ಹೌದು!. ನಗದು ಬದಲು ಬಡ್ಡಿಯಾಗಿ ಚಿನ್ನವೇ ಈ ಠೇವಣಿಗೆ ಸೇರ್ಪಡೆಯಾಗುತ್ತದೆ. ಈಗಿನ 4.5 ಟನ್‌ ಚಿನ್ನ ಜತೆಗೆ ಈ ವರ್ಷ ಇನ್ನೂ 1.5 ಟನ್‌ಗಳಷ್ಟು ಹೆಚ್ಚುವರಿ ಚಿನ್ನವನ್ನು ಠೇವಣಿ ಇರಿಸಲು ಟಿಟಿಡಿ ನಿರ್ಧರಿಸಿದೆ. ದೇವಸ್ಥಾನದ ಕಾರ್ಯನಿರ್ವಾಹಕ ಅಧಿಕಾರಿ ಡಿ.ಸಾಂಬಶಿವರಾವ್‌ ಈ ಮಾಹಿತಿ ಬಹಿರಂಗಪಡಿಸಿದ್ದಾರೆ. ಅಂದರೆ ತಿಮ್ಮಪ್ಪನ ಚಿನ್ನದ ಠೇವಣಿ ಗಾತ್ರ 5,500 ಕೆ.ಜಿಗೆ ಹಿಗ್ಗಲಿದೆ. ಈಗಿನ ಚಿನ್ನದ ದರದಂತೆ ಲೆಕ್ಕಹಾಕಿದರೂ ಇದರ ಅಂದಾಜು ಮೌಲ್ಯ ರೂ 1,320 ಕೋಟಿ ದಾಟಲಿದೆ.
ಟಿಟಿಡಿ 2010ರಿಂದ ವಿವಿಧ ಬ್ಯಾಂಕುಗಳಲ್ಲಿ ಚಿನ್ನದ ಠೇವಣಿ ಇರಿಸುತ್ತಾ ಬಂದಿದೆ. ಸದ್ಯ ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ಬಿಐ) ಒಂದರಲ್ಲೇ 1,800 ಕೆ.ಜಿ ಚಿನ್ನದ ಠೇವಣಿ ಇಡಲಾಗಿದೆ. ಈಗ ಮತ್ತೆ ಎಸ್‌ಬಿಐನಲ್ಲೇ 1,500 ಕೆ.ಜಿಯಷ್ಟು ಚಿನ್ನ ಠೇವಣಿ ಇಡಲು ನಿರ್ಧರಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.
