಉತ್ತೇಜನ ನೀಡಲಿದ್ದು, ಚಿನ್ನದ ಪೂರೈಕೆ ಮತ್ತು ಮಾರಾಟ ಹೆಚ್ಚಲಿದೆ’ ಎಂದು ಅಖಿಲ ಭಾರತ ಚಿನ್ನಾಭರಣ ವರ್ತಕರ ಒಕ್ಕೂಟದ (ಜಿಜೆಎಫ್) ಅಧ್ಯಕ್ಷ ಹರೀಶ್ ಸೋನಿ ಅಭಿಪ್ರಾಯಪಟ್ಟಿದ್ದಾರೆ. ಕೇಂದ್ರ ಸರ್ಕಾರ ಚಿನ್ನದ ಆಮದು ಸುಂಕ ತಗ್ಗಿಸಿದರೆ ರಫ್ತು ವಹಿವಾಟು ಕೂಡ ಚೇತರಿಸಿಕೊಳ್ಳಲಿದೆ ಎಂದು ಅವರು ಹೇಳಿದ್ದಾರೆ.

ಚಾಲ್ತಿ ಖಾತೆ ಕೊರತೆ (ಸಿಎಡಿ) ತಗ್ಗಿಸಲು ಚಿನ್ನದ ಆಮದಿನ ಮೇಲೆ ಹೇರಿದ್ದ ನಿರ್ಬಂಧಗಳನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಸಡಿಲಿಸಿದೆ. ಇದರಿಂದ ಗುರುವಾರ ಚಿನ್ನದ ಧಾರಣೆ ದಾಖಲೆ ಕುಸಿತ ಕಂಡಿದೆ.

ಬೆಲೆ ಇನ್ನಷ್ಟು ಇಳಿಯುವ ಸಾಧ್ಯತೆ ಆಮದು ನಿರ್ಬಂಧಗಳನ್ನು ಸಡಿಲಗೊಳಿಸಿರುವುದರಿಂದ ಚಿನ್ನದ ಆಮದು ತಿಂಗಳಿಗೆ ಸರಾಸರಿ 10 ರಿಂದ 15 ಟನ್ಗಳಷ್ಟು ಹೆಚ್ಚಲಿದ್ದು ಬೆಲೆ ಇನ್ನಷ್ಟು ಇಳಿಕೆ ಕಾಣಲಿದೆ ಎಂದು ಅಖಿಲ ಭಾರತ ಚಿನ್ನಾಭರಣ ವರ್ತಕರ ಒಕ್ಕೂಟದ ನಿರ್ದೇಶಕ ಬಚ್ರಾಜ್ ಬಮಲ್ವಾ ಹೇಳಿದ್ದಾರೆ.

. ರೂಪಾಯಿ ಮೌಲ್ಯವರ್ಧನೆ :ಡಾಲರ್ ವಿರುದ್ಧ ರೂಪಾಯಿ ವಿನಿಮಯ ಮೌಲ್ಯ ಗುರುವಾರ 30 ಪೈಸೆಗಳಷ್ಟು ಚೇತರಿಕೆ ಕಂಡಿದ್ದು 11 ತಿಂಗಳಲ್ಲೇ ಗರಿಷ್ಠ ಮಟ್ಟವಾದ ರೂ 58.47ರಷ್ಟಾಗಿದೆ. 2013ರ ಜೂನ್ 17ರ ನಂತರ ದಾಖಲಾಗಿರುವ ಗರಿಷ್ಠ ವಿನಿಮಯ ಮೌಲ್ಯ ಇದಾಗಿದೆ. ಷೇರುಪೇಟೆ ಚೇತರಿಕ ಕಂಡಿರುವುದರಿಂದ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ (ಎಫ್ಐಐ) ಚಟುವಟಿಕೆ ಹೆಚ್ಚಿದೆ. ಇದರಿಂದ ರೂಪಾಯಿ ಮೌಲ್ಯವರ್ಧನೆ ಆಗಿದೆ ಎನ್ನುತ್ತಾರೆ ಮಾರುಕಟ್ಟೆ ತಜ್ಞರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿನ್ನದ ಧಾರಣೆ ದಾಖಲೆ ಕುಸಿತ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

IPL Auction LIVE: ಫಿಲ್ ಸಾಲ್ಟ್, ಜಿತೇಶ್, ಹ್ಯಾಜಲ್‌ವುಡ್ ಖರೀದಿಸಿದ ಆರ್‌ಸಿಬಿ

ಏಕದಿನ ಕ್ರಿಕೆಟ್: ಜಿಂಬಾಬ್ವೆ ಎದುರು ಪಾಕಿಸ್ತಾನಕ್ಕೆ ಹೀನಾಯ ಸೋಲು

IPL: ಮ್ಯಾಕ್ಸ್‌ವೆಲ್ ಖರೀದಿಸಲು ಆಸಕ್ತಿ ತೋರದ RCB; ವೆಂಕಟೇಶ್ ಖರೀದಿಸಿದ KKR

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

Channapatna By Election Result |ದೇವೇಗೌಡರು ನಿವೃತ್ತಿ ಪಡೆಯಲಿ: ಯೋಗೇಶ್ವರ್

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್